Fréttablaðið - 15.07.2006, Blaðsíða 20

15. júlí 2006 LAUGARDAGUR20
Í Dagbók Þráins Bertels-
sonar er fjallað um
ókeypis peninga, sjó-
mennsku, hjólreiðar,
plokkfisk og Z.Z. Einnig
er minnst á köfnunar-
efni, sólarlandaferðir,
gróðapunga, barnarúm
og Framsóknarflokkinn.
■ FÖSTUDAGUR, 7. JÚLÍ
ÓKEYPIS PENINGAR
Ef ég nota bílinn minn í innanbæj-
arsnatt eyðir hann á að giska 15
lítrum af bensíni á hverja 100
kílómetra. Ef bensínlítrinn
kostar tæpar 130 krónur
kostar 100 km-snatt um
2.000 kall í útlögðum pen-
ingum – og þá reikna ég
ekki með afskriftum, við-
haldi og öðrum kostnaði af
bílnum.
Ég hjóla inn í Laug-
ardal í ræktina 5
daga í viku,
tæplega 4
kílómetra
hvora leið,
7,5 km
fram
og til
baka.
Það eru 37,5 km á
viku.
Segjum að ég geti farið þessa
leið á hjólinu í 30 vikur á ári. Það
eru 1125 km. Á bíl mundi bensín-
kostnaðurinn verða 22.000 kr.
Þetta eru ókeypis peningar
handa hjólreiðamanni. Á
einu ári er hjólið mitt búið
að borga sig upp. Og ekki
nóg með það heldur fæ ég
þarna hálftíma hreyfingu
og útivist daglega og er búinn að
hita upp þegar ég mæti í ræktina
reiðubúinn að jafnhatta lóðin.
Reyndar er ég búinn að gera
meira en að hita upp líkamann.
Hjólreiðarnar eru hvorki meira né
minna en helmingurinn af líkams-
ræktinni. Með þeim sé ég líkam-
anum fyrir tveimur af þeim fjór-
um þáttum sem skynsamleg
líkamsrækt beinist að. Þættirnir
fjórir eru: Þol, jafnvægi, styrkur
og fimi. Á hjólinu þjálfa ég þol og
jafnvægi. Með því að lyfta lóðum
viðheld ég eða byggi upp vöðva-
styrk. Og með því að gera teygju-
æfingar sé ég um að halda líkam-
anum sæmilega liprum.
Um þetta var ég að hugsa á
hjólinu mínu í dag til að forða mér
frá því að hugsa neikvæðar hugs-
anir eins og:
Af hverju er aldrei logn?
Af hverju lendi ég alltaf í mót-
vindi, sama úr hvaða átt vindurinn
blæs?
Af hverju rignir alltaf þegar ég
er á leiðinni í ræktina eða heim og
styttir upp um leið og ég kem í
hús?
Í framhaldi af votviðrasömum
hugsunum gáði ég að ódýrum sól-
arlandaferðum á netinu og fann
Mæjorku-ferð á tilboðsverði,
180.560 kr. fyrir fjóra í tvær vikur,
sem sé Sólveigu, mig og barna-
börnin, Andra og litlu Sólveigu.
Við leggjum í hann 20. júlí.
■ LAUGARDAGUR, 8. JÚLÍ
KÆFANDI KÖFNUNAREFNI
Fórum með barnabörnin austur í
Bolholt á Rangárvöllum og komum
við í Hveragerði og fórum í sund í
Laugaskarði. Þetta var dýrðlegur
dagur.
Sló blettinn þegar ég kom heim
í kvöld. Ég sé að köfnunarefnið
sem ég bar á mosann stendur svo
sannarlega undir nafni, það hefur
kæft mosann og núna er blettur-
inn fagurgrænn að mestu leyti.
■ SUNNUDAGUR, 9. JÚLÍ
ÞEGAR VIÐ UNNUM
HEIMSMEISTARANA
Heimsmeistarakeppni, úrslit.
Frakkland: Ítalía.
Þetta varð sögulegur leikur.
Zinedine Zidane skallaði ítal-
ann Materazzi í magann
og var rekinn út af. Það
var ljótur leikur. Án Z.Z.
töpuðu Frakkar vitanlega
vítaspyrnukeppninni í
lokin og Ítalir eru
orðnir heims-
meistar-
ar í
fjórða
sinn.
Vel
að merkja
þá hafa Ítalir ekki
tapað nema einum
leik síðan þjálfar-
inn Lippi tók við lið-
inu. Það var fyrir
Íslandi. Við unnum
Ítalíu, 2:0.
Þetta má reynd-
ar orða á annan hátt:
Við unnum síðast
þegar við lékum við
heimsmeistarana.
En hvað sem því
líður þá held ég ekki að
hann Zidane minn sofi vel
í nótt.
■ MÁNUDAGUR, 10. JÚLÍ
KRÓKUR Á LEIÐINNI
Skipstjórinn minn, hann Árni Þór,
hringdi um hádegið. Klukkutíma
síðar sigldum við út úr höfninni á
Akranesi á mótorbátnum Villa.
