Fréttablaðið - 01.04.2006, Blaðsíða 26
1. apríl 2006 LAUGARDAGUR26
timamot@frettabladid.is
ANDLÁT
Bjarni Jörgensson lést á Hrafnistu
í Reykjavík miðvikudaginn 29.
mars.
Haukur Arnórsson lést á
Fjórðungssjúkrahúsinu á Akureyri
miðvikudaginn 29. mars.
Jón Bjarnason lést miðvikudaginn
22. mars. Útför hefur farið fram í
kyrrþey.
Guðjón Sveinsson verktaki,
Suðurtúni 7, Álftanesi, lést á líkn-
ardeild LHS í Kópavogi miðviku-
daginn 29. mars.
Ólafur Ólafsson, Rauðalæk 59,
andaðist á Landspítalanum við
Hringbraut miðvikudaginn 29.
mars.
Júlíus Veturliðason, Vallholti 7,
Akranesi lést 28. mars.
Brynhildur Stefánsdóttir, dvalar-
heimilinu Hlíð, áður til heimilis í
Hafnarstræti 71, Akureyri, lést mið-
vikudaginn 22. mars. Útför hefur
farið fram í kyrrþey.
Afmælishátíð Breiðagerðisskóla verð-
ur haldin í dag í tilefni af fimmtíu ára
afmæli skólans. Hátíðin hefst klukkan
11 árdegis þegar Skólahljómsveit Aust-
urbæjar leikur nokkur lög og skólakór-
inn frumflytur nýjan skólasöng við
undirleik kennara og nemenda. Lagið
er eftir Þorvald Björnsson sem kenndi
við skólann í mörg ár en textann samdi
Sigrún Erla Hákonardóttir, tónmennta-
kennari í Breiðagerðisskóla. Eftir tón-
listarflutninginn er ýmislegt á dagskrá
og verður opið hús til hálf fjögur.
„Hátíðin er nemenda, foreldra og
starfsmanna sem bjóða gestum sem
vilja heimsækja okkur og það eru allir
velkomnir,“ segir Guðbjörg Þórisdótt-
ir skólastjóri Breiðagerðisskóla. „Við
höfum verið að hvetja gamla nemend-
ur og fyrrverandi starfsmenn til að
koma. Fólkið í hverfinu sem hefur
áhuga að líta við er líka mjög velkom-
ið, foreldrar nemenda og fleiri, því
skólinn er jú okkar sameiginlega
eign.“
Guðbjörg segir að nemendur hafi
unnið saman að undirbúningi hátíðar-
innar og þar verði margt á boðstólum.
„Sjö ára krakkar leika leikritið Frímín-
úturnar og nemendur í sjöunda bekk
dansa gamla dansa. Skólastofurnar
verða líka opnar þar sem verk nem-
enda eru til sýnis.“
Eldri nemendur hafa einnig lagt
hönd á plóginn og segir Guðbjörg að
von sé á fulltrúum allra árganga sem
hafa útskrifast úr skólanum. „Nem-
endur hafa sjálfir bakað og skreytt
súkkulaðikökur sem verða á boðstól-
um og foreldrar sjá um kaffiveiting-
ar.“
Breiðagerðisskóli fimmtíu ára
Hreppamenn hafa í mörgu að snúast í
dag, að minnsta kosti þeir sem taka
þátt í kórstarfi sveitarinnar. Karlakór
Hreppamanna verður á ferðinni með
tvenna tónleika en svo skemmtilega
vill til að kórinn á einnig níu ára afmæli
í dag. Ísólfur Gylfi Pálmason, sveitar-
stjóri, varaþingmaður og tenór, hefur
verið meðlimur kórsins undanfarin
misseri og nýtur gamansins sem fæst
með söng í góðra vina hópi.
