Fréttablaðið - 31.01.2006, Blaðsíða 6
6 31. janúar 2006 ÞRIÐJUDAGUR
ESB hjálpar friðargæsluliðum
Friðargæsluliðar Sameinuðu þjóð-
anna í Kongó hafa beðið aðildarríki
Evrópusambandsins um aðstoð vegna
hættunnar á auknum átökum þar í landi
í tengslum við þingkosningar. Kosning-
arnar, sem eru hinar fyrstu áratugum
saman í Kongó, verða haldnar í lok apríl.
Búist er við að talsmenn Evrópusam-
bandsins tilgreini hvaða hjálp þeir geta
veitt í byrjun febrúar.
KONGÓ
KJÖRKASSINN
Kaust þú í undankeppni Eurovi-
son á laugardag?
Já 21%
Nei 79%
SPURNING DAGSINS Í DAG
Telurðu að Íslendingar vinni til
verðlauna á EM í handbolta?
Segðu þína skoðun á vísir.is
LAXELDI Eigendur Oddeyrar hf.,
dótturfyrirtækis Samherja, hafa
undanfarið ár reynt án árangurs
að fá Byggðastofnun til samstarfs
um uppbyggingu eldisstöðvar Silf-
urstjörnunnar í Öxarfirði.
Fyrir helgina sendi Jón Kjart-
an Jónsson, framkvæmdastjóri
Oddeyrar, bréf þar sem stjórn
Byggðastofnunar er tilkynnt að
félagið hafi gefist upp á að fá
fyrirgreiðslu af nokkru tagi hjá
stofnuninni og muni hvorki ónáða
starfsmenn né stjórnarmenn
stofnunarinnar frekar.
„Það er mat okkar að ekki
verði farið lengra í að reyna að fá
Byggðastofnun að þessu máli. Við
vitum ekki til þess að algengt sé
í nýsköpunarverkefnum á lands-
byggðinni að einn aðili bjóðist til
þess að tryggja 250 milljónir að
rekstri gegn 100 milljóna króna
veðláni á nýbyggingar að kostnað-
arverði um 140 milljónir króna,“
segir í bréfinu sem Fréttablaðið
hefur undir höndum.
Í greinargerð með lánsumsókn
kemur fram að Silfurstjarnan
hafi glímt við mikla rekstrarerf-
iðleika. Með því að nýta auðlindir,
byggingar og búnað geti velta eld-
isstöðvarinnar orðið um 400 millj-
ónir króna þegar á árinu 2008 í
bleikju-, lúðu- og sandhverfueldi.
Markaður er talinn góður í
Bandaríkjunum og Evrópu en
helstu áhættuþættir eru tald-
ir vera gengi krónunnar ásamt
afurðaverði. Þá er einnig rætt um
raforku sem drjúgan kostnaðar-
þátt en reynt verði að ná samning-
um um það.
Oddeyri ráðgerir að byggja
yfir átta landeldisker en kostnað-
ur við það, annan búnað og bygg-
ingar er áætlaður um 150 milljón-
ir króna. Félagið hafi lagt mikið
undir við að reyna að gera þessa
framtíðarsýn að veruleika. „Það
er því miður ljóst að vilji þeirra,
sem skilgreindir eru sem áhættu-
lánveitendur á landsbyggðinni, er
ekki sá að lána til reksturs og fast-
eigna í Öxarfirði,“ segir í áður-
greindu bréfi.
Aðalsteinn Þorsteinsson, for-
stjóri Byggðastofnunar, segir að
formleg lánsumsókn hafi komið
frá Silfurstjörnunni eða Oddeyri
og segir að stofnunin sé reiðubú-
in til þess að teygja sig nokkuð til
móts við óskir eldismanna í Öxar-
firði.
Byggðastofnun hefur á löngu
árabili lagt mikið fé í fiskeldið
þar, fyrst í Miklalax og síðar Silf-
urstjörnuna.
johannh@frettabladid.is
Samherji gefst upp
á Byggðastofnun
Forsvarsmenn Samherja og Oddeyrar hugðust setja 250 milljónir króna í lúðu-
og sandhverfueldi í Öxarfirði gegn 100 milljóna veðláni frá Byggðastofnun.
Stofnunin sýnir tómlæti og Samherjamenn segja uppbygginguna í óvissu.
AÐALSTEINN ÞORSTEINSSON FORSTJÓRI
BYGGÐASTOFNUNAR Kannast ekki við að
formleg lánsumsókn liggi fyrir frá Oddeyri
eða Silfurstjörnunni.
JÓN KJARTAN JÓNSSON FRAMKVÆMDA-
STJÓRI ODDEYRAR „Við munum því ekki
ónáða starfsmenn eða stjórnarmenn
stofnunarinnar frekar.“
SILFURSTJARNAN Í KELDUHVERFI Fiskeldisstöðin nýtir jarðvarma til að ná heppilegu hita-
stigi í landeldiskvíum og vill nú ala sandhverfu og lúðu auk bleikju.
