Fréttablaðið - 01.03.2004, Blaðsíða 10
10 1. mars 2004 MÁNUDAGUR
Miklar skemmdir urðu á aust-urhorni netagerðabryggjunn-
ar í Neskaupstað í norðaust-
anstormi sem var á þriðjudags-
kvöldið, þegar landfestar skips
sem lá við hana gáfu sig. Skipið,
Bjarni Ólafsson AK, skemmdist
hins vegar ekki en talið er að vind-
hviðan sem skall á því hafi verið 36
metrar á sekúndu. Ekki verður
ráðist í viðgerðir fyrr en í sumar.“
Þetta sagði meðal annars í stuttri
frétt frá fréttaritara Fréttablaðs-
ins í Norðfirði í annarri viku febr-
úar. En það var einmitt vegna þess-
ara skemmda sem lík Vaidas
Jucevicius fannst. Þorgeir Jónsson
kafari fann líkið.
„Mér brá hrikalega og get varla
lýst því hvernig mér leið,“ sagði
hann í viðtali við Fréttablaðið um
þessa sérstöku reynslu.
„Það var algjör tilviljun að líkið
fannst svona fljótt,“ sagði Gísli
Sigurbergur Gíslason, hafnarstjóri
á Neskaupstað.
Gísli sagði að bryggjan hafi
skemmst í óveðri. Hann segir að
viðgerðir á bryggjunni hefðu ekki
verið áætlaðar fyrr en seinna á ár-
inu eða jafnvel því næsta. Hann
hafi hins vegar rætt við Þorgeir
Jónsson kafara á þriðjudag og beð-
ið hann að athuga hvort skemmdir
væru á stólpum bryggjunnar. Þor-
geir hafði samband við Gísla dag-
inn eftir til að láta vita að hann ætl-
aði að fara niður þá um daginn þar
sem veðrið væri svo gott.
Fyrst benti allt til morðs
Lögreglan heimafyrir og sér-
fræðingar úr Reykjavík hófu strax
rannsókn. Allt benti til morðs.
„Áverkarnir sem eru á líki
mannsins sem fannst í höfninni í
Neskaupstað benda til að maður-
inn hafi verið myrtur á kaldrifjað-
an hátt. Mikil áhersla verður lögð á
að upplýsa hver varð manninum að
bana. Lögregla hefur fáar vísbind-
ingar til að styðjast við við rann-
sóknina,“ sagði í Fréttablaðinu 13.
febrúar.
Þrjú stungusár eru á líkinu, á
kvið og brjóstholi. Áfram beindist
athygli rannsóknarinnar fyrst og
síðast að því að framið hefði verið
ógeðfellt morð. Líkið var sent til
krufningar og þá tók málið
kúvendingu. Strax hermdu heim-
ildir Fréttablaðsins að niðurstaða
krufningarinnar hefði leitt til að
lögregla teldi sig nokkru nær um
málið. Mynd af þeim látna var
send til norsku lögreglunnar þar
sem hún var sýnd skipverjum
norska loðnuskipsins Senior, en
skipið var í Neskaupstað fáum
dögum fyrir líkfundinn. Ekki var
útilokað að skipverjarnir gætu
gefið gagnlegar upplýsingar.
Kúvendingin mikla
Við krufninguna kom fram að
Vaidas Jucevicus hafði innbyrt
mikið magn amfetamíns. Sannað
þótti að Vaidas hefði látist af völd-
um fíkniefnanna og var í fyrstu
talið hugsanlegt að gat hefði komið
á umbúðir og amfetamín komist í
blóðið. Það var þó útilokað eftir
greiningu sýna úr líkinu. Þrjú
stungusár eru á líkinu, á kvið og
brjóstholi og er talið að þau hafi
verið veitt eftir að maðurinn lést
og það hafi verið gert til að forðast
gasmyndun, en hún veldur því að
líkið flýtur upp eftir ákveðinn tíma
í vatni eða sjó. Þeir sem til þekkja
segja sárin veitt af kunnáttumönn-
um.
Grunur beindist að ákveðnum
mönnum og lögregla leitaði tvegg-
ja Íslendinga og eins Litháa sem
eru grunaðir um að hafa komið lík-
inu fyrir í höfninni. Hverjir hinir
grunuðu voru var ekki gefið upp.
