Fréttablaðið - 14.08.2006, Side 12

14. ágúst 2006 MÁNUDAGUR14
nær og fjær
„ORÐRÉTT“
Plúsferðir · Lágmúla 4 · 105 Reykjavík · Sími 535 2100
www.plusferdir.is
Heitt TILBOÐ
44.590kr.
44.590kr.
44.590kr.
44.590kr.
44.590kr.
Portúgal
Brottfarir 22. og 29. ágúst
og 5., 12. og 19. september.
Netverð á mann miðað við
2-4 í íbúð á Elimar í 7 nætur.
Mallorca
Brottfarir 22. og 29. ágúst.
Netverð á mann miðað við 2-4
í íbúð á Pilari Playa í 7 nætur.
Benidorm
Brottfarir 22. og 29. ágúst.
Netverð á mann miðað við 2-4
í íbúð á Buenavista í 7 nætur.
Krít
Brottfarir 21. og 28. ágúst
og 4., 11. og 18. september.
Netverð á mann miðað við
2-4 í íbúð á Malou í 7 nætur.
Marmaris
Brottfarir 22. og 29. ágúst.
Netverð á mann miðað við
2-3 í herbergi á Fidan í 7 nætur.
„Bara allt gott. Ég er staddur á Reykhólum
þessa stundina og er að ganga frá mínum
málum hérna, ég er svona á milli vita,“ segir
Einar Örn Thorlacius, fráfarandi sveitarstjóri
Reykhólahrepps og verðandi sveitarstjóri
Hvalfjarðarsveitar. „Ég er að skipta um starf og
búsetu og það er meira en að segja það, en
að sama skapi mjög spennandi og skemmti-
legt.“
Eftir að Einari Erni var tilkynnt um að hann
hreppti stöðu sveitarstjóra Hvalfjarðarsveitar
fór hann í vikufrí til Parísar, en þar dró heldur
betur til tíðinda. „Ég fór ásamt unnustu minni
til Parísar í síðustu viku og þar settum við upp
hringana, en ég bað hennar á rómantískum
veitingastað í París,“ segir hinn stolti verðandi
sveitarstjóri. Skötuhjúin eru þessa dagana að
velta fyrir sér hvaða kirkju þau eigi að velja
fyrir athöfnina. „Konan mín er ættuð héðan úr
sveitinni, við erum að velta fyrir okkur hvaða
kirkju við eigum að velja hér í sveitinni til að
ganga í það heilaga. Það verður annað hvort í
Reykhólum eða Gufudal, en þaðan er konan
mín ættuð. Hér er nóg af kirkjum,“ segir brúð-
guminn verðandi.
Einar Örn kveðst fullur tilhlökkunar yfir nýja
starfinu. Nýlega var gengið frá því hvar hann
kemur til með að búa og var glæsilegur herra-
garður, Svarfhóll í Svínadal, fyrir valinu fyrir
nýja sveitarstjórann. Í gær skoðaði sveitarstjóri
hina nýju sveit sína. „Þetta er miklu fallegri
sveit en margur gerir sér grein fyrir. Ég leit við í
sundlaug og leikskóla sveitarinnar á ferð minni
og sundlaugavörðurinn vildi fá nýja búnings-
klefa og leikskólastjórinn vildi fá stækkun.
Þetta sýnir bara að hér er vaxandi sveitarfélag
og mörg ærin verkefni, þetta er draumastarf,“
segir Einar Örn. „Ég held að Hvalfjörðurinn eigi
eftir að koma sterkur inn í framtíðinni, hann
er í nágrenni höfuðborgarinnar og sveitin öll
liggur vel við.“
HVAÐ ER AÐ FRÉTTA? EINAR ÖRN THORLACIUS, VERÐANDI SVEITARSTJÓRI HVALFJARÐARSVEITAR
Trúlofuðust á veitingastað í París
Um tuttugu nemendur
sækja alþjóðlegan skóla
hér á landi þar sem kennsla
fer að mestu fram á ensku.
Berta Faber skólastýra
og Elizabeth Nunberg
aðstoðarskólastýra sögðu
blaðamanni frá skólanum
og hvernig alþjóðavæðing-
in hafði áhrif á lífshlaup
þeirra.
