Fréttablaðið - 09.06.2004, Blaðsíða 4
4 9. júní 2004 MIÐVIKUDAGUR
Halldór Ásgrímsson:
Ekki ætlunin að ræða frumvarp
ÞJÓÐARATKVÆÐI Halldór Ásgríms-
son, formaður Framsóknar-
flokksins, segir að nefndin sem
skipuð var um löggjöf um þjóð-
aratkvæðagreiðslu muni starfa
fullkomlega sjálfstætt. Ríkis-
stjórnin muni ekki leggja fram
neinar tillögur við nefndina og
ekki funda með henni fyrr en
niðurstöður hennar liggi fyrir.
Aðspurður um hvers vegna
sérfræðingar á sviði kosninga-
löggjafar hefðu ekki verið vald-
ir í nefndina segir Halldór að
það hafi verið galli hve margir
væru búnir að tjá sig opinber-
lega um málið. „Við teljum það
óheppilegt að lögfróðir aðilar
sem hafa tjáð sig opinberlega
um þetta komi að þessu. Farið
var yfir ýmis nöfn, margir eru
fjarverandi og þetta var niður-
staðan. Það verður að hafa það í
huga að ríkisstjórnin hefur
frumkvæðisskyldu við undir-
búning löggjafar sem þessar.
Þeirri frumkvæðisskyldu ber
okkur að sinna,“ segir Halldór.
Spurður um meint ósætti milli
formanna stjórnarflokkanna og
stjórnarandstöðunnar á fundin-
um í gær segir Halldór að rætt
hafi verið það sem ætlunin hafi
verið að ræða. Í bréfi frá þeim
hafi verið óskað eftir að rætt yrði
um hvenær Alþingi verður kvatt
saman til að setja lög um fram-
kvæmd og tímasetningu þjóðar-
atkvæðagreiðslunnar og hvernig
það þinghald verði undirbúið.
Það hafi verið gert.
„Síðan vildu þeir fara að
ræða efnisinnihald væntanlegs
frumvarps. Við höfum ekki tek-
ið neina afstöðu til þess. Við
teljum að það sé ekki hægt fyrr
en sú nefnd sem hefur verið
skipuð hefur skilað okkur áliti
um það. Málið er afskaplega
flókið og ég hef enga fyrirfram
skoðun á því. Mér finnst að for-
menn stjórnarandstöðu-
flokkanna eigi ekki að hafa það
heldur,“ segir Halldór. ■
Kosið um lögin
í byrjun ágúst
Alþingi verður kallað saman 5. júlí og sett verða lög um þjóðaratkvæðagreiðslu. Hún mun fara
fram í byrjun ágúst, að sögn Davíðs Oddssonar. Skipuð hefur verið nefnd
fjögurra hæstaréttarlögmanna um þjóðaratkvæðagreiðsluna.
ÞJÓÐARATKVÆÐI Alþingi verður kall-
að saman mánudaginn 5. júlí þar
sem ákveðið verður fyrirkomulag
þjóðaratkvæðagreiðslu um fjöl-
miðlalögin. Þjóðaratkvæða-
greiðslan mun fara fram í byrjun
ágúst. Þetta kom fram í máli
Davíðs Oddssonar að loknum
samráðsfundi með formönnum
allra stjórnmálaflokkanna í gær.
Skipuð hefur verið nefnd fjög-
urra hæstaréttarlögmanna til að
undirbúa frumvarp um lög um
þjóðaratkvæðagreiðslu. Í henni
sitja Karl Axelsson, lektor við
lagadeild Háskóla Íslands, for-
maður hópsins, Andri Árnason,
Jón Sveinsson og Kristinn Hall-
grímsson. Auk þeirra er Kristján
Andri Stefánsson í nefndinni af
hálfu forsætisráðuneytisins.
Fundurinn var haldinn sam-
kvæmt ósk formanna stjórnar-
andstöðuflokkanna. Hann stóð
stutt yfir og lauk með því að for-
sætisráðherra sleit fundinum.
