Fréttablaðið - 12.10.2005, Page 31

Dagana 12.-17. október árið
1810 var Októberfest haldin há-
tíðleg í fyrsta sinn í München í
Þýskalandi til að fagna brúð-
kaupi Lúðvíks fyrsta prins
Bæjaralands og prinsessunnar
Theresu af Sachsen-Hildburg-
hausen. Hátíðin sló rækilega í
gegn og hefur síðan verið haldin
árlega með nokkrum undan-
tekningum vegna stríða, sjúk-
dómsfaraldra og annarra óhjá-
kvæmilegra aðstæðna.
Nú á tímum er Októberfest
oftast haldin í septembermán-
uði til að krækja í endann á
sumrinu, sem ýtir enn meira
undir vinsældir hátíðinnar. Hún
teygir sig yfir tveggja vikna
tímabil og lýkur hinn 3.
október, á þjóðhátíðar-
degi Þýskalands.
Margar aðrar borgir í
Evrópu halda svipaðar
hátíðir en bjórhátíðin í
München skákar þeim
öllum í stærð. Borgin
tekur stakkaskiptum
þegar hún gengur í garð
enda flykkjast þangað
um sex til sjö milljónir
manna alls staðar að til
að taka þátt í þessu
mesta bjórsvalli heims.
Hátíðargestir renna
niður hvorki meira né
minna en 5,7 milljónum
lítra af bjór auk þess að
innbyrða gífurlegt magn
af mat. 220 þúsund pyls-
ur og 460 þúsund
steiktir kjúklinga hverfa
ofan í svanga og þyrsta
hátíðargesti.
Sérstakur bjór sem ber nafn-
ið Märzen er sérstaklega brugg-
aður fyrir Októberfest og seldur
í tjöldum sem brugghús borgar-
innar setja upp. Hann er eilítið
sterkari og dekkri en venjuleg-
ur bjór og borinn fram í eins
lítra krúsum sem algengt er að
hátíðargestir reyni að taka með
sér heim til minja. Það er
stranglega bannað og lögreglan
þarf að hafa sig alla við til að
hirða krúsir af fólki um alla
borg. Borgarstjórinn í München
opnar ætíð fyrstu flöskuna
formlega með orðunum „O’zapft
is“ – „hann er opnaður“ og setur
þannig hátíðina. - hhs
S Ö G U H O R N I Ð
Októberfest í fyrsta sinn
MARKAÐURINN MIÐVIKUDAGUR 12. OKTÓBER 2005 7
Ú T L Ö N D
ÞJÓNUSTUSTÚLKA BER FRAM BJÓR Á OKTÓBER-
FEST Árlega renna hátíðargestir niður um 5,7 milljón-
um lítra af bjór og borða 220 þúsund pylsur.
Nokkrir gallharðir stuðningsmenn knattspyrnu-
liðsins Bournemouth, sem leikur í ensku annarri
deildinni, ætla að búa til lífeyrissjóð í samvinnu við
líftryggingafélagið Standard Life með því að kaupa
heimavöll liðsins, The Fitness First Stadium.
Leggja þeir fram fimmtíu þúsund punda lífeyr-
iseign á mann og ætla að safna samanlagt tveimur
milljónum punda en að auki tekur sjóðurinn 3,6
milljóna punda lán. Alls hafa 35 áhangendur félags-
ins skuldbundið sig til að leggja fram lífeyrinn sinn
og vantar aðeins fimm í viðbót.
Um fimm milljónir punda þarf til að kaupa
heimavöll Bournemouth og landsvæði í kringum
völlinn. Völlurinn verður svo leigður félaginu til
níu mánaða í senn fyrir 360 þúsund pund á ári en
félagið losar á móti fjármagn sem er bundið í fast-
eignum og lagar erfiða fjárhagsstöðu sína veru-
lega.
Fleiri knattspyrnulið fylgjast grannt með gangi
mála, þar á meðal Brighton & Hove Albion og
Chesterfield. „Ef hægt verður að nota lífeyriseign
til að styðja liðið fjárhagslega erum við tilbúnir að
skoða hugmyndina,“ segir Alan Walters, fjármála-
stjóri hjá Brighton, við The Sunday Telegraph. - eþa
Fjárfest í fótboltavöllum
Áhangendur Bournemouth búa til lífeyrissjóð og bjarga klúbbnum.
FJÁRFEST Í VÖLLUM Stuðningsmenn enskra fótboltaliða íhuga að kaupa heimavelli félaganna með því að nota lífeyriseign sína.