Atuagagdliutit - 05.05.1994, Blaðsíða 13

Nr. 34 • 1994

73
GRØNLANDSPOSTEN
Namminersomeraneq ukiuni 15-ini
All. Nikokaj Heinrich, Inatsisartunut ilaasortaq
Kalaallini inuiaqatigiinni
ulloq 17. januar 1979 pin-
gaartorsiorfigalugu taasi-
vinnukaavugut taasinitsi-
gut aalajangeriartorlugu
siunissami aqqut suna ator-
lugu inuiaqatigiinni inger-
lassanerluta, namminersor-
nerulluta, imaluunniit qan-
gatut Qallunaat Nunaanniit
aqunneqarluta. Taasinitsi-
gullu nutaamik aaqqissuus-
sinissaq pilerinaqisoq, pin-
gaaruteqaqisorlu aalajan-
giiffigaarput, ersarissumillu
namminersornerulernissa-
mik kissaatiginninnerput
naqissuserlugu.
Maanna ukiut 15-it inger-
lareersimalerput, ukiut pisi-
masoqarfiusut, tamatsin-
nut Kalaallit Nunaatsinni
najugaqartunut.
Namminersornerulernis-
samik kissaatiginninnerput
siunertaqartumik isummer-
neruvoq, isummernerillu
suugaluartut ajunnginneru-
sussamik siunertaqarluni
aalajangernerusarput, aam-
ma qularinngilara Kalaallit
Nunatta imminut aquler-
nissaa pillugu taasiartoratta
taama isumaqarsimassasu-
gut.
Maanna ukiorpaaluit in-
gerlareerput, ullutsinnili
atugarisagut suusut ilisima-
vagut, taamaalillutalu nam-
minersornerulernerput
sioqqullugu atugarisatsin-
nut saniUiussinissaq taku-
sinnaalersimavarput.
Namminersornerulernis-
sarput sioqqullugu nunat-
sinni imaani nunamilu su-
liffeqarfiit namminersortu-
nit ingerlanneqartut inger-
lalluartullu nalinginnaa-
suupput, taannarpiarlu
tunngaviulluni nunatsinni
aningaasarsiorneq taama-
nikkut pitsaasumik ingerla-
voq. Tamannaavormi nunap
aningaasatigut ingerlatitaa-
nera pitsaassappat tunnga-
vissat pingaarnersaat, ta-
mannaavormi sulifiissanik
piinnarani akileraarutigut-
taaq nunap karsiisa immer-
sorneqarnissaannut aqqu-
tissat pingaarnersaat. Ajo-
raluartumik namminersor-
nerulernitta aallartinissa-
lernerani emgerlugu naa-
lakkersuinikkut taama
ukiorpassuami politikke-
qarluni ingerlatsinerit al-
lanngortinneqarput, taa-
maalillunilu ingerlatsiviit
ingerlalluaraluartut allaat
amerlaqisut ukiut ingerla-
nerini uniinnartariaqaler-
sartut nalinginnaalersimap-
put.
Taama politikkikkut al-
lannguinerit ullumikkut
iluatsittutut oqaatigissa-
gaanni kukkuneruvoq, tas-
sami sulifleqarfiit amerlaqi-
sut pisortanit unammiller-
neqarnermikkut uniinnar-
tariaqalersimammata. Ta-
makkulu kinguneraat sulif-
liit amerlaqisut tamma-
raannalerneri, akileraaruti-
tiguUu isertitassaagaluit
pissarsiariniarnerisa ajor-
nartorsiutaalerneri. Taa-
maaqataanilli unammiller-
nermik ingerlatsinerup
tunngavimmigut iluatsif-
fiunnginnera.
SuUffeqarfut assigiinngit-
sut tigooqqarpavut, KGH
ataatsimoortumik niuerfiu-
soq tiguarput, ingerlatsivik
pisortarpassuartaqanngit-
sumik ingerlatsiviusoq,
ataatsimoortumilli kisianni-
li isumannaatsumik inger-
latsisoq tiguneratigut mar-
lunngorlugu avipparput,
avammut ilummullu niuer-
nerit avissaartillugit.
