Fréttablaðið - 22.03.2004, Blaðsíða 4
4 22. mars 2004 MÁNUDAGUR
Ætlar þú á tónleikana með Deep
Purple?
Spurning dagsins í dag:
Var innrásin í Írak góð fyrir heiminn
eins og Bandaríkjaforseti sagði?
Niðurstöður gærdagsins
á www.frett.is
57%
43%
Nei
Já
Kjörkassinn
Farðu inn á frett.is og segðu þína skoðun
frétt.is
Óeirðir magnast á Gazasvæðinu:
Fimm Palestínumenn myrtir
TEL AVIV, AP Fimm Palestínumenn
voru drepnir í árás ísraelskra her-
manna í suðurhluta Gazastrandar-
innar í gærmorgun. Foringi í Ham-
az-samtökunum var á meðal hinna
myrtu. Árásin var gerð örfáum
klukkustundum áður en Ariel Shar-
on, forsætisráðherra Ísraels, til-
kynnti að herir á Gazasvæðinu
yrðu kallaðir til baka. Óeirðir brut-
ust einnig út á Vesturbakkanum
þar sem á annan tug manna, særð-
ist. Þar á meðal var ísraelski mann-
réttindafrömuðurinn Itai Lavinsky,
sem var skotinn í höfuðið og fluttur
á sjúkrahús í Tel Aviv. Lavinsky til-
heyrir samtökunum Rabbínar fyrir
mannréttindum.
Andstæðingar þess að ísraelski
herinn hverfi frá Gazaströndinni
hafa vaxandi áhyggjur af ástand-
inu og benda á að ofbeldi fari þar
vaxandi sem bendi til þess að
Palestínumenn líti á brotthvarf
herliðsins sem veikleikamerki
Ísraelsmanna.
Svo virðist sem Ariel Sharon
hafi ekki fullan stuðning ráðherra
sinna til að flytja herinn frá Gaza,
en Israel Katz landbúnaðarráð-
herra segir aðgerðirnar mistök og
ef meirihluti Likud-bandalagsins
sé á móti aðgerðunum verði að
aflýsa þeim.
Ariel Sharon, forsætisráðherra
Ísraels, reynir þó allt hvað hann
getur til að afla sér stuðnings með-
al ráðherra Likud-bandalagsins. ■
Aldrei fleiri fermingar
Fermingar hófust um helgina. Séra Vigfús Þór Árnason segir æskuna hafa þroskast með árunum og
hugðarefni unga fólksins séu meira í takt við það sem tíðkast hjá hinum fullorðnu. Hlutfall fermingar-
barna er afar hátt í sókninni hans sem bendir til að trúrækni í Grafarvogi sé ívið meiri en almennt gerist.
FERMINGAR Fyrstu fermingar árs-
ins fóru fram um helgina þegar
fermt var í Grafarvogskirkju,
Hjallakirkju, Keflavíkurkirkju,
Njarðvíkurkirkju og Fríkirkj-
unni í Reykjavík. 142 börn stað-
festu skírn sína um helgina en
alls munu á fimmta þúsund börn
fermast á árinu og hafa þau
aldrei verið fleiri.
Grafarvogssókn er sú fjöl-
mennasta á landinu en þar ferm-
ast 320 börn í ár. Séra Vigfús Þór
Árnason sóknarprestur segir hlut-
fall fermingarbarna í sókninni
afar hátt, um 97 prósent árgangs-
ins láti ferma sig: „Þau hafa aldrei
verið fleiri, athafnirnar verða alls
16 og ég held að aldrei hafi jafn
mörg börn fermst í einni sókn á
einu ári,“ segir Vigfús.
Langt er síðan Vigfús fermdi
fyrst, það var á Siglufirði þar
sem hann þjónaði fyrir næstum
þrjátíu árum og segir hann tals-
verðan mun á börnunum þá og
nú: „Krakkarnir voru miklu
meiri börn í sér þá. Þroskinn hef-
ur aukist og áhugamálin um leið.
Í fermingarundirbúningnum nú,
spyrja þau til dæmis um átökin
milli Ísraela og Palestínumanna
og hjónabandið. Ég hefði aldrei
þorað að spyrja séra Árelíus út í
þau mál þegar ég var fermdur,“
segir Vigfús og bætir við að
börnin virðist víðsýnni og dýpri
en áður.
Eins og gengur er prestinum
boðið í einstaka fermingarveislu
og fór hann í eina í gær. „Þetta er
ágætt, má ekki vera mikið meira.
Þegar ég var á Siglufirði gerði ég
tilraun á sjálfum mér eitt árið og
fór í veislur til allra fjörutíu og
tveggja fermingarbarnanna. Ég
veiktist eftir þetta, mig svimaði
eftir allar veitingarnar og gat
vart staðið.“
Fermingin og fermingarundir-
búningurinn kosta níu þúsund
krónur á barn og sé horft til alls
fjöldans sem fermist í Grafar-
vogskirkju má sjá að næstum
þrjár milljónir króna eru greidd-
ar fyrir viðvikið. Séra Vigfús
segir að ekki megi sjá ofsjónum
yfir þessu. „Þetta deilist náttúr-
lega á fjóra presta og svo tekur
skatturinn sitt þannig að það
verður ekki mjög mikið eftir,“
segir hann.
bjorn@frettabladid.is
Faðir myrts manns:
Hvetur til
friðar
JERÚSALEM, AP Faðir George Kho-
ury, palestínsks manns sem myrtur
var fyrir mistök af herskáum lönd-
um sínum, hvetur Palestínumenn
til að láta af hryðjuverkum gegn
óbreyttum ísraelskum borgururm.
