Fréttablaðið - 22.06.2004, Blaðsíða 4
4 22. júní 2004 ÞRIÐJUDAGUR
Mótlæti hjá uppsjávarfyrirtækjum:
Kolmunnaveiðar hjálpa til
LOÐNUVEIÐAR Kolmunnaveiðar
vega að hluta til upp á móti fyrir-
sjáanlegum loðnubresti. Upp-
sjávarfyrirtæki bæta sér mörg
hver upp loðnuveiðarnar með
veiðum á kolmunna. Loðnan hefur
ekki fundist enn og tvísýnt orðið
um sumarveiðar. „Áfallið er í sjál-
fu sér ekki ef menn eru að missa
af sumarveiðinni. Það sem skiptir
mestu er að menn finni hana fyrir
veturinn,“ segir Atli Rafn Björns-
son, sérfræðingur hjá Greiningu
Íslandsbanka.
Brösulega gekk að gefa út
kvóta fyrir loðnu á liðinni vertíð í
vetur. Bræla tók við þegar Haf-
rannsóknastofnun hafði loksins
gefið leyfi fyrir auknum kvóta. Illa
gekk því að ná þeirri loðnu sem
heimilt var að veiða. Atli Rafn seg-
ir að menn hafi bætt sér það upp
með því að auka vinnslu til mann-
eldis og þannig hafi verðmæta-
aukning unnið á móti minnkandi
afla. „Uppgjör voru því betri en
við bjuggumst við.“ Atli Rafn seg-
ir að mikilvægast sé fyrir fyrir-
tækin að bregðast við með því að
hagræða og ná meiri verðmætum
úr þeim afla sem berst á land. ■
Ólíklegt að loðnu-
stofninn sé hruninn
Fiskifræðingur hjá Hafró telur ekki tímabært að fullyrða um afdrif loðnu-
stofnsins. Hlýnun sjávar þurfi ekki að hafa hrun stofnsins í för með sér.
SJÁVARÚTVEGUR „Það er allt of
snemmt að afskrifa loðnustofninn
í ár, það eru engar sérstakar
breytingar sem gefa í skyn að eitt-
hvað annað hafi gerst í ár en gerð-
ist með árganginn í hitteðfyrra,“
segir Hjálmar Vilhjálmsson, fiski-
fræðingur hjá Hafrannsókna-
stofnuninni, um áhyggjur manna
af hruni loðnustofnsins, en Jón
Kristjánsson fiskifræðingur sagði
í samtali við
Fréttablaðið í gær
að sér kæmi ekki
á óvart þó stofn-
inn væri hruninn.
Hjálmar vísar
til þess að seiðin
úr árgangi 2001
hafi rekið mun
lengra vestur og
norður en venju-
lega og því hafi
loðnan ekki fund-
ist á hefðbundn-
um uppeldisslóð-
um við norðanvert landið og Vest-
firði í nóvember 2002. Loðnan hafi
hins vegar fundist við Grænlands-
sund í apríl í fyrra og hún hafi
skilað sér í venjulegu magni upp
að landi í vetur. „Loðnan er kald-
sjávarfiskur og ef það verða
breytingar á því umhverfi sem
hún er venjulega í hlýtur það að
hafa tilteknar breytingar í för
með sér en ég veit ekki til þess að
heill stofn hafi fyrirfarist af þeim
sökum hér við land.“ Hann telur
líklegt að hið sama hafi gerst í ár.
Hjálmar segir að jafnvel megi
gera ráð fyrir að afkoma loðnunn-
ar batni við hlýnun sjávar því við
það aukist þörungaframleiðsla
sem skapi meira æti fyrir smádýr
sem loðnan lifir á. Hann bendir
einnig á að eftir langvarandi
kuldatímabil hafi komið skyndi-
legt hlýindaskeið á þriðja áratug
síðustu aldar sem náði hámarki
árið 1930 og stóð með hléum fram
á miðjan sjöunda áratuginn. „Mér
vitanlega var síður en svo loðnu-
laust á þessu tímabili og því er
ekki hægt að setja samasemmerki
milli hlýnunar sjávar og hruns
loðnustofnsins. Það virðist vera
að stefna í svipað hlýindaskeið
núna og var á þriðja áratugnum.“
Hjálmar bætir þó við að þetta
ástand geti haft alvarlegar afleið-
ingar í för með sér ef það hefur
varanleg áhrif á útbreiðslu teg-
undarinnar, það er að segja ef hún
færist sífellt fjær frá landinu.