Flestir hafa heyrt um Sjálands-
skóla sem nú er að hefja sitt annað
skólaár. Undir sama þaki starfar
svo annar skóli sem færri vita af
en það er Alþjóðaskólinn sem nú
hefur sitt þriðja skólaár en það
fyrsta í nýjum húsakynnum í
Garðabæ.
„Kennslan fer að mestu fram á
ensku en einnig er kennt á
íslensku,“ segir Berta Faber skóla-
stýra. „Nemendurnir eru á aldrin-
um 5 til 13 ára og koma víða að.
Margir koma úr blönduðum fjöl-
skyldum þar sem annað foreldrið
er íslenskt. Einnig eru nokkrir
þeirra börn starfsmanna við
bandaríska sendiráðið en þessi
skóli leysti af hólmi sérstakan
skóla sem rekin var fyrir börn
embættismanna og starfsmanna
við sendiráðið hér á landi. Svo eru
hér einnig börn tveggja útlenskra
foreldra sem fara land úr landi
vinnu sinnar vegna og því hent-
ugra fyrir börnin að vera í alþjóð-
legu skólaumhverfi þar sem þau
koma ekki til með að búa lengi á
Íslandi.“
Hefðbundin mörk sem lengi
hafa skilið að börn úr mismunandi
aldurshópum og af mismundandi
þjóðernum eru mun losaralegri í
Alþjóðaskólanum en gengur og
gerist. „Við verðum með nokkra
bekki saman í stórri kennslustofu
en færanleg skilrúm mynda svona
flæðandi veggi á milli,“ segir
Elizabeth Nunberg aðstoðarskóla-
stýra. „Svo munu íslenskir nem-
endur úr Sjálandsskóla vera með
nemendum Alþjóðaskólans í
nokkrum kennslustundum svo
ávinningurinn er beggja.“
Alþjóðaskólinn hóf starfsemi
sína fyrir þremur árum og var þá
í Víkurskóla í Grafarvogi. Fyrsta
árið voru nemendurnir einungis
átta, árið eftir voru þeir tólf en
þetta skólaárið verða þeir um
tuttugu.
Þær stöllur Berta og Elizabeth
eru vel í stakk búnar til að fást við
fjölþjóðlegan veruleika unga fólks-
ins enda með nokkuð dýrmæta
reynslu að baki. „Ég er fædd og
uppalin í Sádi-Arabíu,“ segir Berta.
„Þar bjó ég til 21 árs aldurs og
kunni vel við mig. Svo var ég í
heimavistarskóla á Ítalíu þegar ég
var 14 ára. Móðir mín er íslensk en
faðir minn bandarískur. Ég kunni
afar vel við mig í Sádi-Arabíu en
þar bjó ég í nokkuð alþjóðlegu
umhverfi þar sem faðir minn vann
fyrir stórt alþjóðlegt fyrirtæki
sem hlúði vel að sínu fólki. Ég fór
til að mynda í alþjóðlegan skóla.“
„Ég er hinsvegar ósköp venju-
leg stúlka frá Minneapolis,“ segir
Elizabeth þegar röðin er komin að
henni að greina frá uppruna
sínum. Hins vegar varð veruleik-
inn öllu flóknari hjá þessari
venjulegu stúlku þegar hún
kynntist íslenskum manni í
háskóla í Bandaríkjunum. Þau
eiga nú saman þrjú börn. „Ég er
mikil ævintýramanneskja svo ég
var alveg til í að prófa að búa hér
í tvö til þrjú ár þegar maðurinn
lagði það til. Síðan eru reyndar
liðin sex ár,“ segir hún og brosir
við.
jse@frettabladid.is
Skólinn sem dregur ekki í dilka
ELIZABETH NUNBERG OG BERTA FABER Þær stöllur takast allar á loft þegar skólastarfið í Alþjóðaskólanum er til umræðu en skólinn er nú
kominn undir sama þak og Sjálandsskóli í Garðabæ og nemendum fer ört fjölgandi. FRÉTTABLAÐIÐ/HRÖNN
Það eru ekki einungis galdramenn
og ferðamenn sem venja komur
sínar að Kotbýli kuklarans á Klúku
í Bjarnarfirði á Ströndum. Hrafn-
arnir Séra Páll og Brynjólfur bisk-
up dvelja þar í góðu yfirlæti og
taka jafnvel á móti gestum og
krunka einhverju að þeim ef svo
ber undir að sögn Sigurðar Atla-
sonar, framkvæmdastjóra Galdra-
sýningarinnar og galdramanns.
