Atuagagdliutit - 01.12.1960, Blaðsíða 7
A vitamine timip pmgitsorsmåungilå
aulisagkat milumassutdlo erdlavé A vitaminenardluartuput
sordlo sujornatigut taineKarérsoK
vitaminit pivdlugit ilisimassaKaler-
nerput nutarfasigpoK, vitaminitdlo su-
niutarnerat sulissarneratdlo pivdlugit
sule aperKuterpagssuaKarpoK ersser-
Kigsumik ilisimaneKångitsunik. kisiå-
ne vitaminit tamarmik angivatdlå-
ngikaluamik pissariaKartuput timikut
ineriartorneK pissusigssamisorKUvdlu-
go perKigdluarumavdlunilo.
vitaminit tamarmik ingmikortunut
mardlungnut avgorneKarsinåuput, té-
ssa imerme arrortineicarsmaussut å-
malo orssume arrortineicarslnaussut.
imaKa malugisimåsavat orssoK imer-
mut akuliutitiniaraluaråine avigsår-
niartuartarpoK orssordlo ervngup Ka-
ne katerssutardlune. vitaminit orssu-
mit arrortineKarsinaussut pigineKar-
pata orssutut ilivdlutik imermit avig-
sårniésåput. orssordle pugtassoK ing-
mikortitdlugo vitaminimik orssume
arrorsinaussumik akugåine tåuko
mardluk akuerutdluinarsinåuput avig-
sårKigtaratik. taimåitumik vitaminit
avgornerisa ilait taimåitut taineKar-
tarput orssume arrorneKarsinaussu-
nik.
vitaminit orssume arrorneKarsinau-
ssut ilåt Kimerdlulåriartigo, tåssa A
vitamine.
A vitamine navssårineKarpoK 1909-
me amerikamiunit mardlungnit, tåuko
påsinarsitingmåssuk punerme måniup
augpalugtortåne sårugdliuvdlo tigua-
ne atorfeKartoK terissat teriarssuitdlo
agdliartornerinut iluaKutaussumik su-
niutartumik. stofimik téussuminga 6-
Kåtårinerit avdlat takutlpåt stofip tåu-
ssuma tårtume issigissaKéngitarneK
inungnilo saunertigut nåpauteicartar-
neic pitsailisinaugai. taimåitordle mi-
sigssuinerit kingusingnerussut påsi-
narsisisimavåt A vitaminimik taine-
KartoK atausinåungitsoK vitaminitdle
mardlussut.
tårtume tagpingnarton
vitamine tåuna tårtume issigisinåu-
nginermut pitsailissutaussartoK taigu-
tå atortinardlugo A vitaminimik taine-
KartarpoK, stofile saunertigut nåpau-
teKarnermik akornusisinaussoK D vi-
taminimik taineKardlune. stofe tåuna
pingåruteKéssusialo kingorna tikiku-
mårpavut.
A vitamin pingåruteKarpoK issit er-
Kåne ameraussanut åmalo sordlungnut
iggissamutdlo tåssa A vitaminimik nå-
magtumik pigssarsissamerup amerau-
ssat perKigsungortitarmagit bakteri-
ssatdlo såssussinigssånut akiusinaune-
russungortitdlugit.
teriarssuit arnavissat atordlugit mi-
silinerit tåssa teriarssuit sivisujåmik
nerissanartitdlugit A vitamineKångit-
sunik, påsinarsivoK piaraisa ilait ilo-
KiåussuteKarnerussut teriarssuarnut A
vitaminimik nåmagtumik pissartunut
nalenciutdlugit. iloKiåussutit taimåitut
inungnitarsimanersut ersserKigsumik
ilisimaneKångilaK. ilimanartorujugssu-
vordle taimåitoKarsimåsassoK. kisiåne
misiliniarneK ajornaKaoK misiligtitug-
ssanut taima navianauteKartigititdlu-
go.