Það gæti haft neikvæð áhrif á
aðra stofna og vistkerfi sjávar við
landið. Hann tekur þó fram að
ekkert bendi til þess að loðnan
eigi ekki eftir að færast aftur
nær landinu og þó svo að stofninn
í ár hafi enn ekki fundist þurfi
það ekki að hafa nema tíma-
bundna frestun á vertíðinni í för
með sér.
bergsteinn@frettabladid.is
Leyfisveiting til mynd-
bandaleiga:
Mega halda
gagnagrunn
NEYTENDUR Persónuvernd hefur veitt
Myndmarki, samtökum myndbanda-
leiga, leyfi til að safna upplýsingum
frá myndbandaleigunum í einn
gagnagrunn og færa upplýsingar af
honum inn í sérstakt tölvukerfi
myndbandaleiganna. Myndbanda-
leigur sem eru aðilar að Myndmarki
mega safna upplýsingum um þau
vanskil sem eiga sér stað og senda
þær til Myndmarks. Samkvæmt því
sem fram kemur á vef Persónu-
verndar er leyfið veitt gegn því að
ákveðin skilyrði séu uppfyllt sem
lúta meðal annars að öryggi listans
og vandaðri vinnslu. ■
Refsingar krafist:
Ævilangt
fangelsi
BELGÍA, AP „Þessi maður er sið-
blindur og ráðskast með fólk af
fullu samviskuleysi og það mun
aldrei breytast,“ sagði Michel
Bourlet, saksókn-
ari í málinu gegn
barnaníðingnum
og morðingjanum
Marc Dutroux.
Hann fór þess á
leit við dómara að
Dutroux yrði
dæmdur til að
verja því sem eft-
ir væri ævinnar á
bak við lás og slá.
S a m k v æ m t
belgískum lögum eiga glæpa-
menn sem hafa verið dæmdir í
lífstíðarfangelsi möguleika á
reynslulausn eftir tíu ár í fang-
elsi. Saksóknarinn bað um að
Dutroux ætti ekki möguleika á
reynslulausn fyrr en eftir 20 ár,
samkvæmt ákvæði um sérstak-
lega hættulega fanga. ■
Írönsk stjórnvöld:
Varðbátar
stöðvaðir
ÍRAN, AP Íranar stöðvuðu þrjá
breska varðbáta, lögðu hald á þá
og handtóku áhafnir þeirra á
Shatt-al-Arab-fljótinu sem skilur
að Íran og Írak.
Írönsk stjórnvöld sögðu bátana
hafa verið stöðvaða í íranskri
landhelgi. Um borð hefðu fundist
kort auk þess sem hermennirnir
um borð í þeim hefðu verið vopn-
aðir. Breska flotastjórnin sagðist
hafa misst samband við þrjá báta
sem hefði átt að færa íröskum
eftirlitssveitum.
Íranar og Írakar hafa deilt um
yfirráð á Shatt-al-Arab fljóti og
nálægu hafsvæði. ■
HNEYKSLI FELLIR RÍKISSTJÓRA
John Rowland, ríkisstjóri í Conn-
ecticut, sagði í gær af sér emb-
ætti. Hann viðurkenndi að hafa
logið þegar hann sagðist engar
gjafir hafa þegið frá vinum, ríkis-
starfsmönnum og verktökum í rík-
inu. Hann neitar að hafa endur-
goldið greiðann en þingmenn íhug-
uðu að víkja honum úr embætti.
