Fréttablaðið - 23.01.2005, Blaðsíða 21

Draumastarfið Ef þú hefur sérstakt starf í huga skaltu kanna hvað þú
þarft að gera til að fá starfið. Hins vegar ef þú hefur allt sem til þarf í starfið
nægir jafnvel að fara og spyrja hreinlega hvort starfið sé á lausu og láta vita
af áhuga þínum, í stað þess að bíða heima eftir því að starfið verði auglýst..[ ]
Láta aðra um að skíra ærnar
Guðríður Baldvinsdóttir húsfreyja í Lóni í Kelduhverfi hefur í mörg horn að líta.
Verkaskiptingin er nútímaleg á heimilinu. Gugga vinnur að bústörfum eftir þörfum og Einar er liðtækur við þrif og önnur inniverk.
Ný könnun sýnir að Bretar
mæta vel í vinnuna.
Verkalýðsfélag í Bretlandi lét
gera könnun fyrir stuttu og kom
þar í ljós að Bretar taka sér fæsta
veikindafrídaga úr vinnu af öllum
Evrópusambandsþjóðum að Dön-
um undanskildum. Hins vegar
kom í ljós að fimmtán prósent
veikindadaga væru tekin þótt
starfsmenn væru ekki veikir í
raun.
Litið var á tólf lönd í Evrópu-
sambandinu við gerð könnun-
innar og kom fram að Bretar eru
meðal þeirra sem eru ólíkleg-
astir til að taka sér frí vegna
veikinda sem vara í stuttan tíma.
Portúgalir eru hins vegar dugleg-
astir í að taka sér veikinda-
frídaga. ■
Þeir sem opna vefsíðuna sim-
net.is/lon á internetinu sjá mynd af
reisulegum norðlenskum sveitabæ
og ægifagurt umhverfi hans
birtast. Þetta er Lón í Kelduhverfi.
Húsfreyjan þar, Guðríður Bald-
vinsdóttir, skógfræðingur heldur
úti fróðlegri síðu um lífið í sveit-
inni en hún og bóndi hennar, Einar
Björnsson, eru með sauðfjárbú-
skap og skógrækt. Reyndar vinna
þau bæði utan búsins líka, hún sem
svæðisstjóri Norðurlandsskóga í
Þingeyjarsýslum og hann af og til í
fiskeldinu Rifósi, í sveitarstjórnar-
málum og í bókhaldi fyrir bændur.
Þótt hægt sé að komast að
mörgu með því að skoða síðuna
slóum við á þráðinn til Guðríðar,
eða Guggu, eins og hún er kölluð,
til að forvitnast meira um hennar
hagi. Í ljós kemur að hún er að
byrja að vinna aftur utan heimilis-
ins eftir fæðingarorlof og keyrir
því til Húsavíkur flesta daga, um
40 kílómetra leið. Dóttirin Ásdís
er heima hjá pabba.
Eitt af því sem athygli vekur á
heimasíðunni er „kind vikunnar“
sem birt er mynd af og óskað
eftir nafni á. „Meiningin var að fá
ættingja og vini í lið með sér við
nafngiftirnar því þeir eru auð-
vitað dreifðir um landið en það
koma tillögur úr öllum áttum sem
við veljum síðan úr,“ segir Gugga.
Hún telur netkosninguna gera
þeim Einari léttara að muna nöfn-
in, en það er talsverð stúdía að
læra að þekkja 400 ær ekki síst af
því að stutt er síðan þau fengu
þennan fjárstofn. „Við þurftum að
skera niður vegna riðu 1999 en
keyptum fé af bóndanum á Vík-
ingavatni og fluttum það hingað
haustið 2002,“ útskýrir hún. Þegar
haft er á orði að ærnar séu prúðar
á lagðinn eftir myndunum að
dæma hlær hún. „Þær eru rúnar
tvisvar á ári þannig að þær hald-
ast vel snyrtar.“
Hjónin í Lóni hófu tilraun með
kornrækt á síðasta sumri og
Gugga segir uppskeruna gefast
vel. „Féð rífur kornið í sig svo því
finnst það gott. Það var notað í
fengieldi í haust og ánum verður
gefið það aftur með vorinu. Svo á
eftir að koma í ljós hvernig það
reynist, til dæmis hvort frjósemin
eykst.“
Að sjálfsögðu ræktar skóg-
fræðingurinn skóg. 25 hektarar
voru teknir undir skógrækt vorið
2002 svo hún er skammt á veg
komin. „Við þurfum bara að bíða í
nokkra áratugi eftir að geta notað
skóginn til beitar,“ segir Gugga
létt í bragði og er greinilega ekki
á leiðinni úr sveitinni enda kveðst
hún hafa valið háskólanám með
tilliti til þess að starf að því loknu
væri ekki bundið höfuðborgar-
svæðinu. Því er hún að lokum
spurð hvað heilli hana mest við
sveitalífið. „Friðurinn, náttúran
og mannlífið,“ svarar hún og bæt-
ir við. „Fólk hefur tíma fyrir sig
og sína. Allir þekkja alla og allir
eru reiðubúnir að hjálpa öllum.“
gun@frettabladid.is
Fyrirtæki hafa þurft að flytja
inn iðnaðarmenn að undan-
förnu en nú fer nemendum í
byggingariðngreinum fjölgandi.
