Fréttablaðið - 03.12.2006, Síða 6

6 3. desember 2006 SUNNUDAGUR
KjörKassinn
Starfsmannafélag Reykjavíkurborgar, boðar til
AUKA - AÐAlFUNDAR

þriðjudaginn 5. desember 2006, kl. 20.30,
að Grettisgötu 89, 1.hæð.
Fundurinn er haldinn vegna væntanlegrar sameining-
ar Starfsmannafélags akraness við Starfsmannafélag
reykjavíkurborgar um næstu áramót.
Fundarefni:
1. tillaga til lagabreytingar.
2. Önnur mál.
Stjórnin
FilippSeyjAR, Ap Óttast er að yfir
600 manns hafi farist í miklum
aurskriðum í kjölfar fellibyls á
Filippseyjum síðustu daga. Í gær
höfðu á fjórða hundrað lík fundist
og ríflega 300 manns var enn sakn-
að. Litlar líkur voru taldar á því að
nokkur ætti eftir að finnast á lífi.
Hafist var handa við að jarðsetja
fórnarlömb hamfaranna þegar í
gær vegna þess hversu ört líkin
rotnuðu í hitanum.
Þykk, svört eðja sem flæddi um
allt gerði björgunarmönnum erfitt
fyrir, en talið er að þeir hafi ekki
fundið neinn á lífi í eðjunni frá því
á fimmtudag þegar fellibylurinn
Durian gekk á land. Vindhraði
hans fór í rúma sjötíu metra á sek-
úndu þegar verst lét.
Albay-fylki á suðurhluta Luzon-
eyjunnar varð verst úti og þar
höfðu tæplega 300 fundist látnir í
gær. Skriðurnar féllu flestar úr
Mayon, sem er eitt virkasta eld-
fjall landsins. Aska og stórgrýti
hafði safnast saman í hlíðum
fjallsins undanfarið í kjölfar
óvenju mikillar virkni og bylurinn
sópaði því öllu niður á þorpin við
rætur fjallsins.
Þungt hljóð var í fylkisstjór-
anum Fernando Gonzales í gær.
„Allir hlutar fylkisins hafa orðið
storminum að bráð. Hér er algjör
eyðilegging. Aldrei áður í sög-
unni höfum við orðið vitni að öðru
eins vatnsmagni. Nánast hvert
einasta byggt svæði er á kafi.“
Hús nærri bænum Padang, sem
er í um tíu kílómetra fjarlægð frá
höfuðborg fylkisins, fóru nærri
algerlega á kaf í eðju og stóðu
aðeins þökin upp úr. Mörg lík bár-
ust á haf út og skolaði síðan á
land í nálægum bæjum. Sums
staðar fundust einungis leifar af
hinum látnu.
Hinn 21 árs Silangan Santander
var við jarðarför Larry bróður
síns í gær. Aðeins fundust fætur
hans og neðri hluti líkama. Ófrísk
ekkja hans treysti sér ekki til að
mæta við jarðarförina. „Öll húsin í
hverfinu okkar voru horfin,“ sagði
hún og bætti því við að bróður
hennar væri einnig saknað. „Þar
er ekkert nema sandur, grjót og
vatn.“
Kanadamenn hafa veitt rúmum
sextíu milljónum til hjálparstarfs-
ins og Japanar tólf milljónum.
stigur@frettabladid.is
Óttast að 600 manns
hafi látist í skriðum
Fellibylur olli miklum aurskriðum á Filippseyjum frá fimmtudegi. Á fjórða
hundrað hafa fundist látnir og rúmlega 300 er saknað. Hús fóru nánast á bóla-
kaf í eðju. Fyrstu útfarir fórnarlambanna fóru fram strax í gær.
GríðarleG eyðileGGinG Lítið sést af
þessu húsi annað en þakið eitt. Þessir
íbúar skoðuðu í gær hina gífurlegu
eyðileggingu. FréttabLaðið / ap
eyðiland aurskriðurnar færðu fjölmörg hús við rætur eldfjallsins Mayan nær algjörlega í kaf. aðeins húsþökin standa nú upp úr
sandinum. FréttabLaðið / ap
löGReGlUmál Allar fangageymsl-
ur lögreglunnar í Reykjavík voru
fullar eftir aðfaranótt laugar-
dags. Fimm voru færðir í fanga-
geymslur vegna líkamsárása, en
alls voru átta líkamsárásir til-
kynntar. Einn var meðal annars
sleginn í höfuðið aftan frá með
flösku. Meiðsl hans eru talin
minniháttar en árásarmaðurinn
er ófundinn.