FISKELDI Sveitarstjórn Öxarfjarð-
arhrepps hefur þungar áhyggjur
af framtíð fiskeldis á vegum Silf-
urstjörnunnar í Kelduhverfi.
Hún ritaði stjórn Byggðastofn-
unar bréf vegna málsins nýverið
þar sem ólíklegt er talið að fyr-
irtækið verði endurreist án sér-
þekkingar núverandi eigenda, sem
eru fyrst og fremst Samherji og
tengd fyrirtæki. „Til að fyrirtækið
haldi áfram starfsemi sinni þarf
Byggðastofnun að koma að mál-
inu með opnum hug,“ eins og segir
í bréfi sveitarstjórnarinnar og
kveðst hún reiðubúin til viðræðna
um málefni fyrirtækisins. - jh
Áhyggjur í Öxarfjarðarhreppi:
Reiðarslag ef
fiskeldið lokar
STÓRIÐJA Kostnaður við nýja álvers-
höfn í Eyjafirði er um einn millj-
arður króna miðað við að þar geti
lagst að bryggju 60 þúsund tonna
flutningaskip. Kostnaður vegna
stækkunar Húsavíkurhafnar er
frá 1,7 milljörðum króna til vel
á þriðja milljarð króna, eftir því
hvernig stækkunin yrði útfærð.
Kostnaður við nýja álvershöfn í
Héðinsvík við Húsavík er mun
meiri eða fjórir til fimm milljarð-
ar króna.
Þetta kemur fram í staðar-
valsathugunum vegna hugsanlegs
álvers á Norðurlandi, samkvæmt
heimildum Fréttablaðsins. Stað-
arvalsathuganir hafa einnig farið
fram í Skagafirði en í kvöld verð-
ur kynnt á Hótel KEA á Akureyri
áfanganiðurstöður í þeim athugun-
um sem framkvæmdar hafa verið.
Lítið er talað um samanburð á
kostnaði við orkuflutning í áfanga-
skýrslunni sem kynnt verður í
kvöld. Sá kostnaður vegur hins
vegar þyngra en kostnaður við
nauðsynlegar hafnarframkvæmd-
ir og er, samkvæmt heimildum
Fréttablaðsins, Húsvíkingum
mjög í hag. - kk
Staðarvalsathuganir vegna álvers á Norðurlandi:
Ný álvershöfn kostar milljarð
ATVINNUMÁL „Hin pólitíska ábyrgð
liggur hjá bæjarstjórninni á Akra-
nesi. Það er kjaftæði að halda því
fram að hún beri ekki ábyrgð,“
segir Magnús Þór Hafsteinsson,
þingmaður Frjálslynda flokksins,
um umræðu síðustu daga um töpuð
störf á Akranesi vegna sameining-
ar HB hf. og Granda.
Formaður verkalýðsfélagsins
á staðnum, Vilhjálmur Birgis-
son, hefur fullyrt að Skagamenn
hafi verið niðurlægðir. Magnús
Þór hefur einnig nýlega sagt að
með sölu á fyrirtækinu hafi menn
misst frá sér kvótann fyrir víta-
vert kæruleysi og aumingjaskap,
og var þeim orðum aðallega beint
til bæjarstjórnarinnar á staðnum.
Eggert B. Guðmundsson, for-
stjóri HB Granda, útskýrir þær
breytingar, sem orðið hafa á
rekstri fyrirtækisins, meðal ann-
ars með aflasamdrætti og hagræð-
ingu innan fyrirtækisins. Hann
nefnir einnig aflabrest á mörgum
mikilvægum tegundum og það
hafi haft bein áhrif á vinnsluna á
Akranesi. Hann segir að það geti
ekki hafa farið fram hjá fólki að
vinnsla á uppsjávarfiski um borð
í Engey og á Vopnafirði hafi haft
áhrif en það hljóti allir að skilja að
þegar um vinnslu til manneldis er
að ræða þá sé reynt að vinna fisk-
inn sem ferskastan. Eggert segir
jafnframt að það sé ekki svara-
vert að hjá stjórn fyrirtækisins
ríki einhverskonar óvild gagnvart
Akranesi. Ekki náðist í Guðmund
Pál Jónsson, bæjarstjóra á Akra-
nesi, vegna málsins. - shá
AKRANESHÖFN Akraneshöfn er yfirleitt full af lífi. Ef svörtustu spádómar rætast verður það
senn liðin tíð.
Þingmaður Frjálsyndra er þungorður í garð bæjarstjórnar Akraness:
Misstu kvótann fyrir kæruleysi
HEILBRIGÐISMÁL Ríki skulu upplýsa
um farsóttarsmit sem upp kemur
innan 48 klukkustunda ásamt
því að gera grein fyrir til hvaða
ráðstafana verður gripið. Þetta
er eitt ákvæða reglugerðar sem
mun taka gildi um mitt ár 2007.
