Fréttablaðið

Dagsetning

◄ Tölublað ►

Leiðbeiningar (PDF)

Fréttablaðið - 30.01.2006, Blaðsíða 16

30. janúar 2006 MÁNUDAGUR16 fréttir og fróðleikur Palestínumenn hafa hrist duglega upp í heimalandi sínu, Mið-Austurlöndum, og heiminum öllum með því að veita hinum herskáu Hamas-samtökum ótvírætt umboð í lýðræðislegum kosningum til að vera pólit- ískir málsvarar palestínsku þjóðarinnar, bæði inn á við og út á við. Og það þótt samtökin hafi enn á stefnu- skránni að útmá Ísraelsríki og koma á sjaría-lögum bókstafstrúaðra múslima. Lokaúrslit atkvæðatalningar skil- uðu Hamas 74 sætum af 132 á pal- estínska löggjafarþinginu. Fatah- hreyfingin, sem haldið hefur um stjórntauma palestínsku heima- stjórnarinnar frá því henni var komið á fót fyrir tólf árum, fékk 45 þingsæti. Hafa ber þó í huga að munurinn á heildaratkvæðamagni Hamas og Fatah var mun minni en sem nemur þessum mikla mun á fulltrúafjölda. Hamas fékk alls rúmlega 43 prósent atkvæða en Fatah rúmlega 40 prósent. Að Hamas skyldi fá svo miklu fleiri þingmenn út á svo lítið forskot í heildaratkvæðamagni skýrist af því að frambjóðendur Hamas fengu flest atkvæði í flest- um einmenningskjördæmunum. Kosningakerfið er sambland ein- menningskjördæma og hlutfalls- listakosninga. Auk þess eru fáein þingsæti tekin frá fyrir kristna minnihlutann. Þrettán þingsæti dreifðust á smáflokka. Þannig komst meðal annarra læknirinn Mustafa Barghouthi, sem margir Íslendingar kannast við, inn á þing, en atkvæðamagn lista hans, Sjálfstæðrar Palestínu, var aðeins um 2.6 prósent. Annar mannrétt- indafrömuður, Hanan Ashrawi, sem var með listann Þriðju leið- ina, slapp inn í öðru sæti á sínum lista sem fékk um 2.3 prósent. Vesturlönd hóta að skrúfa fyrir fjárstuðning Við blasir að skýringa á því að frambjóðendur Hamas skyldu hafa betur en frambjóðendur Fatah í svo mörgum einmenn- ingskjördæmum er helzt að leita í spillingunni sem Fatah-menn hafa gerzt sekir um eftir því sem þeir héldu lengur um stjórntaumana, án nokkurrar virkrar stjórnar- andstöðu. Hamas-liðar háðu sína kosningabaráttu aðallega með slagorðum um að skera upp herör gegn spillingu og loforðum um bætta velferðarþjónustu. Það er hins vegar ljóst að stjórn skipuð Hamas-liðum eingöngu verður illa í stakk búin að efna þessi lof- orð þar sem Bandaríkjastjórn og fleiri erlendir aðilar, sem hafa veitt rausnarlegum fjárstyrkjum til palestínsku heimastjórnarinnar fram til þessa, hafa hótað að hætta öllum slíkum stuðningi ef Hamas- stjórnin tekur ekki upp friðvæn- legri stefnu gagnvart Ísrael og heitir því að afvopna vígamanna- sveitir samtakanna. Hamas-sam- tökin hafa á liðnum árum staðið að baki ótal sjálfsvígssprengjuárása á ísraelska borgara. Grunnt á því góða milli fylkinga Leiðtogar Hamas hafa aftur á móti lýst því yfir að þeir hyggist koma á fót eiginlegum her Palestínu- manna og vígamannasveitir sam- takanna verði innlimaðar í hann. Í öryggissveitum palestínsku heimastjórnarinnar eru um 58.000 menn undir vopnum, en þeir eru upp til hópa flokkshollir Fatah- menn sem óttast um sinn hag ef Hamas fær eitthvað yfir þeim að segja. Hluti sveitanna heyrir undir ráðherra í heimastjórninni en hluti undir forsetann, Fatah- manninn Mahmoud Abbas. Til árekstra kom milli Fatah-hollra öryggissveita- og lögreglumanna og Hamas-manna um helgina. Sú ólga kraumar áfram. Það var ekki mikinn sáttatón að heyra í máli leiðtoga Hamas um helgina. Þeir lýstu því meðal annars yfir í gær að þeir hygðust hafa sjaría-lög að leiðarljósi við lagasetningu, án þess þó að ætla að ganga svo langt að loka vín- veitingastöðum eða banna konum að sjást á almannafæri innan um karla. Það biði þess tíma er sjálf- stætt ríki Palestinumanna væri orðið að veruleika. „Þegar við fáum okkar ríki munum við láta fólkinu eftir að velja,“ sagði Mah- moud Ramahi, einn æðstu manna Hamas í samtali við Reuters- fréttastofuna. „Við munum láta fólkið velja í þjóðaratkvæða- greiðslu, og við erum vissir um að palestínska þjóðin velur íslam.