Atuagagdliutit - 14.08.1991, Blaðsíða 7

NR. 92 1991
ATUAGAGDLIUTIT/GRØNLANDSPOSTEN
7
Ulapiinnaq sulisarpugut
Pilattaavimmi sulineq artornartuullunilu qasunartuuvoq
Ullo’qeqqalermat Tovep iisartakkat »ullo’qeqqasiutissat«
saqqummerpai, ilaasalu pingasut kissartortugassat, ham-
burgerryg rosenkålilinnik miserallit kinguleqqiutissallu
paamat uutat agguaatilerpaat.
Tyve minutter i tolv linder Tove »middagspillerne« frem,
mens de tre andre er gået i gang med uddelingen af dagens
ret, hamburgerryg med stuvede rosenkål og henkogt frugt
til dessert. (Foto: Louise-Inger Lyberth)
NUUK(KR) - Napparsi-
masunik paarsisoq Tove
Nymark ullaakkut arfi-
neq marluk qaangeriitsi-
arai suliartorluni iseri-
artulermat kamippaasa
kimmiisa tullappattar-
nerat napparsimmaviup
torsuusarsuini iperari-
arpallannertut nippaa-
ritsigaaq. Atisani sullisi-
nik taarsereeramigit su-
leqatini aggiaarsimasut
ilassiartorpai. Ullormut
pigaartuusussat sisamat
unnuakkullu pigaartuu-
simasoq kaffisortarfim-
mi naapeqatigiimmata
Lone, Jette, Tove Agne-
silu pisimasunik ilisima-
tinneqarput. Emmallu
unnuaq taanna Dron-
ning Ingridip Nappar-
simmavissuata Nuum-
miittup pilattaasarfiani
K2-milu pisimasut oqa-
luttuarai. Naggataati-
gullu napparsimasut 36-
it napparsimasunik
paarsisunut pigaartuu-
sussanut sisamanut ag-
guataarneqarput.
Arfinineq pingasunngu-
lersorlu portørip qamussuit
assakaasullit napparsima-
sut ullaakkorsiutissaannik
imallit tikiuppai.
Ullaakkorsiutissat ininut
agguaanneqarput, Tovellu
kikkut sunik nakorsaatitor-
tussaanersut takuniarlugu
napparsimasut journalii ka-
tersorpai. Iisartakkat na-
korsaataasivimmiit aqqari-
arlugit iisartakkat imertar-
feeraasanut qamutinut ilio-
rarsimasaminut ikiorarpai.
Ilungersunarnerpaaq
Jette Tovemut ikioqquvoq.
Arnaq utoqqaap, aqagu ul-
laakkut pilatsittussap, tara-
julersuutaa allanik taarser-
neqarmat oqorutai masat-
sinneqarsimapput. Jette To-
vellu sinngusai qipialu alla-
mik taarserpaat. Arnap
utoqqaap suna pillugu taa-
maaliorneqarnini paasillu-
anngilaa.
- Inuit oqaloqatigisin-
naannginnerat tamanit
ilungersunarnerpaajusar-
poq, taamaattumik pisaria-
qalersillugu nutserisuusin-
naalluartumik pissarsiorta-
riaqartarpugut, Tove oqar-
poq.
- Tassa!
- Qujan...
- Illlllu! - Tovep arnaq
utoqqaq ikioreeramiuk taa-
maoqaluutsitsiarput. Atisat
piikkat errortassaasiviliaan-
neqarput, Tovellu assani er-
rortuleraalu sianeq toruu-
samiittoq sianerpalulerpoq.
- Qanormaa, sumummaa
killippunga? Tove imminut
aperivoq, qamuteeqqallu ii-
sartakkanik imallit nassaa-
rigamigit aallaruteqqippai.
Jettellu joumalit nakkuti-
geqqissaarpai.
