Fréttablaðið - 17.12.2006, Blaðsíða 82

Fréttablaðið - 17.12.2006, Blaðsíða 82
DHL-deild karla Iceland Express deild kv. Ítalska úrvalsdeildin Stjarnan vann í gær ÍR í Austurbergi en óhætt er að segja að um hreinan þjófnað hafi verið að ræða. ÍR-ingar leiddu leikinn allan tímann með 3-5 mörkum og voru með fimm marka forystu þegar fimm mínútur voru eftir. En þá hrukku Stjörnumenn í gang og sigruðu loks, 26-25. Kristján Halldórsson, þjálfari Stjörnunnar, sagði eftir leik að enginn toppbragur hefði verið á leik sinna manna. „Þessi stig verða örugglega dýrmæt þegar fram í sækir en við getum ekki leyft okkur að vera sáttir við okkar leik.“ Um síðustu helgi vann Stjarnan topplið Vals með yfirburðum. „Eftir jafngóðan leik og gegn Val getur verið erfitt að koma mönnum aftur í gírinn og reyndist það vera svo í dag. Við vorum einfaldlega ekki með lengi vel.“ Stjarnan stal sigrinum af ÍR Valur vann í gær mikil- vægan sigur á HK í toppslag DHL- deildar karla. Niðurstaðan þriggja marka sigur, 25-22, sem hefði þó getað verið mun stærri. HK-ingar börðust hins vegar eins og ljón allan tímann og hefðu þess vegna getað stolið öðru stiginu í gær. En sigur Valsmanna þýðir að þeir hirða toppsætið af HK í lokaleik umferðinnar fyrir tæplega tveggja mánaða langt jóla- og HM-frí. „Við keyrðum okkar leik áfram af fullum krafti og ætluðum okkur við vinna þennan leik,“ sagði varn- armaðurinn Sigurgeir Árni Ægis- son hjá HK. „Í fyrri hálfleik feng- um við hins vegar mikið af hröðum mörkum á okkur en á móti kom að þegar við náðum að stilla upp í vörn hélt hún ágætlega. Sóknarleikurinn var hins vegar ekki nógu góður en það verður ekki tekið af Valsmönn- um að þeir spiluðu góða vörn.“ Eins og í fyrri leik liðanna í Digranesi í október höfðu Vals- menn ávallt undirtökin í leiknum. Staðan var 14-10 í hálfleik og fengu heimamenn þó nokkur tæki- færi til að stinga HK-inga af. Í stöðunni 20-13 virtist það ætla að verða raunin en leikmenn HK börðust með kjafti og klóm og tókst að skora sex mörk gegn einu. Þeir fengu svo tækifæri til að minnka muninn í eitt mark en misstu af því tækifæri og gengu Valsmenn aftur á lagið. „Mér fannst í raun litlu muna að við næðum að brjóta þá á bak aftur og jafna leikinn í lokin en það vantaði herslumuninn hjá okkur,“ bætti Sigurgeir Árni við. Þegar aðeins rúm mínúta var til leiksloka og HK-menn enn og aftur búnir að koma sér aftur inn í leikinn fengu þeir vítakast sem Gunnar Steinn Jónsson tók. Í fyrri hálfleik hafði Pálmar Pétursson varið tvö vítaskot frá Valdimari Þórssyni en nú stóð Ólafur Gísla- son í markinu og varði hann frá Gunnari Steini. Þar með missti HK af öðru tækifæri til að minnka muninn í eitt mark og kláruðu þess í stað Valsmenn leikinn. „HK er með mjög sterkt lið sem er erfitt að hrista af sér,“ sagði Markús Máni Michaelsson, besti maður leiksins. „Við vorum komn- ir í góða stöðu og fengum ágæt færi til að halda henni en það bara datt ekki okkar megin. Við feng- um einnig marga brottrekstra á okkur sem hjálpaði ekki til. En að mínu viti var það fyrst og fremst varnarleikurinn sem vann leikinn fyrir okkur í dag. Við fórum vel yfir okkar mál eftir tapleikinn gegn Stjörnunni og þéttum vörn- ina vel. Það réði úrslitum.