Fréttablaðið - 22.03.2004, Blaðsíða 24

24 22. mars 2004 MÁNUDAGUR
ÚT ÚR HRINGNUM
Súmómeistarinn Asashoryu frá Mongólíu
tekur um fótlegg Tamanoshima og ýtir
honum út úr hringnum á Grand Súmó
mótinu sem er haldið í Japan um þessar
mundir. Asashoryu hefur þar með unnið
23 bardaga í röð síðan í janúar.
Súmó
IMÍ í sundi lauk í gær:
2 Íslands-
met féllu
SUND Anja Ríkey Jakobsdóttir
og Ragnheiður Ragnarsdóttir,
báðar úr SH, settu Íslandsmet á
Innanhússmeistaramóti Íslands
í sundi sem lauk í gær í
Vestmannaeyjum.
Anja bætti met Kolbrúnar
Ýrar Kristjánsdóttur, Akranesi,
í 100 metra baksundi, synti á
1:03,10 mínútum. Gamla metið
var 1:03,67 mínútur.
Ragnheiður bætti met stöllu
sinnar úr SH, Láru Hrundar
Bjargardóttur, í 100 metra
fjórsundi frá árinu 1999 og
synti á 1:04,33 mín. ■
Enska úrvalsdeildin:
Mikilvægur
sigur Ports-
mouth
FÓTBOLTI Portsmouth vann Sout-
hampton 1-0 í ensku úrvalsdeild-
inni í gær. Ayegbeni Yakubu skor-
aði sigurmark leiksins á 69. mín-
útu. Sigurinn var afar mikilvægur
fyrir Portsmouth í botnbarátt-
unni. Liðið er áfram í þriðja neðs-
ta sæti deildarinnar. Botnlið
Leeds tekur á móti Manchester
City í kvöld. Líkur eru á því að
Árni Gautur Arason verði á milli
stanganna hjá City þar sem David
James hefur átt við meiðsli að
stríða. ■
Nú stendur yfir sameiginleg póstatkvæðagreiðsla um nýjan
kjarasamning Eflingar-stéttarfélags, Verkalýðsfélagsins Hlífar og
Verkalýðs- og sjómannafélags Keflavíkur og nágrennis við Samtök
atvinnulífsins fyrir störf á almenna vinnumarkaðnum.
Atkvæðisrétt eiga allir þeir sem vinna eftir þessum samningi og
greiddu félagsgjöld til einhvers ofangreindra félaga í febrúar/mars
2004.
Kjörgögn og kynningarefni hefur verið sent út samkvæmt kjörskrá.
Fái einhver sem telur sig eiga atkvæðisrétt ekki send kjörgögn getur
viðkomandi snúið sér til skrifstofu síns stéttarfélags, fengið sig færðan
á kjörskrá og greitt atkvæði, enda leggi viðkomandi fram launaseðil
sem sanni afdregin félagsgjöld í febrúar/mars 2004.
Tekið er við kjörskrárkærum samkvæmt framansögðu til kl. 12.00
mánudaginn 29. mars en þá lýkur atkvæðagreiðslu um samninginn.
Atkvæðagreiðsla
um nýjan kjarasamning
Reykjavík, 17. mars 2004
Kjörstjórnin
Efling - stéttarfélag • Verkalýðsfélagið Hlíf
Verkalýðs- og sjómannafélag Keflavíkur og nágrennis
E
i
n
n
t
v
e
i
r
o
g
þ
r
í
r
4
1
.1
6
4
Sigurgangan
heldur áfram
Þjóðverjinn Michael Schumacher, ökuþór Ferrari, vann sinn annan For-
múlu 1 kappakstur í röð í Malasíu í gær. Þetta var 72. sigur hans á ferlinum.
KAPPAKSTUR Schumacher hóf
kappaksturinn fremstur í rásröð-
inni í 57. sinn á ferlinum, eftir að
hafa orðið fyrstur í tímatökunni á
laugardaginn.
Hann leiddi kappaksturinn frá
upphafi til enda en þurfti þó að
hafa fyrir sigrinum því Kól-
umbíumaðurinn Juan Pablo
Montoya, ökuþór Williams, veit-
ti honum harða keppni og endaði í
öðru sæti, fimm sekúndum á eftir
Þjóðverjanum. „Þetta var miklu
meiri barátta en í síðasta kappak-
stri og ef ég hefði ekki haft
Rubens [Barrichello] fyrir fram-
an mig í lokin hefði ég getað kom-
ist nær,“ sagði Montoya. „Ég var
ekki langt undan í lokin. En ég
veit að þegar Ferrari er annars
vegar er betra að hafa sig hægan
og tryggja sér átta stig heldur en
að detta úr keppni.“
Jens Button, ökuþór BAR, varð
þriðji eftir að hafa tekið fram úr
Barrichello, samherja
Schumacher, á lokahringjunum.
