Fréttablaðið - 06.09.2006, Síða 45

H A U S
MARKAÐURINN
trygginga og fjárfestinga. „Þetta hefur verið
gert áður með góðum árangri og við viljum
beita sömu aðferðum. Við erum ekkert að
finna upp hjólið.“
Lýður leggur á það áherslu að Exista vilji
fjárfesta í góðum félögum til ótilgreinds tíma
og fyrirtækið stundar ekki umbreytingafjár-
festingar. „Við leitum að góðu liði stjórnenda,
félögum með gott fjárstreymi og viljum setja
okkar fjármuni þar á bak við.“
TVÆR FLUGUR SLEGNAR
Á þessu ári urðu miklar breytingar í starf-
semi Exista þegar félagið eignaðist VÍS eign-
arhaldsfélag en um það leyti fóru stjórnend-
ur félagsins að horfa til skráningar. Mikil
umræða varð snemma á árinu um krosseign-
arhald íslenskra fyrirtækja, til dæmis milli
Exista og KB banka. Lýður bætir við að sú
umræða hafi ekki haft úrslitaáhrif þótt hún
hafi vissulega flýtt fyrir, enda töluverður
utanaðkomandi þrýstingur um að leysa upp
krosseignatengsl. Menn sáu að með því að
skrásetja hlutabréf í Kauphöll mætti slá tvær
flugur í einu höggi: fá markaðsverð á Exista
og búa þar með til mikil verðmæti bæði fyrir
Existu og hluthafa þess og svo að leysa upp
krosseignarhald.
Heildarvirði hlutafjárútboðsins verður um
sex milljarðar en getur farið í níu milljarða
kjósi seljandinn – KB banki – að selja meira.
Jafnframt ætlar bankinn að greiða út tíu
prósent hlutafjár í Existu út til hluthafa sinna
sem aukaarð. Exista verður þar með fjöl-
mennasta almenningshlutafélag landsins með
um 33 þúsund hluthafa.
Lýður segir það engum vafa undirorpið
að félagið styrkist mjög með tilkomu allra
þessara hluthafa og það verði ánægjulegt að
sjá mikla fjölgun almennra hluthafa á hluta-
bréfamarkaði en þeim hefur farið fækkandi.
Býðst almenningi að kaupa fyrir eitt hundrað
þúsund krónur að lágmarki í útboðinu. „Við
teljum einnig þetta vera góðan tímapunkt til
að skrá félagið á markað. Það er ekki endi-
lega best að gera slíkt þegar markaðurinn er
útblásinn og yfirspenntur. En vissulega hefur
mikið rofað til eins og sést hvernig tekist
hefur að snúa við neikvæðri umræðu um
bankana. Það sýnir styrk kerfisins, hér varð
ekkert hrun þótt að menn hafi aðeins þurft að
taka á honum stóra sínum,“ bætir hann við.
Lýður segir að ekki hafi komið til tals hjá
öðrum núverandi hluthöfum að selja hluti
sína. Það er til dæmis alveg ljóst að þeir
bræður hreyfi sig ekkert en þeir halda utan
um 47 prósent hlutafjár í Exista. „En þegar
félagið er komið á markað þá hreyfa þeir
sig sem vilja.“ Ekki stendur til að skrásetja
Existu á erlenda markaði.
SLAKA EKKI Á ARÐSEMISKLÓNNI
Stjórnendur Exista leggja ríka áherslu á arð-
bæran vöxt, þannig að arðsemi hluthafa verði
mikil og sá vöxtur sem fyrirhugaður er á
ýmsum sviðum rekstrarins verði gerður með
hag þeirra að leiðarljósi. Lýður segir það
ljóst vera að starfsemi eins og Exista fæst
við þurfi að skila arðsemi upp á 15 til 25 pró-
sent á hverju ári til að hluthafar geti verið
ánægðir. Eins og önnur fjármálafyrirtæki
sem bera markaðsáhættu þá getur afkoman
verið sveiflukennd en til lengri tíma er þetta
sú arðsemi sem stjórnendur telja sig geta
horft fram á. Lýður segir að menn eigi ekkert
að slaka á kröfum um arðsemiskröfu þótt
óvíst sé hvort næstu misseri verði jafn feng-
sæl og undangengin ár. Fjárfestingar erlend-
is skipti hér miklu máli því þær eiga sinn þátt
í þeirri verðmætasköpun sem hefur orðið
hjá íslenskum hluthöfum á síðustu árum.