Tove iisartakkat ilaanni
amigartooriarami torsuu-
sakkut arpaannaqutipallap-
poq naammaqqutissaannik
aallerluni. Apuullunilu qis-
similluni takulerpaa nap-
parsimasut ilaat aqqaqqu-
saanngitsoq taavaana sinif-
fimminiit aqqalerataallar-
toq. Tovep nakorsaataasivik
pamaapallassinnarlugu ini-
mut isipallappoq. Arnaq
utoqqaq, pilatsinnissaminut
ulluni arlalinni utaqqisima-
soq utaqqikatalluinnarsi-
mavoq. Nipituumik naam-
magittaalliorpoq, Tovelu ar-
paannaq anillappoq issia-
vimmik assakaasulimmik
ujaasiartorluni. Arnaq To-
vemit ikiorneqarluni issi-
vimmut ingituarami ilorri-
simaalerpoq, kiisami allan-
nerami. Taamaalisorlu tele-
fuuni sianerpalulerpoq, To-
vep tiguaa:
- K2, gruppe 3, Tove!
Isersimaartarfik
Nakorsaaneq sianerpoq,
naasaanissaminut piffissa-
qannginnerarluni, Tovellu
issartakkanik agguaanini
aallarteqqippaa.
Inimi siullermiipput ar-
nat utoqqasaat pingasut nu-
annisaartut. Ataaseq sinif-
fimmini issialluni nuersaa-
voq, alla pujortarusaarpoq
pingajuallu nujaleriteru-
saarpoq. Sunaaffami aneer-
nissaminut akuerineqarsi-
masoq.
Inip aappaaniipput nu-
kappiaqqat marluk, aappaa
niuiarsimasoq aappaalu
tuiiarsimasoq. Radio nipit-
toruloorsimavaat marluul-
lutillu Tove qinngasaaqat-
taarpaat. Tovellu anaanar-
palaartumik oqaluullugillu
naviipajuppai.
Iisartakkanik agguaasse-
reerlunilu Tovep arnat isia-
vimmi assakaasulimmiittoq
kamalluinnarsimasoq naa-
pippaa. Angerlarusupporo-
oq. Ikiortaasullu kalaallisut
oqalussinnaasup, Lonep, eq-
qissisarniarlugu oqaluuti-
lerpaa. Utoqqarli kamallu-
nilu piuminaalliortorujus-
suuvoq.
Telefuuni sianeqqippoq.
Tovep kiisami iisartakkat
sinneruttut inississinnaa-
lerpai. Taamaanneranili ar-
naq kamattoq kiisami eqqis-
sisimavoq. Inimi isersi-
maartarfimmi issialluni Ag-
nes timmisartumik, qangat-
sianngorpoq napparsimma-
vissuup sioraani kanger-
lummut nakkarsimasumik
oqaluttuuppaa.
Kaffisupallanneq
Qulinngulersorlu Tove suli-
sut qiteqquttarfianni pi-
gaartarfiup iluatungaaniit-
tumi kaffisupallannissami-
nut piffissaqalerpoq. Ul-
laakkorsiorneq naammasse-
reermat ulapinnarpallaa-
runnaarpoq. Jette sianeqat-
taarpoq gipsiliisussat, por-
tørit napparsimasullu an-
gerlartussat billettissaat
pissarsiariniarlugit.
Qulinngoriitsiartorlu eq-
qissisimaarfissaajunnaavip-
poq. Portørit marluk akium-
mik nassartut tikiupput.
Unittussamik tikiuttoqar-
nissaa nalunaarutigineqar-
simanngilaq, napparsima-
sunillu paarsisut paasiniaa-
pallattariaqalerput.
- Goddag tikilluarillu, To-
vep nukappiaq akiummiit-
toq oqarfigaa.
Init ilaanni inissaqarmat
Tovep inissikkiartorlugu eq-
quppaa.
Angut inuusuttoq Utoq-
qarmiut Kangerluarsunn-
guanni traktorimit uppiffi-
gineqarsimavoq, qimerluilu
napisimannguatsiarput.