Það hefðu þó sennilega fæstir
galdramenn viljað hafa Séra Pál í
Selárdal á túni hjá sér en hann
gekk manna harðast fram í galdra-
ofsóknunum.
„Æðarbændum er að sjálfsögðu
meinilla við hrafninn en við feng-
um fregnir frá einum þeirra af
yfirgefnum ungum í laupi og við
komum þeim til bjargar enda er
hrafninn enginn vargur í véum að
okkar mati.“ Hrafnarnir hafa svo
launað þeim greiðann með því að
vera þeim innanhandar, eða
vængja, með gestina sem koma á
kotbýlið.
Sigurður er nokkuð ánægður
með aðsóknina í sumar í kotbýlið
og á Galdrasýninguna á Hólma-
vík. „Galdrasýningin á Hólmavík
opnaði árið 2000 og í fyrra var
metár og ég sé fram á að aðsóknin
verði svipuð í ár. Kotbýlið opnaði
um mitt sumar í fyrra og ég er
bara nokkuð ánægður með aðsókn-
ina. Það er verst með þessa heims-
meistarakeppni í fótbolta,“ segir
Sigurður og hlær við en hún hefur
greinilega veitt kuklurum og
galdramönnum harða samkeppni.
- jse
Séra Páll tekur á móti gestum
BRYNJÓLFUR OG PÁLL MEÐ FERÐAMANN Á MILLI SÍN Hrafnarnir tveir eru ófeimnir við
ferðamenn sem koma að heimsækja Kotbýli kuklarans á Ströndum. Þarna sjást þeir
krunka að einum þeirra.
SJÓNARHÓLL
SLAGUR Í FRAMSÓKN
Farið í lita-
greiningu
„Mér líst vel á Siv og Jónínu, þó ég sé
ekki alltaf sammála þeim. Maður heyr-
ir sífellt meiri femíníska takta í þeim,”
segir Guðrún Margrét Guðmundsdóttir
mannfræðingur.
„Annars hefur mér fundist Fram-
sóknarflokkurinn eiga í innri baráttu
um hvort hann eigi að vera flokkur
bænda eða sigla inn í nútímann. Mér
finnst birtast svo miklar mótsagnir í
flokknum og maður fær á tilfinning-
una að það sé ákveðið hugsjónaleysi
í gangi. Það vantar skýra stefnu, þeir
ættu að vinna í því, frekar en að elta
almenningsálit. En þeir kunna að
markaðssetja sig. Í kosningunum
2003 notaði hver einasti frambjóðandi
þeirra hugtakið „stöðugleiki” allavega
tvisvar í hverri setningu, sem var
drepfyndið. En það tókst svo vel, því
maður heyrði að fólk ætlaði að kjósa
þá útfrá því orði, sem var í raun merk-
ingarlaust. Þeir virðast hafa stúderað
kosningasálfræði mjög vel. Það mætti
halda að frambjóðendur þeirra fari í
litagreiningu og stílíseringu því þeir líta
alltaf vel út.”
GUÐRÚN MARGRÉT GUÐMUNDSDÓTTIR
Flytja út mannréttindi
„Útlendingar höfðu orð á því
að ef við hefðum eitthvað til
þess að flytja út þá væru það
mannréttindi.“
Hrafnhildur Gunnarsdóttir, formaður
Samtakanna ‘78, segir mannréttindabar-
áttu samkynhneigðra hér á landi standa
mjög framarlega í heiminum.
Fréttablaðið, 13. ágúst.
Ekki í framboði
„Ég er stjórnmálamaður
sem hefur verið meira í
eftirspurn heldur en
framboði.“
Jón Sigurðsson iðnaðar- og
viðskiptaráðherra skaust nokkuð óvænt
upp á sjónarsvið stjórnmálanna í júní
þegar hann tók sæti í ríkisstjórninni.
Fréttablaðið, 13. ágúst.