Fréttablaðið - 22.07.2006, Page 8

8 22. júlí 2006 LAUGARDAGUR
ALDRAÐIR Kveðið er á um aukin
framlög til byggingar og reksturs
hjúkrunarheimila fyrir aldraða í
samkomulagi ríkisstjórnarinnar
og Landssambands eldri borgara
frá því á miðvikudag. Þau 2.500
hjúkrunarrými sem nú eru á
hjúkrunarheimilum og heilbrigð-
isstofnunum svara hvergi nærri
þörfinni, enda yfir fjögur hundr-
uð manns í brýnni þörf eftir
hjúkrunarrými.
Viðbótarframlögin nema alls
3.340 milljónum króna og renna
peningarnir ýmist til fram-
kvæmda eða reksturs.
Fram til ársins 2010 renna
samtals 1.600 milljónir til fram-
kvæmda, bæði nýbygginga og
breytinga. Af þeim peningum
fara 1.300 milljónir í að greiða
kostnaðarhlutdeild ríkisins við
byggingu 130 rýma og þrjú
hundruð milljónir renna til breyt-
inga eldri rýma úr fjölbýli í ein-
býli. Framlögin nema átta hundr-
uð milljónum króna árið 2008, sjö
hundruð milljónum 2009 og
hundrað milljónum árið 2010.
Þá verður fé, sem fer úr Fram-
kvæmdasjóði aldraðra til rekst-
urs stofnanaþjónustu, fært til
uppbyggingar öldrunarþjónustu.
Með því eykst fjármagn til upp-
byggingar um tvö hundruð millj-
ónir á ári. Sú ráðstöfun fjár-
magnar hlut ríkisins af
byggingarkostnaði 60-65 rýma á
næstu fjórum árum.
Kostnaði vegna fjölgunar
hjúkrunarrýma og dagvista verð-
ur mætt með sérstöku rekstrar-
framlagi sem alls hljóðar upp á
1.740 milljónir króna. Samsvarar
það kostnaði við rekstur um tvö
hundruð rýma til viðbótar því
sem nú er gert ráð fyrir í lang-
tímaáætlun.
Hjúkrunarheimilum verður
gert að veita sjúkrahúsum meiri
forgang við innlagnir en líkt og
ítrekað hefur komið fram í frétt-
um liggja margir aldraðir á Land-
spítalanum þrátt fyrir að þurfa
ekki lækningu heldur aðhlynn-
ingu á hjúkrunarheimili. Aðgerð-
irnar koma því spítalanum mjög
til góða.
Í yfirlýsingu ríkisstjórnarinn-
ar og eldri borgara segir að með
þessum og öðrum aðgerðum sé
áætlað að ná megi biðlistum í
„ásættanlegt horf.“
bjorn@frettabladid.is
Yfir 400 aldraðir í brýnni
þörf eftir hjúkrunarrými
Fjárframlög vegna hjúkrunarrýma fyrir aldraða verða aukin um rúma þrjá milljarða króna. Peningun-
um verður varið í nýbyggingar, breytingu fjölbýla í einbýli og rekstur. Biðlistum á að koma í „ásættanlegt
horf“. Hjúkrunarheimilum verður gert að veita sjúkrahúsum forgang við innlagnir.
BÆTT ÚR BRÝNNI ÞÖRF Meðal þess sem gert
verður til að mæta kröfum nútímans í búsetu-
málum aldraðra er að breyta fjölbýli í einbýli. Á
myndinni er heimilisfólk á hjúkrunarheimilinu Eir í
Reykjavík. FRÉTTABLAÐIÐ/VILHELM
VEISTU SVARIÐ
1 Hvað heitir leiðtogi breska Íhalds-flokksins?
2 Á hvaða golfvelli er Opna breska meistaramótið haldið?
3 Hvað heitir nýr bæjarstjóri Bolung-arvíkur?
SVÖRIN ERU Á BLS. 50
ALDRAÐIR Lyfta á grettistaki í þjón-
ustu við aldrað fólk sem vill og
getur búið á eigin heimili. Auka á
heimahjúkrun og efla félagslega
heimaþjónustu.
Nú renna 540 milljónir króna
árlega til heimahjúkrunar aldr-
aðra. Samkvæmt samkomulagi
ríkisstjórnarinnar og eldri borg-
ara verður sú fjárhæð hækkuð til
muna á næstu árum. Á næsta ári
bætast 200 milljónir til mála-
flokksins, 300 milljónir árið 2008
og 400 milljónir árið 2009. Sam-
tals verður því 1.440 milljónum
varið til heimahjúkrunar árið
2009.
