Fréttablaðið - 22.07.2004, Qupperneq 10

10 22. júlí 2004 FIMMTUDAGUR
ÚTIVIST Á SIGNUBÖKKUM
Sundlaug, þriggja kílómetra löng strönd,
strandblaksvellir og klifurveggur eru meðal
þess sem boðið er upp á á nýju útivistar-
svæði á bökkum Signu í París. Svæðið hef-
ur verið fjölsótt og fór ekki á milli mála að
þessi börn höfðu gaman af uppátækinu.
WASHINGTON, AP Alan Greenspan,
seðlabankastjóri Bandaríkjanna,
segir að þrátt fyrir að efnahags-
lífið í Bandaríkjunum sé ekki í
mikilli þenslu þurfi að huga að því
að verðbólga verði ekki meiri en
æskilegt sé.
Greenspan sat fyrir svörum
þingnefndar í Bandaríkjunum á
þriðjudag og sagði að ef ummerki
um óvænta hækkun verðbólgu
kæmu fram endurskoðaði seðla-
bankinn stefnu sína varðandi
vaxtahækkanir. Seðlabankinn
hefur lýst því yfir að hann muni
fara hægt í sakirnar hvað varðar
vaxtahækkanir en síðast voru
vextir hækkaðir í lok júní og búist
er við annarri hækkun í ágúst.
Í gær vitnaði hann fyrir
annarri þingnefnd og sagði þá að
skattalækkanir ríkisstjórnar
George Bush hefðu komið í veg
fyrir alvarlega efnahagskreppu.
Hann varaði hins vegar við afleið-
ingum mikils fjárlagahalla. Hann
ítrekaði tillögur sínar um laga-
breytingar sem geri þinginu
ókleift að taka ákvörðun um út-
gjaldahækkanir án þess að mæta
útgjöldunum með sparnaði annars
staðar eða skattahækkunum. ■
Miklar sveiflur í
spám um hagnað
Fyrstu hálfsársuppgjörin líta dagsins ljós á morgun. Straumur og
Nýherji birta uppgjör. Afar ólíkar væntingar eru um hagnað
Straums og KB banka milli greiningardeilda.
VIÐSKIPTI Fyrstu uppgjör skráðra
félaga í Kauphöll Íslands líta
dagsins ljós í vikulok.
Þá munu fjárfestar berja aug-
um raunverulega rekstrarniður-
stöður fyrirtækja. Markaðurinn
síðasta eitt og hálft árið hefur ein-
kennst af bjartsýni. Engin vísitala
á Vesturlöndum hefur hækkað
viðlíka og úrvalsvísitala Kaup-
hallar Íslands. Vísitalan hefur
hækkað um 106 prósent síðustu
tólf mánuði.
Góður hagnaður birtist í upp-
gjörum fyrirtækja fyrstu tólf mán-
uði. Bankar og fjárfestingarfélög
skiluðu geysilega góðri afkomu.
Afkoman einkenndist af gengis-
hagnaði. Hægt hefur á hækkunum,
en samt sem áður mun gengis-
hagnaður einkenna hálfsársupp-
gjör banka og fjármálafyrirtækja
á öðrum ársfjórðungi.
Straumur fjárfestingarbanki
mun ásamt tölvufyrirtækinu Ný-
herja verða fyrstu félögin til þess
að birta uppgjör sín. Straumur
var með mikinn gengishagnað á
fyrsta ársfjórðungi. Hagnaður
Straums fyrstu þrjá mánuði árs-
ins var tveir milljarðar króna.
Gríðarlegur munur er á spám um
hagnað á Straumi. Íslandsbanki
spáir 750 milljón króna hagnaði á
öðrum ársfjórðungi. Landsbank-
inn spáir 450 milljónum, en KB
banki hefur mikla trú á
afkomunni og reiknar með 2,2
milljarða króna hagnaði á tíma-
bilinu. Þetta er óvenjumikill mun-
ur og skýrist af því að Straumur
hefur nýhafið starfsemi sem fjár-
festingarbanki. Söguleg gögn um
árangurinn liggja því ekki á lausu.
Bankarnir spá ekki fyrir um eig-
in hagnað, en töluverður munur er
einnig á spá um hagnað KB banka.