Þetta er í fyrsta sinn sem Button
kemst á verðlaunapall í þeim 68
mótum sem hann hefur tekið þátt.
Jarno Trulli, ökuþór Renault,
varð fimmti og David Coulthard
hjá McLaren varð í sjötta sæti.
Þessi góða byrjun Þjóðverjans
á keppnistímabilinu er mikil
breyting frá því í fyrra þegar
honum tókst ekki að vinna þrjú
fyrstu mótin. „Það er auðveldara
að leiða keppnina heldur en að
þurfa að vinna sig til baka eins og
á síðasta ári,“ sagði hinn sexfaldi
heimsmeistari að kappakstrinum
loknum. „En það eru bara búin
tvö mót af átján, það eru enn sext-
án eftir. Það er erfið keppni
framundan í Bahrain,“ bætti hann
við. „Enginn veit hvað gerist þar
og hvernig brautin hentar öku-
mönnum.“
Ross Brawn, tæknilegur
stjórnandi Ferrari, er undrandi á
styrk Schumacher um þessar
mundir. „Ég held að Michael sé
jafnvel sterkari en áður og ég
veit ekki hvaðan þessi styrkur
kemur,“ sagði hann.
Ralf Schumacher, ökuþór
Williams, þurfti að hætta keppni
á 56. hring þegar vélin gaf sig.
Kimi Raikkonen hjá McLaren,
sem vann mótið í fyrra, heltist úr
lestinni á 41. hring vegna vand-
ræða með gírkassann. ■
ANNAR SIGURINN Í HÖFN
Michael Schumacher fagnar öðrum titli sínum í Formúlu 1 kappakstrinum í röð.
M
YN
D
/A
P
HANDBOLTI Magdeburg, lið Alfreðs
Gíslasonar og Sigfúsar Sigurðs-
sonar, er úr leik í meistaradeild
Evrópu þrátt fyrir að hafa unnið
Flensborg með tíu marka mun á
heimavelli í gær, 36-26.
Staðan í hálfleik var 19-13
Magdeburg í vil. Mikil spenna var
undir lok leiksins. Um tíma leit út
fyrir að Magdeburg myndi takast
ætlunarverk sitt en Flensburg
skoraði síðasta mark leiksins þeg-
ar skammt var til leiksloka og
heimamenn náðu ekki að svara.
Sigfús Sigurðsson skoraði tvö
mörk í leiknum en Joël Abati var
markahæstur með tíu.
Flensborg vann fyrri leik lið-
anna með sama mun, 30-20, en
skoraði fleiri mörk á útivelli og er
því komið í úrslit keppninnar. Þar
mætir liðið Celje Lasko frá Sló-
veníu, sem vann Ciudad Real, lið
Ólafs Stefánssonar, í fyrradag. ■
Magdeburg úr leik í meistaradeild Evrópu:
Tíu marka sigur dugði ekki
ALFREÐ GÍSLASON
Alfreð Gíslason og lærisveinar
hans í Magdeburg komust ekki í úrslit
meistaradeildar Evrópu.
AP
/M
YN
D
RE/MAX-úrvalsdeild karla í handknattleik í gær:
Annar sigur HK í röð
HANDBOLTI HK bar í gær sigurorð
af af KA-mönnum, 32–30, í
Digranesi í RE/MAX-úrvalsdeild
karla í handknattleik og tryggði
sér þar með annan sigurinn í jafn
mörgum leikjum síðan Vilhelm
Gauti Bergsveinsson tók við
liðinu af Árna Stefánssyni. Staðan
í hálfleik var, 21–18, fyrir HK en
eftir mikinn barning í síðari
hálfleik seig HK framúr og
tryggði sér mikilvægan sigur.
Andreus Rackauskas var
markahæstur hjá HK með ellefu
mörk og Björgvin Páll Gústavs-
son varði 28 skot í marki heima-
manna. Arnór Atlason skoraði
mest fyrir KA-menn í leiknum, tíu
mörk alls. ■
TÍU MÖRK EKKI NÓG
Arnór Atlason skoraði tíu mörk fyrir KA
gegn HK í gær en það dugði ekki til.