Fréttablaðið - 25.01.2007, Síða 8

Hvaða hópar hafa stofnað
nýtt framboð til Alþingis?
Hvað tók langan tíma fyrir
Jóhannes Karl Guðjónsson að
ná sér í gult spjald í fyrsta leik
sínum með Burnley?
Hvaða leikfélag hefur
ákveðið að setja upp leikgerð á
Draumalandi Andra Snæs?
„Ef við viljum koma í
veg fyrir að fólk búi í húsnæði
sem uppfyllir ekki grunnskilyrði
um eldvarnir höfum við bara eitt
úrræði: Að henda fólkinu á göt-
una,“ segir Jón Viðar Matthíasson,
slökkviliðsstjóri höfuðborgar-
svæðisins.
Eins og lögin eru í dag geta
slökkviliðsstjórar ekki krafist
úrbóta á óleyfilegu íbúðarhúsnæði
í atvinnuhverfum nema skipulag
heimili þar búsetu. Krefjist
slökkviliðsstjóri úrbóta er hann í
raun fyrir hönd sveitarfélagsins
að fallast á tilvist slíks íbúðarhús-
næðis. Þá leið telur Jón Viðar
ófæra til að knýja fram úrbætur á
óviðunandi brunavörnum því þá
sé kominn upp árekstur við skipu-
lagsyfirvöld.
Í minnisblaði sem Jón Viðar
vann fyrir stjórn Slökkviliðs
höfuðborgarsvæðisins segir hann
einnig að sá kostur sé varla not-
hæfur, sem heimild sé fyrir, að loka
húsnæði þar sem ágallar séu miklir
og brot ítrekuð. Óháð því hvar fólk
sé skráð með lögheimili eigi það
mjög sterkan siðferðilegan rétt til
verndar á þeim stað sem það hafi
aðsetur. Þetta útskýrir slökkviliðs-
stjórinn nánar fyrir Fréttablaðinu:
„Andstætt meðalhófsreglu laga
er verið að neyða okkur til að beita
harðasta úrræðinu og henda fólki
út. Viðkomandi fer þá sennilega í
svipað húsnæði eða verra og getur
jafnvel endað á götunni.“
Jón Viðar tekur fram að í lögum
um brunavarnir sé mjög skýr for-
gangsröðun hvað varðar öryggi
fólks. „Þar sem slökkviliðsstjóri
hefur skýrar skyldur til þess að
gæta almannaheilla er það óþol-
andi staða að geta ekki tryggt
öryggi íbúa gagnvart slökum og
oft óviðunandi eldvörnum nema
þá með því að brjóta jafnræðis- og
meðalhófsreglu og fara fram með
offorsi,“ segir í minnisblaði
slökkviliðsstjórans, sem fékk
heimild stjórnar Slökkviliðs höfuð-
borgarsvæðisins til að leggja til-
lögur sínar til úrbóta fyrir starfs-
hóp félagsmálaráðherra.
Tillögur Jóns Viðars gera ráð
fyrir því að slökkviliðsstjóri geti
krafist úrbóta á eldvörnum þrátt
fyrir að starfsemin í húsinu sé
ekki í samræmi við skipulag.
Einnig verði skýrt í lögum að slík-
ar kröfur skapi húseigandanum
engan rétt til óleyfilegrar starf-
semi í húsinu.
„Við leggjum til að slökkviliðs-
stjóri fái úrræði sem hefur það
eitt takmark að koma öryggi
þeirra sem vistast í slíku húsnæði
í lag án þess að vera að samþykkja
neitt varðandi skipulagsskilmála,“
segir Jón Viðar.
Vill bættar eldvarnir
í óleyfilegum íbúðum
Jón Viðar Matthíasson slökkviliðsstjóri vill lagaheimildir til að geta tryggt
brunavarnir í óleyfilegu íbúðarhúsnæði. Nú sé það ekki hægt nema með offorsi
og brotum á jafnræðis- og meðalhófsreglum gagnvart íbúunum.
Stjórn útgáfufélagsins
Árs og dags ehf. hefur falið Kristni
Bjarnasyni hæstaréttarlögmanni
að undirbúa höfðun skaðabóta-
máls á hendur Sigurjóni M. Egils-
syni, fyrrverandi ritstjóra Blaðs-
ins. Einnig verður höfðað mál
gegn Janusi Sigurjónssyni, fyrr-
um ritstjórnarfulltrúa þess.
Ár og dagur gefur út Blaðið,
sem Sigurjón ritstýrði til 15.
desember. Að morgni þess dags
afhentu forráðamenn Blaðsins
honum bréf þar sem hann var sak-
aður um að fara á svig við upp-
sagnarákvæði gildandi ráðningar-
samnings síns ásamt því að vera
farinn að starfa hjá öðrum miðli.
Sigurjón hafði þá sagt upp starfi
ritstjóra og óskað eftir því að fá að
hætta áður en uppsagnarfrestur
rynni út. Í bréfinu segir enn frem-
ur að Sigurjón hafi logið að for-
ráðamönnum Árs og dags þegar
hann hafi þvertekið fyrir að hann
væri búinn að ráða sig sem rit-
stjóra DV, þar sem hann starfar
nú.
Kristinn Bjarnason hæsta-
réttarlögmaður sagði við Frétta-
blaðið að bótakrafa á hendur Jan-
usi grundvallaðist á ólögmætum
starfslokum hjá Blaðinu. Bóta-
krafa á hendur Sigurjóni væri
grundvölluð á brotum í starfi.
