Fréttablaðið - 17.03.2005, Qupperneq 64

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Bæklingurinnfylgir blaðinu í dag
NÝTT KORTATÍMABIL
ÓKEYPIS
LÖGFRÆÐIAÐSTOÐ
á hverju fimmtudagskvöldi
kl. 19.30 til 22.00 í síma 5511012.
ORATOR,
félag laganema við
Háskóla Íslands.
Átröskun
Tvisvar sinnum fleiri börn greind-ust með átröskun á síðasta ári en
árið áður. Átröskun er ástand þar sem
matur og útlit fær óeðlilega mikla
merkingu fyrir fólk svo að það verð-
ur sjúkt. Fólk ýmist treður í sig mat
eða sveltir sig. Svo er til fólk sem
treður í sig mat og ælir honum jafn-
óðum upp aftur. En þetta er bara birt-
ingarformið. Á bakvið þetta er mann-
eskja sem er hrædd og týnd, full
sjálfsfyrirlitningar og ranghug-
mynda, ein í guðlausum heimi.
UNGAR stúlkur svelta sig til
dauða. Enda fá þær þau skilaboð frá
umhverfinu að þær verði ekki sam-
þykktar nema þær séu mjóar. Hver
vill verða eins og feitu og óham-
ingjusömu kellingarnar í Vikunni?
Viljum við ekki frekar vera eins og
glaða fólkið sem missti kíló? Og á
næstu blaðsíðu er svo kökuupp-
skrift. Þetta er svo sjúkt. Við höfum
afneitað mannslíkamanum.
ÉG sá auglýsingu um daginn þar
sem var verið að auglýsa Sims
tölvuleik. Framan á hulstrinu er
mynd af hamingjusamri stúlku með
anorexíu sem á í samræðum við
myndarlega stráka. Sims er vinsæll
leikur á meðal unglingsstúlkna. Ég
er ekki að segja að þetta sé tölvu-
leikjum að kenna heldur er þetta
bara eitt birtingarform sjúkleikans.
ÆSKU- og líkamsdýrkun og útlits-
kjaftæði veður uppi alls staðar.
Mönnum er meira umhugað um
hvernig þeir líta út að utan heldur
en hvernig þeim líður að innan.
Þetta heitir yfirborðsmennska. Og
þar erum við. Við erum fangar
okkar eigin yfirborðsmennsku og
ótta. Hvað gleður það að fá fallegan
pakka ef ekkert er í honum? Ég held
að Djöfullinn ráði mikið meiru í
heiminum en við gerum okkur grein
fyrir.
EN það er ekki nóg að efla heil-
brigðisþjónustuna. Fólk þarf að
vakna til meðvitundar um að þetta
er andlegur sjúkdómur og verður
aðeins læknaður eftir andlegum
leiðum. Þetta er okkur öllum að
kenna, lifnaðarháttum okkar og
hugsunarhætti. Við þurfum að hætta
að taka þátt í þessu, annars verða af-
leiðingarnar hræðilegar. Hættum að
hampa fólki sem hefur ekkert fram
að færa annað en líkamlegt úlit. Ef
fólk væri jafn duglegt að rækta and-
ann eins og það ræktar líkamann þá
mundi þetta vandamál minnka.
Svarið er Guð. Maðurinn lifir ekki á
brauði einu saman.
JÓNS GNARR
BAKÞANKAR