Fréttablaðið - 12.10.2005, Blaðsíða 38

MIÐVIKUDAGUR 12. OKTÓBER 2005 MARKAÐURINN14
F Y R I R T Æ K I
F Ó L K Á F E R L I
Þegar Hanna Katrín Friðriksson,
framkvæmdastjóri stjórnunar-
sviðs Eimskips, var að stíga sín
fyrstu skref sem stjórnandi fékk
hún ráðleggingu frá gömlum
læriföður sem hún hafði miklar
mætur á: „Taktu verkefnin sem
þú tekur að þér mjög alvarlega en
sjálfa þig síður.“ Hanna Katrín
hefur síðan alltaf haft þetta heil-
ræði bak við eyrað og hún er ekki
í neinum vafa um að með því að
fylgja því eigi menn meiri líkur
en ella á því að skapa það and-
rúmsloft og þá liðsheild sem lík-
leg er til þess að ná árangri.
Hugtakið „Þú vinnur ekki silf-
ur – þú tapar gulli“ er Hönnu
Katrínu einnig hugleikið. Það
felur í sér að á meðan maður
stendur í baráttu á maður ekki að
sætta sig við neitt annað en full-
kominn árangur. Hún nefnir bók-
ina Good to Great: Why Some
Companies Make the Leap and
Others Don’t, eftir Jim Collins. Sú
bók tekur á þessu á áhugaverðan
hátt. Í henni er rauði þráðurinn
hvers vegna sumum góðum fyrir-
tækjum tekst að verða frábær, á
meðan önnur verða aðeins góð í
ákveðinn tíma og lenda svo á
tímabili hnignunar. Höfundur
bókarinnar fjallar um það hvern-
ig það að vera góður í einhverju
getur hindrað mann í því að verða
frábær. Hanna Katrín segir gott
að hafa það til hliðsjónar því „ef
maður er innst inni ágætlega sátt-
ur við silfrið – eða bronsið – er
ólíklegt að maður nái gullinu“.
- hhs
B E S T A R Á Ð I Ð
Guðbjörg Glóð Logadóttir hefur
verið áhugamanneskja um
fisk svo lengi sem hún
man eftir sér. Þegar hún
byrjar að tala um fiskinn
er henni mikið niðri fyrir
og auðsýnilegt að henni
þykir margt skorta í meðhöndl-
un okkar Íslendinga á okkar
helstu auðlind. Hún segir Íslend-
inga hafa staðið sig vel í að þróa
fiskveiðitækni og kunna margt í
verkun og vinnslu en hafi látið
meðhöndlun á hráefninu og nálg-
unina við kúnnann sitja á hakan-
um. Henni þykir jafnvel gæta
virðingarleysis í garð fisks hér á
landi og finnst við ekki átta
okkur á því að um náttúruauðlind
er að ráða sem er ekki óþrjótan-
leg. „Af hverju þá ekki að gera
vel við það hráefni sem við erum
hvort sem er að tína upp úr sjón-
um?“ segir Guðbjörg Glóð.
FYLGIFISKAR Í MAGANUM
Árið 1992 fór Guðbjörg Glóð til
Boston til að vinna í fiskbúð þar
sem hún sá hvað er hægt að gera
margt með framsetningu og mat-
reiðslu á fiski. Upp frá því kynnti
hún sér hvernig málum var hátt-
að víða um heim og henni fannst
sama uppi á teningnum alls stað-
ar – að fiskurinn hefði verið lát-
inn sitja eftir. Mikil þróun væri
að eiga sér stað í öðrum smásölu-
greinum varðandi þjónustu við
viðskiptavini og meðhöndlun
varanna en sama væri ekki að
segja um fiskinn.
Svona gekk Guðbjörg Glóð
með Fylgifiska í maganum í ára-
tug og því er fyrirmyndin að
versluninni engin ein heldur
samtíningur af hugmyndum héð-
an og þaðan úr heiminum. Fyrir-
tækið var stofnað sumarið 2002
þegar Guðbjörg Glóð hitti mat-
reiðslumanninn Svein Kjartans-
son og þau báru saman bragð-
lauka sína, sem í ljós kom að
áttu afbragðsvel saman. Eig-
endahópurinn samanstendur af
tíu fiskunnendum, að þeim með-
töldum, sem höfðu þá sameigin-
legu hugsjón að auka vegsemd
fisks á Íslandi. Í upphafi voru
fimm starfsmenn hjá verslun-
inni sem var til húsa á Suður-
landsbraut 10 og nú, þremur
árum síðar, hafa þau bætt við sig
annarri verslun á Skólavörðu-
stígnum og starfsmenn orðnir
tíu. Svo virðist sem fleiri hafi
saknað verslunar af þessu tagi
og þau hafi veitt svar við ákveð-
inni vöntun á markaðnum því
Fylgifiskum var vel tekið frá
fyrsta degi.
