Fréttablaðið - 12.10.2005, Síða 25
410 4000 | www.landsbanki.is
Við færum þér fjármálaheiminn
Nú býðst þér að eiga milliliðalaus verðbréfaviðskipti með E*TRADE í
gegnum netið á stærsta verðbréfamarkaði heims, NYSE, Nasdaq og AMEX
í Bandaríkjunum, og á mörkuðum í Svíþjóð, Finnlandi og Danmörku.
Kynntu þér málið á www.landsbanki.is
Verslandi vélmenni
Heldur á
pokunum
Real Madríd tekjuhæst
Skákar
Manchester
United
Sögurnar... tölurnar... fólkið...
Miðvikudagur 12. október 2005 – 28. tölublað – 1. árgangur Veffang: visir.is – Sími: 550 5000
Gott sumar | Gistinóttum fjölgaði
um níu prósent í ágúst miðað við
sama mánuð í fyrra. Alls voru
gistinætur í ágúst samkvæmt
upplýsingum frá Hagstofu Ís-
lands 151.070 en voru 138.250 í
sama mánuði í fyrra.
Forsendur brostnar | Tíu pró-
sent hluthafa í Skandia höfnuðu
yfirtökutilboði Old Mutual. For-
sendur yfirtökutilboðsins eru því
brostnar þar sem Old Mutual setti
það sem skilyrði að níu prósent
eigenda gengju að því.
Kuoni kaupir | Kuoni Scandinav-
ia hefur keypt sjötíu prósent í
Langferðum ehf. sem verið hefur
umboðsaðili fyrirtækisins hér á
landi í á annað ár.
Sigurjón kaupir | Sigurjón Sig-
hvatsson hefur keypt danska fast-
eignafélagið VG Investment. Það
er fasteignafélag Sigurjóns,
Heimiliskaup ehf., sem fjárfestir í
félaginu.
Símasalan dýr | Einkavæðing
Landssíma Íslands kostar ríkis-
sjóð 750 milljónir króna. Þar af
nemur þóknun til breska fjár-
málafyrirtækisins Morgan
Stanley, ráðgjafa einkavæðingar-
nefndar við söluna, 696 milljónum
króna.
Lokavika Somerfield | Frestur-
inn sem yfirtökunefnd í Bretlandi
veitti bjóðendum í bresku versl-
unarkeðjuna Somerfield rennur
út á föstudag.
Skuldabréfin vinsæl | Skulda-
bréfaútgáfan í íslenskum krónum
heldur áfram. Í heild hafa verið
gefin út skuldabréf erlendis fyrir
um áttatíu milljarða íslenskra
króna.
TAKA VIÐ TAUMUNUM Framkvæmda-
stjóri Eyris, Árni Oddur Þórðarson, til hægri,
hefur tekið við stjórnarformennsku í Marel.
Eyrir tekur
við stýri
Árni Oddur Þórðarson, fram-
kvæmdastjóri Eyris fjárfesting-
arfélags, tekur við stjórnarfor-
mennsku í Marel af Friðriki Jó-
hannssyni. Eyrir er næststærsti
eigandinn í Marel, á eftir Lands-
bankanum, með tæpan þrjátíu
prósenta hlut.
Það að stærsti hluthafinn, með
tæpan 37 prósenta hlut, gefi eftir
stjórnarformannssætið til þess
næststærsta er talið vera merki
um að Landsbankinn muni
minnka hlut sinn í félaginu og
gefa Eyri eftir forystuhlutverkið.
„Marel er félag sem ég þekki
vel og hef fylgst með því frá 1997
þegar þegar ég annaðist fjár-
mögnun á yfirtöku félagsins á
Carnitech. Við höfum tekið kjöl-
festustöðu í félaginu og ætlum að
fylgja því eftir til vaxtar á næstu
árum,“ segir Árni Oddur í sam-
tali við Markaðinn.
Heildareignir Eyris eru á bilinu
tólf til fjórtán milljarðar, þar af
þriðjungur á Norðurlöndum. - eþa
Hjálmar Blöndal
skrifar
Samkvæmt heimildum Markaðarins mun samloku-
fyrirtækið Sómi leggja fram tilboð í Júmbó samlok-
ur í lok vikunnar. Ef af samruna fyrirtækjanna
tveggja verður, eða það færist undir sama eignar-
hald, má búast við að til verði fyrirtæki sem ekki er
óvarlegt að ætla að verði metið á um átta hundruð
milljónir króna. Sala á samlokum og tilbúnum
brauðréttum hefur aukist mikið undanfarin ár og er
velta félaganna tveggja áætluð um sjö hundruð
milljónir króna. Talsverður hagnaður hefur verið af
rekstri Sóma en minni af Júmbó.
