Fréttablaðið - 28.01.2007, Blaðsíða 14

B
jarni segist hafa
alist upp í kringum
tölvur frá því hann
man eftir sér en
faðir hans, Áki Jóns-
son, var fyrsti tölvu-
maðurinn á Íslandi. „Pabbi var
loftskeytamaður og í framhaldi af
því var hann fenginn í að þjónusta
tölvurnar fyrir herinn,“ segir
Bjarni og bætir við: „Ég hef stund-
um sagst vera annar tölvumaður-
inn því ég var svo mikið í kringum
pabba þegar hann var að vinna við
tölvurnar.“
Áki, faðir Bjarna, átti verslun-
ina Aco og Bjarni starfaði hjá
honum í versluninni í mörg ár. „Ég
ætlaði nú reyndar aldrei að fara út
í þennan bransa. Ég byrjaði í við-
skiptafræði í Háskólanum eftir
framhaldsskólann en fékk vírus í
augun og missti sjónina í sex vikur
í kjölfarið. Úr því fór ég að vinna
hjá pabba í Aco og festist þar,“
segir Bjarni sem stefndi alltaf að
því að fara erlendis í nám eins og
svo margir gerðu á þessum tíma.
„Ég byrjaði eiginlega bara á
kústinum í Aco því ég var að þrífa
verslunina sem unglingur. Síðan
varð ég sölumaður og loks sölu-
stjóri í fyrirtækinu enda var ég
alltaf innvinklaður í reksturinn.“
Bjarni segir þá feðga oft hafa
rifist um viðskiptahættina enda
ekki alltaf á sömu skoðun varð-
andi reksturinn. „Þegar við vorum
farnir að þrasa um rekstur á jól-
unum og í fjölskylduboðum þá
sáum við að þetta væri orðið gott
og að leiðir yrðu að skilja vinnu-
lega séð til að halda fjölskyldu-
friðinn. Ég keypti hann því út úr
fyrirtækinu árið 1997 en hann
vann hjá mér í þrjú ár eftir það og
var mjög erfiður starfsmaður,“
segir Bjarni og hlær.
Bjarni seldi Opnum kerfum og
Fjárfestingarbanka atvinnulífsins
hluti í félaginu eftir að hann keypti
það af föður sínum enda var róður-
inn erfiður fyrir hann einan.
„Síðan keyptum við Japis af Hag-
kaupsbræðrum um aldamótin en
það endaði allt í tómri vitleysu. Þá
sameinuðumst við Tæknivali þar
sem ég átti þá einhver 7-8 prósent
í fyrirtækinu og var framkvæmda-
stjóri verslunarsviðs. Sú samein-
ing var afdrifarík og mjög slæm
fyrir alla.“
Bjarni seldi hlut sinn í Tækni-
vali eftir eitt og hálft ár og stefndi
að því að hætta í tölvubransanum.
„Um það leyti sem ég kúplaði mig
út úr Tæknivali ákváðu þáverandi
stjórnendur að lækka laun starfs-
mannanna um tíu prósent. Ein-
hver hluti starfsmanna sætti sig
ekki við lækkunina og ákvað að
hætta en þar á meðal voru allir
Apple starfsmennirnir, sem stofn-
uðu félagið Öflun í kjölfarið,“
segir Bjarni en Apple hafði sam-
band við hann um að taka að sér
verkefni fyrir Apple á Íslandi.
„Þekkingin á Apple var öll farin út
úr Tæknivali og því rifti Apple
samningunum við fyrirtækið.
Upphaflega var Öflun samsett af
Ólafi Hand, Sigurði Þorsteinssyni
og Steingrími Árnasyni en þeir
höfðu allir starfað fyrir Apple hjá
Tæknivali.“
Bjarni kom inn í Öflun og félag-
ið gekk þá í að opna verslun fyrir
Apple á Íslandi.
„Fyrsta árið sem við vorum
með Apple gekk alveg þokkalega
en annað árið mjög vel. Þá hafði
Apple samband við mig aftur því
danski markaðurinn var mjög
lélegur. Þeir báðu mig að reyna að
gera eitthvað af viti í Danmörku
með stuðningi frá þeim, þannig að
við helltum okkur í það verkefni.“
Bjarni var lengi að skoða stað-
setningar í Kaupmannahöfn en
síðan lagði Öflun allt undir og opn-
aði Apple verslun í miðborg Kaup-
mannahafnar. „Við renndum alveg
blint í sjóinn með þetta án þess að
vita nokkuð um hvernig myndi
ganga enda þekktum við ekkert
markaðinn þarna. Síðan hefur
búðin gengið alveg rosalega vel og
greinilegt að það var mikil þörf á
þessari verslun. Viðskiptavinirnir
streymdu inn og við vorum bara á
bleiku skýi,“ segir Bjarni en Öflun
opnaði fljótlega aðra verslun rétt
fyrir utan Kaupmannahöfn.
Bjarni segir að þar sem allt hafði
gengið svo vel hjá Öflun hafi þeir
ákveðið að gera eitthvað meira og
halda áfram að stækka félagið.