A vitaminimik amigauteKarnikut
tårtume issigisinåungineK pilersine-
KarsinauvoK, tåssa imåipoK tarrajug-
tume takungningniarnigssamut isse
sungiussiumårnertusinauvoK. nalungi-
lat inimit Kaumassorujugssuarmit ini-
mut tarrajugtumut pigåine tarrajung-
nermut isse sivisujåmik sungiussinia-
ratdlartarpoK. kinguninguale sutdlu-
nit issiginiarneK ajornarungnailersar-
put. tårtume issigsinåunginermik ajo-
KUteKaråine tarrajugtumut isse siviso-
rujugssuarmik sungiussiniartarpoK, a-
jOKutdlo angnertusimagpat takussa-
KarneK ajomartarpoK.
tagpingiutausinauvoK
méraK taimaigpat A vitaminimigdlo
pigssarsisineKarane tauva tårtume i-
ssigisinåungineK tagpingivingnermik
kinguneKarsinauvoK, tåssa ameraussat
issimitut issitdlo matua ameraussaK
parmitarmata aserunenalerdlunilo uv-
dlut ingerdlanerine issip igalaussartå
Kagdlertardlugo. nåpaut taima sualug-
tigilersimagpat takungnigsinauler-
KingnigssaK ajornarsissarpoK måssa
taimaiserérnikut A vitaminimik nå-
magtumik pigssarsissaraluaråinilunit.
aserunerit kingorna mamitaraluarput,
kisiåne KileroKalersarpoK ameraussa-
mik issip matuanik aseruissumik tåu-
na avKutigalugo issigissaKarneK ajor-
narsissardlune. nåpaut tåima issip pa-
nerdlune nåpautånik taineKartartoK
1920-kune 1930-kunilo Danmarkime
mérårKane KaKutigortungilaK. pissu-
tåuput aningaussarsiornlkut pissutsit
ajortut taimane, tåssa imuk iluamér-
sok pisiarineKarane imuk orssortaia-
gaK pisiarineKartarmat margarinalo
punermut taorsiutdlugo, taimane imuk
orssortaiagaK margarinalo A vitamini-
mik imaKångingajagput. taimåitumik
1937-me aulaj angerput A åma D vita-
minit margarinamut akuliutalerumav-
dlugit, tåssalo månåkut margarina pu-
nertut A vitamineKartigaoK. måna na-
livtine nåpaut tåuna Danmarkime ta-
kugssaujungnaersimavoK, Kalåtdlit-
nunånilo atorneKarsimanersoK påsine-
KarsimångilaK.
sordlo A vitaminimik mikivatdlå-
mik pinigssaK årdlerinarsinaussoK å-
ma angivatdlåmik pinigssaK årdleri-
nauteKarpoK. angivatdlåmik A vitami-
nimik pisinauneK silarssup angnersså-
ne atorneKarneK ajorpoK tåssa neri-
ssagssat A vitamineKarpatdlårtut Ka-
KUtigortungmata.
nånup tingue
nuname tamarme naluneKarunångi-
laK nånup tingue nerissariaKångitsut
nåpalissutaussarmata. tamatumunga
pissutauvoK nånup tingue A vitamine-
Karpatdlårdlutik toKunartutut suniu-
tarmata. nånumik tingugtorsimagåine
perKautåne uivssångulernartarpoK ka-
majasinardlunilo sinerusungnartoru-
jugssuvdlunilo. uvdlup atautsip mig-
sså Kångiugpat ameK KagdleK kataga-
lersarpoK (utilersarpoK) eKit Kingav-
dlo erKåt sujugdliuvdlutik kingornalo
time tamåkerdlugo åmalo merKut ka-
talerdlutik. toKunartoKarneK atutit-
dlugo åma idngåkut augkajungnartar-
POK.
augkajungneK kalåtdlit akornåne a-
tukajugtuvoK. isumaKartoKartarpoK
tamatumunga pissutaussoK kalålimer-
nit ilarpagssue, sordlo puissit Kilalug-
katdlo tingue A vitaminimik imaKar-
patdlårdlutik uvdlut ingerdlanerine
—
kunglkunut niorKuteKartartOK
Leverandør til
det kongelige danske hof
STEFF
KVALITETSVARER
overalt i Grønland
niorKutigssat pitsauv-
dluartut Kalåtdlit-
nunåne tamarme
—.....................
timime A vitaminerpagssuit katerssu-
tarmata. malungnartarpoK augkajung-
neK asimioKarfingne atunerussarmat
igdloKarfingningamit, tåssame igdlo-
Karfingmiut nerissagssat pisiniarfing-
miut A vitaminimik angnikitsuinar-
mik ilaKartut pisiarinerussarmatigik.
