Fréttablaðið - 01.03.2006, Qupperneq 70

1. mars 2006 MIÐVIKUDAGUR30
Rósa Guðmundsdóttir heldur
jómfrúartónleika sína hér á landi
ásamt átta manna hljómsveit á
Þjóðleikhúskjallaranum á
fimmtudagskvöld.
Rósa hefur verið búsett í New
York undanfarin ár þar sem hún
hefur verið viðloðandi tónlistina.
Stofnaði hún meðal annars
kvennahljómsveit þar í borg sem
spilaði á Joe´s Pub auk þess sem
hún setti upp sýningu utan Broad-
way fyrir tveimur árum, sem
fékk góðar viðtökur.
Rósa, sem er klassískt mennt-
aður píanóleikari, byrjaði að
semja tónlist árið 2002 og hefur
verið dugleg við að semja allar
götur síðan, meðal annars fyrir
strengjahljóðfæri. Fyrir tónleik-
ana á fimmtudag fékk hún til liðs
við sig bandaríska sálarsöngkonu
og systur sína og munu þær
hjálpa henni að koma tónlistinni í
réttan farveg.
Rósa segist stefna að því að
fara aftur út til New York um leið
og hún fær landvistarleyfi á
nýjan leik. Þangað til ætlar hún
að einbeita sér að tónlistinni og
segir það ekki útilokað að hún
muni taka upp sína fyrstu plötu
hér á landi.
Tónleikarnir í Kjallaranum
hefjast klukkan 21.00 og er miða-
verð frjálst. ■
Jómfrúartónleikar Rósu á fimmtudag
RÓSA GUÐMUNDSDÓTTIR
Tónlistarkonan Rósa heldur jómfrúar-
tónleika sína hér á landi í kvöld.
Útskrift hjá Sjávarútvegsskóla
Háskóla Sameinuðu þjóðanna fór
fram á Grand Hótel á fimmtudag-
inn en þetta er í áttunda sinn sem
nemendur eru útskrifaðir úr skól-
anum. „Við útskrifuðum þarna 23
nemendur á fjórum sviðum en nem-
endurnir koma frá alls fjórtán lönd-
um,“ segir Tumi Tómasson fiski-
fræðingur og að hans sögn er þetta
ekki í fyrsta skipti sem hópurinn er
svo fjölþjóðlegur. „Skólinn er hluti
af þróunarsamvinnu Íslendinga og
hefur vaxið mjög ört á undanförn-
um árum. Allir nemendurnir starfa
sem fagfólk í sjávarútvegi í heima-
löndum sínum og við tökum bara
við þeim nemendum sem mælt er
með af stofnunum þeirra. Fólkið
gengst við því að vinna að lágmarki
í tvö ár hjá þeirri stofnun og er hjá
okkur í sex mánuði.“ Skólinn legg-
ur sig eftir samstarfi við lönd þar
sem sjávarútvegur og fiskveiðar
eru mikilvægar og þróunarmögu-
leikar góðir.
Fjölþjóðlegur útskriftarhópur
ÚTSKRIFT Í SJÁVARÚTVEGSFRÆÐUM Sjávar-
útvegsskóli Háskóla Sameinuðu þjóðanna
útskrifaði nemendur sína á fimmtudaginn.
NEMENDUR FRÁ FJÓRTÁN LÖNDUM Hópurinn var fjölþjóðlegur eins og alltaf.
Vinningar verða afhentir hjá BT Smáralind. Kópavogi.
Með því að taka þátt ertu kominn í SMS klúbb. 99 kr/skeytið.
Frumsýnd 3. mars
Sendu SMS skeytið
JA PPF á númerið 1900
og þú gætir unnið miða fyrir tvo.
Vinningar eru:
Bíómiðar fyrir 2, DVD myndir,
Tölvuleikir, Varningur tengdur myndinni,
Myndavélar og margt fleira
PERLUR Í PERLUNNI
Sigurbjörg Þrastardóttir
skáld fór á bókamarkað
Líffærameistarinn eftir Federico
Andahazi. Ég hef spilað fótbolta við
þennan ágæta Argentína og fannst
tímabært að lesa bók eftir hann.
Blinda eftir Jose Saramago. Ég
hef aðallega lesið styttri verk eftir
þennan mikla meistara, sem kom á
bókmenntahátið í fyrra, og ákvað að
skella mér á þessa bók.
Nancy Drew og leyndarmál gömlu
kniplinganna eftir Carolyn Keene.
Ég keypti þessa upp á gamlan kunn-
ingsskap. Bækurnar um Nancy eru
skemmtilega þýddar, pabbi hennar
var til dæmis málafærslumaður.
Ég man að ég las margar bækur
sem barn án þess að vita hvað það
merkti.
Inn og út um gluggann eftir
Kristínu Ómarsdóttur, Önnu Hallin
og Ósk Vilhjálmsdóttur. Þetta er
ljóðabók með myndum. Hressileg
bók eftir skemmtilegar listakonur.
Ofurnæfur eftir Erlend Loe.
Þetta er ein af mínum uppáhalds-
bókum, en ég ætla að gefa þetta
eintak.
Breski fjármálaráðgjafinn,
kennarinn og rithöfund-
urinn James Skidmore
heillaðist af Gretti Ásmund-
arsyni þegar hann las sögu
kappans og hefur nú gefið
út samtímaskáldsögu þar
sem Grettir gengur, með
afsagaðri haglabyssu, milli
bols og höfuðs á víkingum í
Notting Hill.
„Vinur minn sem lagði stund á
norræn fræði í Cambridge benti
mér á að lesa Íslendingasögurnar
og þá sérstaklega Grettis sögu,“
segir James Skidmore sem hefur
skrifað það sem hann kallar
nútímaútgáfu af Grettis sögu.
