Fréttablaðið - 06.09.2006, Blaðsíða 2

2 6. september 2006 MIÐVIKUDAGUR
SPURNING DAGSINS
Guðrún, hvað þarf helst að
gerast?
„Það þarf vitundarvakningu meðal
kvenna, lögreglu og ákæruvaldsins
um að ofbeldi í parsamböndum
sé brot á lögum og alltaf á ábyrgð
ofbeldismanna.“
Innan við eitt prósent heimilisofbeld-
ismála hefur verið tekið til ákærumeð-
ferðar það sem af er þessu ári. Guðrún
Jónsdóttir er talskona Stígamóta.
���������������������������������������������������������������������� ������������
�������������
������������
�������������� ����
�����������������������������������������������������������������
����
�����
�����
��
LÖGREGLUMÁL Sextán ára pilturinn
sat ásamt 28 ára kunningja sínum
í bifreið hins síðarnefnda við
Skautasvellið í Laugardal um eitt-
leytið í fyrrinótt, þegar þeim sinn-
aðist með þeim afleiðingum að
pilturinn dró upp hníf og réðst á
félaga sinn.
Pilturinn stakk manninn í bakið
og skildi við hnífinn standandi úr
sárinu. Því næst forðaði árásar-
maðurinn sér út úr bifreiðinni
hafði sig á brott á hlaupum.
Fórnarlambið ók þá sem leið lá
á slysadeild Landspítalans í Foss-
vogi, en tókst að ná hnífnum úr
bakinu á sér á leiðinni á bráðamót-
tökuna. Þegar þangað var komið
hafði maðurinn misst mikið blóð
en var ekki í lífshættu samkvæmt
heimildum Fréttablaðsins. Þar var
gert að sári mannsins og var hann
útskrifaður stuttu síðar.
Samkvæmt vakthafandi læknis
á slysadeild Landspítalans var
áverki mannsins ekki lífshættu-
legur. Stungusárið var ofarlega á
bakinu við herðablað og töluvert
djúpt en fjarri helstu líffærum og
því var maðurinn ekki í bráðri lífs-
hættu.
Fórnarlambið gat gefið lög-
reglu upplýsingar um dvalarstað
árásarmannsins og var hann hand-
tekinn í nágrenni við heimili sitt í
austurhluta höfuðborgarinnar
stuttu síðar. Veitti hann að sögn
lögreglu enga mótspyrnu við
handtökuna.
Pilturinn var færður í fanga-
geymslur en ekki yfirheyrður fyrr
en seinnipartinn í gær. Lögregla
neitaði að gefa upp hvort pilturinn
hefði verið í annarlegu ástandi
þegar lögregla hafði uppi á
honum.
Að sögn lögreglu hefur hvorug-
ur mannanna komið við sögu lög-
reglu áður og þeir eru ekki skyldir.
Málið er í rannsókn ofbeldis-
brotadeildar lögreglunnar í
Reykjavík. Lögregla lítur málið
alvarlegum augum.
aegir@frettabladid.is
Skildi hnífinn eftir
standandi í sárinu
Sextán ára piltur réðst á kunningja sinn með hníf í fyrrinótt, stakk í bakið og
skildi hnífinn eftir í sárinu. Fórnarlambið kom sér sjálfur á slysadeild við illan
leik. Ekki lífshættulegur áverki, að sögn vakthafandi læknis.
LUNDÚNIR, AP Minnismiða ráðgjafa
Tonys Blair var lekið til fjölmiðla í
gær og á sama tíma fréttist af
undirskriftasöfnun þingflokksmanna
hans, en 38 þeirra munu hafa skrifað
undir plagg þess efnis að forsætisráð-
herrann segi af sér. Að auki er haft
eftir einum ráðherra hans, David
Miliband, að það væri „viðurkennd
speki“ að Blair segði af sér innan eins
árs. Á miðanum og á listanum mun
undirstrikað mikilvægi þess að hann
hætti með reisn.
