Fréttablaðið - 03.03.2004, Blaðsíða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R
Bakþankar
SIGURJÓNS M.
EGILSSONAR
Sáttur við
sjálfan sig
SM Á A U G L Ý S I N G AS Í M I N N E R 515 7500
Ég tek bara það sem mér er ætlað,hitt læt ég vera, sagði skipstjóri
sem varð að svara því hvers vegna
hann aflaði minna en aðrir, ár eftir ár.
Hann var sáttur við sjálfan sig þó aðr-
ir væru það ekki. Þetta var bæði glað-
lyndur maður og skemmtilegur. Orð-
heppinn og vinamargur. Það varð eng-
inn auðmaður með því að ráðast í
pláss hjá honum. Þeir sem kynntust
skipstjóranum sóttust samt eftir að
vera með honum. Ekki til að eignast
peninga, heldur eitthvað annað sem er
ekki svo að gott að útskýra.
TVEIR FÉLAGAR sátu að drykkju.
Þeir höfðu margoft gert það áður.
Þeim var sama hvaða dagur var þegar
þeir drukku. Þetta var á þriðjudegi og
þeirra var saknað, hvors á sínum
vinnustað. Þeir söknuðu annars. Það
vantaði þriðja félagann. Hann hafði
oftast drukkið með þeim, en ekki
núna. Hann var í meðferð. Hinir tveir
voru gáttaðir á félaganum. Annar
sagði við hinn: Það er slæmt þegar
menn geta ekki stjórnað drykkjunni
og þurfa að fara í meðferð. Hinn var
sammála. Þeirra var áfram saknað en
þeir voru sáttir við sjálfa sig.
ÞEKKI MANN sem getur ekki talist
fríður. Og þó. Er stórgerður og slettist
áfram frekar en að hann gangi. Guð
hefur verið í sérstöku skapi þegar
hann hannaði þennan mann. Ekki endi-
lega vondu skapi, hefur fallið í prakk-
araskap. Sennilega getur Guð ekki
spólað til baka. Þess vegna hefur hann
fengið móral þegar hann var búinn að
skapa svo sérstakan líkama að hann
hefur ákveðið að gera væntanlegan
mann að góðum manni. Það tókst svo
vel að þeir sem kynnast hætta að sjá
stórskorinn sérstakan mann. Góðan
mann sem gleður. Mann sem er sáttur
við sjálfan sig.
AÐRIR SKILJA ekki hvað fegurð
er. Þeir virðast halda að fegurð sé
fólgin í hrukkuleysi, gervibrjóstum
og farða. Kaupa jafnvel lækninga-
aðgerðir til þess að breyta því sem
margur annar yrði ekki bara sáttur
við. Myndi vera stoltur af. En svona
er þetta. Þeir sem aldrei eru sáttir
virðast halda að andi og skrokkur
eldist ekki svo til alveg saman. Og
hvort ætli hafi meiri áhrif á hitt, and-
inn eða skrokkurinn? Veit svo sem
ekkert um þetta en held samt að þeir
sem neita að eldast, þykir nebbinn of
stór eða barmurinn af rangri stærð
séu ekki sáttir við sjálfa sig. ■