“ Með tilliti til þess að flestir Pal- estínumenn hafa hingað til hallast að því að vilja málamiðlun við Ísrael og kæra sig ekki um að vera gert að lifa eftir sjaría-lögum er frekar ólíklegt að þessi framtíð- arsýn Ramahi verði að veruleika, en hún sýnir hve mikil umskipti fylgja stjórnarskiptunum. Horfurnar ekki bjartar Ehud Olmert, starfandi forsætis- ráðherra Ísraels, ítrekaði í gær að Ísraelsstjórn myndi ekki taka upp nein tengsl við stjórn Palestínu- manna sem ekki viðurkenndi full- veldi Ísraels og afneitaði ofbeldi. Ísraelski varnarmálaráðherrann Shaul Mofaz hótaði að „taka af lífi“ herskáa Hamas-menn sem hefðu verið viðriðnir árásir á Ísraela. Að Palestínumenn skuli hafa sýnt þann lýðræðisþroska að skipta um þingmeirihluta þegar sá gamli var búinn að missa traust virðist því ekki ætla að gera horf- urnar bjartari fyrir botni Mið- jarðarhafs. ■ FRÉTTASKÝRING AUÐUNN ARNÓRSSON audunn@frettabladid.is Barnaheill hélt ráðstefnu um hvernig stöðva má barnaklám á Netinu. Hrönn Þormóðsdóttir verkefnastjóri: Er ástandið hér á Íslandi jafn alvar- legt og erlendis? Ég held að það sé í sama hlutfalli og erlendis, miðað við íbúafjölda. Ættu stjórnvöld að bjóða einstakl- ingum aðgang að netvöktunarforrit- um án greiðslu? Kannski, alltént mætti slá eitthvað af verðinu svo fleiri hefðu aðgang að þeim. Þetta er ein leið en það þarf að nota margar. Til dæmis þarf að kenna barninu siðferði og fólki almennt að nota þá kosti sem bjóðast. Ættu Íslendingar að taka upp netsíun á landsvísu eins og tíðkast orðið erlendis? Ég vil svara þessu þannig að við ættum að skoða þann möguleika. SPURT & SVARAÐ NETHEIMAR Barnaklám á Netinu HRÖNN ÞORMÓÐSDÓTTIR Verkefnastjóri hjá Barnaheill Þúsundir, ef ekki milljónir, einkaleyfa eru skráð í heimin- um hvert ár. Hér á landi er rekin sérstök einkaleyfastofa sem yfirfer allar umsóknir um einkaleyfi sem sótt er um hérlendis. Afar sértækar reglur gilda um einkaleyfi og allar umsóknir þurfa að vera vandaðar og vel ígrundaðar. Hvað er einkaleyfi? Einkaleyfi má skilgreina sem rétt uppfinningamanns á uppfinningu sinni og gefur honum jafnframt rétt til að hindra að aðrir noti hana án heimildar. Í flestum tilfellum er um tæknilegar uppfinningar og ekki má rugla orðinu einkaleyfi við aðra notkun orðsins í öðrum lögum, samanber einka- eða sérleyfi, sem getur til að mynda átt við um flutningafyrirtæki eða farþegaflutn- inga. Hvernig fást slík leyfi? Með umsókn til Einkaleyfastofunnar hér á landi og í samsvarandi stofnunum erlendis. Flest slík leyfi eru aðeins veitt sé sýnt fram á með rökum að um nýja uppfinningu sé að ræða. Uppfinningin þarf að vera frábrugðin því sem þegar er fyrir á markaðnum og hana verður að vera hægt að nýta í atvinnulífinu. Ákvæði laga og reglu- gerða er yfirgripsmikið hvað einkaleyfi varðar og sérstakar reglur gilda að auki um alþjóðlegar einkaleyfisumsóknir. Hversu mörg leyfi eru afgreidd? Sem dæmi um hversu erfitt það getur verið að öðlast einkaleyfi á uppfinningu er hægt að líta til talna Einkaleyfastofunnar hér á landi fyrir síðasta ár. Þá bárust yfir sex hundruð einka- leyfisumsóknir en veitt einkaleyfi það árið voru rétt rúmlega hundrað. Langflest þeirra voru veitt erlendum fyrirtækjum eða einstaklingum. Íslensk einkaleyfi voru aðeins um tíu talsins 2005. FBL-GREINING: EINKALEYFI Hindrar notkun í heimildarleysi> Hlutfall Framsóknarflokks í sveitar-stjórnarkosningum í Reykjavík Svona erum við 9, 4 9, 5 7, 0 1986 1982 1974 16 ,4 1978 8, 3 1990 Heimild: Hagstofa Íslands Róttæk umskipti í Palestínu KHALED MASHAAL Einn helzti leiðtogi Hamas talar á blaðamannafundi í Damaskus í Sýrlandi. Hann vill stjórna í félagi við aðrar fylkingar Palestínumanna, en óvíst er hvort það gengur eftir. Í bakgrunni eru myndir af PLO-leiðtoganum Jasser Arafat og Ahmed Yassin, stofnanda Hamas, sem Ísraelar myrtu árið 2004. FRÉTTABLAÐIÐ/AP �� MEÐ SLÓÐ AF ÓUPPGERÐUM SÖKUM Í RÉTTARKERFINU ÞRÍR PILTAR SÖFNUÐU FÉ FYRIR EITURLYFJAKAUPUM Í AMSTERDAM Átján ára strákar með kókaín fyrir tugmilljónir DV2x15 - lesið 29.1.2006 21:37 Page 1

Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

Fréttablaðið

Fréttablaðið

Beinir tenglar