„Ég sé engar röksemdir fyrir því, til dæmis
í Bakkavör sem stendur mér nálægt, að við
eigum að gera minni kröfur um arðsemi þó að
félagið sé orðið eitt stærsta fyrirtæki Íslands
og töluvert stórt á breskan mælikvarða.“
Exista mun í framtíðinni sækja um láns-
hæfismat frá erlendu matsfyrirtæki sem
kemur til með að gefa félaginu aukinn slag-
kraft, til dæmis varðandi vöxt í vátrygginga-
starfsemi. Á aðalfundi Exista, sem haldinn
var í ágúst, fékk stjórn heimild til að auka
hlutafé um einn milljarð að markaðsvirði sem
eru um tuttugu milljarðar að markaðsvirði.
„Það eru engin áform uppi um annað en að
stækka. Hluthafar töldu eðlilegt að stjórnin
hefði þessa heimild til þess að geta verið
snör í snúningum ef á þyrfti að halda. Að svo
stöddu liggur ekki fyrir ákvörðun um að nýta
þessa heimild.“
FARSÆLT SAMSTARF
Tvær stærstu kjölfestueignir Existu liggja
í KB banka og Bakkavör. Exista hefur
aukið hlut sinn um tólf prósent í Bakkavör
Group í sumar. Lýður segir að fyrir því
séu nokkrar ástæður. Ein sé sú að hlutur
Existu hafði þynnst við kaup Bakkavarar á
Laurens Patisseries í vor en seljendur fengu
um fjóra milljarða króna greitt í hlutabréf-
um í Bakkavör. Um svipað leyti breytti KB
banki breytanlegu skuldabréfi frá árinu 2001
í hlutafé og seldi þau frá sér sem þynnti hlut
Existu. „Þá fór hlutur okkar niður í 26 prósent
og það var bara minna en við kærðum okkur
um að eiga í Bakkavör.“ Jafnframt töldu
menn gott kauptækifæri leynast í Bakkavör í
sumar þegar markaðirnir voru á niðurleið og
kom þá í ljós fjárhagslegur styrkur Existu.
Stærsta fjárfestingin liggur í KB banka
þar sem Exista er afgerandi stærsti hluthaf-
inn. Félagið hefur notið frábærrar arðsemi af
þeim hlut í gengum tíðina. „Við eigum langa
sögu með KB banka. Bankinn studdi lengi
við Bakkavör og síðar höfum við stutt við
bakið á bankanum. Þetta hefur verið báðum
aðilum til hagsbóta og við vonum að svo
verði áfram. Við fylgumst grannt með gengi
bankans og höfum mikla trú á starfsmönnum
sem þar starfa.“ Árangur KB banka ber ekki
síst að þakka góðu starfsumhverfi en mikill
einhugur hefur verið með stærstu hluthöfum
bankans og stjórnendum í gengum tíðina. „Ég
tel persónulega að allir bankarnir hafi reynst
vera frábær fjárfesting eins og hefur sýnt sig
á undangengnum árum. Þetta eru frábærir
bankar með einstöku starfsliði.“ Lýður telur
að menn hafi unnið hálfgert kraftaverk í
uppbyggingu íslenska bankakerfisins og trúi
útlendingar þessu tæpast.