Nakorsiartarfiup allagar-
siussaatigut tamanna taku-
neqarsinnaavoq. Tove alla-
gartanik allattuivoq, aas-
siorlugu tillersiorlugulu.
Nukappiaq uninngasunik
angerlartunillu qitiusumi
allattuilTimmut allanneqar-
tussaavoq. Allattukkat mis-
issoraanni takuneq ajor-
nanngilaq ullut tamaasa
unittut angerlartullu arfi-
nillit arfineq pingasullu
missaanniittarsimasut. Nu-
kappissap uninneranut na-
lunaaquttap akunnerata af-
faata missaa atunnguatsiar-
paa.
Naasaaneq
Tove aamma mattutinik
taasersuisussaavoq. Plaste-
rinik aallernialersorlu na-
korsaaneq sianerpoq naa-
saanissaminut pifTissaqaler-
nerarluni. Uninngasut ilaat
Tove unitsillugu iisartakka-
mik qinnuigaa, tunineqarlu-
nilu. Taavalu mattusersu-
gassat saappai suliarinasu-
arlugillu. Taavalu nakorsaa-
neq naasaaqatigisussann-
gorpaa. Pilattarneqartussat
nakorsaanermillu misissor-
neqartussat isumaqatigiis-
sutigineqarput. Sulinngiffe-
qartoqanngikkaangat na-
korsat pilattaasartut mar-
luusaraluarput, maannali
aappaa sulinngifieqarpoq.
Taamaattumik naasaaneq
ulapinnaqaaq pilattartittus-
sammi sivisuumik utaqqisa-
riaqartarput.
Ullup qeqqarnissaanut
minutsit 20-ngortullu »ii-
sartakkat ullup qeqqasiutis-.
sat« Tovep saqqummerpai,
sinnerisalu kissartortugas-
sat agguaatilerpaat, ham-
burgerryg rosenkålinik aku-
limmik miseralik kinguleq-
qiutigalugUlu paarnat uu-
tat.
Tovep kuglepennit tungu-
jortoq aappaluttorlu kaasar-
funminiit amusarlugit allat-
tuiuarpoq. Tovep iisartak-
kat agguaatereeramigit al-
lattugassat Jette peqatiga-
lugu inaarsarpai. Napparsi-
masut allattugassaataat su-
liassarujussuusarput.
Ataasinngulersorlu Tove
kantinamut ifliamik soda-
vandimillu aallersinnarluni
tuaviinnaq neripallappai,
taamaanneranilu Kk-mi
napparsimasunik paarsisut
pisimasut pillugit imminnut
ilisimateqatigiipput. Nalu-
naaquttap akunnera missi-
liorlugit uninngasut tamaa-
sa oqaluuseraat, nalujun-
naarpaallu kina qanoq pas-
sunneqartussaanersoq.
Palasl iserpoq
Nalunaaqutaq marlunngor-
torlu palasi iserpoq, arnaq
utoqqaq aqagu pUatsitussaq
annilaangavallaaqimmat
aggeqquneqarsimagami.
Tove Jettelu pisariaqassap-
pat nerliiviliartoqarnissaa-
nut piareersapallapput.
Taava Tove Jettelu »14-
forestilling«imukarlutik an-
ipput. Aqagumut pilattaa-
nissat pillugit nakorsanik
ataatsimeeqateqartarnertik
taama taasarsimagamikku.
Soorlumi paatsiveeruttor-
suit, qinnguartaavimmi as-
silisat misissuataarpaat, al-
lallu qalleraatiinnavillutik
oqallipput. Nakorsat ilaat
diktafonimut oqaluppoq.
14.30 Tove K2-mut uter-
poq, tussiarpaluttoqarpoq.
»14 forestilling«imiissima-
gami allattugassaqaqaaq.
