Fréttablaðið - 17.03.2005, Blaðsíða 16

16 17. mars 2005 FIMMTUDAGUR
Harmóníkan er ástríða
Ísfirðingurinn Ásgeir S.
Sigurðsson er mikill
áhugamaður um harm-
óníkur. Hann hefur safn-
að tæplega hundrað
hljóðfærum og stofnað
eina harmóníkusafn
landsins heima hjá sér.
Í heimahúsi við Urðarveg 60 á
Ísafirði er sérstakt safn. Þar
hefur Ásgeir S. Sigurðsson komið
um fimmtíu glæsilegum harm-
óníkum haganlega fyrir í einu
herbergi og býður gestum og
gangandi að líta við og berja þær
augum.
„Hugmyndin að safninu kvikn-
aði fyrir um fjórtán árum þegar
ég fékk gamla harmóníku
gefins,“ rifjar Ásgeir upp. „Þá
fór ég að grennslast fyrir um
fleiri hljóðfæri og komst að því
að margir vildu losa sig við gaml-
ar harmóníkur en vildu vita af
þeim á stað þar sem yrði hugsað
vel um þau.“ Söfnunin gekk mun
betur en Ásgeir bjóst við og í dag
hefur hann eignast tæplega
hundrað dragspil. Ekki nema
helmingur þeirra rúmast fyrir í
safnherberginu og þarf restin því
að dúsa uppi á háalofti. „Ég hef
tilkynnt að ég muni gefa Ísa-
fjarðarbæ safnið þegar hann
eignast húsnæði fyrir það og
bæjaryfirvöld hafa tekið vel í
það.“
Ásgeir segist bera sérstakar
taugar til hljóðfæra sem eiga sér
sögu. „Harmóníkan var eina
danshljóðfærið hér áður fyrr og
hélt uppi skemmtanalífi margra
byggðarlaga. Ég hef lagt mig
eftir hljóðfærum þekktra harm-
óníkuleikara og meðal annars
komist yfir fyrstu harmóníkur
Jóhanns Jósepssonar frá Orm-
arslóni í Þistilfirði, sem var
mikill frumkvöðull, og Lýðs Sig-
tryggssonar frá Akureyri, en
hann er eini Íslendingurinn sem
hefur orðið Norðurlandameistari
í harmóníkuleik.“
Dragspilin eru ekki öll í góðu
ástandi en Ásgeir dundar sér við
að gera þau upp. „Þetta er allra
handa vinna; mikil trésmíði og
lagfæringar á belgnum eru
nánast bókbandsvinna. Þetta er
mikið nostur. Ætli það taki mig
ekki um 200 stundir að gera illa
farna harmóniku upp,“ segir Ás-
geir en tekur fram að hann vilji
glaður eignast fleiri hljóðfæri.
Ásgeir er giftur Messíönu
Marzellíusdóttur, en svo
skemmtilega vill til að hún er
harmóníkukennari við Tónlistar-
skólann á Ísafirði, og síður en svo
á móti því að hafa safnið heima
hjá sér. „Við spilum mikið saman
hjónin og erum samhent í þessu,“
segir Ásgeir, sem býr sig undir
landsmót harmóníkufélaga í Nes-
kaupstað í sumar. ■
MJÓLKURLÍTRINN KOSTAR 89 KRÓN-
UR Í Grímskjöri í Grímsey.
HVAÐ KOSTAR ÞAÐ?
Fyrir rúmlega tveimur árum sótti Íslenska
lamadýrafélagið um leyfi til landbúnaðar-
ráðuneytisins fyrir innflutningi á lamadýr-
um. Að félaginu stóðu Hjalti Már Björns-
son læknir, Ómar Ingþórsson landslags-
arkitekt og Sigurjón Jónsson jarðeðlis-
fræðingur. Þremenningarnir skoðuðu
lamabúgarða í Bandaríkjunum og sann-
færðust um að lamadýr væru ákjósanleg-
ir íbúar á Íslandi.
„Því miður sló Guðni Ágústsson á
drauma okkar,“ rifjar Hjalti Már upp.
„Hann neitaði okkur um leyfi og byggði
það á áliti yfirdýralæknis sem taldi of
mikla hættu á farsóttum fylgja því að
flytja dýrin til landsins. Þá ákváðum við
að fara ekki lengra með hugmyndina.“
Hjalti segir að síðan þá hafi starfsemi Ís-
lenska lamadýrafélagsins verið lítil sem
engin. „Við höfum einbeitt okkur að
öðrum hlutum og lagt þessar pælingar á
hilluna í bili, en hver veit nema við
gerum eitthvað seinna.“
Hjalti segir að sér og félögum sínum hafi
þótt það raunhæf hugmynd að nota
lamadýr til ferðamennsku og kjöt- og ull-
arframleiðslu. „Þessi dýr geta gengið um
nánast sjálfala eins og sauðfé og hestar,
þannig að það þarf litla fjárfestingu til að
flytja þau inn í landið.“ Hann segist þó
una ákvörðun landbúnaðarráðherra. „Ég
held að við verðum að beygja okkur
undir álit þeirra sem mest vita um far-
sjúkdóma dýra.“ Hjalti segir að til séu
aðrir kostir sem ef til vill sé vert að skoða.
„Það eru til dæmis möguleikar með
sauðnaut á Grænlandi sem mætti skoða
en við ætlum ekki að gera það.“
Lamadýrafélagið lagði upp laupana
EFTIRMÁL: INNFLUTNINGUR Á LAMADÝRUM
Veðrið hefur leikið við menn og
skepnur í Suður-Þingeyjarsýslu
að undanförnu og hafa margir
bændur gripið tækifærið til þess
að setja út kindur sínar.
Innistaðan veldur því að ærnar
stirðna og því er það kærkomin
tilbreyting að koma út undir bert
loft til þess að viðra sig auk þess
sem ekki sakar að fá sér kropp á
einhverju túninu.
Á dögunum mátti sjá fé úti á
nokkrum bæjum í Mývatnssveit
og á myndinni eru kindur á einu
fjárbúinu í Vogum að rölta heim í
fjárhús eftir góðan og sólríkan
sunnudag. ■
ÚR MÝVATNSSVEIT Kindum, líkt og mönnum, þykir gott að hreyfa sig og anda að sér
frísku lofti.
Ánum sleppt út:
Vetrarbeit
ÁSGEIR Á SAFNINU Ásgeir er mikill völundur og ver drjúgum tíma í að gera upp illa farnar harmóníkur sem honum hefur áskotnast
hvaðanæva af landinu. Hann segir það taka um 200 stundir að koma illa farinni harmóníku í gott ásigkomulag.
M
YN
D
/B
H