Fréttablaðið - 23.01.2005, Blaðsíða 4

4 23. janúar 2005 SUNNUDAGUR
ÚTBOÐ „Í útboðsgögnunum voru
engin skilyrði um að fyrirtæki
mættu skila inn aðeins einu til-
boði og í ljósi þess skiluðu
nokkrir inn fleiri tilboðum og við
getum ekki gert athugasemdir
við það,“ segir Ásdís Halla
Bragadóttir, bæjarstjóri í Garða-
bæ, um gagnrýni á útboð bæjar-
ins á byggingarlóðum við Bjark-
arás. „Ég get ekki séð að þetta
hafi haft truflandi áhrif á niður-
stöðuna,“ bætir hún við.
Einar Sveinbjörnsson, fulltrúi
Framsóknar í bæjarráði, er
ósammála Ásdísi og segir það
ekki tíðkast í almennum verk-
útboðum að það sé hægt að gera
fleiri en eitt tilboð og að bæjar-
yfirvöld hefðu átt að gera það
ljóst. Þá segir Einar að það sé
vafasamt að gengið hafi verið til
samninga við Frjálsa fjárfesting-
arbankann um kaup á byggingar-
lóðum þar sem hann hafi ekki
uppfyllt skilmála um reynslu af
byggingu og sölu á húsnæði.
„Frjálsi fjárfestingarbankinn
hefur reynslu af samstarfi við
verktakafyrirtæki,“ segir Ásdís
Halla og bendir á að ekki sé búið
að semja við bankann. „Hann á
eftir að velja sér samstarfsaðila í
þetta verkefni og við erum að
kanna hver það verður áður en
við tökum afstöðu til þess hvort
við tökum tilboði þeirra eða
ekki.“ - bs
45 gætu misst vinnuna
Mikill uggur er á Stöðvarfirði eftir að stærsti atvinnurekandinn, Samherji,
tilkynnti að mögulega verði landvinnslan í bænum lögð niður.
Um 270 manns búa á Stöðvarfirði.
ATVINNUMÁL „Þetta kemur kannski
ekki á óvart en ég ætla að vona að
svona mörg störf tapist ekki. Mað-
ur getur rétt ímyndað sér ef ann-
að eins hlutfall starfa myndi glat-
ast á einu bretti á höfuðborgar-
svæðinu,“ segir Kristján L. Möll-
er, þingmaður Samfylkingarinnar
fyrir Norðaustur-kjördæmi um
fréttir þess efnis að Samherji
muni hugsanlega leggja niður
landvinnslu á Stöðvarfirði.
Um 270 manns búa á Stöðvar-
firði og ef Samherji leggur niður
landvinnsluna gætu 45 manns
sem vinna í 35 stöðugildum tapað
vinnunni, sem yrði mikil blóðtaka
fyrir sveitarfélagið.
„Þetta eru
slæmar fréttir og
það yrði auðvitað
mikið áfall fyrir
íbúa á Stöðvar-
firði ef stærsti
atvinnuveitand-
inn hættir land-
vinnslu þar,“
segir Guðmundur
Þorgrímsson, odd-
viti sveitarstjórn-
ar Austurbyggð-
ar. Guðmundur
segir að þar sem
fréttirnar séu nýj-
ar hafi ekki gefist
tóm til að ræða
þetta mál innan
s v e i t a r s t j ó r n -
ar.“Ég geri ráð fyrir að næsta
skref verði að óska eftir fundi
með Samherja til að afla upplýs-
inga um málið. Við getum ekki
rætt neina valkosti þangað til við
höfum fengið nánari upplýsingar
og kannað málið ofan í kjölinn.“
Kristján segir málið vera
grafalvarlegt og til marks
um hvernig stjórnvöld láti sig
litla staði á landsbyggðinni
litlu varða. „Þetta kemur ekki á
óvart miðað við gengisskráning-
una.
Kristján segir að ástandið á
Stöðvarfirði sé því miður í sam-
ræmi við það sem er að gerast
hringinn í kringum landið og á það
hafi hann bent áður. „Í haust sáum
við hvernig nokkrar rækjuútgerð-
ir urðu að leggja upp laupana og í
desember töpuðust 50 störf í
Mývatnssveit. Það dugir skammt
fyrir ráðherra að benda bara
á stóriðju á Austurlandi sem
dæmi um atvinnuuppbyggingu á
landsbyggðinni. Hún leysir ekki
þau áföll sem eru að dynja á stöð-
um eins og Stöðvarfirði eða í
Mývatnssveit.“
bergsteinn@frettabladid.is
Peningagjafir:
Bresk börn
best sett
BRETLAND, AP Bresk börn og ung-
lingar eru allra evrópskra barna
duglegust við að nauða í foreldr-
um sínum um peninga. Þetta
kemur fram í úttekt Datamonitor
á því hversu mikið fé íbúar
Evrópuríkja láta börn sín hafa.
Bresk börn á aldrinum tíu til
sautján ára fá andvirði um 90 þús-
und króna á ári samanlagt í vasa-
pening og peningagjafir. Sænsk
börn fá næstmest, andvirði um 85
þúsund króna. Spænsk börn fá
meira en helmingi minna, and-
virði 38 þúsund króna.