■ BANDARÍKIN
,,Því er
ekki hægt
að setja
samasem-
merki milli
hlýnunar
sjávar og
hruns
loðnu-
stofnsins.
Fylgistu með Evrópukeppninni í
fótbolta?
Spurning dagsins í dag:
Ætti Ríkisútvarpið að setja á fót sér-
staka íþróttarás?
Niðurstöður gærdagsins
á visir.is
45,26%
54,74%
Nei
Já
KJÖRKASSINN
Farðu inn á visir.is og segðu þína skoðun
visir.is
Nýgerð könnun KPMG:
Laun munu
hækka og
vextir lækka
FJÁRMÁL Laun munu hækka og vext-
ir lækka og flestir munu ná fjár-
hagslegum markmiðum sínum,
samkvæmt könnun sem KPMG
gerði meðal íslenskra stjórnenda og
fram kom í tímaritinu Sjónarhóli.
Könnunin leiddi í ljós að stjórn-
endur eru bjartsýnir fyrir næstu ár.
Þeir segja að ef einhverjum finnist
þeir tímar sem við lifum í dag vera
góðir þá sé framtíðin enn meira
spennandi. Þó segir að konur muni
áfram eiga erfitt uppdráttar í við-
skiptum og muni ekki ná launum
karla í sömu störfum að fimm árum
liðnum. Næstum allir karlstjórn-
endur eru kvæntir en aðeins sjötíu
prósent kvenstjórnenda. Þá kemur
fram að stjórnendur eru sáttir við
sinn starfsvettvang og myndu fæst-
ir þeirra breyta ákvörðunum sínum
fengju þeir annað tækifæri. ■
EYSTRASALTSRÁÐIÐ Geir H. Haarde
fjármálaráðherra sat leiðtoga-
fund Eystrasaltsráðsins í
Laulasmaa í Eistlandi í gær fyrir
hönd Íslands í fjarveru Davíðs
Oddssonar forsætisráðherra.
Aðalumræðuefni fundarins
var framtíð Eystrasaltsráðsins í
ljósi nýafstaðinnar stækkunar
Evrópusambandsins. Nú standa
einungis Ísland, Noregur og
Rússland utan Evrópusam-
bandsins af ellefu aðildarríkjum
ráðsins. Geir bauð til næsta
fundar leiðtoganna á Íslandi á
árinu 2006, en Íslendingar taka
við formennsku í Eystrasalts-
ráðinu í júní á næsta ári. ■
Leiðtogafundur:
Stækkun ESB til umræðu
LEIÐTOGAFUNDUR
Leiðtogar Eystrasaltsríkjanna
í Lausasmaa í gær.
FINNST EKKI
Illa gengur að finna loðnuna fyrir
sumarveiðarnar. Kolmunnaveiðin
bætir það upp að hluta, en miklvægt
er að loðnan finnist fyrir veturinn.
DROTTNING Á GRÆNLANDI
Margréti Þórhildi var tekið með miklum
fögnuði.
25 ára afmæli:
Heimastjórn
fagnað
GRÆNLAND, AP Grænlendingar fögn-
uðu því í gær að aldarfjórðungur er
liðinn frá því landið fékk heima-
stjórn. Mikill mannfjöldi kom saman
í höfuðstaðnum Nuuk af því tilefni.
Meðal þeirra sem tóku þátt í há-
tíðarhöldunum var Margrét Þórhild-
ur Danadrottning, sem var klædd
hefðbundnum klæðum inúíta, og
Anders Fogh Rasmussen, forsætis-
ráðherra Danmerkur. Rasmussen og
Hans Enoksen, formaður heima-
stjórnarinnar, undirrituðu sam-
komulag um að setja á fót nefnd til
að skoða frekari tilfærslu valda til
heimastjórnarinnar. ■
Á LOÐNUVERTÍÐ
Hjálmar telur líklegt að loðnustofninn í ár hafi rekið lengra en
venjulega en muni skila sér að lokum.
MARC
DUTROUX
Farið er fram á
lífstíðardóm yfir
honum.