Fréttablaðið - 21.11.2005, Page 18

21. nóvember 2005 MÁNUDAGUR
FRÁ DEGI TIL DAGS
ÚTGÁFUFÉLAG: 365 – prentmiðlar RITSTJÓRI: Kári Jónasson FRÉTTARITSTJÓRI: Sigurjón M. Egilsson AÐSTOÐARRITSTJÓRI: Jón Kaldal FRÉTTASTJÓRI: Arndís Þorgeirsdóttir VARAFRÉTTASTJÓRI:
Trausti Hafliðason FULLTRÚI RITSTJÓRA: Guðmundur Magnússon RITSTJÓRNARFULLTRÚI: Steinunn Stefánsdóttir RITSTJÓRN OG AUGLÝSINGAR: Skaftahlíð 24, 105 Reykjavík AÐALSÍMI:
550 5000 SÍMBRÉF Á FRÉTTADEILD: 550 5006 NETFÖNG: ritstjorn@frettabladid.is og auglysingar@frettabladid.is VEFFANG: visir.is UMBROT: 365 – prentmiðlar PRENTVINNSLA:
Ísafoldarprentsmiðja ehf. DREIFING: Pósthúsið ehf. dreifing@posthusid.is Fréttablaðinu er dreift ókeypis á heimili á höfuðborgarsvæðinu, Suðurnesjum og Akureyri. Einnig er hægt að fá
blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. issn 1670-3871
Rétti maðurinn?
Mörður Árnason alþingismaður skrifar í
gær á vefsíðu sína langan pistil um verð-
leika Alfreðs Þorsteinssonar borgarfull-
trúa í tilefni af væntanlegum vistaskipt-
um hans. Mörður segir: „Að loknum
löngum pólitískum ferli tekur hann við
mikilvægu verkefni fyrir borgarbúa og
landsmenn: Að koma Landspítalan-
um fyrir í nýju húsnæði - og þar þarf
einmitt krafta manns af tagi Alfreðs.“
Vefþjóðviljinn tekur annan pól í hæðina
og rifjar upp að höfuðstöðvar Orkuveit-
unnar, sem Alfreð lét byggja, hafi orðið
tvöfalt dýrari en lagt var upp með. Þá
hafi Alfreð sóað milljörðum króna af
skattfé Reykvíkinga í Línu.net og fleiri
fjarskiptafyrirtæki.
Enn reiðir
Framsóknarmenn eru enn reiðir Ingi-
björgu Sólrúnu fyrir ummæli hennar á
dögunum um sókn Samfylkingarinnar
inn á miðjuna. Gunnar Bragi Sveinsson
skrifar í Tímann og gerir „hringlandahátt“
hennar að umtalsefni. „Samfylkingin er
ekki stjórnmálaflokkur heldur samtök
týndra vinstri manna sem hafa hafnað
kommúnískri hugmyndafræði VG.
Þessir vinstri menn hafa svo margar
skoðanir á hverju máli að enn
hefur Samfylkingunni ekki tek-
ist að móta heildstæða stefnu
fyrir samtökin. Þess vegna
veltur flokkurinn og formað-
urinn eins og korktappi frá
hægri til vinstri, út og suður“,
segir hann.
Dæmt til að
mistakast?
Og skýringin á
miðsókninni
er þessi að
mati Gunnars Braga: „Samfylkingunni
svíður það að í rúmlega 30 ár, á mesta
uppgangstíma íslensks samfélags, hefur
miðjuflokkurinn, Framsóknarflokkur,
setið í ríkisstjórn nær allan þann tíma.
Þess vegna heldur foringi Samfylking-
arinnar að lausnin sé að apa eftir Fram-
sóknarflokknum og gerast miðju-
flokkur. Því miður er það dæmt
til að mistakast. Til þess að vera
miðjuflokkur þarf skýra stefnu.
Framsóknarflokkurinn hefur ætíð
sett fjölskylduna og atvinnulífið
á oddinn með skýrum hætti og
þess nýtur íslenskt samfélag í dag.
Veikburða tilraun Ingibjargar Sól-
rúnar til að spila á miðjunni
gengur ekki, þar sem
liðsmenn hennar leika
hver fyrir sig en ekki
heildina.“
gm@frettabladid.is
Í DAG
EDDUVERÐLAUN
GUÐMUNDUR ANDRI
THORSSON
Það sem var svo átakanlega
fjarverandi á þessari upp-
skeruhátíð var sjálf uppskeran.
Þorsteinn Guðmundson var beitt-
ur og skemmtilegur að vanda og
Sylvía Nótt ullaði svo mikið að
engu var líkara en að þetta væri
dagur íslenskrar tungu; og almennt
var yfir flestum þátttakendum á
Edduhátíðinni þessi sérstaki ljómi
sem fylgir þeim sem við þessa
tegund listsköpunar fást.