MATUR FYRIR KRÖFUHARÐA
SÆLKERA
Markhópur Fylgifiska er í víðasta
skilningi þeir sem vilja spara sér
tíma og fyrirhöfn í eldamennsk-
unni en borða samt hollan og góð-
an mat. Verslunin er opin til hálf
sjö dag hvern til þess að vinnandi
fólk nái að renna við og sækja sér
kvöldmatinn tilbúinn en þar er í
leiðinni hægt að kaupa allt með-
læti sem til þarf. Á boðstólum eru
tilbúnir fiskréttir sem nánast allir
eru sköpunarverk Sveins, sem
leikur sér að því að blanda saman
ólíkum áhrifum. Hann hefur verið
mikið erlendis í ólíkum menning-
arheimum og réttirnir hans bera
þess merki. Vöruúrvalið breytist
líka eftir vikudögum og árstíma,
allt eftir því hver eftirspurnin er
hverju sinni. Auk þessa eru þau
með heitan mat í hádeginu svo þar
er alltaf yfirfullt í hádeginu og
veisluþjónusta er einnig stór hluti
starfsemi þeirra.
FISKUR EKKI ÞAÐ SAMA OG
FISKUR
Mesta áskorunin við rekstur
Fylgifiska er að hráefnið þarf
alltaf að vera ferskt, allt frá olí-
unum og kryddunum sem not-
uð eru til fisksins sjálfs.
„Fólk virðist stundum
gleyma því að þetta eru dýr
sem við erum að veiða og það
þarf að sækja þau út á sjó,“ segir
Guðbjörg Glóð og bendir á að
stundum veiðist einfaldlega ekki
fiskur. Þá sé nauðsynlegt að hafa
góða þekkingu á hvert þurfi að
fara til að finna hann. Faðir og
bróðir Guðbjargar, Logi Þor-
móðsson og Gunnar Logason, sjá
um þessa daglegu leit að ferskum
fiski en hann er keyptur unninn
beint af ferskfiskframleiðendum
sem eru sérfræðingar hver á
sínu sviði og í sínum fiski.
Guðbjörg Glóð segir mikinn
mun á fiskinum eftir því á hvern-
ig veiðarfæri hann var veiddur,
af hvaða svæði og svo framvegis
og það fari meira að segja eftir
tegund fisksins á hvaða veiðar-
færi hann er bestur veiddur.
Neytendur finni mun meira
bragð af fiskinum sé hann fersk-
ur og því geti ferskfiskframleið-
endur aldrei leyft sér annað en
að krækja í besta fiskinn.
GÓÐUR ORÐSTÍR MIKILVÆGAST-
UR
Frá opnun fyrirtækisins hefur
veltan og kúnnahópurinn marg-
faldast frá ári til árs og í dag er
dagsalan þrisvar til fjórum sinn-
um meiri en fyrsta árið í rekstri.
Ákvörðunin sem tekin var í upp-
hafi Fylgifiska um að auglýsa
ekki heldur láta veginn aukast af
orðsporinu einu saman virðist
því hafa skilað sínu. Eftir tvö ár í
rekstri prófuðu þau að auglýsa
og hafa síðan af og til auglýst í
útvarpi til að minna á sig en samt
sem áður er góður orðstír þeirra
langsterkasta markaðsvopn.
Guðbjörg Glóð segir að til-
koma þeirra hafi breytt smásölu-
markaðnum með fisk að mörgu
leyti og að margir fisksalanna af
gamla skólanum hafi aukið úrval
sitt af tilbúnum réttum með til-
komu þeirra. Það er engin fisk-
verslun á landinu af sömu gerð
og Fylgifiskar og hún lítur ekki
endilega á hefðbundnu fisksal-
ana sem aðalsamkeppnisaðilana.
Samkeppnin snúist fyrst og
fremst um að veita svar við
spurninginni „hvað á að borða í
kvöld?“ og því sé öll matvara
samkeppnisvara Fylgifiska.
