Fréttablaðið - 06.09.2004, Qupperneq 4

4 6. september 2004 MÁNUDAGUR
Ljósanótt í Reykjanesbæ gekk vel:
Yfir þrjátíu þúsund sáu flugeldasýninguna
HÁTÍÐARHÖLD Þúsundir sóttu við-
burði Ljósanætur, menningar-
og fjölskylduhátíð í Reykjanes-
bæ, en fjögurra daga hátíðar-
höldum lauk í gærkvöld. Ætlað
er að tæplega þrjátíu þúsund
manns hafi verið við höfnina á
flugeldasýningu á laugardags-
kvöldið og nokkur þúsund að
auki hafi hafst við í miðbænum.
Íbúar bæjarins eru um ellefu
þúsund.
Steinþór Jónsson, formaður
Ljósanætur, var í skýjunum yfir
gangi mála. „Þetta var stórkost-
legt. Allt gekk vel upp og engar
athugasemdir gerðar.“ Hann
segir hátíðarhöldin afar jákvæð
fyrir Reyknesinga. „Það skapast
mikil samheldni meðal bæjar-
búa og fólk er afar stolt af
bænum sínum. Svo er þetta
ómetanlegt tækifæri fyrir fólk
til að koma sköpun sinni á fram-
færi.“ Á annað hundrað ólíkra
atriða voru á dagskránni og
segir Steinþór það ekki mark-
mið að stækka hátíðina frá því
sem nú var því, fólk komist
hreinlega ekki yfir fleiri við-
burði. ■
VIÐSKIPTI Kaup Landssímans á
Fjörgný, sem á sýningarrétt á
ensku knattspyrnunni og 26% hlut
í Skjá einum, verða tekin til at-
hugunar hjá Samkeppnisstofnun.
Líkur eru taldar á að það verði
gert með hliðsjón af átjándu grein
samkeppnislaga þar sem segir að
samkeppnisráð geti ógilt samruna
fyrirtækja sem þegar hafi átt sér
stað eða sett slíkum samruna skil-
yrði ef hann er talinn hindra virka
samkeppni með því að markaðs-
ráðandi staða verði til. Ákvæðið á
við samruna þar sem sameiginleg
heildarvelta viðkomandi fyrir-
tækja er einn milljarður króna
eða meiri, en Landssíminn fer yfir
það viðmið. Málið er ekki komið í
formlega meðferð hjá Sam-
keppnisstofnun og henni hafði
ekki borist tilkynning um sam-
runann fyrir helgi. Hins vegar eru
taldar miklar líkur á því að málið
verði tekið til athugunar og stofn-
unin hefur heimild til að taka mál
sem þessi upp af eigin frum-
kvæði. Þá hefur stofnunin þrjátíu
daga til að tilkynna fyrirtækj-
unum hvort hún telji ástæðu til
frekari rannsóknar á samrunan-
um og þrjá mánuði þaðan í frá til
að taka endanlega ákvörðun um
lögmæti hans.
Málið gæti því dregist fram
undir áramót og haft áhrif á undir-
búning einkavæðingar Lands-
símans, en Ólafur Davíðsson, for-
maður einkavæðingarnefndar,
hefur sagt að nefndin sé að fara að
vinna af fullum krafti að sölu 98%
hlutar ríkisins í félaginu. Aðspurð-
ur vildi Ólafur ekki tjá sig um
áhrif hugsanlegrar athugunar
Samkeppnisstofnunar á söluferlið.
Eigendur fyrirtækja sem eru til at-
hugunar hjá Samkeppnisstofnun
geta farið fram á flýtimeðferð og í
þessu tilviki gæti Geir H. Haarde
fjármálaráðherra farið fram á
hana fyrir hönd ríkissjóðs.
ghg@frettabladid.is
Aðsókn að Þjóðminja-
safninu góð:
Á þriðja þús-
und gestir
um helgina
SAFN „Húsið iðaði af lífi alla
helgina,“ segir Margrét Hall-
grímsdóttir þjóðminjavörður en
Þjóðminjasafnið hefur nú verið
opið almenningi í fjóra daga. Á
þriðja þúsund gesta sóttu safnið
á laugardag og sunnudag og seg-
ist Margrét afar ánægð með að-
sóknina. „Húsið tók þessum fjöl-
da mjög vel, það fór vel um alla
og andrúmsloftið var rólegt og
yfirvegað þrátt fyrir fjölmenn-
ið.“
Í hinu nýja Þjóðminjasafni
má margt gera annað en að
horfa. Tölvur með ýmiss konar
upplýsingum og afþreyingu eru
í safninu, leiksvæði fyrir börn,
kaffihús og safnbúð. Allt þetta
nýtti fólk sér til fullnustu. „Fólk
var afskaplega duglegt við að
nýta þá þjónustu sem í boði er,“
segir Margrét sem merkti
ánægju í andlitum gesta og jafn-
vel undrun yfir ágæti og glæsi-
leik safnsins.
