Tíminn - 19.06.1974, Blaðsíða 14

18
TÍMÍNN
— Það fær enginn að vita þetta frá mér, sagði Helga.
Henni datt í hug, að Eiríkur hefði á einhvern hátt gerzt
brotlegur við lögin. Þegar hún var lítil, var þarna vondur
maður — Jón Sturluson hét hann — og nafn hans lifði á
vörum fólksins. Hann umhverfðist, þegar hann drakk
áfengi. Einu sinni fór hann út á f jörðinn með öðrum sjó-
manni. Þeir höfðu drykkjarföng með, og þegar báturinn
sneri aftur, var Jón Sturluson við árarnar, en félagi hans
lá ofan á veiðinni með norskan fiskahníf í hjartastað.
Jón hló og söng og slóst við mennina, sem ætluðu áð taka
hann. Hann komst undan og upp í f jöllin, og þar faldist
hann vikum saman áður en hann var tekinn.
Þetta var eina skiptið, sem Helga vissi um, að maður
hafði neyðzt til að fela sig. Henni datt í hug, að Eiríkur
hefði gert eitthvað af sér, enda þótt hún gæti ekki hugsað
sér, hvað þaðgæti verið — og hún spurði einskis heldur —
en hún var sannfærð um, að það gæti ekki verið neitt
ódæði eins og Jón Sturluson hafði drýgt.
Hún kenndi innilega í brjósti um Jónas, sem sat þarna
svona hnípinn og fitlaði við veiðarfærin. Tárin stóðu í
augum hennar, og hún gekk til hans og lagði höndina á
öxl hans eins og til að hugga hann. Jónas hrökk við, og
hann dró hana að sér. Hann var ekkert að hugsa um ást.
Ögæfa Eiríks hvíldi svo þungt á honum, að aðrar
hugsanir komust ekki að, en þó þrýsti hann henni fast að
sér andartak.
Hann hafði glatað Eiríki, og andartak fannst honum
eins og drottinn hefði sent honum Helgu.
Hún sýndi honum enga mótspyrnu, en þegar hann
sleppti henni, gekk hún í burtu frá honum og tók að laga
til. Meðan hún sýslaði við það, sagði hann henni f rá ferð-
inni, sem hann ætlaði í daginn eftir.
í vasanum var hann með brauðið, sem hann hafði
keypt, og meðan hann talaði, tók hann það upp úr vasan-
um og borðaði það utan við sig. •
Þegar Helga hafði lokið störfum sínum, litaðist hún
um. Þegjandi gekk hún út, en kom aftur að vörmu spori
með litla olíueldavél, sem hún hafði fengið að láni hjá
einhverjum nágrannanum.
— Ég sagði, að okkar væri biluð, sagði hún, en um leið
og ég er búin að hita kaf f ið, verð ég að skila henni, svo að
þú verður að kaupa nýja í verzluninni.
Hann hjálpaði henni við að kveikja á vélinni, og þegar
ketillinn var kominn yfir, fór hún út til að kaupa kaffi,
sykur og egg. Hún bar ekki fram neina spurningu varð-
andi Eirík, og minntist ekki orði á þetta. Hún reyndi hins
vegar að gera það, sem hún gat fyrir Jónas, og hún
gleymdi ekki neinu.
Hún minnti hann á, að hann vantaði teppi og sæng, og
bauðst til að kaupa þetta fyrir hann. Síðan fór hún, en
Jónas borðaði matinn, sem hún hafði framreitt, og
drakk kaffið með.
Hann tók þá ákvörðun, að það væri bezt að fara á sjó
með Jóni. Það myndi eyða tímanum og minnka mögu-
leikana á að hitta Svölu.
Hann hafði lofað að segja henni þetta, og hann ætlaði
líka að gera það, en hann ætlaði að fresta samtalinu
þangað til hann væri að leggja af stað til Reykjavíkur.
Þegar hann hafði lokið við morgunverðinn, gekk hann
útog áleiðis niður í f jöru. Fyrsta manneskjan, sem hann
mætti, var Svala.
Hún hafði ekkert sofið. Hún var óróleg yfir f jarveru
Eiríks, og hvernig hann hafði horfið á brott án þess að
segja eitt einasta orð. Hún hafði enn ekki heyrt af orð-
rómnum, sem gekk um plássið, að séra ólaf ur hefði hitt
hann uppi í dalnum. Hún vissi það eitt, að Eiríkur var
farinn í einhverjum viðskiptaerindum, og hafði ekki sagt
henni frá því, að hann væri að fara.
— Þú er snemma á fótum, sé ég, sagði hún. Mér datt í
hug að líta á sjóinn, og ég hugsaði sem svo, að þá hitti ég
kannski þig eða Eirík. Er hann ekki kominn til baka enn-
þá?
— Nei, hann er ekki kominn til baka, svaraði Jónas.
Skelfing þess að þurfa að segja henni þetta hafði
aldrei virzt honum skelf ilegri en einmitt nú, þegar hann
stóð andspænis henni í sólskininu. Hann var algjör hug-
leysingi. Það var nógur tími til að segja henni það, áður
en skipið færi til Reykjavíkur, svoað hann sló því á f rest.