Á fundi framkvæmdastjórnar
Alþjóðaheilbrigðisstofnunarinn-
ar var ákveðið að flýta gildis-
töku þeirra ákvæða sem eiga við
fuglaflensuna.
Haraldur Briem sóttvarnar-
læknir, sem sat fundinn, segir
þetta nauðsynlegt þar sem ríki
hafi stundum látið dragast að upp-
lýsa alþjóðasamfélagið um tilfelli
sem koma upp líkt og gerðist í
Tyrklandi og Ungverjalandi. - sdg
Alþjóðaheilbrigðisstofnunin:
Ríki upplýsi
fyrr um smit
HARALDUR BRIEM Sat fund þar sem fjallað
var um hugsanlegan fuglaflensufaraldur.
FINNLAND Tarja Halonen, nýkjörinn
forseti Finnlands, ætlar að leggja
áherslu á nýfátækt, atvinnuleysi,
jafnrétti og velferðarmál á öðru
kjörtímabili sínu. Hún stefnir að
því að verða forseti allrar þjóðar-
innar.
Halonen bar sigur úr býtum í
annarri umferð forsetakosning-
anna í Finnlandi á sunnudag en
þetta er í fyrsta sinn sem sitjandi
forseti nær endurkjöri í Finn-
landi. Halonen er jafnaðarmaður
og hún tókst á við Sauli Niinistö,
frambjóðanda hægrimanna. - ghs
Nýkjörinn forseti Finnlands:
Leggur áherslu
á nýfátækt
HÚSAVÍKURHÖFN Hafnarframkvæmdir við Húsavík eru almennt nokkru dýrari en hafnar-
framkvæmdir í Eyjafirði þar sem byggja þarf brimgarða við Húsavík en ekki í Eyjafirði.
Eiturefni í fóðri Yfirvöld í Belgíu,
Hollandi og Þýskalandi hafa lokað alls
400 framleiðslubúum síðustu daga
eftir að leifar af díoxíni fundust í fóðri í
löndunum þremur.
BELGÍA
STJÓRNMÁL Kostnaður sem fram-
bjóðendur í prófkjöri Framsókn-
arflokksins lögðu
í baráttu sína er
samtals um tólf
milljónir. Þegar
kostnaður fram-
b j ó ð e n d a n n a
þriggja er borinn
saman kemur
í ljós að fram-
boð Björns Inga
Hrafnssonar og Önnu Kristins-
dóttur eru með svipaða fjárhæð.
Þau áætla bæði að heildar-
kostnaður muni nema um fimm
milljónum. Óskar Bergsson áætl-
ar rúmlega tvær milljónir í heild-
arkostnað við sitt framboð. - sdg
Kostnaður prófkjörsbaráttu:
Björn og Anna
eyddu jafnt
Stríð á mörgum vígstöðvum
Áhrif myndbirtinga Jótlandspóstsins
af Múhammed spámanni fara vítt. Nú
hafa danskir tölvuþrjótar sameinast um
að ráðast gegn arabískum vefmiðlum
á sama hátt og arabískir tölvuþrjótar
hafa ítrekað reynt að knésetja vefmiðil
Jótlandspóstsins.
DANMÖRK
Hunsa næstu réttarhöld Saddam
Hussein og lögfræðingar hans hyggjast
ekki láta sjá sig þegar réttarhöld yfir
honum hefjast að nýju á miðvikudaginn.
Segja þeir nýjan dómara í málinu ekki
hlutlausan og réttarhöldin séu skopleik-
ur meðan hann sé við stjórn.
ÍRAK
UMHVERFISMÁL Þorgerður Katrín
Gunnarsdóttir, menntamálaráð-
herra, og Sigríður Anna Þórðar-
dóttir, umhverfisráðherra, undir-
rituðu í dag umsókn til UNESCO
um að Surtsey verði samþykkt
inn á heimsminjaskrá Sameinuðu
þjóðanna sem náttúruminjar.
Til að komast inn á skrána
þurfa viðkomandi náttúru- og
menningarminjar að vera einstak-
ar á heimsmælikvarða. Íslensk
stjórnvöld telja forsendur fyrir
tilnefningu Surtseyjar vera vegna
þess að hún er einstakt dæmi um
þróunarsögu jarðar og þar er hægt
að fylgjast með hvernig vistkerfi
á landi og í hafinu verða til.
- shá
Umsókn til UNESCO:
Vilja Surtsey á
heimsminjaskrá
FRÁ SURTSEY Engin eyja við Ísland er eins
merkileg, þó að margar séu fallegri.
BJÖRN INGI
HRAFNSSON