Fulltrúar stjórnarandstöðunnar
sögðu að fundi loknum að fundur-
inn hefði verið sýndarmennska
ein, ekki hafi verið ætlun for-
manna stjórnarflokkanna að hafa
samráð við stjórnarandstöðu.
Forsætisráðherra hafi rokið upp
og slitið fundi þegar stjórnarand-
staðan hóf að ræða um að ekki
ætti að setja lög um lágmarks-
þátttöku í þjóðaratkvæða-
greiðslunni.
Aðspurður sagði forsætisráð-
herra að ekki hefði verið um
ágreining að ræða á fundinum:
„Kannski hegðunarvandamál,
ekkert annað. Forystumenn
stjórnarflokkanna vildu ekki
ganga til þessa fundar með því að
menn byrjuðu á því að setja skil-
yrði þeim aðilum sem við vorum
að tala við. Við töldum að Ög-
mundur Jónasson hafi þegar í
upphafi byrjað að setja þau skil-
yrði sem ætti að vinna eftir, hvað
mætti gera og hvað mætti ekki
gera. Það er okkar skoðun að það
væri ekki farsælt fyrir samráð og
samstarf að annar aðilinn setti
þau skilyrði að hann fengi að ráða
þessu öllu saman,“ sagði Davíð.
Hann sagði að samstaða hafi
þó verið um hvenær kalla ætti
þingið saman. „Ekki þótti skyn-
samlegt að kalla þingið saman í
júní vegna þess að í fyrsta lagi er
nú 17. júní framundan og þing-
húsið er eins og það er og síðan
eru forsetakosningar, það myndi
trufla þær,“ sagði Davíð.
Hann sagði að ekki væri stefnt
á að setja bráðabirgðalög um
framkvæmd þjóðaratkvæða-
greiðslunnar en líklega myndi
það taka þingið viku til tíu daga
að afgreiða málið.
Hann sagði áætlaðan kostnað
við þjóðaratkvæðagreiðsluna á
bilinu 100–200 milljónir króna.
Ekki væri ætlunin að Alþingi
veiti peninga til stjórnmálaflokk-
anna til kynningar á frum-
varpinu.
sda@frettabladid.is
Á að setja skilyrði um lágmarks-
þátttöku í lög um þjóðaratkvæða-
greiðslu um fjölmiðlalögin?
Spurning dagsins í dag:
Borðarðu hvalkjöt þegar það býðst?
Niðurstöður gærdagsins
á visir.is
64%
36%
Nei
Já
KJÖRKASSINN
Farðu inn á visir.is og segðu þína skoðun
visir.is
– hefur þú séð DV í dag?
James Bond
ræðst á
Íslendinga
DAVÍÐ ODDSSON AÐ LOKNUM SAMRÁÐSFUNDI FORMANNA
STJÓRNMÁLAFLOKKANNA Í GÆR
Alþingi verður kallað saman 5. júlí. Þjóðaratkvæðagreiðsla fer fram í byrjun ágúst.
Stofnuð hefur verið nefnd fjögurra hæstaréttarlögmanna um undirbúning frumvarps
vegna þjóðaratkvæðagreiðslunnar.
FR
ÉT
TA
B
LA
Ð
IÐ
/G
VA
ÞJÓÐARATKVÆÐI „Við hófum umræð-
ur um þessi mál og það er ljóst að
það er afskaplega stuttur kveikur-
inn í þeim sem ráða ríkjum í
þessu húsi hér,“ sagði Ögmundur
Jónasson, þingflokksformaður
Vinstri grænna, eftir að samráðs-
fundi formanna ríkisstjórnar og
stjórnarandstöðu um þjóðar-
atkvæðagreiðslu var slitið í gær.
Ögmundur sagði það virðast
vera sýndarmennsku af hálfu for-
manna ríkisstjórnarflokkanna að
ganga til einhvers konar samráðs
við stjórnarandstöðuna.