„Við fengum hluthafa að félaginu
og opnuðum í Svíþjóð. Á síðasta
ári keyptum við síðan norska
fyrirtækið Office Line sem var að
selja Apple auk þess að vera með
fyrirtækjalausnir og fleira. Þetta
fyrirtæki er með fullt af stórum
viðskiptavinum á borð við Lego og
norska ríkissjónvarpið,“ segir
Bjarni og heldur áfram: „Með
þessu hefur félagið undið svolítið
upp á sig og er ekki lengur bara
lítið fyrirtæki í Brautarholtinu. Í
dag vinna 200 manns fyrir félagið
í fimm löndum; Finnlandi, Svíþjóð,
Noregi, Danmörku og á Íslandi en
við erum með átján verslanir.“
Nýlega var nafni félagsins Öflun
breytt í Humac sem nær yfir alla
starfsemina í löndunum fimm en
fyrirtækið hefur vaxið á ógnar-
hraða meðan hinn almenni mark-
aður hefur haldist nokkuð flatur.
Bjarni segir að þrátt fyrir svo gott
gengi félagsins þá geti hann ekki
orða bundist yfir tollunum sem sett-
ir voru á iPod. „Það sitja menn í fjár-
málaráðuneytinu sem setja toll á
iPod-inn en fólk á Íslandi þarf að
borga 40 prósentum meira fyrir iPod
heldur en nokkurs staðar annars
staðar. Það veit enginn á hvaða for-
sendum. Það eru bara einhver aftur-
haldströll þarna í ráðuneytinu og
stjórnmálamenn sem vilja ekki taka
á þessu máli,“ segir Bjarni og bætir
því við að hann viti aðeins um einn
alþingismann sem hafi tekið þetta
upp í umræðunni. „Ég skil ekki hvað
allt þetta unga fólk er að gera þarna
í þinginu. Af hverju þurfa Íslending-
ar að fara til útlanda til að kaupa
iPod. Það er meira að segja ódýrara
fyrir mig að kaupa hann erlendis
þrátt fyrir að ég myndi eflaust fá
góðan díl á það hjá mínu fyrirtæki.“
Bjarni segir ríkið bara tapa á þess-
um tollum enda kaupi flestir iPod
erlendis. „Þegar tölvubyltingin
var að byrja þá var söluskatturinn
meira að segja felldur af tölvum
til að flýta fyrir framþróun. Í dag
virðast menn vilja hindra þessa
þróun eins og þeir mögulega geta,“
segir Bjarni ákveðinn.
„Ég hef verið spurður að því af
hverju við erum ekki bara góðir
við þessa menn og veitum þeim
einhverja sérþjónustu. Mér finnst
bara að hlutirnir eigi ekki að vera
þannig. Þetta er greinilega ein-
hver þrjóska í mönnum sem hafa
ekki kjark til að taka þetta fyrir.“
Bjarni er búsettur í Kaupmanna-
höfn um þessar mundir en hann
tók við framkvæmdastjórastöð-
unni þar í nóvember þegar fram-
kvæmdastjóranum þar var sagt
upp. „Ég hef verið með annan fót-
inn í Danmörku allt frá því við
opnuðum þar fyrir þremur árum.
Þaðan er líka stutt til hinna Norð-
urlandanna þar sem við erum líka
með verslanir. Ísland er ekki hent-
ugasta staðsetningin fyrir höfuð-
stöðvar.“
Framtíðarplön Humac í dag
eru að samhæfa Office Line við
aðra starfsemi Humac auk þess að
hreinsa til í stjórnuninni í Noregi
og Danmörku. Bjarni segir þau
verkefni hafa kostað ýmsar fórnir
en séu nú að klárast.
„Svo ætlum við bara að sækja
fram. Til dæmis sjáum við fram á
að geta tvöfaldað söluna hér á
Íslandi og horfum þar á innri vöxt.
Síðan höfum við verið að skoða
tækifæri í Austur-Evrópu en þar
eru minni og vanþróaðri markaðir.
Það er talað um að ef Evrópa vex
eins mikið og Ameríka þá sé eftir
miklu að slægjast enda hefur salan
í Ameríku tvöfaldast á skömmum
tíma.“
Bjarni segir Humac reikna með
að velta níu milljörðum á þessu ári
en á því síðasta velti félagið 6,5
milljörðum. „Þetta er örugglega
Íslandsmet í uppbyggingu því við
fórum úr engu og lögðum allt
okkar undir. Síðan fórum við bara
að græða á fyrsta degi, áttum allt-
af pening og vorum ekki að bruðla
neitt. Þess vegna gátum við stækk-
að svona hratt,“ segir Bjarni Áka-
son, forstjóri Humac.
Þetta er örugglega Íslandsmet í uppbyggingu því við
fórum úr engu og lögðum allt okkar undir. Síðan fórum
við bara að græða á fyrsta degi.
Íslandsmet í uppbyggingu
Bjarni Ákason, forstjóri Apple-fyrirtækisins Humac, hefur leitt fyrirtækið í gegnum gríðarlegan vöxt
á frá því að Öflun, sem nú heitir Humac, tók við Apple-umboðinu á Íslandi af Tæknivali fyrir fjórum
árum. Sigríður Hjálmarsdóttir heimsótti Bjarna og fékk að vita hvernig þessi hraða uppbygging hefði
gengið fyrir sig en Humac reiknar með að velta níu milljörðum á þessu ári.