Fréttablaðið - 11.10.2004, Blaðsíða 20
„Ég verð örugglega í vinnunni
lungann af deginum og ef allt
gengur að óskum þá fer ég
kannski bara í saltfisk til mömmu
og leyfi foreldrum mínum að
virða fyrir sér afmælisbarnið,“
segir Björn Jörundur. Eftiminni-
legasta afmælið segir hann vera
þegar hann varð 9 ára en þá hélt
hann boxkeppni í anddyri for-
eldra sinna. „Boxið var ólöglegt á
þessum tíma en við stóðum þarna
og boxuðum samt sem áður. Einn
var rotaður og frændi minn sem
átti það til að bíta frá sér beit
strákinn í næsta húsi sem var
fimm árum eldri en hann. Allt
saman leystist þetta upp í grát en
ég var alsæll yfir þessu skemmti-
legasta afmæli sem ég hef
nokkurn tímann lifað.“ segir
Björn Jörundur. Hann segist ekki
myndi bjóða upp á slíka keppni í
afmælisveislu nú enda sé box
leyft í dag og ekki eins spennandi.
„Annars dó boxáhugi minn þarna
um 10 ára aldurinn, ég myndi
kannski frekar bjóða upp á felu-
leik eða eitthvað slíkt,“ segir
Björn Jörundur sem hefur ekki
haldið sérstaklega upp á afmælið
sitt í ein 16 ár og finnst skemmti-
legra að fara í afmæli til annarra.
„Fyrir mér er afmælið bara eins
og hver annar dagur og það er
helst að maður bregði sér út að
borða,“ segir Björn Jörundur.
Nýlega settist hann í ritstjóra-
stól hjá Fróða og stýrir þar blað-
inu B&B sem kom í stað Bleikt &
blátt. „Þetta tekur nánast allan
minn tíma þar sem ég er að móta
og þróa þetta nýja blað en það er
stefna mín að það verði skyldu-
eign allra karla um hver mánaða-
mót,“ segir Björn Jörundur sem
telur vinnuna fjölbreytta, líflega
og skemmtilega og er ánægður
með hversu góðar móttökur blað-
ið hefur fengið. „Flest blöð eru
bara fyrir konur og þess vegna er
það yfirlýst stefna okkar að hafa
karlrembutón til að peppa upp
strákana,“ segir Björn Jörundur.
Auk þess stendur Björn í
ströngu þar sem hann er að undir-
búa tónleika með félögum sínum í
NýDönsk og sinfóníuhljómsveit-
inni. „Við höfum aldrei áður unnið
með sinfó, hinsvegar höfum við
oft verið með þeim í partíum en
ekki spilað með. Nema reyndar
hann Ólafur Hólm sem reglulega
kemur þar fram sem slagverks-
leikari. Hann er okkar fulltrúi í
sinfó,“ segir Björn Jörundur.
kristineva@frettabladid.is
Menningarvefritið Skýjaborg-
ir.com opnaði um mánaðamótin en
það er tileinkað minningu Einars
Benediktsonar skálds. „Það verð-
ur fjallað af og til um Einar á síð-
unni en annars birtum við þarna
alls konar efni tengt bókmennt-
um, listum og menningu,“ segir
ritstjórinn Ásgeir Jóhannesson.
„Vefurinn er uppfærður daglega
og við stefnum að því að vera með
viðtöl, birta greinar og brot úr
bókum.“
Ásgeir segir stofnun vefritsins
sprottna upp úr skorti á menning-
arumfjöllun á vefnum og þar sem
Einar Benediktsson sé nokkrum
ristjórnarmeðlimum mjög hug-
leikinn hafði þótt við hæfi að til-
einka ritinu minningu hans.“ Auk
ritstjórnarinnar kemur nokkur
fjöldi lausapenna og greinahöf-
unda að ritinu en þeir birta skrif
sín eftir hentugleika. Ég held að
kistan.is sé eina menningar-
vefritið sem eitthvað kveður að á
netinu þannig að ég er sann-
færður um að það er pláss fyrir
fleiri vefrit af þessu tagi,“ segir
Ásgeir sem er mjög sáttur við
viðtökurnar og heimsóknafjöld-
ann í skýjaborgina.“
Einar Benediktsson var fræg-
ur fyrir að byggja skýjaborgir og
loftkastala og það má því rekja
nafn síðunnar beint til skáldsins
stórhuga. „Kostir og gallar Einars
kristallast í þessu nafni en þó
skýjaborgirnar hans hafi ekki
gengið sérstaklega vel upp hjá
honum á viðskiptasviðinu þá átti
hann margar mjög góðar hug-
myndir sem seinna áttu eftir að
verða að veruleika þó hann hafi
ekki framkvæmt þær sjálfur.“
Ásgeir segist aðspurður ekki
sjá neina gróðavon í skýjaborgun-
um og segir útilokað að tala um
menningarvefritið sem einhvers
konar viðskiptahugmynd þannig
að það er fyrst og fremst hugsjón-
in sem rekur hann og félaga hans
áfram en tækifærið er notað til
þess að halda minningu Einars á
lofti.
