Fréttablaðið - 14.02.2006, Blaðsíða 14

14. febrúar 2006 ÞRIÐJUDAGUR14
nær og fjær
„ORÐRÉTT“
„Kylfingar eru að fara af stað með hækkandi sól og undirbúa
golfsumarið. Ég er þess vegna að kenna mikið þessa dagana,
en það er mitt aðalstarf,“ segir Úlfar Jónsson og reynir að
hafa stjórn á tveimur veikum sonum sínum á meðan hann
talar við blaðamann. Þegar Úlfar hefur náð yfirhöndinni á
nýjan leik heldur hann áfram: „Það er líka að fara af stað
mjög öflug dagskrá á Sýn þar sem sýnt verður frá stærstu
mótunum á bandarísku mótaröðinni. Þar er að byrja fimm
helga törn þar sem við sýnum frá lokadögunum á helstu
mótunum.“
Eins og allir golfáhugamenn vita þá hefur útsend-
ingum frá golfi fjölgað mjög og ekki síst er fengur í
því að fá útsendingar frá Íslandsmótunum í golfi. Úlfar
þekkir þann vettvang betur en flestir aðrir bæði sem
margfaldur meistari en einnig sem þáttagerðarmaður.
Þar njóta menn reynslu hans við útsendingar: „Þetta
eru viðamestu útsendingar frá íþróttaatburðum hér á
landi og öllu tjaldað til. Allar myndavélar notaðar, allir
tæknimenn og aðrir starfskraftar eru til taks. Við erum
búnir að sýna frá öllum mótum frá 1998 og erum sífellt að reyna að fága
það ár frá ári.“
Áhugi Íslendinga á golfi hefur aukist gífurlega mikið á fáum árum
og skiptir innkoma Tigers Woods þar miklu máli auk umfjöllunar í sjón-
varpi. Nú stendur til að fjölga útsendingum frá mótum kvenna sem er
eðlilegt svar við síauknum áhuga kvenna á öllum aldri. En vandamálið
er að það eru ekki nógu margir golfvellir fyrir allt þetta fólk. Eða hvað?
„Það væri auðveldlega hægt að fylla tvo eða þrjá 18 holu velli hér
á höfuðborgarsvæðinu en við megum ekki gleyma því að
stutt er að fara á mjög góða velli. Vellirnir á Akranesi og í
Þorlákshöfn eru dæmi um þetta og eru vannýttir.“
Úlfar spilar þegar hann fær tækifæri til en lætur
annað ganga fyrir núna, ólíkt sem áður var. Hann spil-
ar glimrandi golf þegar hann kemst á völlinn og nýtur
þess betur nú en oft áður: „Ég fer líka stundum til
útlanda með fjölskylduna og lauma þá golfsettinu
með.“ Úlfar kveður hress í bragði til að takast á við
það aðkallandi verkefni að sinna strákunum sínum
tveimur.
HVAÐ ER AÐ FRÉTTA? ÚLFAR JÓNSSON IPGA GOLFÞJÁLFARI
Spilar minna en nýtur þess betur
„Ég er bara mjög sátt við þessa nið-
urstöðu og hef fulla trú á að þeir sem
þarna voru kosnir muni standa undir
merkjum,“ segir Tinna Hrafnsdóttir
leikkona um úrslit prófkjörs Samfylk-
ingar á sunnudag þar sem Dagur B.
Eggertsson hlaut afgerandi kosningu
í fyrsta sætið, Steinunn Valdís Óskars-
dóttir varð í öðru sæti og Stefán Jón
Hafstein í því þriðja.
Sjálf kaus Tinna ekki um helgina og
segist ekki fylgjast mjög náið með pól-
itík enda ekki bundin sérstökum flokki.
Hún er fullviss um að borgarstjórnar-
kosningarnar í vor verði spennandi en
spáir þó ekki neinum sérstökum flokki
sigri. „Ég mun að sjálfsögðu kjósa,“
segir Tinna sem hefur þó ekki gert upp
við sig hvað það verður.
SJÓNARHÓLL
PRÓFKJÖR SAMFYLKINGAR
Mjög sátt
TINNA HRAFNSDÓTTIR LEIKKONA
Gæði framar fjölda
„Ég fékk kannski ekki
nógu mikið af atkvæð-
um en þau atkvæði sem
ég fékk voru frábær að
gæðum.“
Stefán Jón Hafstein um úrslit
prófkjörs Samfylkingar í Reykjavík í
Morgunblaðinu.
Hressandi ástardagur
„Hugmyndin er hressandi
í skammdeginu, enda
tilvalin eftir allan víking-
inn; hrútspungana og súra
slátrið.“
Valdís Gunnarsdóttir um Valentínus-
ardaginn í Fréttablaðinu.
Krabbameinsfélag Íslands og
Golfsamband Íslands hófu á síð-
asta ári samstarf um sérstök
golfmót fyrir konur undir nafn-
inu Bleiki bikarinn. Samstarf-
inu verður haldið áfram í sumar
og ætla fimmtíu golfklúbbar
að halda mót og fleiri hafa sýnt
áhuga. Allur ágóði mótanna renn-
ur til rannsókna á brjóstakrabba-
meini.
Sá golfklúbbur sem skilar
mestum tekjum til söfnunarinn-
ar fær afhentan farandbikar.
