Fréttablaðið - 12.10.2005, Qupperneq 42

MIÐVIKUDAGUR 12. OKTÓBER 2005 MARKAÐURINN18
H É Ð A N O G Þ A Ð A N
Allan Strand Olesen hóf að byggja upp starf-
stöð Íslandsbanka í Lúxemborg í upphafi árs
2003. Starfseminni þar hefur vaxið fiskur um
hrygg og ætla má að eignir bankans í Lúxem-
borg séu um 750 milljónir evra, ríflega fimm-
tíu milljarðar íslenskra króna. Bankinn var
rekinn sem útibú í byrjun en hefur nú fullt
bankaleyfi og er rekinn sem dótturfélag Ís-
landsbanka.
Íslandsbanki er hins vegar ekki fyrsti
bankinn sem Allan vinnur fyrir. „Í Lúxem-
borg vann ég fyrst fyrir norskan banka og
síðar fyrir Búnaðarbankann.“ Landsbankinn
keypti starfsemi Búnaðarbankans í Lúxem-
borg og Allan tók til við að byggja upp starf-
semina fyrir Íslandsbanka. Sjálfur er hann af
alþýðufólki. „Ég er úr sveitinni á Jótlandi og
engir bankamenn í fjölskyldunni,“ segir hann
og hlær. Hann bætir því við að kannski þess
vegna kunni hann því svo vel að vinna með Ís-
lendingum. „Þið eruð ekki með lagskipt sam-
félag heldur ríkir frumkvöðlastemning og
mikill metnaður hjá ykkur.“ Hann segir það
einkenni á Íslendingum að þeir sjái markmið-
in og hiki ekki við að stefna á þau.
HRIFINN AF SKIPULAGINU
Allan segist hafa þekkt vel til Bjarna Ár-
mannssonar, forstjóra bankans, áður en hann
gekk til liðs við hann. „Það sem gerði það að
verkum að ég gekk til liðs við bankann var sú
skýrt markaða stefna sem bankinn hafði
fylgt og náð árangri með. Þá skipti mig miklu
máli orðspor Bjarna og það traust
sem hann nýtur. Ég var hrif-
inn af skipulagi bankans
og hvernig honum var
stjórnað. Það var því
auðveld ákvörðun fyrir
mig að ganga til liðs við
bankann.“
Allan segir bankann hafa
sýnt skynsemi í uppbyggingu erlendis. Ís-
landsbanki hafi sérhæft sig og fylgt því eftir.
Bankinn hefur lagt áherslu á þjónustu við
sjávarútvegs- og matvælafyrirtæki. „Það var
rökrétt framhald af sérhæfingunni að koma
sér fyrir á Norðurlöndunum, sérstaklega í
Noregi.“ Bankinn byrjaði með kaupum á
Kreditbanken sem er lítill banki. „Með þeim
hætti kom bankinn sér fyrir, kynntist um-
hverfinu vel og komst í tengsl við hæft fólk,
sem er lykillinn að góðum árangri fyrirtækis
af þessu tagi. Bankinn hefur vaxið að mestu
leyti í gegnum útlán og eftir að hafa komið
sér fyrir í Noregi var eðlilegt að taka næsta
skref, sem var BN bank sem er með traust og
gott lánasafn.“
Í Lúxemborg fæst bankinn við eignastýr-
ingu, einkabankaþjónustu og fyrirtækjaþjón-
ustu. „Sérhæfing bankans markast annars
vegar af stefnu í alþjóðaviðskiptum og svo
svæðisbundinni sérhæfingu. Hjá okkur í Lúx-
emborg snýst þetta um svæðisbundin verk-
efni með áherslu á norrænan markað. Verk-
efnin eru fyrirtækjaráðgjöf, fjármögnun
hlutafjár og lánafyrirgreiðsla til fyrirtækja.
Við höfum unnið að fasteignafjármögnun á
Norðurlöndunum og í Þýskalandi.“ Nýlegt
dæmi um verkefni Íslandsbanka í
Lúxemborg er fjármögnun
kaupa fjárfesta undir for-
ystu Sigurjóns Sig-
hvatssonar á fast-
eignafélagi í Kaup-
mannahöfn.