Til stendur að undirbúa nokkur
viðtöl í sjónvarpsþáttum, sem ekki
teljast pólitískir, ásamt heimsóknum í
einar sex borgir og myndatökum við
tuttugu eftirminnilegar byggingar
sem risið hafa eða verið endurgerðar
í stjórnartíð Blairs. Flagga skal
almennum „sigri Blair-hyggjunnar“,
fremur en einstökum afrekum
forsætisráðherrans, og nauðsynlegt
er að horfast í augu við óvinsældir
Íraksstríðsins áður en að kveðju-
stund kemur, að mati ráðgjafa Blairs.
Ef marka má nýlega könnun vill
um 51 prósent Breta að Blair segi af
sér og er óvinsældum hans kennt um
að einungis þrjátíu prósent styðji
Verkamannaflokkinn.
Blair sjálfur er þögull sem gröfin
um væntanlega afsögn og hefur
hvatt fólk til að hætta bollalegging-
um og leyfa sér að vinna vinnuna
sína. - kóþ
Fjöldi þingmanna breska Verkamannaflokksins vill nýjan foringja:
Tony Blair hætti með reisn
TONY BLAIR, FORSÆTISRÁÐHERRA
BRETLANDS 38 þingflokksmenn
Blairs munu hafa skrifað undir
plagg þess efnis að hann segi af
sér. FRÉTTABLAÐIÐ/AP
ORKUMÁL „Við vissum ekki að þessi breyting hefði
verið gerð fyrr en síðasta föstudag,“ segir Hjörleif-
ur Kvaran, lögmaður Orkuveitu Reykjavíkur, en
fyrirtækið hefur á þessu ári sent póst til allra nýrra
raforkunotenda þar sem tekið er fram að Orkuveit-
unni beri að innheimta fimmtíu prósenta álag á raf-
orku þar til samningur við raforkusala hafi verið
gerður.
Ný reglugerð sem tók gildi í byrjun þessa árs
kveður á um að nýir raforkukaupendur geti samið
um að kaupa raforku frá því fyrirtæki sem þeir
kjósa, hvar sem er á landinu. Í reglugerðinni stóð
enn fremur að fyrirtækinu sem aflaði orkunnar
bæri skylda til að innheimta álag sem næmi helm-
ingi raforkugjaldsins, gerði nýr notandi ekki samn-
ing við raforkusala. Í apríl á þessu ári var þó tekin
ákvörðun um að fresta þessari innheimtu til næstu
áramóta. Hjörleifur segir leitt að Orkuveita Reykja-
víkur hafi haldið áfram að minna á gjaldið. Fremur
erfitt sé að átta sig á þessum breytingum og enginn
hafi tilkynnt um mistökin. Hann tekur svo skýrt
fram að enn hafi enginn verið rukkaður um álagið.
Sem dæmi um hagkvæmni sem felst í nýju raf-
orkulögunum má nefna að ef raforkunotandi,
búsettur á Seltjarnarnesi í um 250 fm einbýlishúsi,
semur við Norðurorku er auglýst heildargjald á ári
281.857 krónur á ári. Semji hann aftur á móti við
Orkubú Vestfjarða nemur kostnaðurinn 210.957
krónum. - kdk
Breytingar á reglugerð um ný orkulög fóru framhjá Orkuveitu Reykjavíkur:
Vissu ekki af breytingunni
HÖFUÐSTÖÐVAR ORKUVEITU REYKJAVÍKUR Lögmaður Orku-
veitunnar segir að enginn hafi verið rukkaður um álagið.
SVÍÞJÓÐ Johan Jakobsson,
framkvæmdastjóri sænska
Þjóðarflokksins, sagði upp
störfum í gær í kjölfar þess að
upp komst um tölvunjósnir sem
ungliði úr flokknum viðurkenndi
að hafa stundað. Ungliðinn hafði
brotist inn í tölvukerfi Jafnaðar-
mannaflokksins.
Í yfirlýsingu sagðist Jakobson
telja það best fyrir flokkinn að
hann segði af sér, þrátt fyrir að
hann teldi sig ekki bera neina
sekt í málinu. Jakobsson hafði
fengið vitneskju um brot unglið-
ans um miðjan mars. - gb
Sænski Þjóðarflokkurinn:
Sagði upp vegna
njósnamáls
LEJENBORG OG JAKOBSSON Formaður
Þjóðarflokksins og framkvæmdastjórinn.
