Fréttablaðið - 27.11.2006, Blaðsíða 28

Hægt er að fá málningu frá
flestum framleiðendum sem
sögð er umhverfisvæn. Hvað
felst í þeirri nafngift?
Flestöll málning sem hlýtur stimp-
ilinn umhverfisvæn er innimáln-
ing. Hún inniheldur þá engin líf-
ræn leysiefni auk þess sem ýmsum
efnum er sleppt eins og ammoníaki
og formaldehýði. Þetta er mismun-
andi eftir framleiðendum.
Flestöll innanhúsmálning sem
seld er hérlendis inniheldur lítil
sem engin hættuleg eiturefni. Þetta
er þróunin hjá öllum framleiðend-
um en krafa samfélagsins á hrein-
leika og hollustu er einfaldlega slík
að þeir komast upp með fátt annað.
Til dæmis fengust þau svör hjá
Flugger að innanhúsmálning frá
fyrirtækinu væri samkvæmt flest-
um stöðlum umhverfisvæn, þó svo
að ekkert slíkt væri tekið fram sér-
staklega á umbúðum. „Framleiðslu-
ara okkar inniheldur engin hættu-
leg eiturefni en við merkjum hana
ekki sérstaklega því öll málningin
okkar er framleidd eftir ströngum
umhverfiskröfum,“ segir Halldór
Snorrason, yfirverkfræðingur
Flugger á Íslandi.
Aðrir kjósa að merkja umhverf-
isvænar vörur sérstaklega. Máln-
ing ehf. merkir þær með svoköll-
uðum 0% stimpli og málningin frá
Norsdsjö er merkt með umhverfis-
stimpli frá Evrópusambandinu og
vottorði frá sænsku asma- og
ofnæmissamtökunum.
Hérlendis fæst engin málning
sem hlotið hefur umhverfisstimpil
Græna svansins. Þetta þýðir ekki
að málningin uppfylli ekki kröf-
urnar heldur að þær hafi ekki verið
prófaðar. Það kostar pening að fá
að stimpla vöru og framleiðendur
sjá ekki að það borgi sig hérlendis.
Þessu er öfugt farið víða annars
staðar og til að mynda í Svíþjóð,
þar sem krafan á umhverfisvernd
er mikil, er stimpillinn gulls ígildi.
Málning inniheldur ýmis efni
sem eru okkur óholl. Þau eru hins
vegar mun færri nú en þau voru
fyrir tíu árum og virðast íslenskir
framleiðendur málningar vera vel
með á nótunum þegar kemur að
umhverfisvernd. Málningin er
orðin umhverfisvænni en hún var
en slá verður varnagla gagnvart
fullyrðingum eins og að málning-
unni mætti hella í Elliðaárnar og
væri eina mengunin sem af hlytist
sjónmengun.
Umhverfisvæn málning
kr. 8.038.-
Viðbótareining kr. 5.781.-
www.svefn.is