Ekki kom fram hversu mikið
íslensk börn fá. ■
Hafnarfjarðarleikhúsið:
Samningur
til fimm ára
LEIKHÚS Þorgerður Katrín Gunn-
arsdóttir menntamálaráðherra,
Lúðvík Geirsson, bæjarstjóri í
Hafnarfirði og Hilmar Jónsson,
leikhússtjóri Hermóðs og Háð-
varar, undirrituðu samning til
næstu fimm ára um stuðning
ríkisins og Hafnarfjarðarbæjar
við starfsemi leikhússins.
Hermóður og Háðvör er rúm-
lega tíu ára gamalt leikfélag og
Hilmar Jónsson leikhússtjóri
segir samninginn skipta miklu
máli. „Við fengum upphaflega
styrk til að setja upp Himnaríki
eftir Árna Ibsen sem sló í gegn.
Síðan hefur verið þróun í
styrkveitingum til okkar
og þessi samningur til næstu
fimm ára er stórt stökk
fyrir okkur.“
- bs,,Þetta eru
slæmar
fréttir og
það yrði
auðvitað
mikið áfall
fyrir íbúa á
Stöðvarfirði
ef stærsti
atvinnuveit-
andinn
hættir land-
vinnslu þar.
■ LÖGREGLUFRÉTTIR
Tengsl við skæruliða:
Dani í haldi
Ísraela
ÍSRAEL, AP Dönskum ríkisborgara,
sem grunaður er um tengsl við
líbanska Hezbollahskæruliða, er
haldið í fangelsi af ísraelskum
yfirvöldum. Maðurinn var hand-
tekinn 6. janúar en ekki var upp-
lýst um handtöku hans fyrr en á
fimmtudag og hefur það vakið
reiði danskra yfirvalda.
Danska utanríkisráðuneytið
kvartaði undan því við ísraelsk
stjórnvöld að fulltrúum sínum
hefði verið meinaður aðgangur
að manninum og ásökunum á
hendur honum haldið leyndum.
Tveir ísraelskir arabar voru
teknir í kjölfar handtöku manns-
ins. ■
Héraðsdómur Reykjaness:
Stútar bak
við rimla
DÓMSMÁL Tveir menn fæddir árin
1947 og 1949 voru í Héraðsdómi
Reykjaness dæmdir í þrjátíu
daga fangelsi og til sviptingar
ökuréttar ævilangt fyrir ölvun-
arakstur.
Áfengismagn annars manns-
ins mældist 2,02 prómill en 2,8
prómill hjá hinum. Báðir höfðu
mennirnir áður hlotið dóm og
verið sviptir ökuréttindum, sem
hafði ítrekunaráhrif. Mönnun-
um var báðum gert að greiða all-
an sakarkostnað.
- hrs
ÁSDÍS HALLA BRAGADÓTTIR
Segir að Frjálsi fjárfestingarbankinn hafi
reynslu af samstarfi við verktakafyrirtæki
og standist því skilmála.
Bæjarstjóri um útboð:
Engin truflandi áhrif
KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
62,61 62,91
116,63 117,19
81,31 81,77
10,92 10,98
9,92 9,98
8,98 9,04
0,6036 0,6072
94,89 95,45
GENGI GJALDMIÐLA 21.01.2005
GENGIÐ
Heimild: Seðlabanki Íslands
SALA
111,92 +0,09%
BÍLVELTA Í JÖKULDAL Engan
sakaði þegar fólksbifreið með
fjórum innanborðs valt í Jökul-
dal í gær. Að sögn lögreglunnar
á Eskifirði voru hálkublettir á
leiðinni þar sem bíllinn valt.
Bíllinn valt á hliðina í snjóskafl
og skemmdist ekkert.
Vélsleðaslys:
Drengur
slasaðist
SLYS Drengur á sjöunda ári slas-
aðist þegar vélsleði sem hann og
faðir hans voru á fór fram af
lítilli hengju skammt frá flug-
vellinum á Hólmavík á fimmta
tímanum í gærdag. Faðir
drengsins óttaðist að drengur-
inn væri alvarlega slasaður og
óskaði eftir aðstoð. Björgunar-
sveitin Dagrenning á Hólmavík
var kölluð út og fóru björgunar-
sveitarmenn á vélsleðum með
lækni á vettvang. Við fyrstu
skoðun var útlit fyrir að betur
hafi farið en á horfðist og meiðsl
drengsins lítilsháttar. Hann var
í kjölfarið fluttur á Heilbrigðis-
stofnun Hólmavíkur til nánari
skoðunar og var kominn þangað
45 mínútum eftir slysið.
- bs
FRÁ STÖÐVARFIRÐI
Samherji er stærsti atvinnurekandinn á Stöðvarfirði og veitir um 40 manns vinnu í landi.
KRISTJÁN L. MÖLLER
Segir málið alvarlegt og því miður ein-
kennandi fyrir þróun á landsbyggðinni.