- Perusuersartarfiliapal-
lalaarallarlanga, Tove oqar-
poq. Kiisami piffissaqaler-
poq.
Pingasut qaangilaaraalu
nakorsaaneq iserpoq arnaq
utoqqaq aqagu pilatsittus-
saq misissoriartorlugu.
Utoqqaq tarajulersorneqar-
tussaallunilu aalersorne-
qartussaavoq, Tovelu aaju-
siviliartariaqarpoq aammik
A-positivimik aallerluni.
Nakorsarli aammik nassa-
reersimariarmat Tovep aa-
lersuummik ikkussiniarne-
rani ikiuinnarpaa.
Maanna nalunaaqutaq si-
samanut qiteqquppoq, To-
velu soraartussanngoreera-
luarluni suli aninialer-
saanngitsutut isikkoqarpoq.
Tovep Jette peqatigalugu
utoqqaap aalersuutaa misis-
sorpaat sakkortussusialu
iluarsillugu. Aalersuutip ni-
vinngarfissaanik pissarsere-
eramik Tove journalimut al-
lattuivoq. Sisamannguler-
sorlu kiisami Tove angerlar-
sinnaalerpoq unnua’qeqqa-
lerpat pigaartuujartornissa-
mi tungaanut sinitsiartaria-
qarami.
Tove ilani kissartortugassanik agguaassisut ikiorpai.
Tove giver de tre andre en hånd med uddelingen af middags-
maden. (Foto: Louise-Inger Lyberth)
Suliffimmi
- Napparsimassagaanni
peqqissuusariaqarpoq
NUUK(KR) - Peqqin-
nissaqarfiup 1991
naappat Kalaallit Nu-
naannit tiguneqarnis-
saa piffissami kingul-
lermi oqaluuserine-
qartorujussuusima-
voq. Atorfillit naalak-
kersuinermillu sulia-
qartut oqaaseqartar-
simaqaat. Oqallinner-
mi aningaasanut, an-
ingaasaliissutinut su-
lisullu amerlassusis-
saannut tunngasut
saqqummiussuunne-
qartarsimapput.
Dronning Ingridilli
Napparsimmavissua-
ta Nuummiittup im-
mikkoortuisa ilaanni
ulluinnarni sulineq
qanoq ingerlanneqar-
tarpa? Tamanna AGip
paasiniarusutsassi-
mavaa. Taamaattu-
millu julimi ullut
ilaanni napparsima-
sunik paarsisut ilaat
sulisoq malittarisima-
varput.
Napparsimasunik
paarsisoq Tove Nord-
mark taliiarsimasut
niuiarsimasullu uninn-
gasarfianni afdeling K2-
mi sulisuuvoq. Immikko-
ortortaq taanna uninn-
gasunut 36-inut inissa-
qarpoq, AG-llu Tove su-
leqatigimmagu tassani
uninngasut 35-iupput.
Tovep sulifligisaani
uninngasut 18-iupput
napparsimasunillu paar-
sisut sisamaallutik.
N appar simasunik
paarsisut sisamat oqar-
put ulloq taanna immik-
koortoqarfimmi sulineq
nalinginnaalluinnartuu-
soq. Oqaluttuarput sa-
paatip akunnerata naa-
nerani napparsimasunik
paarsisut marluinnaat
sulisimasut, nammin-
nerlu paasisinnaanngik-
kitsik taakku suliassatik
qanoq ilillutik naammas-
sisinnaasimaneraat.
Tove ukiuni marlunni
Dronning Ingridip Nap-
parsimmavissuani nap-
parsimasunik paarsisuu-
simavoq 32-nillu ukio-
qarluni. Qaammammut
13.300 kroninik akissar-
sisarpoq, ulluni 20-ni su-
lisarluni, taakku ilaanni
arfineq pingasuni un-
nukkut unnuakkulluun-
niit pigaartuusarluni.
Sapaatillu akunnerisa
naaneri allortarlugit
aamma sulisarluni.