FINNUM EKKI
FYRIR TORTRYGGNI
Allan segir að þótt þjónustan
sé fjölþætt missi menn ekki
sjónar af því að marka sér
bás. „Við leggjum áherslu á
að veita ráðgjöf. Í Lúxem-
borg er hægt að nálgast alla
anga fjármálaþjónustu og
við beinum viðskiptavinum
okkar á réttan stað ef verk-
efnið er utan okkar sér-
sviðs.“ Hann segir náið sam-
starf við fyrirtæki gefa
tækifæri á að fylgja þeim
eftir í sókn á alþjóðlega
markaði. Fyrirtækjum sem
dafna vel fylgja svo eigend-
ur sem efnast vel og þurfa í
kjölfarið á ýmiss konar
bankaþjónustu að halda.
Umræða um fjárfesting-
ar Íslendinga á Norðurlönd-
um hefur ekki öll verið já-
kvæð og bankinn lítur það al-
varlegum augum. Allan segir sóknina á nor-
rænan markað hafa gengið vel. „Okkur var
vel tekið og bankinn nýtur mikils trausts. Við
höfum ekki fundið fyrir neinni tortryggni í
okkar garð. Bankinn hefur mjög gott orðspor
í fjármálaheiminum sem við byggjum á.“
Allan hefur búið í Lúxemborg í um áratug.
Hann er kvæntur og á þrjú börn. „Við tókum
þá ákvörðun að setja börnin í skóla heima-
manna. Margir velja þann kost að setja börn-
in í alþjóðlega skóla, en við
búum á svæði þar sem
heimamenn eru áberandi og
við vildum að börnin gengju
í sama skóla og nágrannarn-
ir.“ Börnin eru fyrir vikið
fjöltyngd. „Þau tala eins og
innfædd, það gefur þeim for-
skot.“
INNBLÁSTUR ÚR STARFINU
Banki eins og sá sem Allan
stjórnar vex ekki af sjálfu
sér og sólarljósinu. Mikil
vinna liggur að baki upp-
byggingu fjármálafyrirtæk-
is sem nú telur 35 starfs-
menn. Allan segir að starfið
hafi vissulega áhrif á fjöl-
skyldulífið og krefjist mik-
illa ferðalaga. „Ég er mikið á
ferðinni og konan mín vinn-
ur ekki úti, sem felur í sér
mikla skuldbindingu. Þegar
maður tekst á hendur verk-
efni sem þetta er það í raun
fremur lífsstíll en starf. Þegar starfið er
svona stór þáttur í lífi manns skiptir miklu að
hafa ánægju af því sem maður er að gera og
að maður fái innblástur úr því umhverfi sem
maður er í. Sá andi sem ég vinn í uppfyllir
þetta.“
Hann segir fjölskylduna hafa ánægju af
ferðalögum. „Við tökum okkur tveggja vikna
skíðafrí og ég reyni að haga því þannig að ég
geti verið heilshugar með fjölskyldunni
þegar við erum saman.“
Hádegisverður fyrir tvo
á Laugaási
Lauga-ás special
Steiktur fiskur gratín
Drykkir
Kók
Vatn
Kaffi
Alls 4.580 krónur
▲
H Á D E G I S V E R Ð U R I N N
Með Allan Strand
Olesen
forstjóra Íslandsbanka
í Lúxemborg
Meiðyrðabransinn
Aurasálin er friðsöm með endem-
um og á sér fáa óvini. Hingað til
hefur Aurasálin talið þetta vera
hina mestu gæfu og ekki kvartað
yfir þessum skorti á óvildarmönn-
um. Nú hefur þetta hins vegar
snúist á haus. Í dag kæmi sér fátt
betur fyrir Aurasálina en ef ein-
hver settist niður og skrifaði ein-
hvern órökstuddan óhróður, helst
á ensku.