Fyrirtækin tvö eru talin hafa langstærstu mark-
aðshlutdeildina á samlokumarkaðnum, um 95 pró-
sent. Matvöruverslanir og bensínstöðvar selja sífellt
meira magn af tilbúnum réttum frá fyrirtækjunum,
sem hafa aukið og breikkað mjög vörulínu sína síð-
ustu árin. Auk þess að selja samlokur selja þau ýmsa
rétti svo sem pastabakka, heilsurétti og fleira.
Enda þótt af samrunanum verði ná samkeppnis-
lög ekki til starfseminnar og geta fyrirtækin því
sameinast án afskipta samkeppnisyfirvalda. Sam-
kvæmt 17. grein samkeppnislaga getur Samkeppn-
iseftirlitið ógilt samruna ef það telur að markaðs-
ráðandi staða verði til eða myndist en getur auk
þess sett slíkum samruna skilyrði. Ákvæðið tekur
hins vegar aðeins til samruna þar sem heildarvelta
viðkomandi fyrirtækja er einn milljarður króna eða
meira.
Sómi mun nú vinna að fjármögnun að kaupunum
á Júmbó með Íslandsbanka en með samrunanum
hyggst fyrirtækið ná fram sparnaði með samlegð-
aráhrifunum meðal annars í innkaupum, dreifingu
og fleiri þáttum. Mikil gróska er nú á sölumarkaði
millistórra fyrirtækja og eins og Markaðurinn hef-
ur áður greint frá er ekki óalgengt að fyrirtæki séu
seld á sjöfaldan hagnað fyrir afskriftir og fjár-
magnsliði.
F R É T T I R V I K U N N A R
8 12-13 6
Björgvin Guðmundsson
skrifar
Friðrik J. Arngrímsson, fram-
kvæmdastjóri Landssambands
útvegsmanna, segir ýmsa innan
sjávarútvegsins velta fyrir sér
hvort betra sé að taka upp evru
sem gjaldmiðil á Íslandi þegar
stjórn efnahagsmála sé eins og
raun beri vitni. Það sé þá að því
gefnu að Íslendingar fengju
undanþágu frá sameiginlegri
fiskveiðistefnu Evrópusam-
bandsins, en ESB-aðild er skil-
yrði fyrir inngöngu í mynt-
bandalagið (EMU).
Friðrik segir að vegna hás
gengis íslensku krónunnar sé
eigið fé sjávarútvegsfyrirtækja
og annarra útflutningsfyrir-
tækja að brenna upp. Stjórn-
endur þessara fyrirtækja hafi
reiknað með styrkingu krón-
unnar á meðan álversfram-
kvæmdir stæðu sem hæst en
ekkert í líkingu við það sem
orðið hafi. Stóraukning íbúða-
lána, hækkandi vextir Seðla-
bankans og erlend skuldabréfa-
útgáfa í íslenskum krónum
hjálpist þar að. Hvorki ríki né
Seðlabankinn, sem Friðrik segir
stjórna efnahagsmálunum,
reyni að bæta starfsumhverfið.
Við slíkar aðstæður velti marg-
ir fyrir sér hvort staðan gæti
nokkuð versnað ef hér yrði
tekin upp evra. Óskynsamlegt
sé að veikja með þessum hætti
atvinnugreinar sem skapi mikl-
ar tekjur.
Ingibjörg Sólrún Gísladóttir,
formaður Samfylkingarinnar,
sagði á fundi um helgina að taka
ætti upp evru á Íslandi og
henda krónunni. Til þess þyrfti
að ganga í Evrópusambandið.
Krónan væri eins og hver önnur
viðskiptahindrun.
– Sjá nánar í miðopnu
Útrásarvísitalan óbreytt:
Keops stekkur enn
Útrásarvísitalan stóð nánast í
stað á milli vikna en hún lækkaði
um 0,04 prósent frá því í síðustu
viku og mælist nú 114,42 stig.
Danska fasteignafélagið Keops
hækkaði enn á milli vikna en
hækkaði mest allra félaga frá því
í síðustu viku, um 13,04 prósent.
Keops var einnig hástökkvari
vikunnar á undan en þá hækkaði
gengi félagsins á milli þeirra
vikna um 9,21 prósent.
DeCode lækkaði mest á milli
vikna en gengi félagsins fór
undir 8 dali á hlut í viðskiptum á
mánudag og lokagengi þess dags
7,99. Félagið lækkar um 9,28 pró-
sent frá því í síðustu viku. - hb
Sómi verði átta hundruð
milljóna samlokufyrirtæki
Sómi vill kaupa Júmbó samlokur og leggur fram tilboð.
Útvegsmenn daðra við evruna
Eigið fé sjávarútvegsfyrirtækja er að brenna upp vegna gengis krónunnar.
SAMEINING Á SAMLOKUMARKAÐI Búist er við því að Sómi
leggi fram tilboð í Júmbó samlokur í vikunni.
Evruumræðan byrjuð
Krónan er viðskiptahindrun