Fréttablaðið - 28.07.2005, Side 55

Stóru kvikmyndaverin
eru strax farin að búa sig
undir baráttuna um
Óskarinn árið 2006. Ein
þeirra mynda sem kemur
sterklega til greina er
nýjasta mynd Steven Spi-
elberg, Munich.
Steven Spielberg ætlar ekki að
ráðast á garðinn þar sem hann er
lægstur í næstu mynd sinni. Hann
er búinn að skila af sér sínum
sumarsmelli, War of the Worlds, og
varla hægt að segja að hann hafi
haft mikinn áhuga á að kynna hana.
Tom Cruise sá um það með ástar-
fregnum og brjálæðisköstum en
Spielberg er horfinn til annarra
verka, búinn að koma sér fyrir á
Möltu, byrjaður að taka upp nýja
kvikmynd um efni sem hefur átt
hug hans allan undanfarin ár.
Kvikmyndin, sem heitir Munich,
fjallar um eftirmála gíslatökunnar á
Ólympíuleikunum í Munchen árið
1972. Hún verður frumsýnd í
Bandaríkjunum 23. desember og
verða Eric Bana og Geoffry Rush í
aðalhlutverkm. Það má því reikna
með að Munich geri tilkall til Ósk-
arsins ef vel tekst til.
Svarti september
Ólympíuleikarnir í Munchen eru
þekktir fyrir tvennt; afrek Mark
Spitz í sundlauginni og hina
óþekktu ógn sem lúrði í leyni en lét
á sér kræla á leikunum, svo um
munaði. Heimsbyggðin varð vitni
að því þegar ísraelskir íþrótta-
menn voru myrtir með köldu blóði
af palestínskum hryðjuverkasam-
tökum sem kölluðu sig „Svartur
september.“
Speilberg hefur aldrei tekið jafn
mikla áhættu á ferli sínum og með
þessari mynd sem verður óhjá-
kvæmilega umdeild. Hann eign-
aðist marga góða vini meðal valda-
mikilla gyðinga þegar hann gerði
Schindler’s List. Hann fer því
ótroðnar slóðir á sínum kvik-
myndaferli með því að gera mynd
um jafn eldfimt málefni og sam-
skipti Ísraels og Palestínu.
Spielberg hefur farið víða í efn-
istökum. Hann ræddi meðal annars
við rabbína sinn og Dennis Ross,
bandarískan diplómat sem lét Ísra-
elsstjórn vita af gerð kvikmyndar-
innar. Talið er að með gerð þess-
arar kvikmyndar sé Spielberg jafn-
vel að fórna þeirri stöðu sem hann
hefur haft meðal gyðinga í Banda-
ríkjunum og Ísrael.
Í upphafi var morðið
Munchen hefst á morðum Svarta
september. Hún fjallar þó að mestu
leyti um leynilega aðgerð fyrir-
skipaða af forsætisráðherra Ísra-
els, Goldu Meir. Mossad leyniþjón-
ustan í Ísrael var fengin til að elta
uppi og drepa þá hryðjuverkamenn
sem grunaðir voru um að hafa
staðið að baki hryðjuverkunum í
Munchen.
Kvikmyndin fjallar ekki síst
um þá sálarangist sem þessir menn
lentu í þegar þeir veltu fyrir sér
hvort mennirnir sem þeir væru að
drepa kynnu að vera saklausir
menn. Kallast þetta á við þá at-
burði sem gerðust nýverið í
London þegar brasílíski rafvirkinn
Jean Charles de Menezes var
skotinn til bana af lögreglu.
Kvikmyndin verður byggð á
handriti leikritaskáldsins Tony
Kushner. Hann skrifaði þátta-
röðina Angels in America sem
síðar varð að margverðlaunaðri
sjónvarpsþáttaröð. Enn fremur
byggir Spielberg mynd sína að ein-
hverju leyti á umdeildri bók eftir
George Jones sem kom út árið 1984
og segir reynslusögur sumra sem
tóku þátt í þessum leyniaðgerðum
Mossad leyniþjónustunnar. Þá hafa
borist sögur af því að einn þeirra
sem taki virkan þátt í gerð mynd-
arinnar og sé Spielberg innan
handar sé Juval Aviv en talið er að
aðalpersóna myndarinnar sé byggð
á honum.
Úrslitaviðburður
Steven Spielberg hefur sjálfur ekki
látið neitt hafa eftir sér og vill ekki
ræða við fjölmiðla um málið. Hann
sendi frá sér yfirlýsingu til banda-
ríska blaðsins New York Times,
ísraelska blaðsins Ma’ariv og arab-
ísku sjónvarpsstöðvarinnar Al
Arabiya þar sem hann sagði at-
burðina árið 1972 „úrslitaviðburð í
sögu Miðausturlanda.“ Starfsfólk
Spielbergs segir leikstjórann gera
sér fyllilega grein fyrir því að hann
sé að leggja orðspor sitt að veði
með þessari mynd og hann sé með-
vitaður um að bæði Palestínumenn
og Ísraelar geti miskilið hana og
litið á myndina sem árás á sig. ■
STEVEN SPIELBERG Er byrjaður á umdeildasta verkefni sínu hingað til en það er mynd
um sérsveit sem á að drepa grunaða hryðjuverkamenn.
38 28. júlí 2005 FIMMTUDAGUR
FRUMSÝNDAR UM HELGINA
FRUMSÝNDAR UM HELGINA
Mistök eða gæfu-
spor Spielbergs?
bio@frettabladid.is
„Frægðin er fyrir umboðsmenn, ekki fyrir leik-
ara,“ lét Robert Duvall hafa eftir sér. Hann
hefur ávallt haldið sig utan sviðsljóssins og
ekki verið að trana sér fram. Þrátt fyrir að
margar myndir Duvall séu enginn meistara-
stykki og margar hverjar fallnar í gleymsk-
unnar dá þá eru þær fleiri sem eru ógleym-
anlegar. Duvall klikkar allavega sjaldan.