Við veiddum vel og gerðum að afl-
anum um borð. Ég var orðinn
illa svangur þegar ég kom
heim um átta-leytið. Greip
þorskflak og bjó til plokkfisk.
Það tók mig 17 mínútur. Sólveig
var stórhrifin af plokkfisknum,
enda eru hvítlaukur, rjómaostur
og olífuolía mögnuð leynivopn.
Mér finnst
gaman að elda
handa kon-
unni minni.
Ég veit
nefnilega um ákveðinn krók á leið-
inni að hjartanu.
■ ÞRIÐJUDAGUR, 11. JÚLÍ
GRÓÐAPUNGAR
Sem hjólreiðamaður efast ég um
að maðurinn sé kominn af öpum.
Þó getur vel verið að Darwin og
jafnvel vísindamenn yfirleitt séu
komnir af öpum, en ég tel augljóst
að ökumenn séu komnir ýmist af
nautgripum eða sauðfé.
Þetta les ég úr svipbrigðum
þeirra sem ég sé gera einhver
heimskupör í umferðinni; það er
meðfædd árátta hjá bílstjórum að
svína á hjólreiðamönnum og þegar
þeir átta sig á því að maður hefur
takmarkaðan áhuga á að leyfa
þeim að keyra yfir sig verða þeir
annaðhvort eins og sauðir á svip-
inn eða eins og naut.
Nýjasta brella peningaskrílsins
er að kaupa jarðir til að geta kúgað
hærri leigu út úr sumarhúsaeig-
endum.
Sem betur fer vill svo til að sú
athöfn að græða peninga er aðeins
höfuðáhugamál lítils minnihluta í
þjóðfélaginu – allur þorri fólks
kýs að eyða ævinni í að hugsa um
áhugaverðari hluti en peninga.
Miklir gróðapungar hafa fæstir
orðið langlífir í mannkynssögunni.
Þó lærði maður á sínum tíma um
Marcus Licinius Crassus og aðferð
hans til að græða á fasteignavið-
skiptum. En sá góði maður rak
einkaslökkvilið í Rómaborg. Þegar
eldur kom upp einhvers staðar
mætti Crassus með slökkviliðið og
gerði húseigandanum smánartil-
boð í eignina. Og þá fyrst þegar
kaupin höfðu verið gerð sagði
Crassus slökkviliðinu að taka til
starfa.
Svona skríl á að loka inni á
stofnunum svo að venjulegt fólk
geti lifað í friði fyrir þeim sem eru
sjúkir af taumlausri græðgi og
hafa hvorki hjartalag né sköpun-
argáfu til að láta peninga vinna og
gera gagn.
Marcus Crassus fékk að
smakka á græðginni að lokum.
Maður sem var orðinn leiður á
ágirnd hans og árásargirni hellti
ofan í hann bráðnu
gulli. Þá fékk hann
loksins nóg.
■ MIÐVIKUDAGUR, 12. JÚLÍ
SAMTÍMAMAÐUR
NAPÓLEONS
Í dag er afmælisdagurinn hans
pabba míns. Hann var fæddur 12.
júlí 1894.
Napóleon dó 5. maí 1821. Beet-
hoven dó 26. mars 1827.
Undarleg tilhugsun að faðir
minn skuli hafa verið uppi á sömu
öld og þeir. Gegnum hann tengist
ég 19du öldinni og er á vissan hátt
samtímamaður Napóleons.
■ FIMMTUDAGUR, 13. JÚLÍ
BARNARÚM, SJÓHATTUR
OG FRAMSÓKNAR-
FLOKKURINN
Ég þarf að borga 7.000
krónur aukalega til að fá
barnarúm handa litlu Sól
á Mæjorku. Það finnst
mér fáránlegt. Ég er
búinn að
borga ferð og gistingu fyrir hana
og nú á ég að borga aukalega af
því að hún sefur í barnarúmi.
Næst finna ferðaskrifstofur
upp á því að láta fullorðna borga
aukalega fyrir að sofa í fullorðins-
rúmum: „Því miður, það eru bara
barnarúm á þessu hóteli. En full-
orðnir geta að sjálfsögðu fengið
fullorðinsrúm – gegn vægu gjaldi.
Guðni Ágústsson var að lýsa
yfir framboði til varaformanns
Framsóknarflokksins. Það kemur
mér á óvart. Ég hélt að Guðni
þekkti sinn vitjunartíma. Núna
þarf Framsókn formann sem nær
til fólks.
En þetta er, eins og maðurinn
sagði, ekki minn sjóhattur. Samt
er skrýtið að sjá þungavigtarmann
leggjast til hvíldar í pólitísku
barna- rúmi.
Gróðapungar – og réttur
til að vera í friði fyrir
taumlausri græðgi
Kæra
Dagbók
Þráinn Bertelsson skrifar