Fréttablaðið - 21.11.2005, Qupperneq 26

21. nóvember 2005 MÁNUDAGUR4
Í þættinum Veggfóðri í kvöld
mun Vala Matt kíkja aftur til
góðvinkonu sinnar Gullu í Má
Mí Mó sem sýnir okkur tvær
skemmtilegar hugmyndir.
Síðast þegar litið var inn til Gullu
var skoðað hvernig hún hafði
málað kirsuberjatré með hjálp
skapalóna á vegg hjá sér. Önnur
hugmyndin sem hún sýnir í kvöld
er mjög svipuð. Þar hefur Gulla
hannað mjög álíkt tré og sett það
á límfilmu sem hún límdi svo á
spegil heima hjá sér.
„Þetta er svo hentugt þegar þú ert
komin með leið á stórum spegli eða
langar til að poppa upp gluggana
hjá þér. Það er líka hægt að líma
þetta beint á vegg eða skáphurð-
ir,“ segir Gulla. Límið skemmir
ekki út frá sér og má því nota á
við. Gulla segist vera að leita að
fjölnota filmu. Þannig væri fyrst
hægt að líma upp mynd á spegil,
taka hana niður seinna og líma
hana á einhvern annan stað. Eins
og er fæst bara þessi eina mynd
en hægt er að fá hana í mismun-
andi litum.
Í stofunni hjá sér hefur Gulla
glætt gamla gluggakistu nýju
lífi. Þar hefur hún safnað saman
miklu af glermunum sem hún á og
myndað skemmtilega heild. Í stað
þess að hafa þá á víð og dreif um
húsið þá gera þessi glermunir mun
meira fyrir heimilið þegar þeir
eru svona allir saman á einum
stað. Slíkt kostar ekki neitt þar
sem verið er að nýta það sem fyrir
er á heimilinu en Vala segir slíkt
vera það skemmtilegasta sem hún
fái að sýna í þættinum. „Gulla er
líka svo flink að finna ódýrar og
sniðugar lausnir,“ segir Vala Matt
að lokum og hvetur fólk til þess að
sjá meira í þættinum í kvöld.
Hönnunar- og lífstílsþáttur-
inn Veggfóður er á dagskrá sjón-
varpstöðvarinnar Sirkus í kvöld
klukkan 21.00.
Margir og fjölbreyttir glermunir mynda
heilsteypta stemningu. Fallegt kirsuberjatré gefur speglinum nýtt líf.
Vala og Gulla skoða spegilinn glæsilega.
Glermunir mynda saman
skemmtilega heild
Vala og Gulla dást að glergluggakistunni.
VEGGFÓÐUR