Oqaatigineqarsinnaavoq
ilumut niuernerput iluatsit-
tumik ingerlatileripput,
akerlianilli avammut tuni-
sassiornerput iluatsittutut
oqaatigissagaanni eqqor-
tuunani. Taanna niuerner-
palaartumik ingerlasus-
sanngorlugu politikkikkut
aaqqinneqarpoq. inuiaqati-
giinnut akikinnerunissaa
siunertaralugu; ajoraluar-
tumilli sulifiissat annaane-
qartut eqqaassanngikkaan-
ni aningaasatigut namma-
tassartaa amerlanersaat aa-
lisartunut nammagassann-
gortitaapput, tamannalu tu-
pinnanngitsumik aalisartut
angisuumik ajornartorsiuti-
gaat. Tamatumalu pisorta-
nut sunniutai annertupput.
Illussaqarniarneq aamma
tiguarput, oqaasertalerlugu
inissaaleqinerujussuaq aaq-
qiivigineqassappat tamanna
nammineerluta tigusariaqa-
ripput. Ajoraluartumilli tu-
gusinitsigut inissaaleqineq
pitsaanerulersinngilarput,
aliaammi akerlianik anne-
rulersiinnarlugu, pissutiga-
lugu aningaasat illussaqar-
niarnermut atorneqartara-
luartut nammineq aqutsi-
lernitsigut ikilisinneqarma-
ta.
Assigiinngitsunik tigoo-
raanitsinni tigusatta ma-
lunnaateqarluartut ilagaat
peqqinnissamut tunngasut.
Peqqinnissamut tunngasut
uanga isumaga malillugu
tassaapput tigusatsinni mi-
anernarnerpaat. Pineqartu-
nik tigusinitta kingorna
ilaatigut annertuumik pisi-
masoqarpoq, tam akku lu ila-
gaat inuit katsorsartariaqa-
raluartut amerliartuinnar-
tut utaqqisitaanerisa sivit-
soriartuinnarneri, ilami
ilaatigut allaat katsorsarta-
riaqaraluartut katsorsartis-
sinnaajunnaarsimaneri. Ta-
makku pingaartumik eqqu-
gaasunut ajornartorsiutinn-
gorput annertuut.
Peqqinnissamilli tigusi-
nitsigut pingaartumik suli-
niutit assigiinngitsut qivia-
raanni pitsaasunik ilaqar-
put, pingaartumik pingaa-
ruteqartutut taasariaqar-
poq maana annertusiartuin-
nartumik nunatsinni innut-
taasut nunarput qimanna-
gu suliarineqartarnissaat ti-
mitalersorneqalermat. Ta-
mannaavormi inuiaqatigiit
namminersornerulersima-
sut eqqarsaataannut naa-
pertuuttoq.
Amutsiviit nunatsinnis-
saaq pingaaruteqaqisut niu-
ernerpalaartumik ingerlat-
seqqullugit politikkikkut in-
anneqarput. Siulersuisuler-
lugillu suliassanut assi-
giinngitsunut aamma killi-
limmik ilisimasalinnik.
Ajunngeqaaq taamaalior-
nikkut amigartoorutit ikili-
sinneqarput, akerlianilli an-
ingaasatigut pissarsiniaan-
narluni aalajangersaasaler-
nerit aalisartut amerlaqisut
artorsippaat. Taamaasilluni
nalinginnaasumik sulias-
saatit annikinnerulerput,
tamannalu sooq-unami su-
liffinnik aamma amerlasuu-
nik akeqarpoq. Maannamul-
lu suli akitigut qaffaajuar-
nerit ingerlammata qularu-
tissaajunnaariartuinnarpoq
nunatsinni amutsivinni su-
liaritinniartut ikiliartuin-
narnissaat, tassami qularu-
tissaanngilaq periarfissa-
qartut nunarput qimallugu
su liaritikkiar tor taler nis -
saat. Taamaattumik akiti-
gut qaflaajuarnerit amutsi-
vinnut iluaqutaanavianngil-
luinnarput, aammami akit-
suiuarnerit akerliulluinnar-
put assartuinerup akiisa ap-
pariartornerisa nalaani pis-
sutsinut.
Nam miner sornerulernis-
sarput sioqqullugu ingerlat-
siviit assigiinngitsut innut-
taasut kissaatigisaat tunn-
gavigalugit ingerlatinneqar-
put, tamannalu tunngaviul-
luni inuiaqatigiinnut misin-
naataat imannarsuaq ma-
lunnartuusimanngillat.