HÉRAÐSDÓMUR Tuttugu og sex ára
karlmaður var í gær ákærður
fyrir Héraðsdómi Reykjavíkur
fyrir grófa líkamsárás á veit-
ingahúsinu Boomkikker í
Hafnarstræti í maímánuði í
fyrra.
Honum er gert að hafa ráðist
á annan karlmann, slegið höfuð
hans í barborð og ítrekað með
hnefahöggum í andlitið auk þess
sem hann lét spörk dynja á
manninum, í andlit hans og
líkama. Hann dró fórnarlambið á
hárinu eftir gólfi skemmtistaðar-
ins og misþyrmdi.
Fórnarlambið tvírifbeins-
brotnaði og hryggjarliðir hans
brákuðust. Hann nefbrotnaði,
hlaut skurð á höfði og tognun á
hægri úlnlið. Auk þess brotnuðu í
honum tvær tennur.
Ákæruvaldið fór fram á
refsingu og fórnarlambið
krafðist bóta fyrir rúma milljón
króna. - æþe
Árásarmaður ákærður:
Braut rifbein
og tvær tennur
AKRANES Bæjaryfirvöld á
Akranesi hafa ákveðið að hækka
launin hjá þeim lægstlaunuðu um
tvö og hálft til þrjú prósent.
Hækkunin nær til þrjátíu manna
sem starfa í ræstingu og við
sorphirðu.
Vilhjálmur Birgisson, for-
maður Verkalýðsfélags Akraness,
fagnar ákvörðun bæjaryfirvalda.
Hann segir að þetta sé viðbót við
þá hækkun sem þessir hópar fá
samkvæmt samkomulagi aðila
vinnumarkaðarins í sumar. Fólkið
hækki um fjögur til sex þúsund.
- ghs
Bæjaryfirvöld á Akranesi:
Veita auka
launahækkun
SVISS, AP Varnarmálaráðherra
Sviss hefur neitað beiðni um að
hætt verði að geyma skotvopn
hermanna á heimilum þeirra. Að
meðaltali er eitt sjálfsmorð
framið daglega með skotvopni í
Sviss, yfirleitt með vopnum frá
hernum.
Samuel Schmid, varnarmála-
ráðherra Sviss, segir að þótt
skotvopn verði flutt af heimilum
hermanna leysi það ekki þetta
félagslega vandamál. Rannsóknir
hafa sýnt að heimsins hæsta tíðni
sjálfsmorða með skotvopnum er í
Sviss og Bandaríkjunum. Margir
kenna þar um frjálslegum reglum
varðandi vörslu vopnanna. - sþs
Varnarmálaráðherra Sviss:
Vopn enn heima
hjá hermönnum
VERÐ Gjaldskrá fyrir upplýsinga-
númerin 118 og 1818 og talsam-
band við útlönd hækkar 1.
september. Ástæðan er gjald-
skrárbreytingar hjá fyrirtækinu
Já sem rekur þessa þjónustu.
„Þetta er meðalhækkun upp á sjö
prósent sem er í takt við verð-
lagsþróun frá 2005,“ segir
Sigríður Margrét Oddsdóttir,
framkvæmdastjóri Já.
Upphafsgjald og mínútuverð í 118
og 1818 mun hækka um fjórar
krónur í heimasímum og farsím-
um. Upphafsgjald í talsambandi
við útlönd mun hækka um fimm
krónur úr heimasímum og
farsímum og mínútuverð um sex
krónur úr heimasímum og
farsímum. - sdg
Gjaldskrárhækkun hjá Já:
Dýrari símtöl í
símaskrána
LANDSPÍTALINN Í FOSSVOGI Fórnarlamb árásarinnar fór sjálfur á slysadeild sjúkrahússins. Læknir segir stungusárið ekki hafa verið
lífshættulegt. Sárið, sem hafi verið nokkuð djúpt, hafi verið ofarlega á bakinu við herðablað mannsins. FRÉTTABLAÐIÐ/HEIÐA