HORFA TIL EVRÓPSKA TRYGGINGAMARKAÐARINS
Tryggingar og eignaleiga eru grunnstoðir
Existu eins og áður hefur komið fram. Exista
á VÍS, stærsta tryggingafélag landsins, og
jafnframt er eignaleigufyrirtækið Lýsing
stærsta fyrirtæki sinnar tegundar hérlendis.
Exista horfir einnig til þess að styrkja sig
á sviði vátrygginga- og eignaleigustarfsemi
með því að nýta öflugt fjárstreymi í trygg-
ingarekstrinum og sterka eiginfjárstöðu
Exista. Á undanförnum árum hafa íslensku
tryggingafélögin ekki riðið feitum hesti frá
vátryggingastarfseminni sjálfri en Lýður
telur að nú horfi til betri vegar. „Við teljum að
það séu frábærir möguleikar að sækja fram á
við með VÍS og Lýsingu og útvíkka þá starf-
semi. Í þeim efnum erum við aftur að horfa
til Bretlands og meginlands Evrópu af því að
við erum of stórir hér á Íslandi.“ Exista hefur
stigið fram á við í þessum efnum en félagið á
55 prósent í IGI sem er breskt vátrygginga-
félag. Lýður hlakkar til að fást við framsókn
Exista á tryggingamarkaði en þeir bræður
hafa stundað fjárfestingar í Bretlandi með
ekki ósvipuðum markmiðum og hjá félaginu
starfar þrautreynt fjárfestingafólk.
Félagið hefur um sextíu milljarða króna í
erlendum eignum og því var við hæfi að opna
skrifstofu í Lundúnum en þar deilir félagið
húsnæði með Bakkavör og Símanum. Nú er
unnið að því að ráða starfsfólk. „Í Lundúnum
hyggjumst við annars vegar vera með fjár-
festingar í óskráðum félögum eða
taka skráð félög af markaði til lengri
eða skemmri tíma. Hins vegar stefn-
um við að því í framtíðinni að stunda
viðskipti með verðbréf eins og við
gerum reyndar hér heima.“
SÍMINN Á MARKAÐ Í LOK 2007
Síminn er langstærsta óskráða eign
Existu en hluturinn er bókfærður á
13,5 milljarða. Drjúgur tími hefur
farið í það að vinna úr þessari stóru
fjárfestingu en samkvæmt samningi
við ríkið ætlar Exista að skrá Símann
á markað í lok næsta árs. Þótt mikil
vinna liggi fyrir gengur verkefnið vel.
„Reksturinn er almennt umfram það
sem við gerðum ráð fyrir þegar við keyptum
Símann af ríkinu.“ Uppgjörið sýndi aukningu
rekstrarhagnaðar um 20 prósent, töluverða
tekjuaukningu og aukið fjárstreymi. En hins
vegar tapaði Síminn miklu á lækkun krón-
unnar eins og menn voru undirbúnir fyrir að
sögn Lýðs, því skuldir félagsins eru í erlendri
mynt. „Því má ekki gleyma að fjárstreymið
batnaði til muna sem er lykilatriði þegar er
verið að vinna með skuldsett, óskráð félög.“
Síminn hefur verið að leita erlendis að
félögum til kaups, enda er félagið orðið of
stórt hér heima og fá tækifæri til stækkunar.
