Fréttablaðið - 01.04.2006, Blaðsíða 35

lands. Fréttamaður útvarpsins
mætir niður á Ægisgarð þegar
skipið er að leggjast að bryggju,
en þar er þá samankominn múgur
manna sem lætur ófriðlega og
upphefur mótmæli gegn þessum
takmarkalausa yfirgangi Banda-
ríkjamanna. Til átaka kemur á
milli mótmælenda og starfsmanna
Ríkisskipa sem eru að reyna binda
landfestar herskipsins, en að
sjálfsögðu fer allt vel að lokum.
1987 Afrugluð gleraugu
Á þessum tíma var Stöð 2 nýtekin
til starfa og DV greinir frá því að
á markaðinn séu komin sérstök
gleraugu sem eru þeim kostum
gædd, að með þeim sé skamm-
laust hægt að fylgjast með
truflaðri dagskránni og komi þau
þannig í stað afruglara. Verðlagið
á þessari miklu tækninýjung er
að sjálfsögðu hlægilegt í tilefni
dagsins og eru fullorðinsstærðir
á 750 kr. en barnastærðir hins
vegar á 600 kr. Gabbið var býsna
vel heppnað og voru dæmi þess
að menn kæmu alla leið úr Sand-
gerði til að verða sér úti um
„afruglaragleraugu“…
1989 Búfjártalning
gæludýra
Ríkisútvarpið fregnar af allsherj-
ar búfjártalningu víða um land.
Löggæslumenn í hverju umdæmi
áttu að sameina talningu á búfén-
aði og gæludýrum eins og hross-
um, alifuglum, gullfiskum og
hundum. Brýnt er fyrir hundaeig-
endum á landsbyggðinni að halda
dýrum sínum við útidyr á bilinu
14.30-16.00 svo að hægt sé að telja
þau. Hundaeigendur á höfuðborg-
arsvæðinu áttu hins vegar að
mæta með sínar skepnur til taln-
ingar á sama tíma á baklóð Heilsu-
verndarstöðvarinnar.
1992 Gnægtaborð
Evrópska efnahagssvæðsins
Á tímum undirritunar EES-samn-
inga er Ríkisútvarpið með vel-
heppnaða frétt um að Evrópu-
bandalagið hyggist kynna
landbúnaðarstefnu sína á nýstár-
legan hátt. Í þessu skyni áttu
þennan daginn, að koma til lands-
ins tólf gámar af niðurgreiddum
landbúnaðarvörum frá bandalag-
inu. Til þess að auka á áreiðan-
leikann voru Davíð Oddsson for-
sætisráðherra og Jón Sigurðsson
viðskiptaráðherra fengnir til
þess að skýra frá fyrirkomulag-
inu. Allir gámarnir skyldu skipt-
ast bróðurlega á milli landshluta
og yrði þeim landað skipulega
með strandferðaskipum á sjö
hafnir umhverfis landið. Sala á
innihaldinu átti að hefjast stund-
víslega klukkan tvö eftir hádegi.
Vöruvalið var ekkert slor. Þarna
mátti t.d. finna léttvín í fernum
frá Portúgal og Ítalíu, danskt og
þýskt svínakjöt, breskan Stilton-
ost, belgíska kjúklinga, írskt jóg-
úrt, spænskar nautatungur,
Franskar aliendur, gæsalifur,
froskalæri og lóubringur svo eitt-
hvað sé nefnt. ■
„Drífið ykkur...! Þetta er að gerast núna...!“
BIFREIÐAR OG BENSÍN Á SPOTTPRÍS
Árið 1980 tóku allir prentmiðlar
landsins sig saman um að hrekkja
lesendur sína. Þá var sagt frá því að
300 lítt útlitsgallaðar og flunkunýjar
Mitsubishi-bifreiðar yrðu boðnar á
hlægilegu verði, eingöngu þennan
daginn og á greiðsluskilmálum sem
þá þóttu fáheyrðir. Pétur Sveinbjarn-
ar, talsmaður Heklu h/f, hélt mikinn
blaðamannafund af þessu tilefni og
kom þar fram að bílarnir yrðu til sýnis
fyrir utan verksmiðjur Lýsis og Mjöls
við Hvaleyrarholtsveg í Hafnarfirði.
