Fréttablaðið - 22.07.2004, Qupperneq 41

FIMMTUDAGUR 22. júlí 2004 29
Bolton styrkir hópinn:
Keyptu
Speed
FÓTBOLTI Velski landsliðsmaðurinn,
Gary Speed, er genginn í raðir
Bolton-manna en þeir þurftu að
greiða Newcastle 750.000 pund
fyrir kappann. Speed gerði
tveggja ára samning við Bolton og
hefur þegar gengið frá launa-
málum sínum og staðist læknis-
skoðun. Bæði Fulham og Leeds
voru á höttunum eftir Speed en
Bolton hafði vinninginn. „Ég er
himinlifandi yfir því að fá slíkan
gæðaleikmann, sem Gary Speed
óneitanlega er, í okkar raðir,“
sagði framkvæmdastjóri Bolton,
Sam Allardyce og bætti við:
„Speed er mjög reyndur úrvals-
deildarleikmaður sem mun bæta
mikið breidd okkar og dýpt. 2
Speed er orðinn 34 ára og fyrir
utan dvöl sína hjá Newcastle
hefur hann einnig verið í herbúð-
um Leeds og Everton. Hann er
fjórði leikmaðurinn á stuttum
tíma sem gengur til liðs við Bolton
en hinir eru þeir Michael Bridges,
Les Ferdinand og Radhi Jaidi. ■
GARY SPEED
Farinn frá Newcastle til Bolton.
Newcastle semur við
Patrick Kluivert:
Gerði
þriggja ára
samning
FÓTBOLTI Enska úrvalsdeildarfélag-
ið, Newcastle United, hefur gert
þriggja ára samning við hollenska
landsliðsmanninn Patrick Klui-
vert. Hann var laus allra mála hjá
spænska liðinu Barcelona en þar
hafði hann alið manninn undan-
farin sex ár. Þar áður lék hann
með hollenska félaginu Ajax og
ítalska félaginu AC Mílan. „Ég er
í toppformi og vonast til að vinna
til stórra titla hérna,“ sagði hinn
28 ára Kluivert við þetta tækifæri
og bætti við: „Ég er afar ánægður
með að vera kominn hingað enda
hefur nafn mitt verið tengt við
félagið í langan tíma“.
Framkvæmdastjóri Newcastle,
silfurrefurinnn, Sir Bobby Rob-
son, var í skýjunum yfir komu
Kluiverts: „Hann er einn mikil-
vægasti leikmaðurinn sem komið
hefur til Newcastle í áraraðir.
Þetta er svipuð tilfinning og þegar
Alan Shearer kom aftur heim,“
sagði gamli maðurinn og játaði
hvorki né neitaði þegar hann var
spurður hvort félagið reyndi að
næla í fleiri leikmenn áður en
keppnistímabilið hæfist: „Við lát-
um ykkur vita ef við gerum eitt-
hvað frekar.“ ■
PATRICK KLUIVERT
Genginn í raðir Newcastle United
eftir sex ára dvöl í Barcelona.
Eiður Smári Guðjohnsen um nýjan félaga sinn í framlínu Chelsea:
Hlakkar til að spila með
Didier Drogba
FÓTBOLTI Eiður Smári Guðjohnsen
sagði í viðtali við sjónvarpsstöð
Chelsea í gær að hann hlakkaði
mikið til að spila með framherjan-
um Didier Drogba sem var keypt-
ur frá Marseille fyrir 24,5 milljón-
ir punda á mánudaginn.
Jose Mourinho, knattspyrnu-
stjóri Chelsea, hefur lengi verið
aðdáandi Drogba og eftir nokkurt
þref og þóf tókst honum loksins að
landa kappanum á þriggja ára
samning.
Eiður Smári, sem skrifaði
undir nýjan samning við Chelsea
á mánudaginn, sagði að miðað við
það sem hann hefði séð af Drogba
á myndbandsupptökum væri hann
mjög öflugur framherji sem hefði
mikinn kraft og hraða.
„Hann hlýtur að vera að gera
eitthvað rétt fyrst hann vekur
áhuga félags eins og Chelsea og
ég hlakka til að spila með honum.
Samkeppnin um framherja-
stöðurnar verður hörð og það ætti
að laða fram það besta í hverjum
og einum,“ sagði Eiður Smári.
Á enska vefsvæðinu team-
talk.com hefur verið könnun í
gangi þar sem spurt er að því
hvaða framherjapar hjá Chelsea
sé líklegast til afreka. Þar eru
Mateja Kezman og Didier Drogba
í efsta sæti með 37% atkvæða en
Eiður Smári og Drogba koma í
humátt með 35% atkvæða. Rúm
10% vilja sjá Eið Smára frammi
með Kezman en aðeins 4%, þeirra
sem þátt tóku, vilja sjá hann
frammi með Rúmenanum Adrian
Mutu. ■
EIÐUR SMÁRI GUÐJOHNSEN
Líst vel á Didier Drogba og hlakkar til
að spila með honum.