Svala hikaði andartak, áður en hún tók aftur til máls.
Svo sagði hún:
— Hann sagði mér ekki, að hann væri að f ara og hann
hef ur líklega ekki heldur sagt þér frá því? Manstu ekki,
að þegar ég leit inn til þín í fyrradag, sagðir þú, að hann
kæmi fljótt aftur.
— Hann sendi mér skilaboð um, að hann væri í við-
skiptaerindum, sagði Jónas. Hann hefur svo mikið að
hugsa um í sambandi við nýja bátinn, sem hann er að fá
frá Reykjavík.
— Sendi hann boð til þín?
— Já, svaraði Jónas, og fann til dýpstu fyrirlitningar
gagnvart sjálfum sér.
Svala sagði ekki fleira en hélt áfram leiðar sinnar.
Jónas horfði á eftir henni og gekk síðan niður í f jöru, þar
sem Jón var að gera klárt.
Ungu stúlkunni var afar órótt innan brjósts. Úr því að
Eiríkur hafði sent Jónasi skilaboð, af hverju hafði hún
ekkert heyrt f rá honum? Hún var of stolt til að spyrja, en
henni fannst hún sniðgengin. Það voru þó enn verri at-
burðir á döfinni.
Miðvikudagur 19. jlíni 1974
ill
liiii
Miðvikudagur 19. júni
7.00 Morgunútvarp
12.00 Dagskráin. Tónleikar.
Tilkynningar.
12.25 Fréttir og veðurfregnir.
Tilkynningar. Tónleikar.
13.30 Með sinu lagi.Svavar
Gests kynnir lög af hljóm-
plötum.
14.30 Gústav Mannerheim
marskálkur.Sveinn Ásgeirs-
son hagfræðingur flytur er-
indi. Það er inngangur að
þýðingu hans á köflum úr
endurminningum Manner-
heims, er verða eftir það
lesnar sem siðdegissaga.
15.00 Miðdegistónleikar
16.00 Fréttir. Tilkynningar.
15.15 Veðurfregnir.
16.25 Popphornið.
17.10 Tónleikar.
17.40 Litli barnatiminn.
18.00 Tónleikar. Tilkynningar.
18.45 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
19.35 Landslag og leiðir.Einar
Þ. Guðjohnsen talar um
leiðir úr Þórsmörk.
20.00 Samleikur I útvarpssal.
Marilyn Gibson Secor og
Guðrún Kristinsdóttir leika
Sónötu i B-dúr fyrir fiðlu og
pianó eftir Mozart.
20.20 Sumarvaka a. Snjóflóðið
i Goðdal 12. desember 1948.
Frásaga eftir Sigurð Rós-
mundsson. Auðunn Bragi
Sveinsson flytur. b. Tvö
kvæði um Jökuldalsheiði.
Höfundurinn, Guðmundur
Þorsteinsson frá Lundi,
flytur. c. Hún hefur lifað
eina öld af ellefuSéra Pétur
Sigurgeirsson vigslubiskup
talar um Ingu Jóhannes-
dóttur i Grimsey. d. Ein-
söngur.Svala Nielsen syng-
ur lög eftir Sigurð Agústs-
son, Eyþór Stefánsson,
Emil Thoroddsen og Sigfús
Einarsson, Guðrún
Kristinsdóttir leikur á
pianó.
21.30 trtvarpssagan: „Gatsby
hinn mikli” eftir Francis
Scott Fitzgerald.Þýðandinn,
Atli Magnússon les (5).
22.00 Fréttir. 22.15 Veður-
fregnir. Bein lina. Tveir
fulltrúar rauðsokkahreyf-
ingarinnar, Helga Sigur-
jónsdóttir og Lilja Ólafs-
dóttir svara spurningum
hlustenda. Stjórnendur
þáttarins: Árni Gunnarsson
og Vilhelm G. Kristinsson.
22.40 Nútimatónlist Halldór
Haraldsson ræðir við Her-
bert Hriberschek Agústs-
son. Leikin verða 12 verk
eftir hann.
23.45 Fréttir i stuttu máli.
Dagskrárlok.

Miðvikudagur
19. júni
20.00 Fréttir
20.25 Veður og auglýsingar
20.30 í sókn og vörn (stjórn-
málaumræður) ,Bein
útsending úr sjónvarpssal. i
umræðunum taka þátt tals-
menn þeirra fimm stjórn-
málaflokka, sem bjóða
fram i öllum kjördæmum
landsins við alþingiskosn-
ingarnar 30. júni næstkom-
andi. Hver um sig svarar
spurningum, sem spyrj-
endur, valdir af hinum
fjórum umræddra flokka,
leggja fyrir þá. Gert er ráð
fyrir að talsmaður hvers
flokks sitji fyrir svörum i 20
minútur.
Umsjónarmaður þáttarins
af sjónvarpsins hálfu er
Eiður Guðnason.
22.20 Fleksnes Norskur
gamanleikjaflokkur,
byggður á leikritum eftir
Ray Galton og Alan
Simpson. (Nordvision —
Norska sjónvarpið) Ég á
réttinn Þýðandi Dóra
Hafsteinsdóttir
22.50 Dagskrárlok.