“ Valsmenn komu sér í toppsæti DHL-deildar karla með sigri á HK, 25-22, í upp- gjöri toppliðanna í lokaumferðinni fyrir vetrarfrí. Valsmenn hafa unnið báðar viðureignir liðanna í deildinni í vetur og virðast vera með gott tak á liðinu. Haukar unnu öruggan sigur á Fylkismönnum á heima- velli sínum í gær 33-29. Sigur þeirra var aldrei í hættu en þeir höfðu forystuna frá upphafi til enda og hleyptu gestum sínum aldrei of nálægt. Of mikið óðagot var á leik Fylkis á löngum köflum og leikmenn liðsins gerðu sig seka um slæm og dýrkeypt mistök. Haukar voru betri allt frá byrjun, voru yfir 19-13 í hálfleik, og lögðu snemma grunninn að þessum fjög- urra marka sigri. „Við vorum með þetta í okkar hendi nánast allan tímann. Fylkis- menn náðu einhverjum rispum en við vorum mjög beittir. Mér fannst þeir greinilega sakna Bubba í markinu og við náðum yfirleitt að skora, þrátt fyrir að vera komnir í vandræði. Við vorum í fínum gír, boltinn gekk vel í sókninni og við náðum að stærstum hluta að leysa þær varnir sem þeir stilltu upp á móti okkur. Maður fann það fyrir leikinn að andinn var góður og ég hafði aldrei áhyggjur í dag með fullri virðingu fyrir Fylki. Það voru náttúrulega þjálfaraskipti hjá þeim og stundum virkar það þannig að leikmenn koma yfir- spenntir til leiks. Óli þarf tíma til að vinna með þetta lið, þeir eru að fá Heimi aftur og verða klárlega sterkari eftir áramót,“ sagði hornamaðurinn geðþekki Samúel Ívar Árnason. Haukamenn léku vel saman í gær en Arnar Pétursson var markahæstur í þeirra liði með sex mörk, hann átti góðan leik og þá sérstaklega í fyrri hálfleik. Eins og Samúel minntist á var mark- vörðurinn Hlynur Morthens ekki með Fylki í þessum leik og hafði það sitt að segja. Það virtist skorta á einbeitingu hjá Fylkismönnum í leiknum en Eymar Krüger og Vladimir Duric voru markahæstir í þeirra liði með sex mörk. Lið Fylkis er komið í erfiða stöðu í næstneðsta sæti með sjö stig en Haukar fara inn í jólafríið með ellefu stig í fimmta sætinu. Fyrirhafnarlítill sigur Hauka á Fylki Það var ekki mikill Íslandsmeistabragur á Frömurum sem sóttu Akureyri heim í KA- heimilinu í gær. Norðanmenn skelltu meisturunum, unnu 33-28 eftir að staðan hafði verið jöfn í hálfleik, 16-16. Framarar höfðu undirtökin fram af fyrri hálfleik og komust mest fjórum mörkum yfir en með góðum kafla undir lokin, þegar markvarsla Framara datt niður og náðu Akureyringar að jafna og þeir komust svo yfir í fyrsta skipti í leiknum með því að skora fyrstu mörk síðari hálfleiks. Litlu mátti muna að upp úr syði á köflum en leikmönnum, og þjálf- urum, var orðið ansi heitt í hamsi. Þjálfararnir voru að kýta sín í milli og leikmenn voru æfir út í dómara leiksins sem missti tök á honum á löngum köflum. Jafnfræði var með liðunum í síðari hálfleik en í stöðunni 25-25 skildu leiðir þegar Hreiðar Levý Guðmundsson kom aftur í mark Akureyringa og varði hvað eftir annað á meistaralegan hátt. Hreið- ar lagði grunninn að baráttusigri Akureyringa sem skutust þar með upp fyrir Framara í töflunni. „Við vorum búnir að tapa tveim- ur leikjum gegn þeim á skömmum tíma, einum í deildinni og hinum í bikarnum og það kom ekki til greina að tapa fyrir þeim aftur. Þetta var mjög mikilvægur leikur fyrir okkur. Það lá ljóst fyrir að við myndum tryggja okkur þriðja sætið með sigri og það skipti miklu máli að ná því fyrir hlé,“ sagði Sævar Árnason, annar þjálfara Akureyris eftir leikinn. Hann hrósaði Hreiðari einnig fyrir sitt framlag. „Það munaði gríðarlega um að fá markvörsluna í lokin. Þetta hefur verið styrkur okkar að markmennirnir okkar hafa komið sterkir inn, báðir tveir. Hreiðar er markmaður í landsliðs- klassa og við ætlumst til mikils af honum, hann stóð svo sannarlega undir þeim væntingum núna,“ sagði Sævar. Kom ekki til greina að tapa fyrir þeim aftur
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.