Heimahjúkrun á að standa til
boða að kvöld- og næturlagi um
allt land.
Til að mæta þörfinni verður
lögð áhersla á að fjölga í röðum
hjúkrunarfræðinga, sjúkraliða og
annarra fagstétta sem koma að
heimahjúkrun auk þess sem vinna
á að menntun ófaglærðra sem
aðstoða við aðhlynningu.
Það er skoðun nefndar sem
vann að athugun á aðbúnaði eldri
borgara að aukin heimaþjónusta
geri hvort tveggja í senn að bæta
lífsgæði aldraðra og draga úr
útgjöldum vegna stofnanaþjón-
ustu. - bþs
Framlög til heimahjúkrunar aukin um 900 milljónir:
Heimahjúkrun
verður stórefld
SKÝR KRAFA Eldri borgarar vilja margir njóta þjónustu heima eins lengi og mögulegt er.
DAGVISTUN Aðkoma Kópavogs-
bæjar að dagheimilum fyrir níu
til átján mánaða börn er í undir-
búningi. Búist er við því að
boðið verði upp á þjónustuna í
haust eða strax eftir áramót.
Ómar Stefánsson, formaður
bæjarráðs Kópavogsbæjar,
segir að rætt hafi verið um að
vistunin verði í einkarekstri og
að bærinn greiði þrjátíu þúsund
til foreldra barnanna.
Þeir ráði síðan hvernig þeir
leysi pössun barnanna; hvort
peningurinn fari til dagmæðra,
dagheimilanna eða þeir ákveði
að vera heima með börnin.
„Við erum að skoða hvort við
getum hafist handa strax í haust
eða um áramótin. Það veltur
annars vegar á fjárhagsáætlun-
inni okkar og hins vegar á því að
ákvörðun um hvernig við ætlum
að standa að dagvistuninni hefur
ekki verið tekin. Við vitum af
þörfinni og höfum hugsað okkur
að fá samstarfsaðila til að skoða
framhaldið.
Við höfum viðrað hugmynd-
irnar við aðila sem hafa sýnt því
áhuga að reka slík dagheimili.“
Ómar segir sumarfrí hægja á
undirbúningum: „Við vinnum
eins hratt og við getum og
ætlum að standa við loforð
okkar.“ - gag
Kópavogsbær undirbýr dagvistun fyrir níu til átján mánaða börn:
Foreldrar fá 30.000 krónur
ÓMAR STEFÁNSSON Forseti bæjarráðs
Kópavogsbæjar segir hugað að dagvist-
unarmálum níu til átján mánaða barna.
Lausnin verði kynnt í haust eða um
áramótin. FRÉTTABLAÐIÐ/STEFÁN
SAMKEPPNI Páll Gunnar Pálsson,
forstjóri Samkeppniseftirlitsins,
segir ekkert hafa verið því til fyrir-
stöðu að heimila kaup Símans hf. á
Radíómiðun.
Fréttablaðið greindi frá því í
gær að fallist hefði verið á kaup
Símans á fyrirtækinu, en það starf-
ar á fjarskiptamarkaði. Í úrskurði
Samkeppniseftirlitsins kom fram
að fallist væri á kaup Símans hf. á
hluta af rekstri Radíómiðunar-
Ísmar ehf. „Ákvörðunin laut að
kaupum Símans hf. á tilteknum
hluta Radíomiðlunar-Ísmar ehf.,
en það er rétt að árétta það að
Ísmar er sjálfstætt starfandi
fyrirtæki,” segir Páll Gunnar. - mh
Samkeppniseftirlitið:
Ekkert athuga-
vert við kaupin
STRAND Fimm tonna trilla, Sif SI-
32, strandaði á Flösinni á milli
Sandgerðis og Garðs í gærmorg-
un. Einn maður var um borð og
kallaði hann eftir aðstoð rétt
fyrir klukkan átta til að draga
bátinn á flot.
Björgunarsveitirnar Sigur-
von í Sandgerði og Ægir í Garði
fóru á vettvang ásamt lögregl-
unni í Keflavík og náðist bátur-
inn á flot um hádegisbil. Bátur-
inn var dreginn til Sandgerðis
undir eftirliti björgunarsveitar-
manna í landi þar sem hann var
talinn nokkuð skemmdur. Ekki
er talið að hætta hafi verið á
ferðum því veður á strandstað
var gott. - shá
Fimm tonna trilla strandaði:
Náðist á flot
án vandræða
FRÁ STRANDSTAÐ Sif SI-32 náðist á flot um
hádegisbil í gær. Engin hætta var á ferðum.
MYND/ELLERT