Atuagagdliutit - 17.04.1984, Síða 26

Kirkeside
Poorskisiortaraeq
— inuuneq pillugu
nalliuttorsiomeq
Kristuse ajugaussoKsdningassulingme, K’agssimiune oKalugfiup alteria.
Den sejrende Kristus på korset, alteret i kirken i Qassimiut.
(Narsaq Foto)-
All.: Erik Fonsbøl
Nunarsuarmi sumiluunniit qangar-
suarmit maannamut inuit inuune-
ranni nalliuttorsiomeq pingaarner-
paasimavoq. Nalliuttorsiomeq ul-
luinnarnik avaanngunartunik al-
lanniineruinnanngilaq — sulinngif-
fik piviusunik avaanngunartunik
qimatsiviusinnaasoq. Nalliuttor-
siomeq taanna tassa piviusoq —
nalliuttorsiomeq taanna tassa pi-
ngaarnerusoq, minnerunngitsumik
nalliuttorsiornerit upperisarsior-
nermut tunngasut.
Tamakku sakkortuumik qaman-
nga pisumik ilumoortumillu ator-
tarpavut. Inuunerup pissusia ilor-
lerpaaq qanittarparput. Guuti qa-
nittarparput. Nalliuttorsiomeq
sakkuuvoq eqqarsaatinut ilorler-
paanut misigissutsinullu anitsiviu-
soq oqaatsit imaluunniit nipilersor-
neq iluutsilluunniit naalagiarner-
mut tunngasut aqqutigalugit. Nal-
liuttorsiornernillu tamakkunannga
allanit tamanit annermik taamaap-
poq upernaap nalliuttua imaluun-
niit poorski, tassami nalliuttorsior-
neq taanna inuuneq perpiarlugu
nalliuttorsiornerummat.
Kristumiut poorskisiortarnerat
juutit poorskisiortarnerannik nag-
gueqarpoq. Pileqqaarnerani uper-
naap nalliuttorisimannguatsiar-
paa, kisianni tassa piaartumik Is-
raelikkut oqaluttuarisaanerannut
tamalaaqisumut ilanngunneqarsi-
masoq, tassa Æyptenimi inussiaa-
taanermit aniguisitaanermut.
Taakkunani poorskisiummik nere-
qatigiinneq nalliuttorsiornerup qi-
terisarpaa (pingaarnersaralugu),
tassanilu savaaraq poorskisiutissaq
nerineqartarluni iffianik seernartu-
ligaanngitsunnik naasunillu su-
ngarnitsunik illulerlugu. Savaaraq
poorskisiutissaq taanna pileq-
qaammut tassaasimagaluarpoq sa-
vaaraq pilliutissaq. Assigiinngit-
sorpassuarnik upperisalinni ileq-
quusimavoq savaaraq erniusoq
siulleq katersueqqaarnermiluunniit
pissarsiat ilaat qujaniutitut pilliuti-
gineqartarlutik pissaanermut pin-
rigortitarsuup nukiinik naalagaasu-
mut.
Israelikkulli oqaluttuarisaane-
ranni kingusinnerusukkut pilliut
qujaniut taanna pilliutinngorsima-
voq saammarsaat (»Pilliut ajortaa-
ruteqqussut«). Tassani savaaqqap
poorskisiutissap pilliutigineratigut
inuit ajortaat saammaannartitissa-
gai. Pilliut taamaattoq kinguneri-
lermat naalaffissuarmut Jerusalaa-
liaasoqalersarsimalluni. Jesusip
nalaani taamaassimavoq, tusarpar-
pullu Jesuse ajoqersugaalu arlale-
riarlutik Jerusalaaliartarsimasut
poorskisioriartorlutik.
Toqumut ajugaaneq
Kristumiunut siullernut pissusissa-
misuuinnarsimavoq juutit poor-
skiata nalliussinissaa — tassami
juutiujuarsimapput — pilertoqisu-
milli nalliliuttorsiornerup pissusia
allanngorsimavoq, tassani Jesusip
toqunera makinneralu tassaalerlu-
tik nalliuttorsiornerup tamarmi qi-
terisai. Jesusip toqunera eqqaa-
niarneqarpoq tassaasoq savaaraq
poorskisiutissavik pilliutigitittoq i-
nuit ajortaat saamaannartikkumal-
lugit, minnerunngitsumillu Jesusip
makinnera eqqaaniarqarpoq
poorskip ullaani kuisittoqarnerup
