Fréttablaðið - 14.02.2006, Blaðsíða 21

ÞRIÐJUDAGUR 14. febrúar 2006
C M Y CM MY CY CMY K
Það er oft þrautin þyngri að
breyta hegðun sinni og venjum.
Ef við erum ekki að ná árangri,
í hverju því sem við tökum okkur
fyrir hendur, er kominn tími til
að endurskoða aðferðir okkar. Að
horfast í augu við sannleikann er
hverjum manni hollt og nauðsyn-
legt, sérstaklega þegar það þarf
að koma sér upp úr djúpum hjól-
förum. Og svo þurfum við líka
að nenna þessu. Nenna að eiga
heilsu, nenna að öðlast betra líf,
nenna að hugsa um okkur sjálf,
en ekki bara alla aðra í kringum
okkur.
Heilsan sem forgangsatriði
Ég þekki margar konur sem eru
töluvert of þungar og ekki við
nógu góða heilsu. Einhverjar
þeirra hafa, í langan tíma, hoppað
og skoppað í ræktinni og „passað
sig“ í mataræðinu, en árangur-
inn hefur látið á sér standa. Slíkt
veldur oft mikilli vanlíðan og
sjálfsásökunum. Öll hreyfing er
þó að sjálfsögðu af hinu góða og
ég tek ofan fyrir öllum þeim sem
leita í heilsuvænlega fæðu.
Þegar ég spyr þær betur út í
æfingarnar og fæðuna kemur oft
í ljós að konurnar hafa ekki tíma
fyrir ræktina og jafnvel ekki til
að borða reglulega og heilsusam-
lega. Þær eru með börn sem þarf
að keyra á leikskóla eða í skóla á
morgnana, sækja og skutla seinni
partinn og búa til matinn fyrir á
kvöldin. Að þessu sögðu verð ég
að taka fram að ég ber gríðarlega
mikla virðingu fyrir fjölskyld-
unni og foreldrahlutverkinu og
tel það vera eitt merkilegasta
hlutverk sem fólk getur fengið.
Ég heyri þó síður fjölskyldu-
ástæðurnar hjá karlmönnum.
Ástæður þeirra eru frekar að
þeir hafi ekki tíma sökum vinnu.
Þeir finna sér tíma fyrir ræktina
og geta svo haft þennan rosalega
járnaga í mataræðinu! Það sem
við konur þurfum kannski mest
af öllu að læra er að forgangs-
raða hlutunum rétt. Við þurfum
að læra að setja okkur í fyrsta
sætið miklu oftar, því að þegar
það tekst lætur árangurinn ekki
á sér standa og allt fer að ganga
upp. Við verðum ánægðari með
okkur og öðlumst hugarró. Fjöldi
rannsókna sýnir líka fram á að
hamingjusamir foreldrar eiga
frekar hamingjusöm börn og
börn heilsuþenkjandi foreldra
sækjast frekar í holla næringu,
s.s. grænmeti og eru duglegri að
hreyfa sig.
Nokkur ár fram í tímann
Með réttri forgangsröðun á sér
stað hugarfarsbreyting sem er
nauðsynleg til þess að árangur-
inn verði verulegur og varanleg-
ur. Spurðu sjálfan þig reglulega
spurninga um framtíðina, eins og
hvernig viltu að lífið verði eftir 5,
10 eða 30 ár. Hvað viltu geta gert?
Sumu getum við ekki stjórnað,
eins og hvenær eða hvort við eign-
umst börn eða eigum foreldra á
lífi, en við getum haft veruleg
áhrif á líðan okkar og velmegun.
Í tilefni af Valentínusardeginum
í dag bið ég þig því að vera þinn
eigin Valentínus. Hugsaðu jafn
vel um sjálfan þig og þá sem þú
elskar.
Kær kveðja,
Borghildur
Vertu þinn eigin Valentínus!
Námskeið í Baknuddi helgina 18-19 febrúar
• Slökunarnudd með sérvöldum ilmkjarnaolíum
• Farið í nokkrar góðar ilmolíur og uppskriftir
• Þrýstipunktanudd, verkjastillandi punktameðferð
• Svæðanudd fyrir baksvæði
Kennsla milli kl. 10.00 – 14.00 báða dagana
Heilsusetur Þórgunnu Egilsgötu 30 101. Rvk.
Sími : 8969653 - 5521850 best milli 09-11
UNGBARNANUDD- fimmtud. 16.02.05
Námskeið fyrir foreldra barna á aldrinum 1-10 mán.
Nothæf námskeið sem gefa börnum og foreldrum góða
slökunarstund saman -losa um spennu og loft í þörmum,
stuðla að betri svefni og gera góð tengsl betri.
Uppl.á Heilsusetri Þórgunnu Egilsgötu 30
s: 8969653 5521850 veffang: heilsusetur.is
og netfang: prema@mmedia.is
Heilbrigð sál
BORGHILDUR SVERRISDÓTTIR
EINKAÞJÁLFARI OG BA Í SÁLFRÆÐI
Ný rannsókn sýnir fram á að
rifrildi foreldra geta valdið
svefntruflunum og mikilli
vanlíðan hjá börnum. Börn
aðlagast ekki rifrildum heldur
verður vanlíðan þeirra stöðug.
Niðurstöður nýrrar rannsóknar
sýna að rifrildi foreldra geta haft
neikvæð áhrif á börn til langs
tíma. Niðurstöðurnar, sem birt-
ust í tímaritinu Child Develop-
ment, benda til að foreldrar sem
rífast fyrir framan börnin sín
skapi slæma líðan og valdi jafnvel
svefntruflunum hjá börnunum.
Þó svo að foreldrar reyni að
fela rifrildin fyrir börnunum eða
reyni að rífast í minni mæli hefur
það samt áhrif á líðan barnsins,
það upplifir ótta, reiði og jafnvel
sorg. Börnin verða oftast vör við
rifrildin og einkennileg samskipti
milli foreldranna, til dæmis þegar
foreldrarnir talast ekki við eða
eru ósáttir.
Einnig sýndu niðurstöðurnar
fram á að rifrildi og ósamkomulag
foreldra þar sem reiði er tjáð hafa
áhrif á svefn barnanna. Börnin
missa að meðaltali um þrjátíu mín-
útur af svefni á nóttu þegar þau
búa við samskipti þar sem rifrildi
foreldra eru í meðallagi. Einnig
kom fram að börn aðlagast ekki
rifrildum foreldra heldur verður
vanlíðanin stöðug.
Hins vegar er öllum það eðl-
islægt að tjá tilfinningar sínar
og reiði öðru hvoru. Mikilvægt
er þó að reynt sé að leysa vanda-
málin á opinn máta, með samræð-
um og rökræðum og jafnvel með
þátttöku barnanna en ekki rífast
fyrir framan þau eða gefa ósætti
til kynna.
Frétt fengin af persona.is.
Rifrildi valda stöðugri
vanlíðan hjá börnum
Ný rannsókn sýnir að rifrildi foreldra hefur
djúpstæð áhrif á líðan barna. Börnin upp-
lifa reiði, ótta, kvíða og í mörgum tilfellum
svefnleysi.