Næsta verkefni er að stækka
og breyta versluninni á Suður-
landsbrautinni til að mæta enn
frekar óskum viðskiptavina og
stendur til að þær framkvæmdir
hefjist á næstu dögum. Hún telur
að hugarfar í garð fisks sé að
breytast í þjóðfélaginu og Fylgi-
fiskar muni halda áfram að taka
þátt í þeirri hugarfarsbreytingu
með því að vanda áfram til verka
og halda áfram að skapa. „Góðir
hlutir gerast hægt og við viljum
hafa það þannig,“ segir Guðbjörg
Glóð og áréttar að þau séu rétt að
byrja, heildarhugmyndin um
Fylgifiska sé mjög stór og að
þeim liggi ekki lífið á.
Fylgifiskar ehf.
Suðurlandsbraut 10 / Skólavörðustígur 8
Stofnað 2002
Eigendur: Tíu ákafir fiskunnendur
Framkvæmdastjóri: Guðbjörg Glóð Logadóttir
Starfsmenn: Tíu
Fiskur ekki sama og fiskur
Helsta ástríða Guðbjargar Glóðar Logadóttur er fiskur. Hólmfríður Helga Sigurð-
ardóttir hitti hugmyndasmið Fylgifiska og varð margs vísari um dýrin í sjónum.
SIGURÐUR SVERRISSON hefur bæst í hóp
ráðgjafa hjá KOM Almannatengslum.
Sigurður á að að
baki langan feril og
mikla reynslu í
blaðamennsku, út-
varpi og ráðgjafa-
störfum í almanna-
tengslum.
Sigurður hóf blaða-
mennskuferil sinn á Tímanum 1978-1979
en starfaði svo á DV 1979 til 1982 og á
Morgunblaðinu 1982 til 1984. Sigurður
gaf út og ritstýrði Skagablaðinu á Akra-
nesi í áratug áður en hann hóf störf sem
ráðgjafi hjá almannatengslafyrirtækinu
Athygli. Hann var einn stofnenda PR
(Pje Err) almannatengsla árið 1999 en
lét af störfum þar síðla árs 2000. Sigurð-
ur vann um nokkurra ára skeið við
þáttagerð hjá Rás 2 og hefur skrifað
greinar, fréttir og viðtöl í fjölda blaða og
tímarita. Auk þess hefur hann skrifað
nokkrar bækur um íþróttamál.
Hjá KOM sinnir Sigurður almennri
ráðgjöf á sviði almannatengsla og auk
þess textagerð, útgáfumálum, samskipt-
um við fjölmiðla og ýmsum sérverkefn-
um.
SVAFA GRÖNFELDT hefur tekið við nýju
starfi sem aðstoðarforstjóri Actavis
Group. Svafa hóf
störf hjá Actavis árið
2004 sem fram-
kvæmdastjóri stjórn-
unarsviðs. Ábyrgð-
arsvið hennar er að
samtvinna stefnu og
innra skipulag sam-
stæðunnar ásamt því að stýra verkefn-
um sem lúta að aukinni skilvirkni í
rekstri. Svafa mun verða staðgengill
forstjóra og talsmaður hans og mun
áfram verða hluti af framkvæmdastjórn
fyrirtækisins.
Svafa Grönfeldt er doktor í vinnu-
markaðsfræði frá London School of
Economics and Political Science. Hún
er með M.Sc. gráðu í starfsmanna- og
boðskiptafræði frá Florida Institute of
Technology og einnig með BA-gráðu í
stjórnmálafræðum og fjölmiðlun frá Há-
skóla Íslands. Svafa starfaði áður í
EMEA-stjórnendateymi Deloitte ráðgjaf-
ar í Evrópu og var einn eigenda og
framkvæmdastjóri ráðgjafar hjá IMG
Deloitte á Íslandi. Svafa er lektor í
rekstrarhagfræði við viðskipta- og hag-
fræðideild Háskóla Íslands og hefur
stýrt stjórnendaþjálfun í Bandaríkjunum
og Bretlandi.
HUGMYNDASMIÐURINN GUÐBJÖRG GLÓÐ LOGADÓTTIR OG LISTAKOKKURINN SVEINN KJARTANSSON Smullu saman bragð-
lega séð þegar þau hittust fyrst og nokkru síðar litu Fylgifiskar dagsins ljós.
HANNA KATRÍN FRIÐRIKSSON Maður á
að taka verkefnin alvarlega en sjálfan sig
síður.
Að sætta sig ekki við silfrið
AUGL†SINGASÍMI
550 5000