Þjóðminjasafnið er opið frá
11 til 17, alla daga nema mánu-
daga. ■
Ætlarðu að skoða nýja safnið um
Halldór Laxness á Gljúfrasteini?
Spurning dagsins í dag:
Var rétt hjá Símanum að kaupa hlut í
Skjá einum?
Niðurstöður gærdagsins
á visir.is
53%
47%
Nei
Já
KJÖRKASSINN
Farðu inn á visir.is og segðu þína skoðun
visir.is
NÝFÆTT BARN
Lungnasjúkdómar eru þekkt vandamál
meðal barna með of lága fæðingarþyngd
en fyrst nú hefur tekist að sýna fram á
tengsl milli þyngdaraukningar eftir fæð-
ingu og sjúkdóma í lungum.
Of lág fæðingarþyngd:
Lungu ekki
fullþroskuð
BBC LÆKNISFRÆÐI Börn sem stækka
of hægt á meðgöngu en bæta það
upp eftir fæðingu eiga það á
hættu að fá lungnasjúkdóma á
fyrstu vikunum, að því er ný
bresk rannsókn leiðir í ljós.
Lungnasjúkdómar eru þekkt
vandamál meðal barna með of
lága fæðingarþyngd en fyrst nú
hefur tekist að sýna fram á
tengsl milli þyngdaraukningar
eftir fæðingu og sjúkdóma í lung-
um.
Rannsóknin var gerð í Háskól-
anum í Southampton og birtust
niðurstöður hennar í lækna-
blaðinu American Journal of
Respiratory and Critical Care
Medicine.
Að sögn eins prófessoranna
sem stýrðu rannsókninni eru nið-
urstöðurnar meðal annars taldar
benda til þess að lungu barna
sem þroskast of hægt í móður-
kviði séu ekki fullþroskuð við
fæðingu. Hugsanlegt er að
börnin muni eiga við öndunar-
færasjúkdóma að stríða síðar á
ævinni en stefnt er að því að
fylgjast með börnunum áfram
svo hægt verði að ganga úr
skugga um hvort svo sé. ■
HORFT TIL HIMINS
Fjölmenni fylgdist með flugeldasýningu
Ljósanætur í Reykjanesbæ
VÍ
KU
R
FR
ÉT
TI
R/
H
IL
M
AR
B
R
AG
I
ÓLAFUR DAVÍÐSSON
Ólafur vill ekki tjá sig um áhrif hugsanlegrar athugunar Samkeppnisstofnunar
á sölu Símans.
Einkavæðing
gæti tafist
Samkeppnisstofnun hefur þrjá mánuði til að skila niðurstöðu um
Landssíma og Skjá einn. Á sama tíma er undirbúningur að einka-
væðingu að komast á fullt.
Kristinn H. Gunnarsson um kaup Símans á Skjá einum:
Þvert á stefnu ríkisstjórnarinnar
VIÐSKIPTI Kristinn H. Gunnars-
son, þingmaður Framsóknar-
flokksins, segir kaup Landssím-
ans á hlut í Skjá einum í ósam-
ræmi við stefnu ríkisstjórnar-
innar.
Það sé ekki stefna hennar að
ríkið eigi tvö ríkissjónvörp, það
sé heldur ekki stefna hennar að
markaðsráðandi fyrirtæki eigi
fjórðung í fjölmiðlafyrirtæki.
Þá segir hann það ekki stefnu
ríkisstjórnarinnar að vera mót-
andi aðili á fyrirtækjamarkaði,
þvert á móti hafi verið ákveðið
að einkavæða Landssímann til
að láta einkaaðilum eftir þróun
á því sviði.
Kristinn telur víst að forystu-
menn stjórnarflokkanna hafi
vitað um viðskiptin áður en þau
fóru fram, enda skipi þeir fólk í
stjórnina sem hljóti að starfa
þar í samræmi við stefnu ríkis-
stjórnarinnar. Geir H. Haarde
fjármálaráðherra hefur sagt að
hann hafi ekki vitað um kaup
Landssímans fyrr en þau voru
um garð gengin.
Sigurgeir Brynjar Krist-
geirsson, stjórnarmaður í
Landssímanum, segir að stjórn-
in hafi hag fyrirtækisins í huga
þegar teknar eru viðskiptalegar
ákvarðanir. Hann vildi ekki tjá
sig frekar um málið og vísaði á
Rannveigu Rist, stjórnarfor-
mann Landssímans. Ekki hefur
náðst í hana þar sem hún er
stödd erlendis. ■
FR
ÉT
TA
B
LA
Ð
IÐ
/G
VA
KRISTINN H. GUNNARSSON
Segir það ekki stefnu ríkisstjórnarinnar að
eiga tvö ríkissjónvörp.