„Ég tel fyrirsjáanlegan skort á
byggingariðnaðarmönnum hér á
landi miðað við þær framkvæmd-
ir sem standa yfir og verða
boðnar út á næstunni,“ segir Páll
Daníel Sigurðsson, sviðsstjóri
framkvæmdasviðs hjá fyrirtæk-
inu Eykt sem er stór verktaki í
byggingariðnaði. Hann segir Eykt
þó hafa gengið ágætlega að
manna sín verk og að yfir 90%
starfsmanna þess séu íslenskir.
Eyjólfur Bjarnason, byggingar-
tæknifræðingur hjá Samtökum
iðnaðarins er sammála Páli um að
iðnaðarmenn vanti um þessar
mundir og segir innflutning á
þeim vera staðreynd, enda mikið
af verkefnum í gangi vítt og breitt
um landið. Mun meira en var
fyrir fjórum til fimm árum.
Eyjólfur segir þá ánægjulegu
þróun vera í skólamálum að fleiri
sæki nú í nám í byggingariðn-
greinum en undanfarin ár og það
staðfestir Baldur Gíslason, skóla-
meistari Iðnskólans í Reykjavík.
„Nemendum hefur fjölgað veru-
lega á síðustu misserum í bygg-
ingagreinum, til dæmis húsa-
smíði, málun og múrverki,“ segir
Baldur sem kveðst hafa þurft að
bæta við sig kennurum af þessum
ástæðum. „Það er ekkert nýtt að
þetta gangi í sveiflum en þróunin
er sérlega ánægjuleg núna,“ segir
hann og upplýsir að um helmingi
fleiri séu að hefja nám í bygging-
ariðngreinum nú á vorönnn en
undanfarin ár. „Við vitum ekki
enn hvaða sérgreinar þeir nem-
endur velja síðan því grunnnámið
er það sama í byrjun,“ segir hann.
Ekki vill hann fullyrða neitt um
ástæður fjölgunarinnar en nefnir
bæði aukna eftirspurn í þjóðfélag-
inu eftir sérmenntun á þessum
sviðum og einnig nýja námsskrá
skólans sem virðist falla mönnum
í geð.
gun@frettabladid.is
Skortur er á byggingariðnaðarmönnum
Danir og Bretar harðir af sér
Fyrirtæki þar sem flestir starfsmenn
taka sér frí vegna veikinda sem vara í
stuttan tíma:
1. Portúgal
2. Ítalía
3. Belgía
4. Þýskaland
5. Frakkland
6. Holland
FR
ÉT
TA
B
LA
Ð
IÐ
/E
IN
AR
Hér er byggt við Elliðavatn.
Iðnnemar verða að tileinka sér nákvæmni í mælingum.
Þjóðminjasafn Íslands vill ráða í starf
Kynningarfulltrúa
Helstu verkefni kynningarfulltrúa eru kynningar-
mál, almannatengsl og útgáfumál. Starf kynning-
arfulltrúa felur í sér mótun á stefnu safnsins í
kynningarmálum og almannatengslum og mótun,
útfærslu og framkvæmd á kynningarherferð á
starfsemi safnsins. Um er að ræða fullt starf og
þarf viðkomandi að geta hafið störf sem fyrst.
Umsóknarfrestur er til og með 7. febrúar n.k.
Ítarlegar upplýsingar um starfið og kröfur um
menntun og reynslu er að finna í auglýsingu
Þjóðminjasafnsins á vefsíðunni www.starfatorg.is.
Umsóknir með ferilskrá, afritum prófskírteina og meðmæl-
um/upplýsingum um meðmælendur skulu berast til skrif-
stofu safnsins að Lyngási 7, 210 Garðabæ.