„Upphæð bótakröfu liggur ekki
fyrir en segja má að dómvenja sé
hér fyrir því að fari menn með
ólögmætum hætti úr starfi séu
lágmarksbætur hálf laun sem
menn hefðu átt að hafa á upp-
sagnarfresti.“
Einn þeirra sem grun-
aðir eru um að hafa hvatt til
morðsins á tyrknesk-armenska
blaðamanninum Hrant Dink hefur
nú hótað Nóbelsverðlaunahafan-
um Orhan Pamuk.
„Orhan Pamuk, vertu klár,
vertu klár!“ hrópaði Yasin Hayal
þegar hann var færður til dóms-
húss í Istanbúl í gær. Hayal hefur
viðurkennt að hafa hvatt til morðs-
ins á Hrant Dink í síðustu viku.
Einnig hefur hann viðurkennt að
hafa útvegað meintum morðingja
bæði byssu og peninga.
Sá sem grunaður er um morðið
er atvinnulaus unglingur, Ogun
Samast að nafni, sem hefur þegar
játað á sig morðið. Samast sagði
að Hayal hefði sagt sér að Dink
væri föðurlandssvikari og þjóð-
níðingur. Hayal hafi fengið sér
bæði peninga og mynd af Dink,
sem hann hafi borið á sér mánuð-
um saman.
Hrant Dink var tyrkneskur
ríkisborgari af armenskum upp-
runa og hafði nokkrum sinnum
verið ákærður fyrir „þjóðníð“ í
Tyrklandi vegna þess að hann
hafði opinskátt kallað fjöldamorð
á Armenum snemma á 20. öldinni
þjóðarmorð.
Orhan Pamuk, sem hlaut
Nóbelsverðlaunin í bókmenntum á
síðasta ári, hefur einnig rætt opin-
skátt um þjóðarmorðið á Armen-
um. Hann hefur eins og Dink bæði
verið ákærður fyrir „þjóðníð“ og
fengið morðhótanir.
Saksóknari í Tyrklandi tilkynnti
í gær að fimm manns, þar á meðal
Samast og Hayal, hefðu verið
ákærðir fyrir morðið á Dink.
Nóbelsverðlaunahafa hótað
Áströlskum kafara tókst
með snarræði að bjarga sér eftir
að vera kominn hálfur ofan í
hákarlskjaft með því að pota í
augað á hákarlinum, sem við það
spýtti honum út úr sér, að því er
kemur fram á vef BBC.
Kafarinn var að safna sæsnigl-
um þegar hákarlinn réðst á hann
og gleypti hann til hálfs. Sérfræð-
ingar telja líkur á að hákarlinn
hafi haldið að kafarinn væri selur.
Hákarlaárásir á menn eru ekki
óalgengar við strendur Ástralíu, í
kringum fimmtán á ári, sem er
með því mesta í heiminum.
Var gleyptur til
hálfs af hákarli
Verið er að kanna hvort
heppilegt geti
verið að reisa
eitt hús fyrir
bæði höfuð-
stöðvar
lögreglu
höfuðborgar-
svæðisins og
nýtt gæsluvarð-
haldsfangelsi.
Þetta kom fram
í svari Björns Bjarnasonar
dómsmálaráðherra við fyrirspurn
á Alþingi í gær. Tilefni fyrir-
spurnarinnar, sem kom frá
Guðjóni Ólafi Jónssyni, þing-
manni Framsóknarflokksins, var
staða mála vegna fangelsis á
Hólmsheiði. Björn sagði vinnu við
undirbúning vegna fangelsis á
Hólmsheiði í gangi, en reiknað
væri með því að úrbætur á Litla-
Hrauni gengu fyrir.
Eitt húsnæði
þjóni báðum
Guðrún Ásmunds-
dóttir, leikkona og áheyrnarfull-
trúi Frjálslyndra og óháðra í
menningar- og ferðamálaráði
Reykjavíkur, vill að borgin gefi
erfingjum Jóhannesar Kjarval
þau verk og hluti listamannsins
sem eru í vörslu borgarinnar.
Héraðsdómur Reykjavíkur hefur
nýlega dæmt að verkin séu eign
borgarinnar. „Beri gjöfin vott um
höfðingsskap þeirra borgarfull-
trúa sem nú fari með ráð og
viðurkenningu veitta í minningu
mikils listamanns,“ segir í tillögu
Guðrúnar, sem menningarráðið
felldi með öllum atkvæðum.
Erfingjar fái
Kjarval gefinn
Karlmaður á
þrítugsaldri var handtekinn í
fyrradag, en hann er grunaður
um þjófnað á tækjabúnaði úr
vöruhúsi á höfuðborgarsvæðinu.
Hann er jafnframt grunaður um
að hafa stolið bíl aðfaranótt
þriðjudags. Sami maður er einnig
talinn tengjast þjófnaði sem var
tilkynntur í síðustu viku.
Í nótt var karlmaður á miðjum
aldri handtekinn í miðborginni en
í fórum hans fannst varningur
sem hann gat ekki gert grein
fyrir. Unglingsstúlka var staðin
að hnupli í Smáralind í gær og
karlmaður á miðjum aldri var
gripinn við sömu iðju í matvöru-
verslun annars staðar á höfuð-
borgarsvæðinu.
Þjófar gómaðir