naalagiutigineqarnerani pingaar-
torsiornaqisumik, tassani ilagiin-
nut ilannguterusuttut sivisuumik a-
joqersorneqareerlutik kuineqar-
mata. Kuisinneq saqqumisumik as-
sersuutaavoq toqumut inuuner-
mullu nutaamut makititaanermut
— annaassisoq kikiattugaasoq ma-
kissimasorlu inooqatigilerlugu.
Poorski upernalernertut oqalut-
tuarpoq inuunerup toqumut aju-
gaaneranik — ajunngitsup ajussu-
sermut ajugaaneranik-sallusuissu-
tip sallumut ajugaaneranik. Poor-
ski nalunaaqutaavoq uatsinnut
tunngaatitaq — qungujunnertut
kiinnami atugarliunneqisumi aki-
suguttutut, siooranerlu nalorniner-
lu inuunitsinnik tarratut taartitsisut
peersillugit. Poorskimi nalunaaru-
tip oqaluttuuppaatigut ajunngitsu-
nik, nutaanik toqup isaaffiinit tu-
sagssaqartugut — taanna toqusori-
sarput uumammat — inuuneq maa-
ngaannarsorisarput, taanna pissaa-
neqarpoq naleqarlunilu takorloor-
sinnaanngilluinnakkatsinnik.
Asanninneq ilimasuut
Tassaavoq asanninneq qanga ili-
masuutigisimasaraluarput, imma-
qali upperiunnaarsimasarput (tati-
giunnaarlugu) silarsuarmi asannin-
nermik pingaartitsiviunngilluin-
nartumi ajorsartitaajuartuummat.
Immaqa naakkittaatsunngorpugut
silamiut naakkittaatsuummata —
immaqa misigittaatsunngorpugut i-
nuuneq naakkittaatsutut asannis-
suseqanngitsutullu misigisaratsigu.
Immaqa inuuneq iluanaarniarfiin-
nartut isigilerparput suut akeqartut
kisiisa suliarisalerlugit — inuuneq,
taanna eqqarsaatiginngilarput ani-
guinissaannarli eqqarsaatigalugu.
Tassalu tamanna inuunerup inatsi-
saanik taasarparput.
Tassuunakkulli pissuserput ilor-
lerpaaq tunupparput. inuppalaar-
nerput qerlerlugu peersipparput
imminik soriarneqarsinnaajun-
naarsarniaratta. Inuuneq inuuffi-
geqqullugu pinngortitaalluta qi-
mapparput taassumunnga toqusu-
tut ilerluta asanninneq matoorut-
tuttut mattukkatsigu. Taamaattu-
mik avissaartitsimavugut sioorallu-
talu qimaasutut nunami inunnilu
takornartani.
Nalunaarutip inuunissarpiatsin-
nut utersarpaatigut. Nalunaarutip
eqqumiitsup makissimanermik (na-
lunaarutaasup) asanninnermik ili-
magisatoqarput saqqummerseq-
qippaa qaamanermut piseqqittuar-
lugu. Anniartitaaneq toqulu ilio-
riusissaqarfiginngisavut tamatuma
qasusutut qanorlu ilioriusissaarut-
tutut uniinnarfigitissanngilai (nalu-
naarutip) oqaatigimmagu ajornar-
navianngitsoq inuuneq asanninner-
lu upperissallugit.
Tamanna qangarsuarmit pasine-
qareerpoq poorskip ullaani kuisit-
sisarnerisigut. Paasisimavaat toqu
suujunnaarsitsivissarlu tunngavim-
mikkut sajuppilutsitaasut, taa-
maattumillu ilumoorullugu nuan-
naarlutik ilasseqatigiittarsimapput
ima oqarlutik:
Makissimavoq — Aap, ilumut
makissimavoq!
Tassaavoq ilassinnissut poorskip
ullaani suli grækerit nunaanni
poorskip ullaani tusarsaajuartoq-
Uagullu poorskimi ilassinnissutigi-
sartagarput tassunga naleqqiullugu
susunneqannginnerugaluartoq taa-
maattoq uagut pigaarput isumat-
sinnut pissutsitsinnullu naleqqut-
toq, imaalumi aamma taannaavoq:
Poorskimi pilluaritsi!
(Nut.: Augo Johansen)
Store vogne

»21818«

Døgnvagt
minitransport
26 NR. 16 1984
ATUAGAQDLIUT1T