„Það er óskaplega gaman að vera í
svona kór og mér skilst að hann hafi
þroskast mjög á þessum níu árum sem
hann hefur starfað. Við erum svo hepp-
in að vera með frábært tónlistarfólk
hér á svæðinu. Stjórnandinn okkar
heitir Edit Molnár og hún hefur stjórn-
að kórnum frá upphafi en maðurinn
hennar, Miklós Dalmay, er þekktur ein-
leikari á píanó. Þau koma frá Ungverja-
landi og hafa lyft grettistaki í tónlistar-
lífi í uppsveitum Árnessýslu og reyndar
víðar um land. Þetta þýðir að efnisskrá-
in okkar er oft mjög fjölbreytileg og
samanstendur af lögum úr ýmsum
áttum, meðal annars Ungverjalandi, og
svo auðvitað íslensk lög,“ segir Ísólfur
Gylfi. Kórinn sækir lögin í efnisskránni
líka í heimabyggð og á öllum kórtón-
leikunum eru flutt verk eftir Sigurð
Ágústsson frá Birtingarholti en hann á
hundrað ára ártíð á næsta ári. „Sigurð-
ur samdi mjög mikið af fallegum lögum
og á efnisskránni okkar núna eru til
dæmis tvö lög eftir hann.“
Ekki fer á milli mála að mikil orka
er í starfinu því Ísólfur Gylfi segir
suma kórfélaganna leggja á sig langar
ferðir til að vera með. „Í kórnum eru
um 55 karlar úr uppsveitum Árnes-
sýslu þegar mest er. Íbúafjöldi allra
hreppa í Árnessýslu er um 2.500 manns
svo þetta er nú dágóður hópur sem
kemur saman að lágmarki einu sinni í
viku yfir veturinn. Sumir keyra allt að
120 kílómetra fram og til baka til að
komast á æfingar.“ Ísólfur Gylfi er
sjálfur ekki undanskilinn ferðalögun-
um því þessa dagana situr hann á
Alþingi og hefur þurft að keyra lengi
um nætur til að komast í vinnu til höf-
uðstaðarins. Hann lætur það þó ekki á
sig fá því kostir söngsins vega rúm-
lega upp á móti litlum nætursvefni.
„Ég vakna nýr og bættur maður eftir
sönginn. Í söngnum hugsar maður um
allt aðra hluti sem er að vissu leyti
slökun og heilmikil útrás í senn.“
Mikil samkennd er með körlunum í
kórnum og um leið og stigið er inn á
æfingar gleymist dagsins amstur.
„Þetta verður til þess að menn kynnast
vel og hrepparíg og annað í þeim dúr
tala menn aldrei um. Ekki er talað um
pólitík heldur gleyma menn sér bara í
söngnum og góðum vináttuböndum.“
Aðspurður segir Ísólfur Gylfi að ekki
fari heldur mikið fyrir ríg milli radd-
anna í kórnum, tenóra og bassa. „Allir
þeir sem hafa gott vit á tónlist vita að
tenórarnir skipta kórana gífurlega
miklu máli. Bassarnir í kórnum okkar
hafa í það minnsta gert sér grein fyrir
hvað tenórarnir eru mikilvægir.“
Tónleikar Karlakórs Hreppamanna
í dag eru með Karlakórnum Stefni í
Mosfellsbæ og hefjast þeir fyrri klukk-
an 17 í Hveragerðiskirkju. Seinni tón-
leikarnir verða svo haldnir klukkan 21
í Félagsheimili Hrunamanna.
KARLAKÓR HREPPAMANNA: MEÐ VORTÓNLEIKA Á NÍU ÁRA AFMÆLINU
Enginn hrepparígur í kórnum
ÍSÓLFUR GYLFI PÁLMASON TENÓR Að sögn Ísólfs Gylfa er aðdráttarafl kórsins svo mikið að sumir
meðlimir leggja á sig hundruð kílómetra akstur í hverri viku til að geta tekið þátt. FRÉTTABLAÐIÐ/VALLI
MERKISATBURÐIR
1855 Einokunarverslun Dana
er aflétt hér á landi og
Íslendingum leyft að
versla við þegna allra
þjóða.
1896 Álafoss hefur ullarvinnslu
sem var starfrækt allt til
ársins 1991.
1934 Glæpamennirnir Bonnie
og Clyde myrða tvo
starfsmenn bensínstöðvar
í borginni Grapevine í
Texas-ríki Bandaríkjanna.
1955 Almannatryggingalögin
taka gildi og eru þau talin
eitt mesta framfaraspor í
sögu félagsmálalöggjafar
Íslands.
1971 „Lítið rautt kver fyrir
skólanemendur“ er gefið
út af Sambandi íslenskra
námsmanna.
MAX ERNST (1891-1976)
LÉST ÞENNAN DAG
„Allar góðar hugmyndir
koma til af tilviljun.“
Þýski myndlistarmaðurinn Max Ernst
tók þátt í sköpun margra af helstu
listastefnum tuttugustu aldarinnar.
Á þessum degi árið 1979
lýsti Ayatollah Khomeini yfir
að Íran skyldi vera íslamskt
lýðveldi. Þetta gerði hann
eftir að ljóst var að 98%
Írana höfðu samþykkt
íslamskt lýðveldi í þjóðar-
atkvæðagreiðslu. Mörkuðu
kosningarnar lok þess sem
kallað er íranska byltingin
og þar með endalok Shah-
veldisins í landinu.