Tassami ingerlatseriaatsit
ajornartorsiutitaat anner-
paakkut politikkeriniittar-
mata, taamaalillunilu aaqqi-
lertomissaat ajornartorsiu-
terujussuusarani. Ullumik-
kulli ingerlatsiviit assigiinn-
gitsut niivernerpalaartunn-
gorlugit aaqqinneqarput,
taamaaliornikkut pilitikke-
rit akisussaafligisaraluatik
suliffeqarfiit siulersuisui-
nut tunniuppaat, taakkulu
ajornartorsiutit atuisunut
nammagassanngortittar-
paat, taamaalillunilu politi-
kkerit ajornartorsiutigisin-
naasaralui atuisunut tutsin-
neqartarput. Taama akisus-
saaffinnik allanut tunnius-
suinerit ataani atsiortunga
tunngavilerpakka immineq
aaqqiisinnaassusermik
naammattumik pigisaqann-
ginneq pissutigalugu alla-
nut suliassiisarnertut.
Taamaapput namminer-
somerulernitta kingorna
pissusiulersut ilamerngi.
Qularutissaanngitsumik ul-
lormi 1. maj 1994 horaartu-
lerutta eqqarsaatiginngil-
luinnarlugit piumaartugut,
taamaaliorumaarlutalu taa-
maallaat tunngavigalugu
kalaallisut ataatsimuullaq-
qissuserput, sunilli ajornar-
torsiutaasinnaasunik qar-
supilluta ingerlatsiniarsin-
naasarnerput, minnerunn-
gitsumillu pissutsinik pit-
saanngikkaluanik nipan-
giussiinnarumatussuser-
put.
Nunatsinni namminer-
somerulernissamik isum-
mersimanerput immini pit-
saasuuvoq, tamannaavormi
qaquguugaluarnersoq nam-
minersuUvinnissamut allo-
riarneq siulleq. Maanna
ukiut siulliit 15-it ilaatigut
torrallataavallaanngikkalu-
artumik atoriikkavut ilinni-
arfiupput ukiuni aggersuni
ingerlatseriaqqinnissamut.
Meeqqatut perorsarfigaavut
angajoqqaat oqaassutaasa
qanoq eqqortuutiginerinut
takussutissaalluartut.
Namminersornerulernitta-
mi pingaartumik aallarteq-
qaamerani inuit misilitta-
gartuut siunnersuisinnaal-
luartullu oqaasii sumigin-
narpallaartarsimavagut,
kaalaaleqatitsinnut tatigin-
ninnerput annikissimavoq,
naak ilaatigut erinarsortar-
niaraluarluta sapinngitsor-
suuvugut. Pingaartumik pi-
sortaqamikkut annertuval-
laartumik avataaneersunik
atuisimavugut, ilaatigullu
tamakkorpiaat pissutaallu-
tik sulisut pisariaqarnera-
nik annertuneroqisumik
avataaniit aggersinneqar-
tarsimapput. Tam akku ta-
marmik kalaaliusugut ilaa-
tigut imitsinnut nikaginer-
mik misigilersissimavaati-
gut. Taamaattumik maanna
ukiut 15-inngorneranni pil-
luaqqoqatigiinnissaq ilaati-
gut akueriuminaappoq,
namminersornerulerner-
pummi maannamut ikit-
tuinnaat iluaqutigaat, tas-
saanerusut poLitikkerit nui-
masut sulifiinnilu qullersat
ataasiakkaat, amerlanerti-
gut nunatta avataanit ag-
gersut. Eqqortumimmi
oqassagaanni taakkuune-
rupput namminersomeru-
lernitsinni aqutsisut.
Ataani atsiortunga nam-
minersornerulernerput aal-
laqqaataaniilli malinnaavi-
gereerlugu ukiut siulliit 15-
it taama ilaannakuugaluar-
tumik nalilerpakka, oqaati-
gissavaralu pissutsit piviu-
sut naliliininni tunngavigi-
gakkit, taakkuusussaap-
pummi siunissami ingerlat-
seriaqqinnissamut naliler-
suutaalluartussat.
Taama nalileereerlunga
ukiut tullissaat isumalluar-
narnerusumik ingerlaleru-
maarnissaat neriuutigalugu
inuiaat kalaallit nunatsin-
niittut siunissamik qjunn-
gitsumik kissaappakka.
N
U
u
p
K
O
M
M
U
N
E
A
Nuup Kommunea pissarsiorpoq
Pædagogimik
"Red Bamet's Bømehave"-mut
Nuup Kommuneata paaqqinnittarfiutaani "Red
Barnets Børnehave"-mi pédagogitut ulloq naallugu
atorfik piaartumik isumaqatigiissuteqarnikkulluun-
niit sulilersussamik inuttassarsiorneqarpoq.