Þarna var framkvæmt örugglega best
heppnaða aprílgabb hér á landi frá
upphafi. Þúsundir manna lögðu leið
sína í fjörðinn þann daginn og voru
dæmi þess að menn keyrðu alla leið
ofan úr Borgarnesi til þess eins að
sjá skilti, með ör í aðkeyrslunni, sem
á stóð: „Bílasýning“ og þegar að var
komið blasti við risastór borði utan á
húsinu sem á stóð: „1 apríl!“…
Árið 1995 var Fréttastofa Stöðvar
2 með viðamikla frétt varðandi sölu
olíufélags Esso til bandaríska fyrir-
tækisins Irving Oil og í tilefni af því
verði boðið upp á bensín á spottprís.
Til þess að gera aðstæður sem raun-
verulegastar voru hannaðir sérstakir
límmiðar og borðar með merki
fyrirtækisins. Tveir leikarar voru síðan
látnir túlka forstjóra Skeljungs og
Olíufélagsins af stakri snilld. Hér var á
ferðinni skothelt aprílgabb sem skap-
aði svo mikla örtröð á bensínstöðvum
Esso að kalla þurfti til aukamannskap
til hjálpar.
Bobbyarnir og
hitt fræga fólkið
Í gamla daga þótti Ísland aldeilis
ekki ákjósanlegur áfangastaður hjá
ríkum, frægum og fallegum útlend-
ingum, en af einhverjum ástæðum
breyttist það lögmál oft þann 1.
apríl. Leikarinn Leonardo DiCaprio,
svigkappinn Ingemar Stenmark og
diskódrottningin Donna Summer,
auk frægra bítilmenna, eiga öll sam-
eiginlegt að hafa heimsótt okkur
þann daginn.
Í Vísi árið 1970 er t.d. birt viðtal
við John Lennon (Jón Gunnarsson,
leikari) þar sem hann er staddur
á Hótel Sögu við undirbúning á
uppsetningu söngleiksins „Hr. Hvít
skyrta og bindi“ eftir Gunnar Þórð-
arson. Blaðamaður spyr Lennon
m.a. að því hvort eitthvað sé hæft í
þeirri kjaftasögu að Paul McCartney
sé dáinn og hann svarar að bragði:
„Ja, það skyldi þó aldrei vera, ég hef
verið að furða mig á því hvað hann
hefur verið daufur í dálkinn upp á
síðkastið.“
Í Ríkisútvarpinu árið 1984 er
frétt þess efnis að til landsins séu
mættar Dallasstjörnunar Patrick
Duffy (Bobby Ewing) og Victoria
Principal (Pamela Ewing). Tilgang-
urinn með heimsókn skötuhjúanna
er sagður vera að leika í sjónvarps-
auglýsingum þar sem ullarlegghlífar
og peysur frá Álafossi eru kynntar
Bandaríkjamönnum. Til þess að
gera fréttina enn sennilegri er haft
samband við fréttaritara útvarpsins í
Bandaríkjunum, Stefán Jón Hafstein
sem fylgir stjörnunum út í flugvél
vestanhafs og þar hefur hann eftir
Victoriu Principal, sem segir á
þessari bjöguðu íslensku: „Ék helska
hull“.
Stórmerkilegt er til þess að
vita að tvívegis á áttunda áratugn-
um sagði Vísir frá því að Bobby
Fischer hefði komið fyrirvaralaust
til landsins þann 1. apríl. Árið 1977
skýrði blaðið frá því að hann mundi,
þann daginn, ganga að eiga vestur-
íslenska stúlku í Árbæjarkirkju. Í
fyrra skiptið, árið 1975, var síðan
fregnað í Vísi að Fischer ætlaði sér
að segja sig úr FIDE og stofna eigið
skáksamband, en hið ótrúlega í
fréttinni var sú forspáa staðreynd
að stórmeistarinn hygðist sækja um
ríkisborgararétt og setjast hér að.
Best heppnuðu göbbin
LAUGARDAGUR 1. apríl 2006 35