Nýlega var Golfklúbbi Kópavogs
og Garðabæjar afhentur bikarinn
bleiki sem Jónas Bragi Jónasson
glerlistamaður gerði.
Golfmót fyrir konur:
Farandbikar-
inn er bleikur
MEÐ BLEIKU SNIÐI Guðrún Agnarsdótt-
ir forstjóri Krabbameinsfélags Íslands
afhendir fulltrúum Golfklúbbs Kópavogs og
Garðabæjar bikarinn bleika.
Það er hlýtt á Íslandi um þess-
ar mundir. Einhverjir gætu haft
áhyggjur af því að gróðurinn mis-
skilji góðærið og fari að lifna til
lífsins löngu fyrir vorið. Ingunn
Óskarsdóttir, yfirgarðyrkjufræð-
ingur í Grasgarðinum, hefur hins
vegar ekki miklar áhyggjur af
gróðri landsins. „Gróðurinn er
svona aðeins að vakna en þetta
verður í lagi ef það verður ekki
mikið meira,“ segir Ingunn sem
segir kuldakaflann sem kom nú
um daginn hafa komið plöntunum
aftur í hvíld og þannig bjargað
málunum nokkuð.
Að sögn Ingunnar eru nokkrir
runnar og þyrnar farnir að bæra
aðeins á sér þannig að sést í grænt
en eru þó ekki búnir að opna blöð.
Þá eru krókusarnir að koma upp
en það er ekki óeðlilegt á þessum
tíma enda spretta þeir oft upp úr
snjó.
Ingunn segir hlýindin þó engin
áhrif hafa á íslenska birkið. „Það
lætur ekkert dobla sig hversu
heitt sem verður enda fer það
eftir birtuskilyrðum,“ segir Ing-
unn og bendir á að það séu frekar
erlendu plönturnar sem láti leika
á sig.
Hlýja veðrið að undanförnu hefur vakið sumar plöntur af vetrardvalanum:
Birkið lætur ekki blekkjast
LIFNAR YFIR GRÓÐRI Nokkrar plöntur eru farnar að bæra á sér eftir hlýindin undanfarið.
Helst eru það erlendu plönturnar sem láta plata sig til að halda að vorið sé komið en hið
gamalreynda íslenska birki veit betur enda fer það eftir birtustigi en ekki hitastigi.
Valentínusardagurinn er í
dag, dagur hinna rómant-
ísku og ástföngnu. Reyndar
virðist sem ástfangnir hafi
ekki einkarétt á að halda
daginn hátíðlegan þar sem
margir kjósa að nota daginn
til að gleðja ástvini með
gjöfum og kveðjum.
Sumir vilja meina að Valentín-
usardagurinn sé amerísk kaup-
mannahefð og óþörf hér á landi
þar sem nú þegar séu tveir dagar,
konudagur og bóndadagur, sem
þjóni þeim tilgangi að gleðja ást-
vini. Hjördís Reykdal Jónsdóttir
á Blómaverkstæði Binna blæs á
þessar raddir og segir ánægjulegt
að til séu dagar sérstaklega ætlað-
ir til þess að gleðja ástvini og tjá
tilfinningar. ,,Helst vildi ég hafa
svona dag einu sinni í viku, sam-
bönd og samskipti fólks græða
bara á þessu. Íslendingar eru nátt-
úrulega hálfgerðir klakar“ segir
Hjördís þegar blaðamaður bendir
á meinta tilfinningalokun Íslend-
inga. Rósir eru það sem langflest-
ir kaupa á Valentínusardaginn en
tískusveiflur eiga sér einnig stað
í blómabransanum og hvítar liljur
vinsælastar um þessar mundir.
Súkkulaði er gjarnan tengt við
þennan dag og Margrét Jónsdóttir
í Konfektbúðinni segir fólk kaupa
mikið af hjartalaga súkkulaði og
hjartalaga konfektöskjum fyrir
Valentínusardaginn. Margrét seg-
ist taka eftir að karlmenn komi
frekar á sjálfan Valentínusardag
til að versla en konurnar komi
frekar dagana á undan. Undir
þetta tekur Þóra Hlíf Jónsdóttir í
La Senza sem segir karlmenn oft
í seinna fallinu með undirfata-
kaup handa konunni. Hún tekur
sérstaklega fram hversu klárir
þeir séu orðnir í innkaupunum
miðað við áður, menn séu frekar
með númer á hreinu og viti hvað
þeir vilji. Þóra segist verða vör
við aukna aðsókn karlmanna fyrir
Valentínusardaginn en segir hann
þó ekki komast í hálfkvisti við
konudaginn enn sem komið er.
- sdg
Valentínusardagurinn
er kærkomin hefð
SÚKKULAÐI EÐA UNDIRFÖT? Vinsælar gjafir
á Valentínusardag.
HJÖRDÍS REYKDAL JÓNSDÓTTIR Stendur hér með fangið fullt af rauðum rósum en þær eru
langvinsælastar á Valentínusardag
Hrottafengin
hefnd vegna
misnotkunar
á frænku
hans
JÚLÍUS DÆMDUR Í EINS ÁRS FANGELSI
„Þessi óþverri fékk það
sem hann átti skilið“
2x15- 13.2.2006 21:12 Page 1