Sex umferðaróhöpp urðu um
nóttina, þar af nokkur þar sem
grunur er um ölvun við akstur.
Bíll valt við Seljakirkju og er öku-
maðurinn talinn hafa misst stjórn
á bílnum í hálku. Þá valt bíll á
gatnamótum Miklubrautar og
Lönguhlíðar en þeir sem í honum
voru höfðu sig á brott áður en lög-
regla kom á vettvang. Þá var ekið
á tvo ljósastaura og eitt umferð-
arskilti.
Mikil ölvun var í miðborginni,
sem lögregla telur að megi rekja
beint til þess að útborgunar-
dagur var á föstudag. Lögregla
þurfti að fara í mörg útköll í
heimahús vegna kvartana um
hávaða.
Þá komu upp tvö smávægileg
fíkniefnamál þar sem menn
neyttu eigin efna. Auk þess var
tilkynnt um innbrot í þrjú fyrir-
tæki í austurborginni þessa eril-
sömu nótt. - sh
Mikill erill var hjá lögreglunni í Reykjavík aðfaranótt laugardags vegna ölvunar:
Árásir, ölvun og umferðaróhöpp
Miðbær uM nótt Margt var um mann-
inn í miðbænum aðfaranótt laugardags
og mikil ölvun. Lögregla hafði í nógu að
snúast og meðal annars var tilkynnt um
átta líkamsárásir.
HAvANA, Ap Lokadagur afmælis-
hátíðar á Kúbu hófst í Havana í
gær í tilefni af því að fimmtíu ár
eru liðin síðan núverandi forseti
landsins, Fídel Kastró, og félagar
hans gerðu uppreisn á Kúbu.
Hátíðarhöldin hófust án viðveru
Kastrós en þegar var búið að
fresta hátíðarhöldunum um tvær
vikur vegna heilsufars hans.
Miklar vangaveltur hafa verið
um það hvort Kastró myndi láta
sjá sig á þessum hátíðarhöldum
en forsetinn hefur ekki sést síðan
í júlí og hafa skilaboð um bágt
heilsufar hans aðeins borist frá
ríkisstjórninni. Kastró varð
áttræður fyrr á árinu. - áp
50 ára valdaafmæli á Kúbu:
Hátíðarhöldin
án Kastrós
FÉlAGSmál Reykjavíkurborg hefur hækkað framlag
til verkefnisins Framtíð í nýju landi og Íslensku-
brautarinnar um samtals sjö hundruð þúsund
krónur. Framtíð í nýju landi er verkefni til þriggja
ára og hefur það að markmiði að aðstoða víetnömsk
ungmenni á aldrinum 15-25 ára við að afla sér
menntunar og taka virkari þátt í íslensku samfélagi.
Reykjavíkurborg hefur áður styrkt verkefnið um
eina milljón en nú hækkar styrkurinn í 1,2 milljónir.
Þá hefur nýju verkefni, Íslenskubrautinni, verið
hleypt af stokkunum en markmið þess er að aðstoða
ungmenni af erlendum uppruna við að fóta sig á
menntabrautinni og aðstoða þau við hugsanlega
tungumálaerfiðleika. Reykjavíkurborg hefur nú
úthlutað þessu verkefni hálfri milljón króna.
Styrkirnir voru afhentir við hátíðlega athöfn í
Höfða í liðinni viku og við það tækifæri sagði
Vilhjálmur Þ. Vilhjálmsson borgarstjóri verkefn-
unum ætlað að veita ungmennum af erlendum
uppruna meira brautargengi svo þau nái að standa
jafnfætis íslenskum jafnöldrum sínum.
Í dag búa tæplega hundrað víetnömsk ungmenni
á Íslandi og býr langstærstur hlutinn á höfuðborgar-
svæðinu. Við athöfnina mættu víetnömsk ungmenni
sem tekið hafa þátt í verkefninu og sýndu þau
þakklæti sitt í verki með því að færa leiðbeinendum
sínum gjöf. - hs
Reykjavíkurborg styrkir víetnömsk ungmenni á Íslandi til betra lífs:
Víetnömsk ungmenni fá styrk
fraMtíð í nýju landi anh-Dao tran verkefnisstjóri, Hildur
Sigurðardóttir stjórnarformaður og Vilhjálmur Þ. Vilhjálmsson
borgarstjóri ásamt nokkrum þátttakendum verkefnisins.
KjörKassinn
Er áfengi of dýrt á Íslandi?
Já 84%
nei 16%
spurninG daGsins í daG:
Ert þú heimsforeldri?
Segðu skoðun þína á visir.is