„Við stefnum að því að opna
undirsíðu sem verður helguð
Einari en okkur finnst hann að
sumu leyti hafa gleymst og að of
lítið hafi verið fjallað um hann.“ ■
20 11. október 2004 MÁNUDAGUR
ELMORE LEONARD
Þessi vinsæli glæpasagnahöfundur sem
skrifaði meðal annars Get Shorty og
Out Of Sight er 79 ára í dag.
BJÖRN JÖRUNDUR FRIÐBJÖRNSSON: ER 34 ÁRA Í DAG
„Ég sleppi því að skrifa þá hluta sem fólk
hleypur yfir og nennir ekki að lesa.“
- Elmore Leonard er með einfalda uppskrift að vinsælum bókum
og sleppir einfaldlega því sem fólk nennir ekki að lesa.
timamot@frettabladid.is
BJÖRN JÖRUNDUR FRIÐBJÖRNSSON Er ekki sérstaklega mikið afmælisbarn og lítur á þetta sem hvern annan dag. „Ef allt gengur að
óskum þá fer ég kannski bara í saltfisk til mömmu.“
11. október 1986
Ronald Reagan, forseti Banda-
ríkjanna, og Mikhail Gorba-
tsjov, Sovétleiðtogi, funduðu í
Höfða í Reykjavík þar sem
þeir ræddu fyrst og fremst af-
vopnunarmál. Fundurinn stóð
í tvo daga og vakti heims-
athygli. Leiðtogunum varð lítið
ágengt í Reykjavík og viðræð-
ur þeirra strönduðu meðal
annars á Stjörnustríðsáætlun
Reagans en Gorbatsjov vildi
fyrir alla muni að forsetinn
hyrfi frá draumaverkefni sínu
um að koma upp tækjum og
tólum til að skjóta kjarn-
orkuflaugar niður utan úr
geimnum. Stórlaxarnir hurfu
síðan hvor til síns heima og
voru ekkert sérstaklega hressir
með fundinn sem skilaði litl-
um árangri. Einhverjir sögu-
skýrendur vilja þó meina að
fundurinn hafi valdið straum-
hvörfum í samningum um
fækkun kjarnorkuvopna þó
ekkert hafi þokast í málum
fyrr en Reagan og Gorbatsjov
hittust í þriðja sinn í Was-
hington 1987. Leiðtogafundur-
inn átti hug og hjörtu íslensku
þjóðarinnar sem sat límd fyrir
framan sjónavrpstækin og
horfði á hurðarhúninn á
Höfða tímunum saman í
beinni útsendingu en í kuld-
anum fyrir utan húktu frétta-
menn og biðu þess þrekaðir
og illa á sig komnir að heims-
fréttirnar yrðu til í þessu virðu-
lega húsi í Reykjavík.
HÖFÐI Hurðarhúnninn á aðaldyr-
um hússins lék veigamikið hlutverk
í beinum sjónvarpsútsendingum frá
leiðtogafundinum í Höfða í Reykja-
vík árið 1986.
ÞETTA GERÐIST
LEIÐTOGAR STÓRVELDANNA FUNDUÐU Í REYKJAVÍK
Leiðtogafundur í Höfða
MERKISATBURÐIR
1886 Thomas Edison, sækir um
einkaleyfi fyrir fyrstu upp-
finningunni sinni aðeins 19
ára gamall. Pilturinn hafði
hannað atvæðatalningavél
sem var hugsuð fyrir þing-
kosningar en þingið sá þó
ekki ástæðu til að kaupa
vélina af honum.
1975 Sjónvarpsþátturinn „Satur-
day Night Live“ er sendur
út í fyrsta sinn.