Össur Skarphéðinsson sagði
allt annan brag hafa verið á því
sem Halldór Ásgrímsson utanrík-
isráðherra hafði fram að færa á
fundinum. Hann segir forsætis-
ráðherra hafa slitið fundinum
þegar stjórnarandstaðan hóf máls
á því hvort virða ætti stjórnar-
skrána varðandi þjóðaratkvæða-
greiðslu eða hvort það ætti að
takamarka hana með einhverjum
hætti.
„Það var rætt um það á fundin-
um að þing yrði kallað saman í
byrjun júlí og var sæmileg sam-
staða um það. Þá vildu menn ræða
nánar um útfærslu og aðkomu að
þessu máli. En þegar við settum
fram okkar sjónarmið um tak-
mörkun á stjórnarskránni sögðu
menn að ekki væri ástæða til að
ræða þetta frekar ef við ætluðum
að fara að setja einhver skilyrði,“
segir Ögmundur.
„Það er mjög óvanalegt að
málin þróist með þessum hætti
og að forsætisráðherra skuli ekki
geta sætt sig við það að menn
segi sínar skoðanir án þess að
rjúka upp og slíta fundi. Við vit-
um hvort það verður annar fund-
ur en ég geri ekki ráð fyrir því
miðað við viðbrögð forsætis-
ráðherra“ sagði Guðjón Arnar
Kristjánsson, formaður Frjáls-
lynda flokksins. ■
Samráðsfundur formanna stjórnmálaflokkanna:
Stuttur kveikur í húsráðanda
STJÓRNARANDSTAÐAN MÆTIR TIL
FUNDAR Í STJÓRNARRÁÐIÐ
Forystumenn stjórnarandstöðunnar gengu
saman til fundar í gærmorgun.
FR
ÉT
TA
B
LA
Ð
IÐ
/G
VA
GUÐJÓN A. KRISTJÁNSSON,
ÖGMUNDUR JÓNASSON OG ÖSSUR
SKARPHÉÐINSSON
Össur segir forsætisráðherra ekki hafa
minnsta áhuga á að ná samkomulagi við
stjórnarandstöðuna um undirbúning þjóð-
aratkvæðagreiðslu og komandi þinghald.
Össur Skarphéðinsson:
Halldór vill
samstöðu
ÞJÓÐARATKVÆÐI „Af lyktum fundar-
ins er augljóst að forsætisráðherra
hefur ekki minnsta áhuga á að ná
samkomulagi við stjórnarandstöð-
una um undirbúning þjóðar-
atkvæðagreiðslu og komandi þing-
hald,“ segir Össur Skarphéðinsson,
formaður Samfylkingarinnar.
Hann segir það áður hafa birst í
ótrúlega bíræfnum fyrirætlunum
sjálfstæðismanna um að nota
bráðabirgðalög til að koma vilja
sínum fram sem hófsamari menn
hafi bersýnilega komið í veg fyrir.
Hann segir það koma á óvart ef það
er vilji Framsóknarflokksins að
taka þátt í vinnubrögðum af þessu
tagi.
„Mér finnast yfirlýsingar for-
manns Framsóknarflokks dagana á
undan gefa til kynna fullan vilja
hans til að ná breiðri samstöðu. Ef
forsætisráðherra ræður hins vegar
þessari niðurstöðu af hálfu ríkis-
stjórnarinnar, og menn vilja ekki
tala við okkur um þessi mál til þess
að freista þess að samstaða náist,
hefur stjórnarandstaðan engan
annan kost en að nota Alþingi til að
koma sjónarmiðum sínum á fram-
færi.“ ■
FR
ÉT
TA
B
LA
Ð
IÐ
/G
VA
HALLDÓR ÁSGRÍMSSON
„Málið er afskaplega flókið og ég hef enga
fyrirfram skoðun á því.”