Landsbankinn býst við að hagnaður
bankans á öðrum ársfjórðungi verði
7,3 milljarðar, en Íslandsbanki spáir
4,4 milljarða hagnaði á tímabilinu
frá apríl til júníloka.
KB banki keypti danska bank-
ann FIH á tímabilinu. Fjárfestar
bíða spenntir eftir að sjá uppgjör
bankans sem mun ef að líkum læt-
ur bera höfuð og herðar yfir aðra
þegar litið er á hagnað síðustu
þriggja mánaða.
haflidi@frettabladid.is
Alþjóðahvalveiðiráðið:
Gráhvalir í
útrýmingar-
hættu
HVALVEIÐAR Bráðra aðgerða er þörf
til að friða þá tæplega hundrað grá-
hvali sem eftir eru undan Sakhalin-
eyju við strendur Rússlands.
Telja fræðingar að einungis séu
rúmlega 20 kvendýr eftir af tegund-
inni en svæðið sem um ræðir er eitt
mesta olíu- og gasvinnslusvæði
Rússa. Hefur gagnrýni komið fram
á hollenska olíufyrirtækið Shell
sem er einn stærsti aðilinn sem
starfar á þessum slóðum og þykir
ekki hafa tekið nóg tillit til náttúr-
unnar við framkvæmdir sínar. ■
GENGUR VEL HJÁ MATTEL
Leikafangaframleiðandinn-
Mattel, sem þekktast er fyrir
Barbie dúkkurnar, sendi frá sér
uppgjör á mánudag. Hagnaður
á öðrum ársfjórðungi var tólf
prósent hærri en gert var ráð
fyrir.
TAPA VEGNA SAMKEPPNI-
SKÆRU Þýska fyrirtækið Infin-
eon Technologies sem fram-
leiðir örgjörva skilaði óvænt
um fimm milljarða króna tapi á
síðasta ársfjórðungi. Ástæðan
er sú að félagið hefur þurft að
setja um tuttugu milljarða
króna í varasjóð til að mæta
hugsanlegri sekt Evrópu-
sambandsins vegna ólöglegra
viðskiptahátta.
SJÁVARÚTVEGUR Íslendingar mega
veiða 40 tonn af túnfiski á þessu
ári samkvæmt tillögum Atlants-
hafstúnfiskveiðiráðinu og þurfa
útgerðir sem áhuga hafa á slíkum
veiðum að sækja um slíkt fyrir
mánaðarmót. Er þetta magn tíu
tonnum meira en á síðasta ári en
eftir miklu er að slægjast þar sem
túnfiskur er ein verðmætasta
sjávarafurð sem til er.
Gert er ráð fyrir að magnið
aukist í 50 tonn á næsta ári og í 60
tonn árið 2006. Við úthlutun verð-
ur litið sérstaklega til fyrri veiða
hvers skips og verður einnig tekið
mið af búnaði skipsins. ■
Úthlutun kvóta til
túnfiskveiða:
Ísland fær
40 tonn
TÚNFISKVEIÐAR
Þeir sem áhuga hafa á að fá kvóta úthlutaðan á þessu ári skulu sækja um fyrir mánaðamót.
SPENNANDI UPPGJÖR
Þórður Már Jóhannesson, forstjóri
Straums fjárfestingarbanka, heldur
markaðinum spenntum. Mikið ber á
milli greiningardeilda í spám um
hagnað Straums á öðrum ársfjórðungi.
MESTU HÆKKANIR FRÁ
ÁRAMÓTUM:
Fjárfestingarfélagið Atorka hf. 113,89%
Jarðboranir hf. 96,97%
Kaupþing Búnaðarbanki hf. 93,32%
Marel hf. 87,96%
Össur hf. 53,67%
FR
ÉT
TA
B
LA
Ð
IÐ
/G
VA
■ VIÐSKIPTAFRÉTTIR
Alan Greenspan, seðlabankastjóri Bandaríkjanna:
Á varðbergi
gegn verðbólgu
ALAN GREENSPAN
Seðlabankastjóri Bandaríkjanna segir að vaxtahækkanir verði skarpari ef verðbólgan
hækkar hraðar en búist er við.
grænmeti
ávextirog
listinn
TOPP
vinsælustu ávextirnir
og grænmetið í 10-11