Fréttablaðið - 01.03.2006, Qupperneq 74

34 1. mars 2006 MIÐVIKUDAGUR
sport@frettabladid.is
ÍSLAND - TRÍNIDAD & TÓBAGÓ
0-2
0-1 DWIGHT YORKE (10.)
0-2 DWIGHT YORKE, VÍTI (54.)
LIÐ ÍSLANDS (4-4-2):
ÁRNI GAUTUR ARASON 4
(46., Daði Lárusson 6)
INDRIÐI SIGURÐSSON 5
HERMANN HREIÐARSSON 5
ÍVAR INGIMARSSON 6
HELGI VALUR DANÍELSSON 4
(80., KRISTJÁN ÖRN SIGURÐSSON )
EMIL HALLFREÐSSON 5
JÓHANNES KARL GUÐJÓNSSON 5
(70., BRYNJAR B. GUNNARSSON 6)
STEFÁN GÍSLASON 4
(57., ARNAR ÞÓR VIÐARSSON 6)
GRÉTAR RAFN STEINSSON 4
EIÐUR SMÁRI GUÐJOHNSEN 3
(73., GYLFI EINARSSON )
HEIÐAR HELGUSON 3
(57., HANNES Þ. SIGURÐSSON 5)
ÍSLAND - TRÍNIDAD
VIGNIR GUÐJÓNSSON
skrifar frá London.
vignir@frettabladid.is
Auðvelt hjá HK
HK vann auðveldan sigur á Selfossi í
gær, 37-28. Elías Már Halldórsson var
markahæstur heimamanna með 11
mörk en Vladimir Duric skoraði mest
fyrir Selfoss eða 13 mörk.
> Ísland steinlá í Skotlandi
Íslenska ungmennalandsliðið í knatt-
spyrnu reið ekki feitum hesti frá viður-
eign sinni gegn Skotum í vináttulands-
leik í gærkvöld. Ísland tapaði leiknum
4-0 en Skotarnir höfðu skorað þrjú
mörk þegar í fyrri hálfleik, það fyrsta á
upphafsmínútu leiksins. Um
fyrsta leik Lúkasar Kostic
með liðið var að ræða en
hann vill eflaust gleyma
viðureigninni sem allra
fyrst. Marga leikmenn
vantaði í íslenska
liðið vegna
meiðsla en
piltarnir fengu
dýrmæta
lexíu á
Falkirk-vell-
inum hjá
spræku
liði Skota.
FÓTBOLTI Þær voru litlar, framfar-
irnar á leik íslenska landsliðsins í
knattspyrnu frá því í síðustu leikj-
um undankeppni HM. Af leik liðs-
ins gegn Trínidad í gær er ljóst að
Eyjólfur Sverrisson, sem stjórn-
aði liðinu í fyrsta sinn í gær, á enn
nokkuð í land með að slípa leik
íslenska liðsins. Enn einu sinni var
það slakur varnarleikur sem varð
íslenska liðinu að falli en í þetta
sinn var miðjuspilinu einnig stór-
lega ábótavant auk þess sem sókn-
arþunginn var enginn.
Leikurinn fór afar rólega af
stað og greinilegt að kuldinn í
London sat í leikmönnum beggja
liða í upphafi leiks. Fyrsta ásókn
Íslands að marki Trínidad sem
eitthvað kvað að kom á 8. mínútu
eftir lipur tilþrif Emils Hallfreðs-
sonar, sem skorti augljóslega ekki
sjálfstraust þrátt fyrir að vera í
fyrsta sinn í byrjunarliði lands-
liðsins. Tveimur mínútum síðar
kom fyrsta mark leiksins og þar
var að verki fyrirliðinn Dwight
Yorke. Hann skoraði með hnitmið-
uðu skoti úr miðjum vítateignum.
Það var engu líkara en að mark-
ið hefði verið til að vekja leikmenn
íslenska liðsins enda náðu þeir
fljótlega betri tökum á miðjunni.
Um miðbik hálfleiksins jafnaðist
leikurinn aftur og sýndi Trínidad
ágætis spil á vellinum þar sem
Yorke var augljóslega leikmaður-
inn sem aðrir leituðu að. Hann og
Stern John náðu mun betur saman
í framlínu Trínidad en Eiður Smári
Guðjohnsen og Heiðar Helguson
gerðu hjá íslenska liðinu, en báðir
virkuðu þeir þreyttir og áhuga-
lausir. Þá voru skyndisóknir Tríni-
dad stórhættulegar allan leikinn.
