Fréttablaðið - 03.03.2004, Blaðsíða 12

12 3. mars 2004 MIÐVIKUDAGUR
GENGIÐ Á DYR
Sambandssinnar í Ulster, flokkur David
Trimble fyrrum forsætisráðherra Norður-Ír-
lands, sögðu sig í gær frá viðræðum um
stjórnarmyndun á Norður-Írlandi. Þeir
segja ekki tekið á vopnahlésbrotum Írska
lýðveldishersins.
TÖLVUR Svo virðist sem höfundar
tölvuorma séu með allra spræk-
asta móti þessa dagana. Að sögn
Friðriks Skúlasonar veiruvarna-
sérfræðings var síðasta helgi með
þeim allra annasömustu hjá þeim
sem vinna að því að verja tölvu-
notendur frá tölvuveirum.
„Þetta var einhver brjálaðasta
helgi sem við höfum lent í nokkru
sinni,“ segir Friðrik. Hann segir
að vírusahöfundar virðist hafa
uppgötvað að auðvelt sé að
sleppa lausum mörgum mismun-
andi útgáfum tölvuorma samtím-
is. Því séu margir ormar í dreif-
ingu þótt enginn þeirra sé eins
útbreiddur og skæðustu ormar
síðustu mánaða, SoBig og
MyDoom, voru.
Ormarnir eru flestir hannaðir
þannig að í þeim er innbyggt
póstsendiforrit og erfitt er fyrir
notendur að átta sig á því hvaðan
veirurnar berast þar sem netfang
sendandans er valið af handahófi
og gefur ekki upplýsingar um
hvaðan sendingin er raunveru-
lega komin.
Friðrik segir ormana vera
skaðlitla nema hvað þeir valda
töfum og álagi á gagnaflutnings-
kerfi. Hann ítrekar að fólk eigi
ekki að opna viðhengi í tölvupósti
ef það lítur torkennilega út; jafn-
vel þótt svo virðist sem pósturinn
sé sendur frá einhverjum sem
viðtakandi þekkir. ■
Árásir við helgidóma
Í það minnsta 143 fórust í árásum á helgidóma sjía-múslima í Írak í gær. Ashura, ein helsta
trúarhátíð sjía-múslima, var lituð blóði. Lýst hefur verið yfir þriggja daga þjóðarsorg í landinu.
BAGDAD, AP Að minnsta kosti 143
biðu bana og hundruð manna
særðust í samstilltum árásum á
helgidóma sjía-múslima í Bagdad
og borginni Karbala í suðurhluta
Íraks. Árásirnar áttu sér stað í
gærmorgun þegar milljónir sjía-
múslima höfðu safnast saman í
borgum og bæjum landsins til að
fagna Ashura-hátíðinni í fyrsta
sinn í áratugi. Framkvæmdaráðið
í Írak hefur sent samúðarkveðjur
til aðstandenda hinna látnu og lýst
yfir þriggja daga þjóðarsorg.
Sjúkrahús í borgunum báðum eru
yfirfull af fólki og hefur almenn-
ingur verið hvattur til að gefa
blóð.
Að minnsta kosti 75 manns fór-
ust og hundruð særðust þegar
fjórar sprengjur sprungu í
námunda við Kazimiya-helgidóm-
inn í Bagdad. Hundruð sjía-músli-
ma voru stödd í helgidómnum
þegar árásin var gerð. Þegar
bandarískir hermenn komu á vett-
vang kastaði mannfjöldinn í þá
grjóti og urðu þeir frá að hverfa.
Um svipað leyti sprungu sex
sprengjur í heilögu borginni Kar-
bala með þeim afleiðingum að allt
að sextíu manns fórust, þar á með-
al fjöldi Írana. Mikil öryggis-
gæsla var í Karbala þar sem yfir
ein milljón sjía-múslima var kom-
in til borgarinnar til að taka þátt í
Ashura-hátíðinni. Skelfing greip
um sig meðal pílagrímanna þegar
sprengingarnar kváðu við og síð-
ar brutust út óeirðir á götum úti.