Svo fór að þeir gáfu sig fram við
lögreglu og eftir að hafa rætt við
réttvísina var þeim sleppt. Þáver-
andi lögmaður þremenninganna
sagði sér ekki kunnugt um að þre-
menningarnir hafi haft réttarstöðu
grunaðra manna.
„Rannsóknin beinist að stórum
hluta að því að kortleggja eins ná-
kvæmlega og unnt er ferðir allra
grunaðra og allra sem til greina
koma og kortleggja þá sólarhringa
sem þessir atburðir eiga sér stað.
Við vinnum eftir öllum þeim stað-
reyndum sem við getum safnað
saman,“ sagði Arnar Jensson hjá
ríkislögreglustjóra á blaðamanna-
fundi.
Við réttarkrufningu kom í ljós
að Jucevicius var ekki með minna
en 400 grömm af hvítu efni, meðal
annars amfetamíni, innvortis, í 50
til 60 sérútbúnum plasthylkjum.
„Í gær kom staðfesting frá Viln-
íus þess efnis að fingraför manns-
ins, sem fannst látinn í höfninni í
Neskaupstað, væru samkennd við
fingraför þarlends ríkisborgara,“
sagði Inger L. Jónsdóttir, sýslu-
maður á Eskifirði, föstudaginn 20.
febrúar.
Þrír í gæsluvarðhald
Tveir Íslendingar og einn
Lithái voru úrskurðaðir í ell-
efu daga gæsluvarðhaldi í
Héraðsdómi Reykjavíkur sunnu-
daginn 22. febrúar. Mennirnir eru
þeir Grétar Sigurðarson, Jónas
Ingi Ragnarsson og Litháinn Tom-
as Malakauskas. Þeir eru grunaðir
um ólögleg fíkniefnaviðskipti,
ósæmilega meðferð á líki og að
bjarga ekki manni í lífsháska eða
um morð af yfirlögðu ráði. Þeir
eiga að vera í gæsluvarðhaldi fram
í miðja þessa viku, samkvæmt
þeim úrskurði sem liggur fyrir.
Lögregla telur að Tomas og
Jónas hafi tekið á móti Jucevicius
annan febrúar. Eitt af því sem
tengir þá við Jucevicius er að
Jónas breytti flugmiða hans og
bókaði hann í flug frá landinu
tveimur dögum síðar en hann upp-
haflega átti að fara. Síðar var
brottför hans seinkað um óákveð-
inn tíma.
Lést í Reykjavík
Fréttablaðið sagði frá því fyrir
viku að allt benti til að Viadas
Jucevicius hafi látist í Reykjavík
og að ekið hafi verið með líkið til
Neskaupstaðar. Talið er víst að
Jónas og Tomas hafi ferðast með
líkið í tvo daga pakkað inn í teppi
sem keypt var í Byko.
Á leiðinni urðu þeir veðurteppt-
ir á Djúpavogi frá föstudagskvöldi
til sunnudags. Þeir komu til Nes-
kaupstaðar sunnudaginn 9. febrú-
ar og héldu aftur til Reykjavíkur
daginn eftir. Líklegt er að líkinu
hafi verið sökkt við netabryggjuna
í Neskaupstað aðfaranótt sunnu-
dags.
Rannsóknin hélt áfram og lög-
reglan lagði hald á tvo bíla, fólksbíl
og jeppa, sem taldir eru tengjast
þremenningunum. Að sögn Arnars
Jenssonar, aðstoðaryfirlögreglu-
þjóns hjá ríkislögreglustjóra, hef-
ur lögregla tekið bílana til sinna
umráða til frekari rannsóknar.
Arnar segir að hald hafi einnig
verið lagt á ýmis gögn í mörgum
húsleitum sem bæði voru fram-
kvæmdar á höfuðborgarsvæðinu
og í Neskaupstað. Arnar sagði ein-
nig unnið að annars konar upplýs-
ingaöflun og yfirheyrslum.
„Það hefur fengist stað-
fest að Tomas Mala-
kauskas er ekki á saka-
skrá. Íslendingarnir eru
ekki á sakaskrá fyrir
nein mál í líkingu
við það sem
þeir eru sakaðir
um núna, hvorki
fíkniefnabrot
né ofbeldis-
brot,“ sagði
A r n a r
Jensson,
LÍKFUNDUR Lögreglan á Austur-
landi brást hratt og rétt við þegar
fréttist af líkfundinum í höfn Nes-
kaupstaðar miðvikudaginn 11.
febrúar, að sögn Arnars Jensson-
ar, aðstoðaryfirlögregluþjóns hjá
ríkislögreglustjóra. Þar voru
gerðar ráðstafanir til þess að
tryggja að ýmis mikilvæg gögn
færu ekki til spillis í upphafi
rannsóknarinnar.
