Fréttablaðið - 17.03.2005, Blaðsíða 10

ENGIN MISKUNN
Íranskir lögreglumenn fylgjast með aftöku
Mohammed Bijeh í gær en hann var
dæmdur fyrir að misnota og myrða sextán
börn. Áður en hann var hengdur voru hon-
um veitt 100 svipuhögg.
10 17. mars 2005 FIMMTUDAGUR
Samkeppnisráð:
Olíufélögin fá undanþágu
SAMKEPPNISMÁL Samkeppnisráð
hefur veitt Olíufélaginu, Olíuverzl-
un Íslands og Skeljungi undanþágu
til að skipta upp tíu samreknum
bensínstöðvum á milli sín. Þessi
undanþága gildir til 1. maí 2005 og
þarf uppskiptingunni að vera lokið
fyrir þann tíma.
Samkomulag olíufélaganna felst
í því að það félag sem hefur borið
ábyrgð á rekstri viðkomandi
bensínstöðvar tekur yfir eignarhald
hennar og rekstur.
Þannig kaupir Skeljungur eign-
arhlut hinna félaganna í bensín-
stöðvunum í Ólafsvík, á Fáskrúðs-
firði, Hvammstanga og í Þorláks-
höfn. Olíufélagið kaupir eignarhlut
hinna í bensínstöðvum á Ísafirði,
Kirkjubæjarklaustri og Dalvík og
Olís kaupir hlut hinna í stöðvunum í
Ólafsfirði, Stykkishólmi og á Siglu-
firði.
Samkeppnisráð telur uppskiptin
leiða til aukinnar samkeppni í smá-
sölu á þessum svæðum og því efna-
hagslegra framfara.
Félögin hafa lýst yfir að ekki
verði reynt að hindra eða koma í
veg fyrir samkeppni á þeim svæð-
um sem samkomulagið tekur til.
- ghs
Stúdentaráð HÍ:
Óvissa um
nýja stjórn
SKÓLAMÁL „Það er ekki komið á
hreint hver verður formaður
Stúdentaráðs né heldur hvernig
ráðum og nefndum verður skipt
en það verður ákveðið fljótlega,“
segir Jarþrúður Ásmundsdóttir,
formaður Stúdentaráðs Háskóla
Íslands. Í kosningum til ráðsins
kom upp oddastaða sem hefur
gert það að verkum að fresta
hefur þurft skipun nefnda.
Skipta átti embættum á þriðju-
dag en því var frestað þar til á
morgun.
Jarþrúður segir samkomulag
hafa náðst um að gefa þeim fylk-
ingum sem hlut eiga að máli
nokkra daga til að ráða ráðum sín-
um. „Þetta er allt í bróðerni en þar
sem ekki er komið á hreint hvern-
ig starfstíma ráðsins verður hátt-
að var þetta niðurstaðan.“ - aöe
MOSKVA, AP Rússneska öryggislög-
reglan hefur boðið þeim sem bent
geta á dvalarstað tsjetsjenska
uppreisnarleiðtogans Shamil
Basajev lýtaaðgerð svo að öryggi
þeirra verði tryggt. Kostnaðurinn
við aðgerðina bætist við þær 600
milljónir króna sem yfirvöld hafa
þegar sett til höfuðs Basajev.
Í gær sögðu rússneskir emb-
ættismenn frá því að einn for-
sprakka ódæðisins í Beslan hefði
sagt þeim að Aslan Maskhadov,
fyrrum leiðtogi Tsjetsjena sem
drepinn var í síðustu viku, hefði
tekið þátt í að skipuleggja gísla-
tökurnar í Beslan og því hefði
hann verið réttdræpur. ■
M
YN
D
A
P
Rússnesk yfirvöld með tilboð:
Uppljóstrarar
fá lýtaaðgerð
UNDANÞÁGA VEITT
Samkeppnisráð hefur veitt olíufélögunum
undanþágu til að skipta upp tíu samrekn-
um bensínstöðvum.
DVALARSTAÐUR MASKHADOVS
Ekki stendur þar steinn yfir steini enda
beið Maskhadov bana í sprengingunni. Vilja byggja
500 íbúðir
Fyrsti íbúinn gæti flutt inn á slippsvæðinu og við
Mýrargötu í lok árs 2009. Umferð verður lögð í
stokk og ný Mýrargata lögð ofan á hann.