Síst má lasta að prúðbúið fólk
gleðji hvert annað - og okkur
- með fagurlega formuðum hár-
greiðslum sínum, kjólum, glingri,
orðheppni og annarri prýði eins
og gert var á Edduverðlaunahátíð-
inni - það hefur áreiðanlega mikla
þjóðhagslega samfélagsþýðingu í
skammdeginu - og ekki skal það
heldur dregið í efa að þvogl og
ull Sylvíu Nóttar hefur að geyma
djúphugsaða og hárbeitta háðs-
ádeilu á þá sjálfhverfu útlits- og
formdýrkun sem einkennir fjöl-
miðla á tímum hraða og firringar
- en vantaði samt ekki eitthvað?
Þegar maður sat heima í stofu
og gjóaði auga á þessa árshátíð
þeirra sem fást við lifandi mynd-
ir á Íslandi þá skynjaði maður
óvenju sterkt að eitthvað er að.
Öll ráðherratraffíkin á svið-
inu var einhvern veginn óvenju
óviðeigandi. Það var næstum
því sárt að sjá alla þessa hæfi-
leikaríku listamenn leyfa öllum
þessum ráðherrum að baða sig í
ljómanum frá sér og standa síðan
fagnandi á fætur þegar mennta-
málaráðherra tilkynnti um fram-
lög frá ríkisstjórninni íslenskri
kvikmyndagerð til handa: Litlu
verður Vöggur feginn, hugsaði
maður.
Því að það sem var svo átak-
anlega fjarverandi á þessari upp-
skeruhátíð var sjálf uppskeran.
Dagur Kári gerir danska mynd
á þessu ári, Baltasar gerir amer-
íska mynd og Friðrik Þór fram-
leiðir kanadíska mynd - eftir að
hafa gert sjálfur skoska mynd.
Gott og vel. Útrás gæti maður
sagt ef svo háttaði að þjóðin ætti
þess kost að sjá sjálfa sig í spegl-
um lifandi mynda. Því miður
er nánast ekkert sjónvarpsefni
framleitt hér nema endalaust
fréttaefni og spaug sem samið er
upp úr þessu meinta fréttaefni.
Leikarar og kvikmyndagerðar-
fólk er vannýttasta auðlindin
sem við eigum.
Það hefur verið mjög til siðs í
fjölmiðladálkum að hreyta ónot-
um í þá tilburði til sápuóperu sem
RÚV sýnir á sunnudagskvöldum
- Kallakaffi. Og vissulega er þar
ýmislegt af vanefnum gert, dósa-
hláturinn virkar á mann eins og
útlenskt fólk að villast eitthvað
- ef það skildi brandarana myndi
það ekki hlæja svona mikið - og
iðulega er óljóst hverjum brandar-
arnir eru ætlaðir en þetta er engu
að síður íslenskt fólk í íslensk-
um veruleika að tala íslensku
og kljást við íslensk vandamál
og úrlausnarefni. Kallakaffi er
með öðrum orðum ekki einskær
talsetning á útlenskum þáttum
eins og raunin er með flesta aðra
þætti í íslenskum sjónvarpsstöðv-
um - að frátöldu hinu endalausa
fréttaefni.
Það vantar skáldað efni í
lifandi myndum handa Íslend-
ingum. Skelfilegast er ástandið
þegar kemur að barnaefni þar
sem heilu morgnarnir eru undir-
lagðir hundleiðinlegum myndum
úr bandarískum smábæjarveru-
leika með tilheyrandi „baseball“
og „high school“ og „apple pie“
og staðalmyndum. Í vikunni fékk
Guðrún Helgadóttir vel forþéntan
heiður í tilefni af Degi íslenskrar
tungu - en hvar eru þættirnir upp
úr Jóni Oddi og Jóni Bjarna eða
„Öðruvísi“-bókunum? Hvar eru
teiknimyndirnar um Málfríði og
mömmu hennar? Af hverju eru
ekki ný ævintýri Pappírs-Pésa í
hverri viku? Og handa fullorðn-
um: hvar eru þættirnir upp úr
bókum Arnaldar? Er verið að bíða
eftir því að Danir geri þá?
Þegar Íslendingar sjá leikið
efni í sjónvarpi um sjálfa sig og
líf sitt - sem ekki er revía upp
úr fréttunum eða fólk að geifla
sig - finnst þeim það óþægilegt
og asnalegt. Kallakaffi er lofs-
vert framtak þar sem allir hljóta
nokkra þjálfun og venjast við
slíkt efni: áhorfendur, leikarar og
höfundar
Og talandi um höfunda: von-
andi verður í næstu syrpu sett
teymi í að skrifa þættina undir
stjórn Sveinbjörns I. Baldvins-
sonar sem er sá maður á landinu
sem kann fagið. ■
Vannýtt auðlind
AUGL†SINGASÍMI
550 5000
FYLGIR FRÉTTABLA‹INU ALLA MI‹VIKUDAGA
Mest lesna
vi›skiptabla›i›
G
al
lu
p
k
ö
n
n
u
n
f
yr
ir
3
6
5
p
re
n
tm
i›
la
m
aí
2
0
0
5
.