1975 Bill Clinton og Hillary Rod-
ham ganga í hjónaband
sem síðar átti eftir að reyna
mikið á þegar Bill var orð-
inn forseti Bandaríkjanna
og Monica Lewinsky kom
til skjalanna.
1984 Kathryn D. Sullivan er
fyrsta konan sem fer í
geimgöngu en hún var í
leiðangri með geimskutl-
unni Challenger.
1994 Írakskir hermenn hverfa frá
landamærum Kúveit.
AFMÆLI
Svanhildur
Hólm Valsdóttir,
sjónvarpskona,
er 30 ára.
ANDLÁT
Hafdís Erla Eggertsdóttir, Þórðarsveig
1, lést 2. október.
Kristín S. Steinsdóttir, Kleppsvegi 120,
lést 7. október.
JARÐARFARIR
13.30 Hjördís Kjartansdóttir, Seilugranda
9, verður jarðsungin frá Fossvogs-
kirkju.
13.30 Hjalti Elíasson, rafvirkjameistari,
Kópavogi, verður jarðsunginn frá
Digraneskirkju.
13.30 Jóhanna Jóhannsdóttir, Byggða-
vegi 99, Akureyri, verður jarðsung-
in frá Akureyrarkirkju.
15.00 Örn Sigurjónsson, Lækjarsmára 2,
verður jarðsunginn frá Fossvogs-
kirkju.
Mál og menning hefur gefið útFrosnu tærnar eftir Sigrúnu
Eldjárn. Frosnu tærnar er skemmti-
leg og spennandi saga fyrir krakka og
er sjálfstætt fram-
hald verðlauna-
bókarinnar Týndu
augun sem kom út
2003 og hlaut ein-
róma lof gagn-
rýnenda.
Allt er breytt á Há-
hóli eftir að álög-
um Þokudrottning-
arinnar er aflétt. Samt er eitthvað
skrýtið á seyði í sveitinni og því
leggja Stína og Jonni á ný upp í mikla
hættuför, en nú í fylgd Skafta unga.
Sigrún hefur samið fjölda barnabóka
og margar persónur hennar, eins og
langafi, Kuggur, Teitur tímaflakkari og
vinirnir Harpa og Hrói, hafa heillað
íslensk börn um árabil. Jafnframt
hefur hún myndskreytt fjölda bóka,
til dæmis vinsælar barnaljóðabækur
Þórarins bróður síns. Sigrún hefur
hlotið ýmsar viðurkenningar fyrir
verk sín. Fyrir bókina Týndu augun
hlaut hún tilnefningu til Norrænu
barnabókaverðlaunanna. Sama bók
hreppti fyrsta sæti í vali bóksala á
bestu barnabók ársins.
Hjá Almenna bókafélaginu erkomin út bókin Betra bak eftir
dr. Jenny Sutcliffe. Ævar Örn Jós-
epsson þýddi. Um
er að ræða fjórðu
bókina í ritröðinni
Handhægu heilsu-
bækurnar, en áður
hafa komið út, Betri
heilsa betra líf, Nátt-
úrulegar og hefð-
bundnar lækningar
og Burt með verk-
ina. Boðskapur bók-
arinnar er einfaldur:
Stundaðu æfingar og beittu aðferð-
um og ráðleggingum sem lýst er í
henni, en hugaðu líka að lífsstíl þín-
um í heild. Heilbrigt líferni á öllum
sviðum er besta forvörnin gegn bak-
verkjum og vísasta leiðin til að draga
úr þeim vanda sem þú kannt að eiga
við að etja nú þegar – og jafnvel
losna við hann fyrir fullt og allt. Betra
bak gerir í máli og myndum grein fyr-
ir ýmsum leiðum sem miða að því
að draga úr verkjum og óþægindum
og bendir á aðferðir til að fyrirbyggja
að vandinn skjóti upp kollinum á ný.
NÝJAR BÆKUR
ÁSGEIR JÓHANNESSON Stundar laganám við Háskóla Íslands og les nú af kappi fyrir
próf en gefur sér þó tíma til að sinna vefritinu skyjaborgir.com þar sem minning Einars
Ben er í hávegum höfð. „Það er full langt gengið að tala um þetta sem borgaralegt rit en
þó fólk úr öllum flokkum leggi til efni neita ég því ekki að hægri taugin þar er sterk.“
Skýjaborg Einars Ben á netinu
FR
ÉT
TA
B
LA
Ð
IÐ
/V
IL
H
EL
M
Einn rotaður og annar bitinn