„Hvað Símann varðar þá vilja menn stíga var-
lega til jarðar, enda viljum við ekki stækka
stækkunarinnar vegna. Það hafa margir farið
flatt á því að kaupa það sem fyrir nef þeirra
flýtur. En þegar tækifærin gefast þá verða
þau gripin mjög hratt.“ Að mati Lýðs er
Síminn algjört módel-fyrirtæki; símafyrir-
tæki eins og öll símafyrirtæki vilja vera í
dag. Félagið er með fastlínur, farsíma, gagna-
flutninga og fjarskiptanet og svo sjónvarps-
rásir. „Við teljum okkur hafa eitthvað fram
að færa með því að kaupa rekstur erlendis og
færa hann í sama form og Síminn er.“
Lýður afneitar öllum kenningum um sókn
Símans inn á innlendan fjölmiðlamarkað í
samfloti við önnur fyrirtæki en bætir því við
brosandi að þetta séu allt skemmtilegar pæl-
ingar. Síminn vill einbeita sér að dreifingu
efnis sem er sérsvið fyrirtækisins en ekki
rekstur fjölmiðlafyrirtækja. „Allar sögur um
það að Morgunblaðið, Síminn og Skjár einn
eigi að verða ein fjölmiðlasamsteypa eru
algjörlega úr lausu lofti gripnar. Þær hug-
myndir hafa aldrei verið ræddar.“
MÓTTÖKUR LOFA GÓÐU
Framtíðarsýn Exista er að verða öflugt
fjármálaþjónustufyrirtæki á evrópskan
mælikvarða. „Við gerum það ekki öðruvísi
en að sækja fram á okkar kjarnasviðum,
vátryggingastarfsemi, eignaleigu og fjárfest-
ingastarfsemi.“
Lýður segir að ekki sé laust við að næstu
dagar verði spennandi, enda veit hann að
Exista er áhugaverður fjárfestingakostur og
spennandi félag til að fara á markað. Exista
hefur að ákveðnu leyti farið í gegnum forsölu
þegar níu lífeyrissjóðir keyptu sex prósenta
hlut af KB banka fyrr í sumar. „Það sýnir þá
trú sem stærstu fjárfestar landsins hafa á
félaginu. Hluthafahópurinn er því gríðarlega
öflugur.“
11MIÐVIKUDAGUR 6. SEPTEMBER 2006
Ú T T E K T
N Ú V E R A N D I H L U T H A F A R
Bakkabræður Holding 47,39%
KB banki 14,77%
SPRON 6,32%
Eignarhaldsfél. Hesteyri 5,73%
Eignarhaldsfél, Samvinnutryggingar 5,65%
Sparisjóðabankinn 4,61%
Sparisjóðurinn í Keflavík 3,06%
Eignarhaldsfélagið Andvaka 1,57%
Lífeyrissjóður verzlunarmanna 1,85%
Lífeyrissjóðir Bankastræti 7 1,82%
Samtals 10 stærstu 92,77%
(Aðrir hluthafar eru sparisjóðir, lífeyrissjóðir
og starfsmenn Existu)
ERLENDUR HJALTASON
FORSTJÓRI, LÝÐUR
GUÐMUNDSSON, STARF-
ANDI STJÓRNARFOR-
MAÐUR, OG SIGURÐUR
VALTÝSSON FORSTJÓRI.
Erlendur hefur umsjón
með stöðutöku félagsins
og kjarnafjárfestingum en
Sigurður heldur utan um
rekstrarsviðin, t.d. trygginga-
starfsemina og eignaleigu.
MARKAÐURINN/GVA
Samspil trygginga og fjárfestinga
Skráning Existu í Kauphöll Íslands í næstu viku verður sú stærsta í sögu Kauphallarinnar og innan skamms verður félagið
orðið fjölmennasta almenningshlutafélag landsins. Lýður Guðmundsson, stjórnarformaður Existu, segir í samtali við Eggert
Þór Aðalsteinsson að stefnt sé að því að gera félagið að öflugu fjármálaþjónustufyrirtæki á evrópskan mælikvarða. Félagið er
mitt á milli þess að vera banki og fjárfestingafélag með viðamikla starfsemi á sviði trygginga, eignaleigu og fjárfestinga.
„Ég held að ég
geti sagt að við
séum mitt á milli
fjárfestingafélaga
og banka. Þetta
er nýr valkostur
íslenska fjár-
festa. Með því að
fjárfesta í Exista
gefst væntan-
legum hluthöfum
kostur á að fjár-
festa í mörgum
félögum sem þeir
annars ættu ekki
kost á,”