FRAMKVÆMDIR Uppbyggingu
Mýrargötu og slippasvæðis gæti
verið lokið árið 2010 ef tillögur
að rammaskipulagi verður að
veruleika. Tillögurnar voru
kynntar í gær á vel sóttum
kynningarfundi í gamla Búr-
húsinu við Grandagarð.
Reiknað er með þriggja til
fimm hæða byggð að jafnaði en
á ákveðnum stöðum verður leyft
að byggja sex til sjö hæða hús.
Gert er ráð fyrir 500 nýjum
íbúðum og um 15.000 fer-
metrum af atvinnuhúsnæði.
Meðal annars er gert ráð fyrir
íbúðum aldraðra á Héðinsreit
ásamt þjónustukringlu og
hjúkrunardeild.
Gert er ráð fyrir að legu Mýr-
argötu verði breytt og gatan lögð
í stokk frá gatnamótum við Ægis-
götu vestur að Ánnaustum. Ný
Mýrargata verði lögð ofan á
stokkinn til að dreifa umferðinni
innan hverfisins.
Svæðið sem um ræðir nær frá
Ægisgötu vestur að Ánanaustum
og frá Vesturgötu og niður að
sjó, segir Richard Briem verk-
efnisstjóri. Þá sé megnið af
þessu svæði slippasvæðið gamla
sem enn sé í notkun.
Í húsum næst hafnarbakka er
gert ráð fyrir atvinnustarfsemi
eins og verslunum, listagallerí-
um og veitingastöðum á jarð-
hæðum en skrifstofum á efri
hæðum. Í byggingum þar fyrir
sunnan er gert ráð fyrir íbúða-
byggð en jafnframt möguleika á
atvinnuhúsnæði á jarðhæðum.
Þetta eru þó einungis tillögur
en gera verður breytingu á aðal-
skipulagi 2001-2024. Samkvæmt
hugmyndum hópsins sem unnið
hefur að tillögunum má búast
við að rif á mannvirkjum hefjist
á næsta ári og að fyrstu íbúarn-
ir gætu flutt inn í lok árs 2009.
Árið 2010 ætti því öllum fram-
kvæmdum að vera lokið. Alla
yfirlitsuppdrætti, greinargerðir
og fylgigöng má nálgast á
heimasíðu verkefnisins
myrarg.is solveig@frettabladid.is
MÝRARGATA 2010
Umferð sem nú fer um Mýrargötu verður leidd í stokk undir hverfið.
Skref í átt til friðar:
Tóku við
stjórn Jeríkó
JERÍKÓ, AP Palestínumenn tóku í gær
við stjórn Jeríkó á Vesturbakkan-
um. Borgin er sú fyrsta af fimm
sem Ísraelar ráðgera að afhenda
Palestínumönnum.
Háttsettir embættismenn beggja
þjóða þinguðu í allan gær um hvern-
ig standa ætti að valdaskiptunum.
Þegar ísraelskir hermenn tóku nið-
ur fána sinn við vegtálma fyrir utan
borgina um hádegisbilið og Palest-
ínumenn drógu sinn að húni þótti
táknrænum áfanga náð. Deilt var
um hvort innsigla ætti samkomu-
lagið með handabandi eða skrifleg
en á endanum varð síðarnefnda til-
lagan ofan á. ■
Skipasmíði:
Fimmtungur í útsvar
IÐNAÐUR Tuttugu prósent af
kostnaði við viðgerðir skipa
hérlendis skila sér aftur til op-
inberra aðila. Afleidd velta
tengdra greina er áætluð um 40
prósent. Þetta kemur fram í
sameiginlegri skýrslu fullrúa
iðnaðarráðuneytis, fjármála-
ráðuneytis og Samtaka Iðnaðar-
ins sem birt var í síðasta mán-
uði. Það var fyrrum forstjóri
Slippstöðvarinnar á Akureyri,
Ingi Björnsson, sem reiknaði
þetta út og hefur tölunum ekki
verið mótmælt.
Ingólfur Sverrisson, deildar-
stjóri hjá Samtökum Iðnaðar-
ins, segir að ekki sé leyfilegt að
taka tillit til þessa þegar verið
sé að reikna út tilboð. Hins veg-
ar séu þetta áhugaverðar upp-
lýsingar. - ss