Leikarinn, sem er með andlit forseta og
sterk persónueinkenni, er búinn að vera að í
fjörutíu ár. Hann vakti athygli í kvikmyndinni
To Kill a Mockingbird sem hinn þroskahefti
Arthur Boo Radley. Myndin var tilnefnd til
átta Óskarsverðlauna og fékk mótleikari
Duvall, sjálfur Gregory Peck, verðlaun fyrir
bestan leik í aðalhlutverki. Duvall fór þó að
leika aðeins í sjónvarpi eftir velgengni þess-
arar myndar enda voru kvikmyndaleikarar
ekki á jafn svimandi háum launum þá og
þeir eru í dag. Það er því óhætt að kalla
Duvall leikara af gamla skólanum. Hann tók
upp samstarf við leikstjórann Robert Alt-
man og lék í tveimur myndum eftir hann,
Countdown þar sem Duvall hitti fyrir James
Caan og M.A.S.H., háðsdeilu á stríðið í
Víetnam.
Það eru þó enn tvö hlutverk sem fólk minn-
ist á þegar nafn Duvall er nefnt. Annars
vegar sem hinn jarðbundni en ákveðni lög-
fræðingur Tom Hagen í fyrstu tveimur Guð-
föður myndunum og hins vegar sem hinn
kolgeðveiki herforingi Bill Kilgore. Hann
hafnaði hlutverkinu í þriðju Guðföður
myndinni vegna þess að honum fannst hlut-
verk sitt ekki vera nægjanlega vel metið.
Duvall hefur ekki sóst eftir því að leika í ein-
hverjum stórmyndum heldur yfirleitt valið
sér áhugaverð hlutverk. Fyrir það hefur hann
aflað sér virðingar innan kvikmyndaheimsins
sem einn virtasti leikari Hollywood.
EKKI MISSA AF...
... Batman Begins. Þessi frá-
bæra Batman-mynd markar
nýtt upphaf hjá þessum
grímuklædda bófabana og
er fersk tilbreyting frá síð-
ustu tveimur hörmungunum
úr smiðju Joels Schu-
macher. Ekki spillir svo
fyrir að íslenskt landslag
sýnir stjörnuleik í mynd-
inni.
Ekki hrifinn af eigin fræg›
Hostage
Internet Movie Database 6,6 / 10
Rottentomatoes.com 32% / Rotten
Metacritic.com 6,7 / 10
Kicking & Screaming
Internet Movie Database 5,6 / 10
Rottentomatoes.com 41% / Rotten
Metacritic 7,4 / 10
ROBERT DUVALL Valdi að leika ekki í
Nashville eftir Robert Altman vegna þess að
hann fékk hvorki að semja lögin sjálfur né
syngja. Fékk Óskarinn nokkrum árum síðar
fyrir leik sinn í Tender Mercies þar sem
hann lék sveitasöngvara. Hann samdi lögin
og söng þau sjálfur.
I love the smell of napalm
in the morning.“
Hershöfðinginn
Bill Kilgore,
Robert Duvall,
greinir her-
manninum
Benjamin L.
Willard, leikin
af Martin Sheen, frá ást
sinni á napalm-sprengjum í
myndinni Apocalypse Now.
Bandaríski gamanleikarinn Will
Ferrell hefur undanfarið stimplað
sig inn sem einn fyndnasti gaman-
leikarinn í Hollywood. Myndir
eins og Old School, Elf og
Anchorman hafa, auk minni hlut-
verka í Zoolander og Star-
sky&Hutch, tekið af allan vafa um
að gaurinn geti verið fyndinn.
Ferrell lætur til sín taka í gam-
anmyndinni The wedding Chra-
sers ásamt félögum sínum Vince
Vaughn og Owen Wilson í byrjun
næsta mánaðar en þeir sem eru
orðnir leiðir á að bíða eftir honum
geta stytt biðina yfir Kicking &
Screaming sem var frumsýnd
fyrr í vikunni.
Hér leikur Ferrell hjartagóðan
minnipokamann og vítamínssölu-
mann sem hefur alla tíð verið
undir hælnum á klikkuðum föður
sínum sem keyrir sig áfram á
brjáluðu keppnisskapi. Kallinn er
ekki par hrifinn af aumingja-
skapnum í syninum sem telur það
ekki skipta máli hvort maður
vinnur eða tapar í íþróttum, aðal-
málið sé að fá að vera með og
rækta andann.
Fyrst sýður upp úr fyrir alvöru
þegar Ferrell byrjar að þjálfa fót-
boltalið tíu ára sonar síns. Hann
býr ekki yfir drifkrafti alvöru
þjálfara á borð við Guðjón Þórðar-
son og þarf því heldur betur að
taka á honum stóra sínum, ekki
síst þar sem pabbi gamli þjálfar
andstæðingana. Það er því auga
fyrir auga og tönn fyrir tönn
þegar feðgarnir mætast á kant-
inum og þurfa að gera upp
ókláruð mál í fortíð og nútíð.
Gamla kempan Robert Duvall
leikur pabbann en sá eðalleikari
er þekktur fyrir að lyfta myndum
á æðra plan þannig að það verður
óneitanlega fróðlegt að sjá hann
og spaugarann Ferrell leiða
saman hesta sína. ■
Fe›gar munu berjast
WILL FERRELL Will reynir af veikum mætti að þjálfa unga knattspyrnudrengi og glímir
um leið við keppnisóðan föður sinn.