Málið er nefnilega að Aurasálin
sér fyrir sér að geta kært óvini
sína í Bretlandi fyrir meiðyrði og
grætt fúlgur fjár og ólíkt Jóni
Ólafssyni mun Aurasálin ekki
leggja það fyrir lögmenn sína að
fara hófsamlega fram í kröfu-
gerðinni. Nei – ó nei. Það verður
farið alla leið.
En skortur Aurasálarinnar á flug-
mælskum og hatrömmum óvinum
er henni fjötur um fót og þess
vegna reynir á frumlega hugsun
og alþekkta hæfileika Aurasálar-
innar til þess að sjá nýja fleti á
vandamálum og úrlausnarefnum.
Aurasálin hefur nefnilega ákveðið
að bíða ekki eftir því að einhver
annar hallmæli henni á enskri
tungu.
The Aurasál has reportedly been
involved in questionable dealings
both inside the country and
abroad. The Aurasál is a very
dubious character and those who
do business with her should be
advised that not all of her wealth
has been legally and fairly gained.
Voila! Málið er leyst. Aurasálin
mun í kjölfar þessa pistils leggja
fram kæru í Bretlandi gegn
sjálfri sér og græða milljónir. Nú
kann einhver að spyrja: Hvernig
getur Aurasálin grætt á því að
kæra sjálfa sig fyrir meiðyrði?
Við þessu er einfalt svar. Þegar
Aurasálin hefur fengið dæmdar
fimmtíu milljóna króna bætur í
Bretlandi mun krafa um greiðslu
berast til Íslands. Þar sem Aura-
sálin er eignalaus mun hún lýsa
sig gjaldþrota en á sama tíma
mun hún geta framvísað kröfu um
fimmtíu milljóna skaðabóta-
greiðslu í bankanum og notað
hana sem veð til þess að fá lán á
mjög góðum kjörum.
Fyrir fimmtíu milljóna bankalánið
ætlar Aurasálin svo að stofna lítið
félag sem mun reka nokkrar fast-
eignir. Aurasálin mun svo kæra
menn fyrir meiðyrði af handahófi
og kaupa svo af þeim húsin til að
forða þeim frá nauðungarsölu.
Aurasálin mun því þiggja leigu-
tekjur af sakborningunum en á
sama tíma eignast húsin þeirra
upp í meiðyrðaskuldirnar. Þegar
Aurasálin er kominn í dágóðan
plús getur hún endurgreitt banka-
lánið og borgað skuld sína við
sjálfa sig vegna meiðyrðamálsins.
Aurasálin skorar á óvini sína að
birta sem mestan óhróður í blöð-
um og á vefsíðum um land allt.
Hún vill þó taka það skýrt fram
að móðganir og svívirðingar á
öðrum tungumálum en ensku eru
vinsamlegast afþakkaðar.
A U R A S Á L I N
Allan Strand Olesen
Starf: Forstjóri Íslandsbanka í Lúxemborg
Fæðingardagur: 17. desember 1967
Maki: Gitte Thomsen
Börn Celine f. 1996, Julie f. 1997,
Emilie f. 2001
HRIFINN AF FRUMKVÖÐLAANDA Allan Strand segir að frumkvöðlaandi Íslendinga eigi vel við hann. Hann segir lykil-
inn að því að hann valdi að vinna fyrir Íslandsbanka liggja í traustri stjórnun, góðu skipulagi og skýrri stefnu bankans.
Með þeim hætti kom bankinn sér fyrir, kynntist umhverfinu vel og
komst í tengsl við hæft fólk, sem er lykillinn að góðum árangri fyrir-
tækis af þessu tagi. Bankinn hefur vaxið að mestu leyti í gegnum út-
lán og eftir að hafa komið sér fyrir í Noregi var eðlilegt að taka næsta
skref, sem var BN bank sem er með traust og gott lánasafn.
Fremur lífsstíll en starf
Allan Strand Olesen hefur á undanförnum tveimur árum byggt Íslandsbanka í
Lúxemborg frá grunni. Hann vann áður fyrir Búnaðarbankann og kann því vel
að vinna með Íslendingum. Hafliði Helgason snæddi með honum hádegisverð
og ræddi bankann og lífið í Lúxemborg.
Fr
ét
ta
bl
að
ið
/H
ar
i