Eftir rúmlega hálftíma leik
voru Íslendingar stálheppnir að
lenda ekki 2-0 undir þegar Stern
John komst í galopið færi eftir
mistök Hermanns Hreiðarssonar
en á einhvern ótrúlegan hátt náði
hann að skjóta yfir. Hermann
sjálfur fékk síðan keimlíkt færi
hinum megin á vellinum skömmu
síðar en skaut einnig yfir af rúm-
lega þriggja metra færi.
Undir lok fyrri hálfleiks jókst
sóknarþungi íslenska liðsins örlít-
ið aftur og átti Eiður Smári m.a.
skot rétt fram hjá beint úr auka-
spyrnu. En allan slagkraft skorti
til að þess að komast í afgerandi
færi og má í raun segja að varnar-
mönnum Trínidad hafi aldrei verið
velgt verulega undir uggum í fyrri
hálfleik.
Leikur íslenska liðsins var lítið
skárri í upphafi síðari hálfleiks en
á sama tíma var ljóst að sjálfs-
traust leikmanna Trínidad fór
sívaxandi. Og á 54. mínútu dró
aftur til tíðinda þegar Trínidad
fékk dæmda vafasama vítaspyrnu
eftir glæsilega sókn upp vinstri
vænginn – rétt eins og í fyrsta
markinu. Ívar Ingimarsson stugg-
aði við Stern John sem féll inni í
teig og benti Mike Dein, annars
ágætur dómari leiksins, á víta-
punktinn. Upp steig Yorke og skor-
aði með því að vippa yfir Daða í
markinu.
Eftir annað markið gátu leik-
menn Trínidad tekið því rólega,
liðið færði sig aftar á völlinn og
varðist skipulega gegn máttlaus-
um sóknartilburðum Íslands.
Íslenska liðið fékk ekki eitt umtals-
vert marktækifæri í síðari hálf-
leik og voru leikmenn liðsins nán-
ast búnir að gefast upp löngu áður
en leikurinn var á enda.
Í heildina olli frammistaða
íslenska liðsins í gær töluverðum
vonbrigðum. Liðið virkaði illa
samhæft, kannski skiljanlega þar
sem aðeins ein almennileg æfing
var á dagskrá fyrir leikinn, og var
mikið óöryggi áberandi í leik liðs-
ins, hvort sem litið var til varnar,
miðju eða sóknar. Sjálfstraustið
virkar lítið eftir hörmulegt gengi í
undankeppni HM og þá var það
skarð fyrir skildi að Eiður Smári
var einfaldlega lélegur í leiknum.
Þegar svo er er ekki við miklu að
búast af íslenska liðinu.
Lið Trínidad sýndi hins vegar
að það er þó nokkuð í liðið spunn-
ið. Leo Beenhakker hefur náð að
búa til sterka liðsheild úr saman-
safni minni spámanna þar sem
gamla kempan Yorke er ekki
aðeins fyrirliði heldur einskonar
andlegur leiðtogi liðsins.
Að lokum er ekki annað hægt
en að minnast á hina fjölmörgu
stuðningsmenn Trínidad og Tób-
agó sem settu svo sannarlega svip
sinn á leikinn. Þeir voru byrjaðir
að dansa, hoppa og tralla við dynj-
andi bumbuslátt meira en klukku-
stund áður en leikurinn hófst – og
héldu því áfram þar til hann var
flautaður af. Það verður gaman að
fylgjast með þeim á HM.
Engar framfarir í fyrsta leik Eyjólfs
Íslenska landsliðið í knattspyrnu átti aldrei möguleika gegn spræku liði Trínidad og Tóbagó í vináttuleik
þjóðanna í London í gær. Lokatölur urðu 2-0 og skoraði Dwight Yorke bæði mörkin.
YORKE KLÁRAR LEIKINN Framherjinn magnaði Dwight Yorke afgreiddi leikinn fyrir Trínidad með tveim mörkum. Hið síðara kom úr víti og
hann sést hér fagna því en Daði Lárusson liggur svekktur á jörðinni. FRÉTTABLAÐIÐ/AP
BARÁTTA Eiður Smári fann sig aldrei í gær.
