Fréttablaðið - 02.01.2007, Page 27

Mikilvægt er að gefa sér tíma
til að ganga frá jólaskrautinu
á þann hátt að það skemmist
ekki og auðvelt sé að nálgast
það næstu jól.
Guðrún Brynjólfsdóttir er skipu-
leggjari og rekur hún fyrirtækið
Röð og regla. Hún aðstoðar fólki
við að koma skipulagi á heimilið og
ráðleggur því hvernig er best að
ganga um svo að hlutirnir haldist
þar sem þeir eiga að vera. Hún
hefur aðstoðað einstaklinga og
fjölskyldur, sem og fyrirtæki.
Nú þegar jólin eru senn á enda
er mikil vinna fram undan við að
koma jólaskrautinu aftur í
geymslu. Guðrún kann nokkur ráð
sem gera það að verkum að aðkom-
an næsta ár verður eins góð og
mögulegt er.
„Ef við byrjum á jólatrénu er
gott að geyma allt skrautið á því í
sama kassa og sniðugt er að setja
jólakúlurnar aftur í kassann sem
þær komu í,“ segir Guðrún.
„Svo má vefja jólaseríuna upp á
til dæmis hólk af eldhúsrúllu. Það
má líka vefja hana upp í höndun-
um og binda hana svo þannig að
hún fari ekki út um allt.“
Annað jólaskraut má flokka
eftir stærð eða gerð hluta.
„Gott er að vefja brothættum
hlutum inn áður en þeim er komið
fyrir í kassa,“ segir Guðrún.
„Kössunum er svo komið fyrir
á vísum stað í geymslu, kannski
framarlega þar sem gott er að ná í
þá fyrir næstu jól.“
Guðrún mælir með glærum
kössum og segir að ekki skemmi
séu þeir á hjólum.
Slíka kassa má fá í Rúmfata-
lagernum fyrir sanngjarnt verð.
Jólaskrautinu pakkað
niður í röð og reglu
Verslunin Rúmgott · Smiðjuvegi 2 · Kópavogi · Sími 544 2121
Opið virka daga frá kl. 10-18 - laugardaga kl. 11-16
Á HÆGINDASTÓLUM MEÐ NUDDI
20-65%
AFSLÁTTUR