Fréttablaðið - 22.07.2006, Qupperneq 31

LAUGARDAGUR 22. júlí 2006 5
Í flestum bílum er rofi í mæla-
borðinu til að stilla hæð framljós-
anna. Hugmyndin að baki þessum
rofa er að stefna ljósanna bjóði
alltaf upp á bestu mögulegu lýs-
ingu, óháð því hvernig bíllinn er
hlaðinn.
Víða í heiminum er skylda að
þessi búnaður sé til staðar og séu
bílar búnir ljósgafa sterkari en
2000 lúmens, er skylda að búnað-
urinn sé sjálfvirkur. Tilgangur
þess er að koma í veg fyrir að
sterkur ljósgeisli lendi í augum
ökumanna úr gagnstæðri átt.
Ljósaframleiðandinn Hella
setti fyrir þremur árum á markað
framljós sem fara skrefinu lengra
og ljósgeislinn beygir fyrir horn
eftir skynjurum sem eru tengdir
stýrisbúnaði. Þannig á ökumaður
auðveldara með að sjá fyrir horn,
því ljósin elta lögun beygjunnar,
frekar en að lýsa bara upp ytri
kant hennar. Í Hella-ljósunum
beygir geislinn allt að fimmtán
gráðum í hvora átt.
Auk þess að bjóða upp á þessi
ljós í nýjum bílum er hugmyndin
að hægt sé að skipta á gömlu ljós-
unum og setja ný stefnuvirk ljós
með einföldum og ódýrum hætti.
Hugmyndin er langt frá því að
vera ný af nálinni því hinn tékk-
neski Tatra var framleiddur á
fjórða áratug síðustu aldar með
ljósi fyrir miðjum að framan sem
beygði í takt við stýrisbúnaðinn.
Aðrir bílar með stefnuvirkum
framljósum voru meðal annars
Tucker Sedan árgerð 1948, Citro-
ën DS árgerð 1967 og Citroën MS
árgerð 1970. Það kann að hafa
haft úrslitaáhrif á framtíð stefnu-
virkra framljósa að á sínum tíma
voru þau bönnuð á Ameríkumark-
aði.
Í dag er verið að þróa fram-
ljósakerfi sem kemur til með að
bjóða upp á enn fleiri möguleika.
AFS, sem stendur fyrir „Advanc-
ed Front-lighting System“ eða
„háþróað framljósakerfi“ hefur
reyndar staðið til boða í bílum á
borð við Audi og Lexus síðan 2002
en er enn í þróun.
Meðal nýjunga má nefna að nú
hafa rafskynjarar og -mótorar
tekið við hlutverki stýristengds
búnaðar. Þá er hægt að stilla
hversu víður og bjartur geislinn
er, sem gefur aukið notagildi til
dæmis eftir veðri. Loks er svo
verið að vinna í því að tengja bún-
aðinn við GPS-tækni til að geta
breytt ljósum í takt við veginn,
áður en bílstjórinn byrjar að snúa
stýrinu.
Auka öryggi í beygjum
Framljós sem breyta um stefnu eru að ná útbreiðslu um þessar mundir, rúmlega sextíu
árum eftir að þau komu fyrst fram á sjónarsviðið. FRÉTTABLAÐIÐ/HEIÐA
HVAÐ ERU...
STEFNUVIRK FRAMLJÓS?
Skráningu lýkur næsta mánu-
dag, 24. júlí.
Max1 bílavaktin í Reykjavík og
Bifreiðaíþróttaklúbbur Reykjavík-
ur, BÍKR, standa, ásamt hjólbarða-
framleiðandanum Nexen, að svo-
kallaðri drifter-keppni
laugardaginn 29. júlí í Reykjavík.
Keppnisstaður verður tilkynntur
mánudaginn 24. júlí á heimasíðu
Max eins, max1.is.
Drifter-keppni felst í eins konar
„freestyle akstri“ með kröftugu
spóli í hringi og skriði eftir braut-
inni innan tímamarka. Drifter-
keppnin er upprunnin í Japan en
hefur borist til annarra landa,
meðal annars Bandaríkjanna, þar
sem hún er orðin feykivinsæl.
Áhorfendur keppninnar njóta
ákjósanlegs útsýnis þar sem keppn-
in fer fram. Nægur fjöldi bílastæða
er í nágrenn-
inu og
aðgangseyr-
ir er aðeins
500 kr.
Öku-
menn sem
áhuga hafa
á að taka
þátt er bent
á að skrá sig
fyrir þriðju-
daginn 25.
júlí á heima-
síðu Max
eins; www.
max1.is.
Drift keppni
í Reykjavík
Töluverða færni og þjálfun þarf til að
„drifta“ svo vel fari.
Hringurinn sem keppt
verður á.
FORD MUN INNAN SKAMMS HEFJA
FRAMLEIÐSLU Á VETNISVÉLUM Í
MINNI RÚTUR. VÉLIN ER EINSTÖK AÐ
ÞVÍ LEYTI AÐ HÚN BYGGIR Á HEFÐ-
BUNDINNI SPRENGITÆKNI.
Flestar vetnisvélar knýja rafmótor en
nýja vélin frá Ford brennir vetni á
sama hátt og bensíni. Með þessu má
nýta þá tækni sem búið er að þróa
fyrir sprengivélar.
Vélin er 6,8 lítra, V10 og skilar hún
235 hestöflum. Talsmenn Ford segja
að þetta sé aðeins byrjunin og rétt sé
hafist handa við að nýta möguleika
vetnistækni. Þeir áforma meðal annars
að hanna beina innspýtingu fyrir
vélina sem myndi auka kraft hennar
og hagkvæmni. Um kosti vetnis fram
yfir bensín þarf ekki að fjölyrða og því
binda starfsmenn og eigendur Ford
miklar vonir við nýju tæknina. - tg
Ný vetnisvél
Ford hefur náð langt síðan T-módelið kom
út.
Kynningarefni tekið hér-
lendis fyrir nýja Land Rover
jepplinginn.
Kynning á nýja Land Rover
jepplingnum, Freelander 2, er
komin á fullt. Til að gefa bílnum
ævintýralegt yfirbragð var stór
hluti kynningarefnisins fyrir
hann myndaður hér á landi.
Á vefsíðunni www.landrover.
com má finna kynningarmynd-
band þar sem eldur, ís og mosa-
vaxnar hraunbreiður mynda
umgjörð um stílhreinan og sport-
legan bílinn og á stundum er
ekki alveg ljóst hvort er í aðal-
hlutverki, íslensk náttúra eða
þessi nýjasta afurð breska
heimsveldisins.
Bíllinn er væntanlegur í sölu
von bráðar.
Freelander 2 á Íslandi
Úr kynningarmyndbandinu sem tekið var hér á landi.