Þeir sem héldu að brotthvarf Davíðs Oddssonar úr stjórnmál-um myndi veikja Sjálfstæðisflokkinn og skapa Samfylking-unni sóknarfæri höfðu rangt fyrir sér. Enn sem komið er
að minnsta kosti. Hin nýja forysta sjálfstæðismanna, með mild-
ari svip en áður, hefur orðið til þess að styrkja flokkinn og skapa
aukna tiltrú á honum. Að sama skapi höfðu þeir rangt fyrir sér
sem héldu að Ingibjörg Sólrún Gísladóttir myndi eftir formanns-
kjörið rífa upp fylgi Samfylkingarinnar og skáka Sjálfstæðis-
flokknum eins og jafnaðarmannaflokkum Norðurlanda hefur
tekist gagnvart borgaraflokkunum. Þetta sýna niðurstöður skoð-
anakönnunar sem Fréttablaðið lét gera og birt var í gær.
„Samfylkingin hefur dalað í kjölfar formannsskipta
en Sjálfstæðisflokkurinn tók stökk upp á við þegar
Davíð hætti sem formaður.“
Könnunin sýnir að Sjálfstæðisflokkurinn er í sókn og hefur
bætt við sig nokkru fylgi frá síðustu könnun blaðsins í maí og
umtalsverðu fylgi ef miðað er við úrslit þingkosninganna vorið
2003. Samfylkingin hefur aftur á móti tapað fylgi, hvort sem
miðað er við kosningarnar eða síðustu könnun. Önnur athyglisverð
niðurstaða könnunarinnar er sterk staða og mikil fylgisaukning
vinstri grænna. Þá virðist sem Framsóknarflokkurinn ætli ekki
að ná sér á strik. Hann virðist orðinn fastur í því fari að vera næst
minnsti flokkur landsins. Hann gæti orðið sá minnsti ef frjáls-
lyndir þurrkast út, en það er ekki hægt að útiloka.
Þó að könnunin sýni að ríkisstjórnin njóti ekki lengur meiri-
hlutastuðnings yrði samkvæmt henni ekki grundvöllur fyrir
ríkisstjórn sem stjórnarandstöðuflokkarnir stæðu einir að. Til
þess er meirihluti þeirra of tæpur. Í uppsiglingu kynni að vera
snúin staða við myndun meirihlutastjórnar.
Í ljósi þess að ríkisstjórnin hefur á kjörtímabilinu lent í afar
erfiðum málum verður niðurstaða könnunarinnar að teljast slök
fyrir stjórnarandstöðuna í heild. Vinstri grænir eru hinir einu í
þeim hópi sem geta hrósað sigri. Sennilega er á því sú einfalda
skýring að kjósendum finnist stefna þeirra skýr, málflutningur-
inn trúverðugur og foringjarnir sannfærandi.
„Samfylkingin hefur dalað í kjölfar formannsskipta en Sjálf-
stæðisflokkurinn tók stökk upp á við þegar Davíð hætti sem
formaður,“ segir Össur Skarphéðinsson í grein á vefsíðu sinni
í gær. Hann virðist trúa því að þetta sé tímabundið ástand og
flokkurinn og formaðurinn muni finna fjölina sína. Ekki skal
það útilokað en vissulega hljóta tölurnar að vera alvarleg áminn-
ing um að Samfylkingin og Ingibjörg Sólrún séu ekki á réttum
slóðum í stjórnmálabaráttunni. En það virðist ekki auðvelt að
laga þá stöðu. Á sama tíma og formaður Samfylkingarinnar
boðar frekari sókn inn á miðjuna virðist fylgið leita til vinstri
grænna. Til að snúa því við þarf flokkurinn að koma fram með
auknar vinstri áherslur. En hættan er þá sú að það verði til þess
að tefla miðjufylginu í tvísýnu. Nú þegar ber á nokkurri óánægju
gamalla alþýðuflokksmanna með vinstri svip á málflutningi
formanns Samfylkingarinnar á ýmsum sviðum. Það getur verið
vandlifað í stjórnmálunum.
SJÓNARMIÐ
GUÐMUNDUR MAGNÚSSON
Jákvæð könnun fyrir Sjálfstæðisflokkinn og
vinstri græna:
Samfylking og
Framsókn í vanda