Fréttablaðið - 15.09.2005, Blaðsíða 14

TOMAS HIRCHT HANDTEKINN Forsetafram-
bjóðandi í Chile, Tomas Hircht, var hand-
tekinn fyrir að taka þátt í mótmælum með
ættingum uppreisnarseggja í fyrir framan
forsetahöllina La Moneda í höfuðborginni
Santíagó í gær.
14
EVRÓPA Leiðtogar Evrópuríkja
hafa kallað eftir samstilltum að-
gerðum til að hafa hemil á olíu-
verðshækkunum. Breski fjár-
málaráðherrann hvetur OPEC,
samtök olíuútflutningsríkja, til að
auka framleiðsluna og franski
forsetinn biður olíufyrirtækin um
að lækka eldsneytisverð og auka
fjárfestingar í rannsóknum á end-
urnýjanlegum orkugjöfum.
Þrátt fyrir að Evrópusamband-
ið hafi varað við því að stjórnvöld
aðildarríkjanna gripu til niður-
greiðsluaðgerða vegna olíuverðs-
hækkananna boðaði Dominique
de Villepin, forsætisráðherra
Frakklands, endurgreiðslu á viss-
um hluta eldsneytisskatts til
franskra bænda.
Nú, þegar heimsmarkaðsverð á
olíu er um fjörutíu prósentustig-
um hærra en fyrir einu ári, fer
uggur um marga í Evrópu um
hrakandi efnahagshorfur. Hagtöl-
ur eru þegar farnar að sýna að
eldsneytisverðið er farið að
þrýsta upp verðbólgunni.
Gordon Brown, fjármálaráð-
herra Bretlands, lagði til að efnt
yrði til alþjóðlegs átaks til að
koma á ró á olíumörkuðum. „Þar
sem þetta er að kjarna til vandi
þar sem eftirspurn fer fram úr
framboði verður OPEC að bregð-
ast við á næsta ráðherrafundi sín-
um hinn 19. september,“ sagði
Brown í ræðu í Brighton. - aa
BERLÍN, AP Varnarmálaráðherrar
aðildarríkja Atlantshafsbanda-
lagsins hafa hert á undirbúningi
þess að bandalagið víkki út
starfssvið friðargæslusveita
sinna í Afganistan – sem íslenska
friðargæslan á aðild að – þannig
að það nái til alls landsins.
Það gæti gert Bandaríkja-
mönnum kleift að kalla þúsundir
hermanna heim, sem í bandalagi
við afganska stjórnarhermenn
hafa gætt öryggis í suður- og
austurhéruðum landsins frá því
að talibanastjórninni þar var
steypt af stóli fyrir hátt í fjórum
árum.
Í þessum landshlutum leika
skæruliðar talibana (og annarra
andstæðinga stjórnarinnar í
Kabúl) enn lausum hala og gera
hersveitum Bandaríkjamanna
ýmsar skráveifur.
Þó var ekki gert ráð fyrir að
nokkur ákvörðun yrði tekin í
málinu fyrr en eftir helgi, þar
sem þingkosningar fara fram í
Þýskalandi á sunnudag og málið
er pólitískt viðkvæmt þar í landi
enda eru margir þýskir hermenn
í friðargæsluliðinu í Afganistan.
Ríkisstjórn Gerhards Schröd-
er kanslara er mótfallin því að
friðargæsluverkefni NATO þar
verði sameinað hinum hernaðar-
legu verkefnum á skæruliða-
svæðunum.
Bandaríski varnarmálaráð-
herrann Donald Rumsfeld þrýst-
ir hins vegar á um að NATO axli
meiri ábyrgð í Afganistan.
- aa
Óeirðir á N-Írlandi:
Barist gegn
ofbeldi
NORÐUR-ÍRLAND, AP Hin útlæga
Ulster-sjálfboðaliðahreyfing
hefur rofið ellefu ára vopnahlé.
Þetta kom fram í máli Peter
Hain, Norður-Írlandsmála-
ráðherra Breta í gær. Hain var
ómyrkur í máli og lýsti því yfir
að barist yrði gegn ofbeldis-
hreyfingum og þær sigraðar.
„Þessir aðilar verða að vinna að
pólitískri lausn,“ sagði Hain.
Gögn liggja fyrir sem sýna fram
á að Ulster-hreyfingin hafa
ráðist gegn lögreglu með riffl-
um og handsprengjum í óeirðum
helgarinnar. ■
Menntaskólinn á Akureyri:
Settur í 125. sinn
NÁM Menntaskólinn á Akureyri var
settur í 125. sinn í fyrradag en
regluleg kennsla hófst í gær. Um
690 nemendur leggja stund á nám
við skólann í vetur og hafa þeir
aldrei verið fleiri.
Meðal nemenda eru sautján yf-
irburðanemendur sem gafst kostur
á að hlaupa yfir 10. bekk vegna
hárra einkunna í 9. bekk. Um er að
ræða tilraunarverkefni MA og
menntamálaráðuneytisins og þurfti
að vísa mörgum góðum nemendum
frá vegna fjöldatakmarkana. - kk
15. september 2005 FIMMTUDAGUR
BENSÍN HAMSTRAÐ Bíleigendur í Bretlandi
hafa hamstrað bensín síðustu daga af ótta
við að mótmæli við olíuhreinsistöðvar
valdi eldsneytisskorti.
Kallað eftir átaki gegn hækkunum á olíuverði:
Hækka›i um 40 prósent á ári
FR
ÉT
TA
B
LA
Ð
IÐ
/A
P
H
V
ÍT
A
H
Ú
S
IÐ
/
S
ÍA
-

1.990.0
Sítengt aldrif • 2 lítra vél • ABS með EBD hemlajöfnunarkerfi • Fjarstýrðar samlæsingar
Rafstýrðir og upphitaðir hliðarspeglar • Rafdrifnar rúðuvindur með slysavörn • Þokuljós að framan
Hæðarstilling á bílstjóra- og farþegasæti • Armpúði með geymsluhólfi á milli framsæta o.fl.
19.048 kr. á mánuði miðað við 35% útborgun og bílasamning SP til 84 mánaða
Vetrardekkin klár í skottinu, negld eða ónegld eftir óskum hvers og eins
SKÓLASETNING Jón Már Héðinsson skóla-
meistari bauð nemendur velkomna og
sagði þeim að þrenningin ástundun, áhugi
og árangur væri mjög mikils verð.
AFGANISTAN Í BRENNIDEPLI Jaap de Hoop Scheffer, framkvæmdastjóri NATO (t.v.), og
Peter Struck, varnarmálaráðherra Þýskalands, heilsast í Berlín í gær.
NATO-ráðherrar ræða aukið hlutverk bandalagsins í Afganistan:
Bandarískir hermenn heim
FR
ÉT
TA
B
LA
Ð
IÐ
/A
P