Fréttablaðið - 25.01.2007, Síða 16
Katrín Edda Svansdóttir
- sölumaður í þjónustuveri RVR
V
62
22
B
Skrifstofuvörur
á janúartilboði
Bréfabindi A4,
5cm og 8cm kjölur.
148kr.
Mopak ljósritunarpappír,
5x500 blöð í ks.
1.240kr. ks.
Á tilboði
í janúar 2007
Bréfabindi, ljósritunar-pappír, merkipennar,
töflutússar og
veggklukka
Merkipennar,
898kr. pk.
bláir, svartir, rauðir
og grænir, 12 stk í pk.
Við minnum ríkisstofnanir og sveitarfélög á eftirtalda rammasamninga:
RK 02.15: Ritföng og skrifstofuvörur. RK 02.01: Ljósritunarpappír.
ÚTSALA70
Allt að
afsláttur
%
Opið virka daga frá kl. 9-18 og laugardaga frá kl.11-16
Úrval ljósa á frábæru verði!
„Til þess að þetta
gangi þyrfti upphæðin að vera
tífalt hærri, en við erum ekki til-
búnir að gefast upp fyrr en í fulla
hnefana,“ segir Guðmundur Hall-
dórsson, formaður Hekluskóga,
sem stofnaðir voru með því mark-
miði að draga úr gríðarlegri jarð-
vegseyðingu sem orðið hefur í
nágrenni Heklu. Verkefnið hefur
staðið yfir í tvö ár og segir Guð-
mundur að ríkið hafi styrkt það
um fjórtán milljónir á ári. Það sé
þó engan veginn næg upphæð.
Hann segir svæðið við Heklu sér-
lega viðkvæmt, uppblástur sé
mikill og vikurstrókar sem þar
myndist í hvassviðri geti valdið
miklum skaða. Eftir að skógur
hvarf af svæðinu fyrir tæpum
tveimur öldum hefur uppblástur
verið mikill og er nú eyðimörk að
myndast á svæðinu og segir Guð-
mundur þetta ógna öllu vistkerfi
svæðisins. Ef gjóskufall verði úr
Heklu séu birki- og víðiskógar það
sem helst verndi landið fyrir frek-
ari skaða en hann segir þegar orð-
inn. Því telur hann afar brýnt að
landgræðslunni við Heklu verði
haldið áfram.
Til þess að svo megi verða hefur
Guðmundur farið af stað með
nýstárlega hugmynd. Hann segir
að vonir standi til að fyrirtæki geti
komið að landgræðslunni með
styrkjum. Útbúnir yrðu trjálundir,
merktir fyrirtækinu, sem þau
gætu svo nýtt sér og hlúð að. Trjá-
lundirnir gætu svo sáð sér og
grætt sár landsins með tímanum.
„Við viljum endurheimta gamla
birkiskóginn sem þarna var, farið
hefur verið í svipuð verkefni ann-
ars staðar í heiminum en Heklu-
skógar eru langstærsta verkefni
sinnar tegundar í Evrópu. Upp-
hæðin frá ríkinu dugir því fyrir
fáu öðru en stofnkostnaði,“ segir
Guðmundur.
Eysteinn Jónsson, aðstoðar-
maður Guðna Ágústssonar land-
búnaðarráðherra, segir að vilji sé
fyrir því að styrkja verkefnið enn
frekar hjá ráðuneytinu og unnið
sé að því.
Sveinn Runólfsson, land-
græðslustjóri ríkisins, segir mjög
brýnt að hefta gróðureyðinguna.
„Ég held að allir séu sammála sem
þekkja til hve brýnt það er að
halda þessu starfi áfram en til
þess að svo megi verða er ljóst að
mun hærri upphæð þarf að veita í
verkefnið,“ segir Sveinn.
Eyðimörk um-
hverfis Heklu
Tífalda þarf það fjármagn sem nú er veitt í Heklu-
skóga. Verkefnið er sagt afar brýnt til að binda jarð-
vegsfok við Heklu, sem ógnar lífríkinu á svæðinu.
Hekluskógar eru lang-
stærsta verkefni sinnar
tegundar í Evrópu. Upphæðin frá
ríkinu dugir því fyrir fáu öðru en
stofnkostnaði.
Gunnar I. Birgisson,
bæjarstjóri í Kópavogi, hyggst
fara ítarlega yfir Glaðheimamálið
svokallaða á næsta bæjarstjórn-
arfundi. Guðríður Arnardóttir,
oddviti Samfylkingarinnar í
bæjarstjórninni, hefur sakað
fulltrúa meirihlutans um að hafa
brotið stjórnsýslulög með því að
hafa leynt gögnum sem bárust til
bæjarins frá bæjaryfirvöldum í
Garðabæ og vörðuðu meintar
alvarlegar afleiðingar áætlaðrar
uppbyggingar í Glaðheimum á
umferðarmál.