Byltingin hafði staðið
yfir frá árinu 1978 og
kom Ayatollah Khomeini
sem sigurvegari úr henni.
Stuttu eftir yfirlýsinguna
var ný stjórnarskrá tekin
upp í landinu sem tryggði
Khomeini stöðu trúarleið-
toga fram til dauða hans. Í
stjórnarskránni er kveðið á
um allt það sem einkennir
íslamskt lýðveldi. Megin-
krafan er sú að lög lands-
ins eigi að að samræmast
Sharí‘a lögum, sem eru lög
sem dregin eru af Kóranin-
um og öðrum viðurkennd-
um trúarritum íslam, og
uppfylla á sama tíma kröfu
um lýðveldi.
Sérstakar lögreglusveitir
í Íran sem kallaðar eru
Byltingarverðirnir fylgjast
með því að allir þegnar
landsins uppfylli skilyrði
Sharí‘a laga.
ÞETTA GERÐIST > 1. APRÍL 1979
Íslamska lýðveldið Íran fest í sessi
AYATOLLA KHOMEINI
JARÐARFARIR
11.00 Guðmundur Geir
Ólafsson, Grænumörk 3,
Selfossi, verður jarðsunginn
frá Selfosskirkju.
11.00 Aðalheiður Jóhannes-
dóttir frá Hraunsási, síðast
til heimilis á Dvalarheimili
aldraðra, Borgarnesi, verður
jarðsungin frá Reykholts-
kirkju.
14.00 Helgi Sveinsson, Horn-
brekku, Ólafsfirði, áður til
heimilis á Ólafsvegi 11,
verður jarðsunginn frá
Ólafsfjarðarkirkju.
14.00 Sigríður Jónsdóttir, Hátúni
8, Reykjavík, verður jarð-
sungin frá Stóra-Dalskirkju,
V-Eyjafjöllum.
14.00 Steinunn Geirsdóttir verð-
ur jarðsungin frá Reykholts-
kirkju.
14.00 Ingólfur Guðmundsson
fyrrum bóndi frá Króki
verður jarðsunginn frá
Kálfholtskirkju, Ásahreppi.
15.30 Guðrún E. Welding
Dyrnes, Eyjahrauni 5,
Vestmannaeyjum, verður
jarðsungin frá Landakirkju
Vestmannaeyjum.
AFMÆLISHÁTÍÐ UNDIRBÚIN Nemendur æfa skemmtiatriði fyrir afmælishátíðina. FRÉTTABLAÐIÐ/E.ÓL.
Ástkær eiginmaður minn, faðir okkar,
tengdafaðir, afi og langafi,
Gunnlaugur Sigurðsson
Sæbakka 8, Neskaupstað,
lést á fjórðungssjúkrahúsinu í Neskaupstað,
þriðjudaginn 28 mars. Jarðsungið verður frá
Norðfjarðarkirkju föstudaginn 7. apríl kl. 14.
Margrét Björgvinsdóttir
Björk Gunnlaugsdóttir Borgþór Jónsson
Sigrún Gunnlaugsdóttir Bóas Bóasson
Halldór Gunnlaugsson Elsa Reynisdóttir
Hjörleifur Gunnlaugsson Hulda Eiðsdóttir
Lilja Salný Gunnlaugsdóttir Hafsteinn Þórðarson
afabörn og langafabörn.
Elskuleg móðir okkar, tengdamóðir, amma,
dóttir, systir og vinkona,
Steinunn Geirsdóttir
sem lést á Líknardeild Landspítalans í Kópavogi
sunnudaginn 26. mars, verður jarðsungin frá
Reykholtskirkju í dag kl. 14.00. Jarðsett verður í
Borgarnesi. Blóm og kransar afþakkaðir en þeim sem
vilja minnast hennar er bent á MND-félagið.
Særún Lísa Birgisdóttir
Jóhanna Soffía Birgisdóttir Pétur Smári Sigurgeirsson
Guðrún María Brynjólfsdóttir Leifur Guðjónsson
Einar Geir Brynjólfsson
Bryndís Hrund Brynjólfsdóttir Guðmundur Ingi Guðjónsson
Borga Jacobsen
Brynjólfur Einar, Sveindís Gunnur, Ólafur Kári, Ísold Anja,
Silja Rós, Ástrós Birta, Hlynur Ægir, Helgi Leó.
María Geirsdóttir
Geirdís Geirsdóttir Ómar Einarsson
Þorleifur Geirsson Katrín Magnúsdóttir
Hólmfríður Benediktsdóttir.