Elias Khoury hefur misst bæði
son sinn og föður fyrir hendi
palestínskra hryðjuverkamanna.
„Glæpur réttlætir ekki annan
glæp,“ segir Khoury. Hann telur
framferði Ísraelsmanna gagnvart
Palestínumönnum vera glæpsam-
legt en vill að óbreyttum borgurum
sé hlíft í baráttunni gegn hernámi
Ísraels á Vesturbakkanum og
Gazasvæðinu. ■
JÓNSI
Hann verður einn á sviðinu í Tyrklandi í maí.
Íslenska júróvisjónlagið:
Heaven
frumflutt
SÖNGUR Heaven, framlag Íslands í
Söngvakeppni evrópskra sjón-
varpsstöðva, var frumflutt í
þætti Gísla Marteins Baldursson-
ar í Sjónvarpinu á laugardags-
kvöld. Jón Jósep Snæbjörnsson,
söngvari í Svörtum fötum, syng-
ur lagið en höfundar þess eru
Sveinn Rúnar Sigurðsson að lag-
inu og Magnús Þór Sigmundsson
að textanum. Heaven er kraft-
mikið en rólegt lag og fjallar
textinn um ástina. Þorvaldur
Bjarni Þorvaldsson og Vignir
Snær Vigfússon útsettu.
Hallgrímur Óskarsson sem
samdi Open your heart, framlag
Íslands í fyrra, er bjartsýnn á
ágætt gengi Heaven: „Mér finnst
lagið mjög gott og útsetningin
góð,“ segir hann. „Nokkurs trega
gætir í þessu sem er óvenjulegt
fyrir júróvisjónlög og það er
mikil áskorun fyrir þátttakendur
að fara með slíkt lag í keppnina.“
Hallgrímur vill ekki giska á eitt-
hvert sérstakt sæti en heldur að
lagið verði ofarlega: „Mér sýnist
Sveinn Rúnar hafa mikinn metn-
að til að ná langt og ég held að
þetta verði frekar ofarlega,“ seg-
ir hann og bætir við að lagið sé
eitt það besta sem hann hafi
heyrt Jón Jósep syngja. ■
– kominn tími til
Sjö lögreglumenn létu
öryggisvörð strippa
Heimahjúkrunarsamningurinn:
Aukinn kostnaður fyrir Heilsugæsluna
KJARAMÁL „Það er ljóst, að sólarlags-
samningurinn sem við gerðum við
hluta starfsmanna í heimahjúkrun
hefur kostnaðarauka í för með sér,
miðað við þann rekstrarkostnað
sem við áætluðum á þessu ári,“
sagði Guðmundur Einarsson, for-
stjóri Heilsugæslunnar. Samningur-
inn var gerður um aksturskjör hluta
starfsmanna Heilsugæslunnar.
Guðmundur kvaðst ekki geta sagt
nákvæmlega til um hver kostnaðar-
aukningin yrði. Farið yrði yfir mál-
in með heilbrigðisráðuneytinu, þeg-
ar það lægi ljóst fyrir.
„Við þurfum að sjá hvaða kost
starfsmennirnir velja, hvort þeir
vilja vera á sólarlagssamningnum,
vera með eigin bíl á venjulegum
kjörum og fá þriggja flokka launa-
hækkunina eða vera á rekstrar-
leigubíl og fá sömu launahækkun.
Við náðum ekki fram sparnaði
með breytingu á aksturssamning-
um starfsmanna i þröngum skiln-
ingi þess orðs,“ sagði Guðmundur
ennfremur. „Við vildum ná fram
hagræðingu í starfseminni, sem
leiðir af sér betri þjónustu, sem
mun spara okkur óbeint í framtíð-
inni. Það gefur okkur öllu mark-
vissari stjórnunarmöguleika.“
Guðmundur sagði að kostnað-
araukinn myndi jafnast að hluta
út strax á næsta ári, þegar áhrif
sólarlagssamningsins færu að
dvína. ■
BEÐIÐ EFTIR OBLÁTUNNI
Tvær stúlkur hlýða á orð prestsins, spenntar að komast í fullorðinna manna tölu.
TRÚIÐ GUÐI OG TREYSTIÐ
Séra Vigfús Þór Árnason, sóknarprestur í Grafarvogskirkju, við fermingu í kirkjunni í gær.
FR
ÉT
TA
B
LA
Ð
IÐ
/V
IL
H
EL
M
GUÐMUNDUR EINARSSON
Sólarlagssamningurinn hefur kostnaðarauka í för með sér.
FIMM PALESTÍNUMENN DREPNIR
Hinir látnu voru syrgðir á skólalóð í
þorpinu Abasan á Gazasvæðinu.