FRÉTTABLAÐIÐ/AP
LOK, LOK OG LÆS Ívar Ingimarsson og félagar í landsliðinu fundu enga leið að marki Tríni-
dad. FRÉTTABLAÐIÐ/VALLI
SPENNA Eyjólfur og félagar sjást hér á
bekknum. FRÉTTABLAÐIÐ/VALLI
Landsliðsþjálfarinn Eyjólfur Sverrisson kvaðst að sjálf-
sögðu ekki ánægður með að tapa leiknum í gær en
taldi þó að ýmislegt jákvætt mætti taka út úr leiknum.
„Ég tel að við séum ekki nógu þéttir á miðjunni, við
vorum það allavega í þessum leik. Þegar miðjan er
svona opin þá gerir það vörninni náttúrulega erfitt
fyrir eins og kom í ljós í mörkunum,“ sagði Eyjólfur
við Fréttablaðið.
„Mér fannst Helgi Valur og Emil koma mjög vel
út úr leiknum og það munaði um minna að
hafa aðeins hálfa menn þarna frammi
– Heiðar stirður eftir síðasta leik og
Eiður Smári veikur. En þeir vildu
endilega spila og gerðu sitt
besta en því miður var sókn-
arkrafturinn ekki nægur,”
sagði Eyjólfur.
Grétar Steinsson var sammála þjálfara sínum en
sjálfur spilaði hann ekki eins vel og hann hefur
gert í síðustu landsleikjum.
„Við þurfum náttúrulega meiri tíma til að slípa
hlutina saman en mér fannst margt jákvætt í
þessum leik. Þetta gekk ágætlega og við vorum
að ná ágætis rispum inn á milli en því miður
fengum við á okkur tvö ódýr mörk. Við eigum
nóg inni, erum með góða leikmenn og ég held að
liðið verði betra og betra með hverjum leik,“ sagði
Grétar og bætti því við að það hefði bitnað sárlega
á sóknarleik Íslands að Eiður Smári var aðeins hálfur
maður.
„Þegar Eiður Smári er veikur eins og í dag þá eigum
við mikið inni. Hefði hann verið við hestaheilsu þá er
ég viss um að við hefðum náð betri úrslitum,“ sagði
baráttujaxlinn frá Siglufirði sem oft hefur átt betri
dag í landsliðsbúningnum bláa.
EYJÓLFUR SVERRISSON LANDSLIÐSÞJÁLFARI: EKKI ÁNÆGÐUR MEÐ AÐ TAPA FYRSTA LEIK
Miðjan okkar er ekki nægilega þétt
FÓTBOLTI „Mér fannst ég standa
mig ágætlega,“ sagði Helgi Valur
Daníelsson, sem var í fyrsta sinn í
byrjunarliði landsliðsins í gær.
„Hann var rosalega fljótur væng-
maðurinn hjá þeim og það var erf-
itt að stoppa hann þegar hann
komst á ferðina. En á heildina
fannst ég mér halda honum niðri
lengst af. Ég hefði getað gert betur
í fyrsta markinu en vítið var
gjöf.“ - vig
Helgi Valur Daníelsson:
Sáttur við sinn
leik í dag
FÓTBOLTI Indriði Sigurðsson sagði
við Fréttablaðið að Stern John
hefði klárlega látið sig detta þegar
Ívar Ingimarsson stuggaði við
honum á 53. mínútu og vítaspyrna
var dæmd. „Þetta mark drap
okkur endanlega og við náðum
okkur ekki almennilega á strik
eftir það.
Annars verður maður að taka
það jákvæða úr svona leikjum.
Það vantaði nokkuð upp á sam-
hæfinguna en mér fannst ljósir
punktar koma inn á milli. Við
náðum nokkrum ágætum sóknum
en sendingarnar voru ekki nógu
góðar og þeir refsuðu okkur,“
sagði Indriði og bætti því við að
Dwight Yorke væri ennþá mjög
góður leikmaður.
„Hann reyndist okkur erfiður
en það var að stóru leyti vegna
þess að við gáfum honum alltof
mikið pláss.“
Indriði Sigurðsson ekki sáttur við vítið:
Hann lét sig detta