"Red Barnets Børnehave" meeqqanut 35-inut 3-niit
5-inut ukiulinnut inissaqarpoq. Sulisunik 9-nik inini
marlunni agguataarsimasunik sulisussaqartinneqar-
poq.
Kissaatigaarput:
- eqiasuitsuussasutit, ammasuullutit
- aalajaatsuullutit
- meeqqanik, inersimasunik suleqatiginillu suleqa-
tiginnilluamissamut piumassuseqassasutit.
Pædagigitut ilinniarsimasunik atorfinitsitsineq akis-
sarsiaqartitsinerlu pissapput Kalaallit Nunaanni
Naalakkersuisut aamma P.l.P.-p imaluunniit S.I.K.-p
Kalaallit Nunaanni ulluunerani aamma ullukkut
unnuakkullu paaqqinnittarfinni pædagogit pillugit
isumaqatigiissutaat naapertorlugu.
Inissaqartitsisoqarsinnaavoq maleruagassat atuuttut
malillugit ineqarnermut/siumut akiliummut il.il.
akiliiffigineqartartussamik. Inissiamik tunineqarnis-
Nuup Kommunea søger
1 Pædagog
Til "Red Barnet 's Børnehave"
Ved Nuup Kommunea's "Red Bamet's Børnehave",
er en fuldtidsstilling som pædagog ledig til besæt-
telse snarest eller efter nærmere aftale.
"Red Bamet's Børnehave" har plads til 35 børn i
alderen 3-5 Jr. Personalenormeringen er på 9 med-
arbejdere fordelt på 2 stuer.
Vi ønsker, at du er:
- flittig, åben
- stabil
- indstillet på at indgå i et godt samarbejde med
børn, voksne og personalet
Ansættelse og aflønning for pædagoguddannede
sker i henhold til overenskomst mellem Grønlands
Landsstyre og P.l.P. eller S.l.K. for pædagoger ved
dag- og døgninstitutioner i Grønland.
Der kan stilles bolig til rådighed, for hvilken der
betales husleje/depositum m.v. efter de gældende
regler. Der må påregnes en ventetid på anvisning af
bolig på grund af boligsituationen i Nuup Kommu-
samut utaqqinissaq naatsorsuutigineqassaaq Nuup
Kommuneani inissaaleqineq pissutigalugu.
Pequttat assartorneqarnerat atorfininnermullu
angalaneq akiliunneqassapput sivikinnerpaamillu
ukiuni pingasuni atorfeqareernermi angerlamut
angalaneq pequttallu assartorneqarnerat akilerne-
qassallutissaaq. Sivikinnerpaamik ukiuni pingasuni
ataavartumik atorfeqareernermi feriarnermi angala-
neq akiliunneqassaaq.
Erseqinnerusumik paasiniaasoqarsinnaavoq pisor-
tamut Benigne B. Gadegaard-imut, tlf. 2 10 69-imut,
imaluunniit Akissarsialerinermut Sulisoqamermul-
lu immikkoortoqarfimmi Bolethe S. Kreutzmann-
imut, tlf. 2 33 77, lokal 138-imut imaluunniit Kisten
L. Petersen-imut, lokal 109-mut saaffiginnilluni.
Qinnuteqaat inuttassarsiukkap normuanik ilisar-
naaserlugu soraarummeersimanermut uppernarsaa-
tinik oqaaseqaataasinnaasunillu imalik Akissarsia-
lerinermut Sulisoqarnermullu immikkoortoqarfim-
mut anngutereersimassaaq kingusinnerpaamik 25.
maj 1994.
lnuttassarsiugaq nr. 209/94.
Der ydes fri bohavetransport samt fri tiltrædelses-
rejse og efter mindst 3 års ansættelse fri hjemrejse
og returtransport af bohave. Der ydes en feriefrirej-
se efter mindst 3 års kontinuerlig ansættelse.
Nærmere oplysninger kan fås ved henvendelse til
leder Benigne B. Gadegaard på tlf.: 2 10 69, eller til
Løn- og Personaleafd. Bolethe S. Kreutzmann
tlf.: 2 33 77, lokal 138 eller Kirsten L. Petersen lokal
109.
Ansøgning mærket stillingsopslag nr. bilagt eksa-
mensbeviser samt evt. udtalelser bedes fremsendt
til Løn- og Personaleafdelingen senest 25. maj 1994.
Stillingsopslagsnr. 209/94
Nuup Kommunea
Akissarsianut Sulisoqarnermullu Immikkoortoqarfik
Løn- og Personaleafdelingen
Postbox 1005.3900 Nuuk