Ekki er vitað með vissu hvað
olli sprengingunum. Hugsanlegt
er talið að um sjálfsmorðsárásir
hafi verið að ræða en einnig hefur
verið leitt að því líkum að
sprengjum hafi verið varpað úr
sprengjuvörpum.
Ashura, ein helgasta trúarhátíð
sjía-múslima, var bönnuð í stjórn-
artíð Saddams Husseins af ótta
við að hún yrði kveikjan að upp-
reisn þessa kúgaða samfélags-
hóps. Þær kenningar hafa heyrst
að uppreisnarmenn í Írak séu að
reyna að kynda undir ósætti milli
sjía- og súnní-múslima með það að
markmiði að hrinda af stað borg-
arastríði í landinu.
Í gær köstuðu íraskir upp-
reisnarmenn handsprengju á
bandarískan herjeppa í Bagdad
með þeim afleiðingum að einn
hermaður lést og annar særðist.
Alls hafa 545 bandarískir her-
menn fallið í Írak síðan stríðið
hófst fyrir ári. ■
Alcoa:
Gaf tæpa
2 milljarða
VIÐSKIPTI Alþjóðlega álfyrirtækið
Alcoa, sem byggir álver á Austur-
landi, og Alcoa-sjóðurinn styrktu
ýmis samfélagsleg mál um 26,8
milljónir Bandaríkjadala í fyrra,
eða sem nemur um 1,9 milljörðum
íslenskra króna. Þetta kemur fram í
fréttatilkynningu frá Alcoa.
Í tilkynningunni segir að alls
hafi styrkveitingarnar verið um
sextán hundruð í 52 löndum á síð-
asta ári. Þá segir í tilkynningunni að
Alcoa gefi starfsmönnum sínum frí
frá vinnu einu sinni á ári til þess að
þeir geti unnið sjálfboðaliðastörf og
að fleiri en sex þúsund starfsmenn
félagsins hafi unnið slík störf í nóv-
ember á síðasta ári. ■
SJÖ GUANTANAMO-FANGAR
FRAMSELDIR Sjö rússneskir ríkis-
borgarar, sem voru í haldi banda-
rískra stjórnvalda í Guantanamo-
herstöðinni á Kúbu, hafa verið
framseldir til Rússlands. Að sögn
fréttastofunnar Interfax eru
mennirnir í fangelsi í Rússlandi
þar sem þeir bíða réttarhalda.
Þeim er gefið það að sök að hafa
barist við hlið talibana í Afganist-
an.
SNARPUR JARÐSKJÁLFTI Á
GRIKKLANDI Jarðskjálfti sem
mældist 5,6 á Ricter-skala skók
suðurströnd Grikklands aðfar-
arnótt mánudags. Engar fregnir
hafa borist af manntjóni en
skemmdir á mannvirkjum voru
óverulegar. Skjálftinn átti upptök
sín úti fyrir hafnarbænum
Kalamata.
ÓDÝRT
Stálhillur
í fyrirtæki
og heimili
Stálhillur
Stærð:
D: 40 cm
B: 100 cm
H: 200 cm
5 hillur
kr. 8.765,-
Næsta bil
kr. 6.125,-
HÖFÐABAKKI 9 112 REYKJAVÍK
SÍMI: 544 5330 FAX: 544 5335
en gott
Við bjóðum
14
34
/
T
A
K
TÍ
K
n
r.
4
0
A
FRIÐRIK SKÚLASON
Segir síðustu helgi hafa verið mjög annasama hjá vírusvarnasérfræðingum.
Tölvuveirur:
Óvenjumargir
ormar á ferð
■ Evrópa
BLÓÐUGUR VÍGVÖLLUR
Ungur drengur hleypur yfir
vígvöllinn í Karbala fáeinum
mínútum eftir að sprenging-
arnar kváðu við.
FYRIR ÁRÁSIRNAR
Þúsundir pílagríma höfðu safnast saman í miðborg Karbala þegar sprengjurnar sprungu.