The Saga of Grettir Ásmundar-
sen, sem Skidmore gefur út sjálf-
ur undir höfundarnafninu James
Steel, er þó um margt frábrugðin
gömlu Grettlu enda er sögusviðið
London og þá ekki síst Notting
Hill. Sagan segir frá fjárfestinum
Simon Palmer sem hefur komið
sér í kröggur sem verða þó smá-
munir þegar hann kynnist fyrir
óheppilega tilviljun víkingnum og
tröllinu Gretti. Það er því óhætt að
segja að Grettir sé fjarri heima-
högunum á Íslandi bæði í tíma og
rúmi en Skidmore segist hafa talið
það af og frá að skrifa um Gretti á
Íslandi þar sem hann þekki ekkert
til staðhátta þar. „Ég kaus því ein-
faldlega að flytja Gretti á mínar
slóðir og sögusviðið er því fjár-
málaumhverfið í London. Ég held
líka að það hafi verið mjög gott að
færa sögusviðið til, enda er ég viss
um að það hefði bæði verið fárán-
legt og leiðinlegt að endurskrifa
hana beint.“
Bölvun og sálarþoka
Fyrstu tveir kaflar bókarinnar
gerast í Svíþjóð árið 792 og Kon-
statínópel árið 1451 en síðan vind-
ur Skidmore sér til Lundúna á
okkar dögum. Þar verður Simon
vitni að því þegar Grettir í jötun-
móð skýtur höfuðið af víkingi með
afsagaðri haglabyssu. Kappinn
kemur svo sökinni yfir á Simon
sem lendir í slagtogi með Gretti
og dregst inn í aldalöng átök Grett-
is við Ragnar bláa og ribbalda-
hyski hans. Til að bæta gráu ofan á
svart hvílir bölvun á Gretti en
óværan sú gerir honum kleyft að
breyta sér í tröll. Bölvuninni fær
hann ekki aflétt nema hann endur-
heimti spegil sem nornin, móðir
hans, átti og hafði fallið í hendur
Ragnars.
Þegar Simon kynnist Gretti er
hann miðaldra maður sem heldur
til í Notting Hill og glímir við
þunglyndi sem hann kallar sálar-
þoku. Það sem heillaði mig við per-
sónu Grettis er hversu mannlegur
hann er. Grettis saga er mjög raun-
sæ og sálfræðileg. Grettir reynir
að vera góður en tekst það ekki.
Ég er mjög hrifinn af breyskum
persónum og þó Grettir sé hetja
sögunnar er hann líka tröll sem
drepur fólk í neðanjarðarlestar-
göngum í London. Þetta er saga
manns sem glímir við sjálfan sig
og samtíma sinn um leið og hann
leitar að æðri tilgangi.“
Saga Grettis er því enn sem
fyrr harmsaga enda leiðast Skid-
more bækur sem enda vel. „Það er
allt of mikið um góða enda þar
sem allt felur í ljúfa löð. Það er
dimur tónn í þessari bók en þrátt
fyrir sorglegan endi má samt
greina vonarglætu en þannig er
nú lífið ansi oft.“
Draugurinn Glámur er fjarri
góðu gamni að þessu sinni en Skid-
more vill þó meina að Grettir
burðist samt með hann enn þá.
„Ég steypti Glámi eiginlega saman
við persónu Grettis og það má
segja að í tröllseðli hetjunnar
leynist draugurinn enda verða
augu Grettis mjög áberandi þegar
hann skiptir um ham.“
Leitar að útgefanda
James segir að í upphafi
hafi hann ekki vitað
hvaða stefnu sagan
tæki, það eina sem
hann vissi fyrir víst
var að hann vildi segja
sögu af trölli sem gengi
berserksgang í undir-
göngum London. Þegar
hann hafði velt þessu
fyrir sér um
nokkurt skeið
sá hann að það
væri rakið að
byggja sög-
una á
Grettlu.
„Grettis
saga hent-
aði mér
mjög vel
þar sem
hún er
myrk og
fjallar um
félagslega ein-
angrun Grettis, útlegð og morð en
er samt mjög mannleg og býr yfir
sterkum persónum.“
Skidmore fæddist í Cambridge
og lærði mannkynssögu við Exet-
er háskóla í Oxford en þekktir
fantasíuhöfundar á borð við J.R.R.
Tolkien og Philip Pullman stund-
uðu nám í þeim sama skóla. Sjálf-
ur vill Skidmore ekki flokka bók
sína sem hreinræktaða fantasíu
þótt hún sé býsna ævintýraleg
enda megi hæglega lesa hana sem
spennusögu.
Hann hellti sér síðar út í pen-
ingaviðskipti en kennir nú mann-
kynssögu og stjórnmálafræði við
skóla í Kensington.
Skidmore gefur fyrstu prentun
The Saga of Grettir Ásmundarsen
út sjálfur en vonast til þess að
vekja áhuga stærri útgefenda á
henni þannig að hún fái
almennilega dreifingu í Bret-
landi. Bókin fæst í Bóksölu
stúdenta í Reykjavík og
Skidmore hefur mikinn
áhuga á því að vita hvernig
hún muni leggjast í íslenska
lesendur. Hann hvetur því
alla sem kynna sér bókina til
þess að láta í sér heyra með
tölvupósti á net-
fangið jamess-
teel10@yahoo.
co.uk.
thorarinn@frettabladid.is
Grettir sterki gerir usla í London
JAMES SKID-
MORE, RITHÖF-
UNDUR, THE
SAGA OF GRETTIR
ÁSMUNDARSEN