Á bæjarstjórnarfundi í
fyrrakvöld sagði Gunnar bæjar-
stjóri Guðríði „forherta“ í að
„halla réttu máli“ um Glaðheima
og boðaði langa ræðu um efnið á
næsta bæjarstjórnarfundi, sem
halda á 6. febrúar.
Löng ræða um
Glaðheimamál
Kínversk stjórnvöld
segjast ekki munu hvika frá hinni
svonefndu einbirnisstefnu, þrátt
fyrir að ráðherra fjölskyldumála
viðurkenndi að stefnan ætti að
hluta sök á þeirri óheillaþróun að
mun fleiri sveinbörn fæðast í
landinu en stúlkur.
Ráðherrann, Zhang Weiqing,
sagði að fjölmennir árgangar
væru nú komnir á barneignaraldur
og því gæti stefnt í mannfjölgun-
arsprengingu ef slakað yrði á
barneignatakmörkunum. Í
aldarfjórðung hafa borgarbúar í
Kína ekki mátt eignast fleiri en
eitt barn og sveitafólk ekki fleiri
en tvö.
Ekki hvikað frá
einbirnisstefnu
Ingibjörg Sólrún
Gísladóttir, formaður Samfylking-
arinnar, segir að Samfylkingin
hafi tekið þá skýru afstöðu að
virkja ekki jökulárnar í Skaga-
firði. Þetta kom fram á opnum
stjórnmálafundi á Kaffi Króki á
Sauðárkróki á þriðjudagskvöld
sem fréttavefurinn Skagafjordur.
com greinir frá.
Ingibjörg lét í ljós þá skoðun
sína á fundinum að ekki væri ráð-
legt að fara í meiri stóriðjufram-
kvæmdir á næstu árum og að hag-
kerfið þyrfti tækifæri til þess að
kæla sig niður eftir þenslu síðustu
ára. Ingibjörg varaði Skagfirðinga
við því að setja virkjun inn á aðal-
skipulag. „Samfylkingin hefur
tekið afstöðu til þess að ekki verði
ráðist í það að virkja jökulárnar í
Skagafirði. Það á ekki að virkja
hér til þess eins að selja orkuna
áfram yfir á stóriðjusvæði. Komi
til sértækra úrræða sem kalli á
aukna raforku heima í héraði má
alltaf taka málið upp að nýju. Sé
hins vegar virkjun sett inn á skipu-
lag er erfitt ef ekki ómögulegt að
snúa til baka“, sagði Ingibjörg Sól-
rún.
Tillaga skipulags- og byggingar-
nefndar Skagafjarðar, um að virkj-
unarsvæði í jökulám Skagafjarðar
væri tilgreint í aðalskipulagi, var
samþykkt af fulltrúum Samfylk-
ingar í sveitarstjórn haustið 2006.
Þeir segja afstöðu Ingibjargar Sól-
rúnar ekki koma á óvart, enda sé
hún í samræmi við stefnu flokks-
ins. Samfylkingarfólk hafi ekki
viljað útiloka virkjun ánna en ekki
sé sértaklega sóst eftir því.
Vill ekki virkja
Náttúruverndarsam-
tökin Greenpeace fullyrða að hval-
kjöt seljist ekki í Japan og dæmi
séu um að það sé selt sem hunda-
matur. Birgðir af hvalkjöti hafa
aukist um tvö þúsund tonn frá
árinu 2004, samkvæmt tölum sem
Greenpeace hefur aflað sér frá
japönskum stjórnvöldum.
Frode Pleym, talsmaður
Greenpeace, segir að birgðasöfn-
unin sanni að öll rök fyrir hval-
veiðum Íslendinga séu brostin.
Markaðurinn sé mjög takmarkað-
ur og kjötið sé selt í skólamötu-
neyti og einnig í hundamat. Hann
telur engin rök fyrir því að halda
hvalveiðum áfram og sala hvala-
afurða skili því einungis smá-
aurum miðað við tapið af því að
hefja hvalveiðar. Samtökin benda
á mótmæli hvalaskoðunarfyrir-
tækja og mögulegan skaða sem
hvalveiðar geta valdið slíkri
ferðaþjónustu.
Jón Gunnarsson, formaður
Sjávarnytja, segir það þvætting
að hvalkjöt sé óseljanlegt og fari í
hundakjöt. „Við höfum skoðað
markað fyrir hvalkjöt í Japan
mjög vel og þessi vara selst þar á
háu verði.“ Jón bendir á að tvær
vertíðir séu í hvalveiðum í Japan
og þá séu veiðar stundaðar af stór-
um verksmiðjuskipum sem séu
lengi á sjó. „Þá er mikið til af kjöti
og á þeim stutta tíma er kílóverð
afar hátt, svipað og á túnfiski.
Ekkert bendir til annars en að auð-
velt verði að selja hvalkjöt héðan.“