A vitamin nerissagssane umassunit
pissuinarne navssågssauvoK, naussu-
nile åssigingitsune stofeKarpoK sana-
neKarnermigut A vitaminimut åssi-
ngussorujugssuarmik. guleroditut aug-
palungusersumik-sungårtumik Kali-
pauteKarpoK. stofe tåuna taineKartar-
poK carotin. inalugkane nerissat une-
Karneråne carotin A vitaminingorti-
neKartarpoK, agfåle migssiliordlugo
maungåinartarpoK tamåt atorsinåu-
nginavtigo.
nerissagssat A vitaminilerujugssuit
umassunit pissuput. tåssa milumassut,
tingmissat aulisagkatdlo tingue, åmå-
taoK navssågssåuput Kavsialuit måni-
up augpalugtortåne, punerme marga-
rinamilo, tåssame margarinamut ing-
mikut akuliuneKarsimangmata.
umassut pilersisinåungilat
misigssuineritdle åssigingitsut påsi-
narsisisimavåt nerssutit inuitdlunit
nangmingneK vitamine pilersisinåu-
ngikåt. tåssa imåipoK A vitaminit ta-
marmik naussunit pilerKårsimåsåput
seKernup Kaumarna ikiortigalugo nau-
ssune carotiniuvdlutik pingortarmata.
åmalume påsinarsisimavoK naussut
seKernup såkortumik Kaumavfiane ag-
dliartortut carotinilerujugssussut nau-
ssunit åssimingnit KaumaneKångine-
russume agdliartortunit. naussunit ca-
rotinileruj ugssuarnit taineKarsinåuput
gulerodit, grønkålit, spinatit tomatit-
dlo.
nerissagssat uneKarnerine nautsor-
ssutigissariaKarpoK vitaminit ilarpålue
ånaineKåsassut tåssa aserortarmata.
nerissagssat KajagssCnagit suliarissa-
réine vitaminé pilertornerussumik a-
seromeKartarput akerdlianigdlo. tai-
méitumik uvagut nangmineK ikiusi-
nauvugut vitaminit sapingisamik a-
merdlasut aserorneKarKunagit.
erKaimassariaKarpoK nerissagssat
KalatineKartåsangmata iga matusima-
niardlugo silåinarmik angnikitsuinar-
mik isertOKarKUvdlugo. kissarpatdlå-
ngitsumik KalatitsissariaKarpoK igaK
Kalaortisinaulersinardlugo, nerissag-
ssatdlo aKilisinardlugit Kalatitarniåkit,
avdlatdle måne OKaluseriniångisåka
pissutauvdlutik pissariaKarsinauvoK
igåt Kalagdluarsimanigssåt. ilioriusig-
ssat tamåko misigssoråine vitaminit
amerdlanerpåt nerissagssatdlo mamå-
ssusiat pitsaunerpåK piginarneKartar-
put Kissugssartutigssaraluitdlo sipår-
neKardlutik.
A vitamin vitamininut aulajåineru-
ssunut ilauvoK. sordlo oKautigineKa-
rérsoK orssume arrortineKarsinauvoK,
imermile arrortineKarsinaunane, tai-
maingmatdlo imermut Kalagtumut
angnikitsuinarmik akuliutarpoK. åma
kiåssutsip suniutarneranut akiutdlu-
arsinåussuseKarpoK, kissagtitsivat-
dlårnermile sujatsinerme A vitaminia-
luit asiussarput tåssa silåinaup iltia A
vitaminimut akuliutdlune A vitamine
aserortarmago kissarpatdlårtumilo su-
kanerussumik asiussardlune. nerissat-
dle ikingnerssait kisimik sujåneKar-
tarmata tamåna pingåruteKangångi-
laK.
måne Kalåtdlit-nunåne A vitamini-
mik amigauteKarnigssaK KaKutiguinaK
årdlerinarsinauvoK. nerissautsitdle av-
dlångoriartormata inuit amerdlaneru-
jartuinartut pisiniarfingme pisianik,
Kårsitdlarniartalerdlutik tikuåsavdlu-
go pissariaKarsinauvoK pingårtumik
mérKat akugtungitsunik aulisagkat
milumassutdlunit erdlavinik pisitaria-
Karmata uvdlut ilåne malungnarser-
Kunago A vitaminimik amigauteKar-
neK pissutigalugo tagpitsungortut.
Gerda Dybdal.
Vi ønsker vore venner og bekendte i Grønland
en rigtig glædelig jul og et godt nytår.
På gensyn til sommerl
Kalåtdlit-nunåne iktngutivut ilisarisimassavutdlo
jutdlime ukiortågssamilo ajungitsunik kigsautdlu-
git pivdluarKungårpavut.
aussamut takorKigkisa!
AERO-LLOYD
Set Pederstræde 38, København K.
7