„Sem dæmi þá brugðust þeir
strax við og létu tryggja allt sorp
á svæðinu til þess að eiga mögu-
leika á að leita að sönnunargögn-
um og tíu menn voru settir í að
fara í gegnum níu tonn af sorpi,“
segir Arnar. Hann segir það mikil-
vægt í upphafi rannsóknar af
þessu tagi að gripið sé strax til
ráðstafana til að tryggja að gögn
um þá sem hugsanlega tengist
málinu glatist ekki.
„Það fyrsta sem er gert í svona
rannsókn er að kanna hvort ör-
yggismyndavélar séu til staðar og
hvar hugsanlega er hægt að finna
spor. Síðan eru þau gögn tryggð
og passað upp á að þeim sé ekki
eytt. Öryggiskerfi eru oft þannig
að þau eru endurnýjuð jafnvel eft-
ir sólarhring eða tvo,“ segir Arnar
og bætir við: „Þannig að við byrj-
uðum á að tryggja okkur eins mik-
ið af gögnum og hægt var.“
Hann segir að til dæmis hafi
verið tryggt að öryggisupptökur í
samgöngumannvirkjum, eins og
jarðgöngum, kæmust í hendur
lögreglu. „Svo er farin þessi hefð-
bundna leið sem alltaf er farin.
Það er kannað hvaða hlutir koma
við sögu og þessir hlutir eru rakt-
ir til uppruna; til dæmis í verslan-
ir;“ segir Arnar.
Í tilfelli líkfundarins í Nes-
kaupstað var til að mynda athugað
hvar hægt væri að kaupa límband
sem notað var til þess að búa um
líkið. Í kjölfarið er reynt að kom-
ast að því hvort leið sé til þess að
fá upplýsingar um hverjir hafi
keypt slík efni.
Arnar segir að hið fyrsta sem
athugað er þegar óþekkt lík finnst
sé hvort þar sé hugsanlega um að
ræða einhverja af þeim Íslending-
um sem eru týndir. Í þeirri vinnu
hafi mörg lögregluembætti lagt
lóð á vogarskálar rannsóknarinn-
ar.
Að sögn Arnars fékk lögreglan
fljótt vísbendingar um að lík
Vaidas Jucevicius hafi verið flutt
austur í teppi. „Ég get nú ekki
sagt nákvæmlega um það en mjög
sterkar vísbendingar komu fram
ARNAR JENSSON
Segir mikilvægt í upphafi rannsóknar að
tryggja að hugsanleg rannsóknargögn fari
ekki til spillis. Það hafi verið gert í rann-
sókninni í Neskaupstað.
Rannsókn líkfundarins í Neskaupstað miðar vel:
Líklegt að fleiri tengist málinu
Á LEIÐ Í GÆSLU
Þrír menn sitja í gæslu-
varðhaldi vegna rann-
sóknar málsins. Einn
þeirra hefur játað
aðild samkvæmt
heimildum
blaðsins.
Baksviðs
SIGURJÓN M. EGILSSON
■ rifjar upp rannsókn lögreglu vegna
líkfundarins í Neskaupstað.
Flókin mynd skýrist
Í GÆSLUVARÐHALDI
Nafn: Grétar Sigurðarson
Aldur: 27 ár
Búseta: Neskaupstaður
Samkvæmt heimildum
Fréttablaðsins hefur Grétar
játað aðild að málinu ekki er þó vitað
að hve miklu leyti.
Nafn: Jónas Ingi Ragnars-
son
Aldur: 32 ár
Búseta: Reykjavík
Nafn: Tomas Malakauskas
Aldur: 24 ár
Búseta: Litháen
Talið er að Tomas og Jónas
Ingi hafi ekið til Neskaup-
staðar með lík Vaidas. Lögmenn þeirra
beggja segja þá ekkert hafa játað við yf-
irheyrslur.
Gæsluvarðhald yfir mönnunum þremur
rennur út á miðvikudag.